ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ՄԻՋԱԶԳԱՅԻՆ ՊԱՐՏԱՎՈՐՈՒԹՅՈՒՆՆԵՐԻՆ ՀԱՄԱՊԱՏԱՍԽԱՆ ՀՀ ԱԶԳԱՅԻՆ ԶԵԿՈՒՅՑՆԵՐԻ ՊԱՏՐԱՍՏՄԱՆ ՀԱՄԱՐ ՊԱՏԱՍԽԱՆԱՏՈՒ ՊԵՏԱԿԱՆ ՄԱՐՄԻՆՆԵՐԻ ԵՎ ՆԵՐԿԱՅԱՑՆԵԼՈՒ ԺԱՄԿԵՏՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 դեկտեմբերի 2011 թվականի N 1793-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԻՋԱԶԳԱՅԻՆ ՊԱՐՏԱՎՈՐՈՒԹՅՈՒՆՆԵՐԻՆ ՀԱՄԱՊԱՏԱՍԽԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԶԵԿՈՒՅՑՆԵՐԻ ՊԱՏՐԱՍՏՄԱՆ ՀԱՄԱՐ ՊԱՏԱՍԽԱՆԱՏՈՒ ՊԵՏԱԿԱՆ ՄԱՐՄԻՆՆԵՐԻ ԵՎ ՆԵՐԿԱՅԱՑՆԵԼՈՒ ԺԱՄԿԵՏՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության կառավարության 2007 թվականի նոյեմբերի 23-ի N 1483-Ն որոշմամբ հաստատված կարգի 4-րդ և 5-րդ կետերի` Հայաստանի Հանրապետության կառավարությունը որոշում է.

Հաստատել միջազգային պարտավորություններին համապատասխան Հայաստանի Հանրապետության ազգային զեկույցների պատրաստման համար պատասխանատու պետական մարմինների և ներկայացնելու ժամկետների ցանկը` համաձայն հավելվածի:

Հայաստանի Հանրապետության վարչապետ	Տ. Սարգսյան
2011 թ. դեկտեմբերի 21 Երևան

Հավելված

ՀՀ կառավարության 2011 թվականի

դեկտեմբերի 15-ի N 1793-Ա որոշման

Ց Ա Ն Կ

Միավորված ազգերի կազմակերպության շրջանակներում

NN ը/կ	Միջազգային փաստաթուղթը	Միջազգային պայմանագրի հոդվածը, որի համաձայն պետք է ներկայացվի ազգային զեկույցը	Ազգային զեկույցը ներկայացնելու ժամկետները	Ազգային զեկույցի համար պատասխանատու մարմինը
1	2	3	4	5
1.	Միջազգային կոնվենցիա ռասայական խտրականության բոլոր ձևերի վերացման մասին	կոնվենցիայի 9-րդ հոդված	յուրաքանչյուր երկու տարին մեկ կամ ըստ կոմիտեի կողմից սահմանված ժամկետների	ՀՀ արտաքին գործերի նախարարություն
2.	Միջազգային դաշնագիր քաղաքացիական և քաղաքական իրավունքների մասին	դաշնագրի 40-րդ հոդված	դաշնագիրը վավերացնելուց հետո մեկ տարվա ընթացքում, այնուհետև կոմիտեի կողմից սահմանված ժամկետների համաձայն	ՀՀ արտաքին գործերի նախարարություն
3.	Միջազգային դաշնագիր տնտեսական, սոցիալական և մշակութային իրավունքների մասին	դաշնագրի 16-րդ հոդված	դաշնագիրը վավերացնելուց հետո մեկ տարվա ընթացքում, այնուհետև կոմիտեի կողմից սահմանված ժամկետների համաձայն	ՀՀ արտաքին գործերի նախարարություն
4.	Կոնվենցիա կանանց նկատմամբ խտրականության բոլոր ձևերի վերացման մասին	կոնվենցիայի 18-րդ հոդված	յուրաքանչյուր չորս տարին մեկ, այնուհետև կոմիտեի կողմից սահմանված ժամկետների համաձայն	ՀՀ արտաքին գործերի նախարարություն
5.	Կոնվենցիա խոշտանգումների և այլ դաժան, անմարդկային կամ նվաստացնող վերաբերմունքի և պատժի դեմ	կոնվենցիայի 19-րդ հոդված	յուրաքանչյուր չորս տարին մեկ, այնուհետև կոմիտեի կողմից սահմանված ժամկետների համաձայն	ՀՀ արդարադատության նախարարություն
6.	Կոնվենցիա երեխայի իրավունքների մասին	կոնվենցիայի 44-րդ հոդված	յուրաքանչյուր հինգ տարին մեկ, այնուհետև կոմիտեի կողմից սահմանված ժամկետների համաձայն	ՀՀ արտաքին գործերի նախարարություն
7.	Կոնվենցիա հաշմանդամություն ունեցող անձանց իրավունքների մասին	կոնվենցիայի 35-րդ հոդված	յուրաքանչյուր չորս տարին մեկ, այնուհետև կոմիտեի կողմից սահմանված ժամկետների համաձայն	ՀՀ աշխատանքի և սոցիալական հարցերի նախարարություն
8.	Կամընտիր արձանագրություն «Երեխայի իրավունքների մասին» ՄԱԿ-ի կոնվենցիային կից զինված հակամարտություններին երեխաների մասնակցության վերաբերյալ	արձանագրության 8-րդ հոդված	արձանագրությունն ուժի մեջ մտնելուց հետո երկու տարվա ընթացքում, այնուհետ յուրաքանչյուր հինգ տարին մեկ	ՀՀ արտաքին գործերի նախարարություն
9.	Կամընտիր արձանագրություն «Երեխայի իրավունքների մասին» ՄԱԿ-ի կոնվենցիային կից մանկավաճառության, երեխաների մարմնավաճառության և մանկական պոռնոգրաֆիայի մասին	արձանագրության 12-րդ հոդված	արձանագրությունն ուժի մեջ մտնելուց հետո երկու տարվա ընթացքում, այնուհետ յուրաքանչյուր հինգ տարին մեկ	ՀՀ արտաքին գործերի նախարարություն
10.	ՄԱԿ-ի համընդհանուր պարբերական դիտարկում	Մարդու իրավունքների խորհրդի 5/1 բանաձևի համաձայն	չորս տարին մեկ	ՀՀ արտաքին գործերի նախարարություն
11.	«Միջազգային կոնվենցիա կրթության բնագավառում խտրականության դեմ»	կոնվենցիայի 7-րդ հոդված	յուրաքանչյուր չորս տարին մեկ	ՀՀ կրթության և գիտության նախարարություն
12.	Կոնվենցիա մշակութային ինքնաարտահայտման ձևերի բազմազանության պաշտպանության և խրախուսման մասին	կոնվենցիայի 9-րդ հոդված	յուրաքանչյուր չորս տարին մեկ անգամ	ՀՀ մշակույթի նախարարություն
13.	Կոնվենցիա ոչ նյութական մշակութային ժառանգության պաշտպանության մասին	կոնվենցիայի անդամ երկրների գլխավոր ասամբլեայի երրորդ նստաշրջանի որոշումներ` V գլխի V.1-ին և V.2-րդ ենթակետեր	յուրաքանչյուր վեց տարին մեկ անգամ՝ մինչև դեկտեմբերի 15-ը, ինչպես նաև յուրաքանչյուր չորս տարին մեկ անգամ՝ մինչև դեկտեմբերի 15-ը` ոչ նյութական մշակութային ժառանգության ցուցակում ընդգրկված և անհապաղ պաշտպանության կարիք ունեցող տարրերի վերաբերյալ	ՀՀ մշակույթի նախարարություն

(բաժինը լրաց. 24.05.12 N 635-Ա, 19.07.12 N 895-Ա)

Եվրոպայի խորհրդի շրջանակներում

NN ը/կ	Միջազգային փաստաթուղթը	Միջազգային պայմանագրի հոդվածը, որի համաձայն պետք է ներկայացվի ազգային զեկույցը	Ազգային զեկույցը ներկայացնելու ժամկետները	Ազգային զեկույցի համար պատասխանատու մարմինը
1	2	3	4	5
1.	Տարածքային կամ փոքրամասնությունների լեզուների Եվրոպական խարտիա	խարտիայի 15-րդ հոդվածի համաձայն	երեք տարին մեկ	ՀՀ կրթության և գիտության նախարարություն
2.	Ազգային փոքրամասնությունների պաշտպանության շրջանակային կոնվենցիա	կոնվենցիայի 25-րդ հոդվածի և (97) 10 բանաձևի 21-րդ կետի համաձայն	հինգ տարին մեկ	ՀՀ կառավարության աշխատակազմի ազգային փոքրամասնությունների և կրոնի հարցերի վարչություն
3.	Մարդկանց շահագործման (թրաֆիքինգ) դեմ պայքարի մասին կոնվենցիա	կոնվենցիայի 38-րդ հոդվածի համաձայն	կոնվենցիան վավերացնելուց հետո մեկ տարվա ընթացքում, այնուհետև` չորս տարին մեկ	ՀՀ արտաքին գործերի նախարարություն
4.	Վերանայված եվրոպական սոցիալական խարտիա	ԵԽ-ի նախարարների կոմիտեի որոշման համաձայն	սոցիալական խարտիայի կոմիտեի կողմից ըստ հոդվածների բաշխման սահմանված ժամկետներում	ՀՀ աշխատանքի և սոցիալական հարցերի նախարարություն

(հավելվածը լրաց. 24.05.12 N 635-Ա, 19.07.12 N 895-Ա)

Հայաստանի Հանրապետության

կառավարության աշխատակազմի

ղեկավար

Դ. Սարգսյան

Տեղեկատվություն

Акт-инфо

Изменения и инкорпорации

Связи

ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ՄԻՋԱԶԳԱՅԻՆ ՊԱՐՏԱՎՈՐՈՒԹՅՈՒՆՆԵՐԻՆ ՀԱՄԱՊԱՏԱՍԽԱՆ ՀՀ ԱԶԳԱՅԻՆ ԶԵԿՈՒՅՑՆԵՐԻ ՊԱՏՐԱՍՏՄԱՆ ՀԱՄԱՐ ՊԱՏԱՍԽԱՆԱՏՈՒ ՊԵՏԱԿԱՆ ՄԱՐՄԻՆՆԵՐԻ ԵՎ ՆԵՐԿԱՅԱՑՆԵԼՈՒ ԺԱՄԿԵՏՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Номер

N 1793-Ա

Тип

Որոշում

Тип документа

Ինկորպորացիա (22.07.2012-20.04.2013)

Статус

Չի գործում

Первоисточник

Չի հրապարակվել պաշտոնական պարբերականում

Принимающий орган

ՀՀ կառավարություն