ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

31 մարտի 2011 թվականի N 349-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2011 ԹՎԱԿԱՆԻ ՊԵՏԱԿԱՆ ԲՅՈՒՋԵԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 10-րդ հոդվածին և 19-րդ հոդվածի 3-րդ մասին, «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի 11-րդ հոդվածի 16-րդ կետին համապատասխան` Հայաստանի Հանրապետության կառավարությունը որոշում է.

1. Գյուղատնտեսության ոլորտին տրամադրվող վարկերի տոկոսադրույքների` Հայաստանի Հանրապետության ֆինանսների նախարարության «Գյուղական ֆինանսավորման կառույց-ծրագրի իրականացման գրասենյակ» պետական հիմնարկի միջոցով սուբսիդավորման նպատակով Հայաստանի Հանրապետության գյուղատնտեսության նախարարությանը 2011 թվականի առաջին կիսամյակում հատկացնել 250,000.0 հազ. դրամ` Հայաստանի Հանրապետության 2011 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Սուբսիդիաներ ոչ պետական ֆինանսական կազմակերպություններին» հոդվածով):

2. Տեղական կենսապարարտանյութերի արտադրությունը խթանելու նպատակով Հայաստանի Հանրապետության 2011 թվականի պետական բյուջեից «ՍԻՍ-95» սահմանափակ պատասխանատվությամբ ընկերությանը 6 ամսով տարեկան 0.01 տոկոս տոկոսադրույքով վարկ տրամադրելու համար Հայաստանի Հանրապետության գյուղատնտեսության նախարարությանը տրամադրել 50,000.0 հազ. դրամ` բյուջետային ելքերի տնտեսագիտական դասակարգման «Ներքին վարկերի և փոխատվությունների տրամադրում» հոդվածով:

3. Հայաստանի Հանրապետության կառավարության 2010 թվականի դեկտեմբերի 23-ի «Հայաստանի Հանրապետության 2011 թվականի պետական բյուջեի կատարումն ապահովող միջոցառումների մասին» N 1748-Ն որոշման N 1 հավելվածի N 1 աղյուսակում և N 11 հավելվածում կատարել փոփոխություններ և լրացումներ` համաձայն NN 1 և 2 հավելվածների:

4. Հաստատել`

1) սույն որոշման 1-ին կետով գյուղատնտեսության ոլորտին տրամադրվող վարկերի տոկոսադրույքների սուբսիդավորման կարգը` համաձայն N 3 հավելվածի.

2) առավել կարիքավոր 225 համայնքի և Հայաստանի Հանրապետությունում 2010-2014 թվականներին ցորենի սերմնաբուծության և սերմարտադրության զարգացման ծրագրում սերմարտադրություն կազմակերպելու նպատակով ընդգրկված շահառուներին տեղական արտադրության կենսապարարտանյութի բաշխման կարգը` համաձայն N 4 հավելվածի:

(4-րդ կետը խմբ. 06.10.11 N 1443-Ն)

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ N 1 ՀԱՎԵԼՎԱԾԻ N 1 ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ ԵՎ ԼՐԱՑՈՒՄՆԵՐԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ N 11 ՀԱՎԵԼՎԱԾԻ N 11.15 ԱՂՅՈՒՍԱԿՈՒՄ ԿԱՏԱՐՎՈՂ ԼՐԱՑՈՒՄՆԵՐԸ

Կ Ա Ր Գ

ԳՅՈՒՂԱՏՆՏԵՍՈՒԹՅԱՆ ՈԼՈՐՏԻՆ ՏՐԱՄԱԴՐՎՈՂ ՎԱՐԿԵՐԻ ՏՈԿՈՍԱԴՐՈՒՅՔՆԵՐԻ ՍՈՒԲՍԻԴԱՎՈՐՄԱՆ
(Կարգը խմբ. 06.10.11 N 1443-Ն)

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է Հայաստանի Հանրապետության թիրախային տարածաշրջանների համայնքներում գյուղատնտեսության համար առաջնահերթ համարվող ոլորտներում զբաղված ֆիզիկական և իրավաբանական անձանց տրամադրվող վարկերի տոկոսադրույքի մասնակի սուբսիդավորման գործընթացը:

2. Սույն կարգի իմաստով տոկոսադրույքների սուբսիդավորմամբ վարկերի նպատակները դասակարգվում են ըստ հետևյալ բնագավառների`

1) բարձր վերարտադրության սերմերի արտադրությունը.

2) հացահատիկային և հատիկաընդեղեն մշակաբույսերի արտադրությունը.

3) բանջարաբոստանային մշակաբույսերի արտադրությունը.

4) կարտոֆիլի արտադրությունը.

5) այգեգործությունը.

6) ծածկած գրունտում բանջարեղենի արտադրությունը.

7) բազմամյա կերային մշակաբույսերի արտադրությունը.

 8) շաքարի ճակնդեղի արտադրությունը.

 9) բարձր մթերատու անասնագլխաքանակի մայրական կազմի ձեռքբերումը և բուծումը.

10) նոր գյուղատնտեսական տեխնիկայի ձեռքբերումը.

11) այլ գյուղատնտեսական մթերքի արտադրությունը:

3. Սույն կարգով սուբսիդավորվելու են Հայաստանի Հանրապետության ֆինանսական կառույցների (այսուհետ` ՖԿ) կողմից 2011 թվականի ապրիլի 1-ից մինչև 2011 թվականնի դեկտեմբերի 30-ը ընկած ժամանակահատվածում տրամադրվող այն վարկերի տոկսադրույքները, որոնք կբավարարեն հետևյալ պայմանները`

1) սույն ծրագրի շրջանակներում յուրաքանչյուր գյուղացիական տնտեսությանը տրամադրվող վարկի մայր գումարի մնացորդը չի կարող գերազանցել 3.0 մլն դրամ.

2) առավելագույնը 2 տարի մարման ժամկետով.

3) վարկերը տրամադրվելու են դրամով.

4) վարկերը տրամադրվելու են առավելագույնը 14 տոկոս փաստացի տոկոսադրույքով, ընդ որում, վարկի հետ կապված ՖԿ-ի ծառայությունների համար գումար չի վճարվում.

5) վարկերի տոկոսների վճարման և մայր գումարի մարման համար սահմանված արտոնյալ ժամկետը վարկը տրամադրելու պահից հաշվարկվելու է առնվազն 6 ամիս (վարկի տոկոսների վճարման և մայր գումարի մարման պարտականությունը վարկառուի մոտ առաջանում է վարկի տրամադրման պահից սկսած 6 ամիս) հետո.

6) արտոնյալ ժամկետում կուտակված վարկի տոկոսավճարները մարվում են վարկը տրամադրելու պահից` 7-րդ ամսում.

7) վարկի մայր գումարը և վարկի տոկոսադրույքը վարկառուի ցանկությամբ վաղաժամ մարելու դեպքում տույժեր և (կամ) տուգանքներ չեն գանձվում.

8) տույժերը և (կամ) տուգանքները սուբսիդավորման ենթակա չեն.

9) տոկոսավճարի չափը հաշվարկվում է վարկի մնացորդի նկատմամբ.

10) սուբսիդավորվող տոկոսավճարը չունի նվազագույն շեմ.

11) սուբսիդավորման ենթակա չեն միջպետական համաձայնագրերի շրջանակներում ՖԿ-ին տրամադրված ենթավարկերի հաշվին տրամադրված վարկերը:

4. Սուբսիդավորվելու է վարկի տոկոսադրույքի 4 տոկոսային կետին համարժեք մասը (գումարը), իսկ հանրապետության առավել կարիքավոր համայնքների վարկառուների վարկի տոկոսադրույքի 6 տոկոսային կետին համարժեք մասը (գումարը)` համաձայն ցուցակի:

II. ՎԱՐԿԻ ՏՈԿՈՍԱԴՐՈՒՅՔԻ ՍՈՒԲՍԻԴԱՎՈՐՄԱՆ ԳՈՐԾԸՆԹԱՑԸ

5. Վարկի տոկոսադրույքի սուբսիդավորման գործընթացը նախաձեռնում են ՖԿ-ները, որոնք տրամադրում են սույն կարգի պայմաններին համապատասխանող վարկեր:

6. Սույն ծրագրին մասնակցելու ցանկություն հայտնած ՖԿ-ները դիմում են Հայաստանի Հանրապետության ֆինանսների նախարարության «Գյուղական ֆինանսավորման կառույց-ծրագրի իրականացման գրասենյակ» պետական հիմնարկ (այսուհետ` ԳՖԿ)` մասնակից դառնալու համար:

7. Վարկի տոկոսադրույքի սուբսիդավորումն իրականացվում է ԳՖԿ-ի միջոցով` սահմանված կարգով և ժամկետներում վարկառուների կողմից վարկի տոկոսների փաստացի մարումներից հետո 10 բանկային օրվա ընթացքում սուբսիդավորվող գումարը նրանց հետ վերադարձնելու պայմանով:

8. Սույն կարգով սահմանված վարկային տոկոսադրույքի սուբսիդավորման ընթացակարգի և ծրագրում մասնակից ՖԿ-ների մասին հնարավոր շահառուներին իրազեկումը վերապահել ԳՖԿ-ին:

 9. Հիմք ընդունելով ՖԿ-ի հայտը` ԳՖԿ-ն սուբսիդավորման գումարը փոխանցում է ՖԿ-ին: Հայտի ձևը մշակվում է ԳՖԿ-ի կողմից:

10. ՖԿ-ն վարկի տոկոսադրույքի սուբսիդավորման հայտը ներկայացնում է ԳՖԿ-ին՝ յուրաքանչյուր մարումից հետո հինգ աշխատանքային օրվա ընթացքում: ԳՖԿ-ն պարտավոր է հայտն ստանալուց հետո հինգ աշխատանքային օրվա ընթացքում բավարարել հայտը և ներկայացնել համապատասխան վճարման հանձնարարական վարկի տոկոսադրույքի սուբսիդավորման գումարը վարկառուին փոխանցելու նպատակով:

 Վարկի տոկոսադրույքի սուբսիդավորման դադարեցումը

11. Հանրագումարային 30 օրվանից ավելի վարկառուի՝ տվյալ վարկի վերաբերյալ ժամկետանց պարտավորությունների առկայության դեպքում վարկի տոկոսադրույքի հետագա սուբսիդավորումը չի իրականացվում:

12. Վարկի տոկոսադրույքի սուբսիդավորումը դադարեցվում է, եթե վարկը օգտագործվել է ոչ նպատակային: Վարկառուի կողմից վարկի ոչ նպատակային օգտագործում է համարվում, եթե վարկային միջոցներն օգտագործվել են սույն կարգով սահմանված պայմաններին ոչ համապատասխան:

13. Այն դեպքում, եթե ԳՖԿ-ն մոնիթորինգի արդյունքում հայտնաբերում է սույն կարգի պայմանների խախտում, նա եզրակացություն է տալիս Հայաստանի Հանրապետության կենտրոնական բանկին, ԳՖԿ-ի կողմից սուբսիդավորված գումարը ՖԿ-ից հետ գանձելու համար:

14. Եթե ԳՖԿ-ի եզրակացության համաձայն վարկն օգտագործվել է ոչ նպատակային, ապա վարկի տոկոսադրույքի սուբսիդավորվող գումարի վերադարձման պարտականությունն ընկնում է ՖԿ-ի վրա:

15. ՖԿ-ն պարտավոր է ԳՖԿ-ին վերադարձնել ամբողջ վարկի տոկոսադրույքի սուբսիդավորված գումարը՝ տվյալ վարկի ոչ նպատակային օգտագործման փաստի արձանագրման պահից մեկ ամսվա ընթացքում:

16. Վարկառուի կողմից վարկը ոչ նպատակային օգտագործվելու փաստի արձանագրման դեպքում ՖԿ-ն անմիջապես դադարեցնում է վարկի տոկոսագումարի սուբսիդավորումը և հինգ աշխատանքային օրվա ընթացքում դրա մասին գրավոր տեղեկացնում է ԳՖԿ-ին:

Վարկի տոկոսադրույքի սուբսիդավորման ավարտը

17. Վարկի տոկոսադրույքի սուբսիդավորման ավարտը համապատասխանում է այն ժամկետին, որը նախատեսված է սուբսիդավորման ենթակա վարկային պայմանագրով:

18. Վարկի տոկոսադրույքի սուբսիդավորման գործընթացն իրականացվում է երկկողմ պայմանագրի (ԳՖԿ և ՖԿ) հիման վրա:

19. Երկկողմ պայմանագրի օրինակելի ձևը մշակում և հաստատում է Հայաստանի Հանրապետության ֆինանսների նախարարը` համաձայնեցնելով Հայաստանի Հանրապետության գյուղատնտեսության նախարարության հետ:

20. ԳՖԿ-ն պայմանագրերի հիման վրա գնահատում է սուբսիդավորման գումարի տարեկան պահանջարկը և այն ներկայացնում Հայաստանի Հանրապետության գյուղատնտեսության նախարարություն:

III. ԳՈՐԾԸՆԹԱՑԻ ՄՈՆԻԹՈՐԻՆԳԸ

21. Գործընթացի մոնիթորինգն իրականացնում է ԳՖԿ-ն՝ ՖԿ-ի կողմից ներկայացված տեղեկատվության և վարկառուների ընտրանքային ուսումնասիրության հիման վրա` համաձայն ներքին ընթացակարգերի:

22. Վարկի տոկոսադրույքի սուբսիդավորման հայտերի ամփոփման արդյունքում ԳՖԿ-ն ձևավորում է վիճակագրական տվյալների բազա:

23. ԳՖԿ-ն պարտավոր է յուրաքանչյուր եռամսյակը մեկ անգամ ամփոփ հաշվետվություն ներկայացնել Հայաստանի Հանրապետության ֆինանսների նախարարություն, Հայաստանի Հանրապետության գյուղատնտեսության նախարարություն և Հայաստանի Հանրապետության կառավարության աշխատակազմ: Հաշվետվության ձևը մշակում է ԳՖԿ-ն և հաստատվում է Հայաստանի Հանրապետության գյուղատնտեսության նախարարության ու Հայաստանի Հանրապետության ֆինանսների նախարարության կողմից:

24. Հաշվետվությունը պետք է պարունակի մանրամասն տեղեկատվություն գործընթացի մասին, այդ թվում`

1) վարկերի մասին տեղեկատվություն` ըստ մարզերի համայնքների, քանակը, գումարը, վարկի տոկոսադրույքի սուբսիդավորման գումարը՝ ըստ օգտագործման բնագավառի.

2) վարկի տոկոսադրույքի սուբսիդավորման ծավալների կանխատեսումն առնվազն մոտակա մեկ տարվա կտրվածքով.

3) հայտնաբերված խախտումների վերաբերյալ տեղեկատվություն.

4) առաջարկություններ սույն կարգի պայմանների բարելավման կամ կատարելագործման վերաբերյալ:

Ց ՈՒ Ց Ա Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՎԵԼ ԿԱՐԻՔԱՎՈՐ ՀԱՄԱՅՆՔՆԵՐԻ

Կ Ա Ր Գ

 ԱՌԱՎԵԼ ԿԱՐԻՔԱՎՈՐ 225 ՀԱՄԱՅՆՔԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ 2010-2014 ԹՎԱԿԱՆՆԵՐԻՆ ՑՈՐԵՆԻ ՍԵՐՄՆԱԲՈՒԾՈՒԹՅԱՆ ԵՎ ՍԵՐՄԱՐՏԱԴՐՈՒԹՅԱՆ ԶԱՐԳԱՑՄԱՆ ԾՐԱԳՐՈՒՄ ՍԵՐՄԱՐՏԱԴՐՈՒԹՅՈՒՆ ԿԱԶՄԱԿԵՐՊԵԼՈՒ ՆՊԱՏԱԿՈՎ ԸՆԴԳՐԿՎԱԾ ՇԱՀԱՌՈՒՆԵՐԻՆ ՏԵՂԱԿԱՆ ԱՐՏԱԴՐՈՒԹՅԱՆ ԿԵՆՍԱՊԱՐԱՐՏԱՆՅՈՒԹԻ ԲԱՇԽՄԱՆ

 I. ԸՆԴՀԱՆՈՒՐ ԴՐՈՒՅԹՆԵՐ

 1. Սույն կարգով սահմանվում է «ՍԻՍ-95» սահմանափակ պատասխանատվությամբ ընկերությանը տրամադրված 50 մլն դրամ գումարի շրջանակներում` տարաժամկետ վճարման պայմանով, հողօգտագործողներին «Ազոցեովիտ 1» տեսակի կենսապարարտանյութի հատկացման ընթացակարգը:

2. Սույն կարգի իմաստով առաջնահերթ է համարվում`

1) Հայաստանի Հանրապետությունում 2010-2014 թվականներին ցորենի սերմնաբուծության և սերմարտադրության զարգացման ծրագրում` սերմարտադրություն կազմակերպելու նպատակով ընդգրկված շահառուների մոտ հողի բերրիության բարձրացման միջոցով ցորենի բերքատվության բարձրացումը.

2) Հայաստանի Հանրապետության առավել կարիքավոր 225 համայնքում հողի բերրիության բարձրացման միջոցով`

ա. աղքատության հաղթահարումը,

բ. հացահատիկային և հատիկաընդեղեն մշակաբույսերի արտադրության զարգացումն ու ընդլայնումը,

գ. բանջարաբոստանային մշակաբույսերի արտադրության զարգացումն ու ընդլայնումը,

դ. կարտոֆիլաբուծության զարգացումն ու ընդլայնումը,

ե. այգեգործության զարգացումն ու ընդլայնումը,

զ. բազմամյա կերային մշակաբույսերի արտադրության զարգացումն ու ընդլայնումը:

 II. ԿԵՆՍԱՊԱՐԱՐՏԱՆՅՈՒԹԵՐԻ ՀԱՏԿԱՑՄԱՆ ԳՈՐԾԸՆԹԱՑԸ ԵՎ ԱՅՆ ՀԱՏԿԱՑՆՈՂ ԿԱԶՄԱԿԵՐՊՈՒԹՅԱՆ ՊԱՐՏԱՎՈՐՈՒԹՅՈՒՆՆԵՐԸ

 3. «ՍԻՍ-95» սահմանափակ պատասխանատվությամբ ընկերությունը հողօգտագործողներին հատկացնում է 20000 լիտր «Ազոցեովիտ 1» տեսակի կենսապարարտանյութ` 1 լիտրը 2500 դրամ արժեքով:

4. Հաշվի առնելով այն հանգամանքը, որ «Ազոցեովիտ 1» կենսապարարտանյութի ծախսի նորման 1 հեկտարի համար կազմում է 10 լիտր, 20000 լիտր կենսապարարտանյութը նախատեսվում է օգտագործել 2000 հեկտար տարածության վրա:

5. Կենսապարարտանյութը կամավորության սկզբունքով հատկացվում է`

1) Հայաստանի Հանրապետությունում 2010-2014 թվականներին ցորենի սերմնաբուծության և սերմարտադրության զարգացման ծրագրում` սերմարտադրություն կազմակերպելու նպատակով ընդգրկված շահառուներին.

2) Հայաստանի Հանրապետության առավել կարիքավոր 225 համայնքի` մինչև 4 հեկտար հողատարածք ունեցող հողօգտագործողներին` համաձայն ցանկի:

6. Կենսապարարտանյութը շահառուներին տրամադրվում է պայմանագրային հիմունքներով` բերքահավաքից հետո պարարտանյութի արժեքը «ՍԻՍ-95» սահմանափակ պատասխանատվությամբ ընկերությանը վճարելու պայմանով:

7. Պայմանագրի կողմերն են «ՍԻՍ-95» սահմանափակ պատասխանատվությամբ ընկերությունը և շահառուն:

8. Հայաստանի Հանրապետության առավել կարիքավոր 225 համայնքի` մինչև 4 հեկտար հողատարածք ունեցող հողօգտագործողների հետ պայմանագրեր կնքելու գործընթացն ավարտվում է 2011 թվականին:

9. Հայաստանի Հանրապետության առավել կարիքավոր 225 համայնքի մինչև 4 հեկտար հողատարածք ունեցող հողօգտագործողների կողմից հետ վերադարձված գումարները կարող են օգտագործվել Հայաստանի Հանրապետությունում 2010-2014 թվականներին ցորենի սերմնաբուծության և սերմարտադրության զարգացման ծրագրում` սերմարտադրություն կազմակերպելու նպատակով ընդգրկված շահառուներին կենսապատրաստուկ տրամադրելու համար:

10. Ծրագրի պայմաններին և իրականացվելիք միջոցառումներին հնարավոր շահառուներին ծանոթացնելու նպատակով «ՍԻՍ-95» սահմանափակ պատասխանատվությամբ ընկերության կողմից համայնքներում կկազմակերպվեն խորհրդակցություններ, կտպագրվեն և տնտեսավարողներին կբաժանվեն տեղեկատվական թերթիկներ:

11. Ծրագրի իրականացման ընթացքում «ՍԻՍ-95» սահմանափակ պատասխանատվությամբ ընկերության կողմից շահառուների համար կիրականացվեն կենսապարարտանյութի առանձնահատկությունների ու օգտագործման եղանակների մասին խորհրդատվական և պրակտիկ ուսուցման աշխատանքներ:

12. «ՍԻՍ-95» սահմանափակ պատասխանատվությամբ ընկերության կողմից շահառուներից մի քանիսի հողամասերը կընտրվեն որպես ցուցադրական, որոնցում կիրականացվեն սույն կարգի 11-րդ կետում նշված ուսուցման աշխատանքները:

13. «ՍԻՍ-95» սահմանափակ պատասխանատվությամբ ընկերությունը, ծրագրի իրականացման ամբողջ ընթացքում, յուրաքանչյուր ամսվա 15-ին Հայաստանի Հանրապետության գյուղատնտեսության նախարարություն է ներկայացնում հաշվետվություն նախորդ ամսվա կտրվածքով իրականացված աշխատանքների վերաբերյալ:

14. «ՍԻՍ-95» սահմանափակ պատասխանատվությամբ ընկերությունը պարտավոր է տրամադրված 50 մլն դրամ գումարը վերադարձնել Հայաստանի Հանրապետության գյուղատնտեսության նախարարությանը` մինչև 2012 թվականի դեկտեմբերի 1-ը:

15. «ՍԻՍ-95» սահմանափակ պատասխանատվությամբ ընկերության վերադարձրած գումարը Հայաստանի Հանրապետության գյուղատնտեսության նախարարության կողմից վերադարձվում է Հայաստանի Հանրապետության պետական բյուջե:

III. ՄՈՆԻԹՈՐԻՆԳ

16. Ծրագրի իրականացման ընթացքում «ՍԻՍ-95» սահմանափակ պատասխանատվությամբ ընկերությունը ծրագրի շահառուների ցանքատարածություններում իրականացնում է նրանց կատարած աշխատանքների մոնիթորինգ:

IV. ԾՐԱԳՐԻ ԴԱԴԱՐԵՑՈՒՄԸ ԵՎ ԱՎԱՐՏԸ

17. Ծրագիրը կարող է դադարեցվել, եթե պարզվել է, որ`

1) «ՍԻՍ-95» սահմանափակ պատասխանատվությամբ ընկերությանը հատկացված գումարից տնտեսավարողների կողմից վերադարձվող գումարների 5%-ից ավելին ծախսվել է ոչ նպատակային.

2) ծրագրի կատարման ընթացքում թույլ են տրվել էական սխալներ, որոնք հնարավոր չէ շտկել (էական կարող են համարվել այն սխալները, որոնք էականորեն փոխում են ծրագրի ընթացքը):

18. Ծրագրի դադարեցման դեպքում «ՍԻՍ-95» սահմանափակ պատասխանատվությամբ ընկերությանը տրամադրված գումարն ամբողջությամբ ենթակա է վերադարձման Հայաստանի Հանրապետության պետական բյուջե` դադարեցումից հետո 1 ամսվա ընթացքում.

1) ծրագրի դադարեցումը հիմք չէ «ՍԻՍ-95» սահմանափակ պատասխանատվությամբ ընկերության և տնտեսավարողների միջև կնքված պայմանագրերի լուծման համար:

19. Ծրագիրը համարվում է ավարտված «ՍԻՍ-95» սահմանափակ պատասխանատվությամբ ընկերությանը տրամադրված 50 մլն դրամ գումարը Հայաստանի Հանրապետության գյուղատնտեսության նախարարությանն ամբողջությամբ վերադարձնելուց հետո, սակայն ոչ ուշ, քան 2012 թվականի դեկտեմբերի 1-ը:»:

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՎԵԼ ԿԱՐԻՔԱՎՈՐ ՀԱՄԱՅՆՔՆԵՐԻ