«Գրանցված է»
ՀՀ արդարադատության
նախարարության կողմից
1 փետրվարի 2011 թ.
Պետական գրանցման թիվ 11711056

Հ Ա Մ Ա Տ Ե Ղ  Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐԻ 2009 ԹՎԱԿԱՆԻ ՍԵՊՏԵՄԲԵՐԻ 8-Ի N 21-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐԻ 2009 ԹՎԱԿԱՆԻ ՍԵՊՏԵՄԲԵՐԻ 8-Ի N 156-Ն ՀԱՄԱՏԵՂ ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Ղեկավարվելով Հայաստանի Հանրապետության «Իրավական ակտերի մասին» Հայաստանի Հանրապետության օրենքի 70 հոդվածով`

Հրամայում ենք՝

1. Հայաստանի Հանրապետության փոխվարչապետ, տարածքային կառավարման նախարարի 2009 թվականի սեպտեմբերի 8-ի N 21-Ն և Հայաստանի Հանրապետության քաղաքաշինության նախարարի 2009 թվականի սեպտեմբերի 8-ի N 156-Ն «Քաղաքաշինության բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը հաստատելու մասին» համատեղ հրամանում կատարել հետևյալ փոփոխությունը.

1) Հրամանով հաստատված N 1 հավելվածը շարադրել նոր խմբագրությամբ համաձայն հավելվածի:

1. Սույնով սահմանվում է Հայաստանի Հանրապետության մարզպետների կողմից քաղաքաշինության բնագավառում կատարված աշխատանքների գնահատման չափորոշիչների մեթոդական ուղեցույցը:

2. Մեթոդական ուղեցույցը մշակվել է` հաշվի առնելով Հայաստանի Հանրապետության մարզպետներին քաղաքաշինության բնագավառում Հայաստանի Հանրապետության օրենսդրությամբ վերապահված լիազորությունների շրջանակը:

3. Քաղաքաշինության բնագավառում Հայաստանի Հանրապետության մարզպետների կողմից կատարված աշխատանքները դասակարգվում են ըստ հետևյալ բաղադրիչների` համաձայն աղյուսակ 1-ի:

4. Յուրաքանչյուր աշխատանքի գնահատականը տրվում է աղյուսակ 2-ին համապատասխան:

Աղյուսակ 2

	Կատարված է առանց թերությունների	Կատարված է ոչ էական թերություններով	Կատարված է	Կատարված է առանց թերությունների
Սահմանված ժամկետին	100	85	70	0
Սահմանված ժամկետի ոչ էական բացթողումներով	90	75	60	0
Սահմանված ժամկետի էական բացթողումներով	70	60	50	0

5. Մարզպետի աշխատանքի գնահատականը հաշվարկվում է ըստ հետևյալ բանաձևի`

  Y * Z

  X= ————

  100

որտեղ` X-ը մարզպետի կողմից կատարված յուրաքանչյուր բաղադրիչի գնահատականն է,

Y- ը` սույն մեթոդական ուղեցույցի 3-րդ կետով նշված համապատասխան բաղադրիչի առավելագույն գնահատականն է,

Z-ը` սույն մեթոդական ուղեցույցի 4-րդ կետով նշված աղյուսակ 2-ին համապատասխան` յուրաքանչյուր բաղադրիչին համապատասխան կատարված աշխատանքի գնահատականն է,

*-ը` բազմապատկման նշան:

Սույն կետով գնահատելիս յուրաքանչյուր բաղադրիչ գնահատվում է տվյալ տարվա ընթացքում տվյալ բաղադրիչի շրջանակներում կատարված աշխատանքների միջինով:

6. Եթե տարվա ընթացքում մարզպետի կողմից օբյեկտիվ պատճառներով սույն մեթոդական ուղեցույցի 3-րդ կետով նշված աղյուսակի որևէ բաղադրիչ ընդհանրապես չի կատարվել, ապա այդ ժամանակ մարզպետի աշխատանքը գնահատելիս սույն մեթոդական ուղեցույցի 3-րդ կետով նշված աղյուսակի յուրաքանչյուր կատարված բաղադրիչի առավելագույն գնահատականը որոշվում է հետևյալ բանաձևով`

որտեղ` A-ն սույն մեթոդական ուղեցույցի 3-րդ կետով նշված բաղադրիչի առավելագույն գնահատականն է,

K-ն` սույն մեթոդական ուղեցույցի 3-րդ կետով նշված չգնահատվող բաղադրիչների առավելագույն գնահատականների հանրագումարն է,

C-ն` սույն մեթոդական ուղեցույցի 3-րդ կետով նշված համապատասխան գնահատվելիք բաղադրիչի նոր առավելագույն գնահատականն է:

7. Մարզպետի կողմից քաղաքաշինության բնագավառում կատարված աշխատանքների ընդհանուր գնահատականը որոշվում է սույն մեթոդական ուղեցույցի 3-րդ կետով նշված աղյուսակի բոլոր բաղադրիչները սույն մեթոդական ուղեցույցի 5-րդ և (կամ) 6 կետերով նշված բանաձևերի հաշվարկման արդյունքում ստացված գնահատականների հանրագումարով: