«Գրանցված է»

ՀՀ արդարադատության

նախարարության կողմից

28 դեկտեմբերի 2002 թ.

Պետական գրանցման թիվ 60302421

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՄՓՈՓ ՀԱՇՎԵՏՎՈՒԹՅՈՒՆ ԲՆԱԿՉՈՒԹՅԱՆ ՀԱՇՄԱՆԴԱՄՈՒԹՅԱՆ ՄԱՍԻՆ» ՁԵՎ ԹԻՎ 1-ՀԱՇՄԱՆԴԱՄՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով՝ Հայաստանի Հանրապետության վիճակագրության պետական խորհուրդը որոշում է.

Հաստատել «Ամփոփ հաշվետվություն բնակչության հաշմանդամության մասին» Ձև թիվ 1-հաշմանդամություն պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Հ Ր Ա Հ Ա Ն Գ

«ԲՆԱԿՉՈՒԹՅԱՆ ՀԱՇՄԱՆԴԱՄՈՒԹՅԱՆ ՄԱՍԻՆ» ՁԵՎ N 1-ՀԱՇՄԱՆԴԱՄՈՒԹՅՈՒՆ (ԿԻՍԱՄՅԱԿԱՅԻՆ) ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Բնակչության հաշմանդամության մասին» ձև N 1-հաշմանդամություն (կիսամյակային) ամփոփ պետական վիճակագրական հաշվետվության լրացման կարգը:

2. Հաշվետվությունը կազմում է Հայաստանի Հանրապետության սոցիալական ապահովության նախարարության համակարգում գործող բժշկասոցիալական փորձաքննական հանձնաժողովը, որն այդ մասին նախապես տեղեկացվում է:

3. Հաշվետվության ներկայացվում է մինչև կիսամյակին հաջորդող ամսվա 20-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ ա ժ ի ն  1

Հաշմանդամների թվաքանակը

5. Սյունակ 2-ում առանձին տողերով բերվում են հաշվետու ժամանակահատվածի սկզբում և վերջում հաշվետու կազմակերպությունում հաշվառման կանգնած հաշմանդամների թվաքանակը, նրանց տարիքային բաշխվածությունը: Սյունակներ 3-10-ում բերվում են կանանց թվաքանակը և բաշխվածությունն ըստ բնակության վայրի (քաղաքաբնակ կամ գյուղաբնակ): Հաշվետու ժամանակահատվածում ցուցանիշների փոփոխությունները պետք է համապատասխանեն 2-րդ բաժնի արդյունքներին: Ընդ որում՝

101(7) = 101(3) + 201(3) + 201(7)+ 201(9) - 201(8)- 201(10)- 201(11) - 201(15),

որտեղ՝ առաջին եռանիշ թիվը ցույց է տալիս տողերի համարը, իսկ փակագծի մեջ գրվածը՝ այդ տողերի համապատասխան սյունակները:

6. Հաշվարկման այս սխեմայով ստուգվում են բաժին 1-ի սյունակ 7-ի համապատասխան տողերում բերված տվյալները:

Բ ա ժ ի ն  2

Հաշմանդամների գործերի շարժը հաշվետու ժամանակաշրջանում

7. Սյունակ 2-ում բերվում է հաշմանդամության անժամկետ կարգավիճակ ունեցող հաշմանդամների թվաքանակը ըստ տարիքի՝ առանձին տողերով: Սյունակներ 3-6-ում բերվում է հաշվետու ժամանակահատվածում հաշմանդամ դարձած անձանց թվաքանակը՝ ըստ սեռի և բնակության վայրի: Սյունակներ 7-10-ում բերվում են Հայաստանի Հանրապետության սոցիալական ապահովության նախարարության բժշկասոցիալական փորձաքննական հանձնաժողովներ հաշվետու ժամանակահատվածում մուտք արված և համապատասխան լուծում ստացած գործերի շարժը (գործերի ստացումը և ուղարկումը): Սյունակներ 7-8-ում բերվում են հանրապետության ներսում հաշմանդամների գործերի շարժի մասին տվյալները: Սյունակներ 9-10-ում բերվում են արտերկրից ստացված և արտերկիր ուղարկված գործերի քանակները: Սյունակներ 11-16-ում բերվում են հաշվետու ժամանակահատվածում հաշմանդամության կարգավիճակի դադարեցման մասին տվյալները: Ընդ որում, 11-14 սյունակներում բերվում է այն նախկին հաշմանդամների թվաքանակը, որոնք գործող կարգի համաձայն ճանաչվել են աշխատունակ, իսկ 15-16-ում՝ մահացած հաշմանդամների թվաքանակը:

8. Ցուցանիշները բերվում են ըստ սեռի և բնակության վայրի:

Բ ա ժ ի ն  3

Հաշմանդամների թվաքանակը հաշվետու ժամանակաշրջանի վերջում ըստ հաշմանդամության պատճառական կապի

9. Սյունակ 2-ում բերվում է հաշվետու ժամանակահատվածի վերջում հաշմանդամների թվաքանակի բաշխվածությունն ըստ հաշմանդամության պատճառական կապի: Սյունակներ 3-8-ում բերվում է հաշմանդամների թվաքանակի բաշխվածությունն ըստ հաշմանդամության խմբի և սեռի:

Բ ա ժ ի ն  4

Հաշմանդամների թվաքանակը հաշվետու ժամանակաշրջանի վերջում ըստ հիվանդությունների

10. Սյունակ 2-ում լրացվում է հաշմանդամների թվաքանակը ըստ հիվանդությունների տեսակների: Եթե հաշմանդամություն առաջ բերող հիվանդությունը չի համընկնում 401- 414 տողերում բերված հիվանդությունների տեսակների հետ, ապա այն նշվում է «այլ հիվանդություններ» տողում:

Բ ա ժ ի ն  5

Հաշվետու ժամանակաշրջանում վերականգնողական օգնություն ստացած հաշմանդամների թվաքանակը

11. Սյունակ 2-ում բերվում են հաշվետու ժամանակահատվածում վերականգնողական օգնություն ստացած հաշմանդամների թվաքանակն՝ ըստ օգնության տեսակների: Սյունակներ 3-6-ում բերվում է հաշմանդամների թվաքանակն՝ ըստ սեռական կազմի և բնակության վայրի:

Ա Մ Փ Ո Փ  Հ Ա Շ Վ Ե Տ Վ ՈՒ Թ Յ ՈՒ Ն

ԲՆԱԿՉՈՒԹՅԱՆ ՀԱՇՄԱՆԴԱՄՈՒԹՅԱՆ ՄԱՍԻՆ

200...թ. _____________ կիսամյակի համար

Բաժին 1. Հաշմանդամների թվաքանակը

(մարդ)

Բաժին 2. Հաշմանդամների գործերի շարժը հաշվետու ժամանակաշրջանում

Բաժին 3. Հաշմանդամների թվաքանակը հաշվետու ժամանակաշրջանի վերջում ըստ հաշմանդամության պատճառական կապի

Բաժին 4. Հաշմանդամների թվաքանակը հաշվետու ժամանակաշրջանի վերջում ըստ հիվանդությունների

(մարդ)

Բաժին 5. Հաշվետու ժամանակաշրջանում վերականգնողական օգնություն ստացած հաշմանդամների թվաքանակը

(մարդ)