«Գրանցված է»

ՀՀ արդարադատության

նախարարության կողմից

8 ապրիլի 2004 թ.

Պետական գրանցման թիվ 60304071

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԲՆԱԿՉՈՒԹՅԱՆ ՀԱՇՄԱՆԴԱՄՈՒԹՅԱՆ ՄԱՍԻՆ» ՁԵՎ ԹԻՎ 1-ՀԱՇՄԱՆԴԱՄՈՒԹՅՈՒՆ (ԿԻՍԱՄՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Բնակչության հաշմանդամության մասին» Ձև թիվ 1-հաշմանդամություն (կիսամյակային) պետական վիճակագրական ամփոփ հաշվետվության ձևը և լրացման հրահանգը` համաձայն հավելված 1-ի:

2. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 12-ի ««Ամփոփ հաշվետվություն բնակչության հաշմանդամության մասին» Ձև թիվ 1-հաշմանդամություն պետական վիճակագրական հաշվետվության ձևը և լրացման հրահանգը հաստատելու մասին» թիվ 162-Ն որոշումը:

Հ Ր Ա Հ Ա Ն Գ

«ԲՆԱԿՉՈՒԹՅԱՆ ՀԱՇՄԱՆԴԱՄՈՒԹՅԱՆ ՄԱՍԻՆ» ՁԵՎ ԹԻՎ 1-ՀԱՇՄԱՆԴԱՄՈՒԹՅՈՒՆ (ԿԻՍԱՄՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Բնակչության հաշմանդամության մասին» ձև թիվ 1-ՀԱՇՄԱՆԴԱՄՈՒԹՅՈՒՆ (կիսամյակային) պետական վիճակագրական ամփոփ հաշվետվետվության (այսուհետ` հաշվետվություն) լրացման կարգը:

2. Հաշվետվությունը կազմում է Հայաստանի Հանրապետության աշխատանքի և սոցիալական հարցերի նախարարությունը, որն այդ մասին իրազեկվում է Հայաստանի Հանրապետության վիճակագրության պետական խորհրդի 03 հոկտեմբերի 2003 թվականի «Վիճակագրական տեղեկությունների ներկայացման կարգը հաստատելու մասին» թիվ 11-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Հայաստանի Հանրապետության ազգային վիճակագրական ծառայություն մինչև հաշվետու ժամանակաշրջանին հաջորդող ամսվա 25-ը:

4. Վիճակագրական տեղեկությունների ներկայացման հետ կապված հարցերը կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ Ա Ժ Ի Ն  1

ՀԱՇՄԱՆԴԱՄՆԵՐԻ ԹՎԱՔԱՆԱԿԸ

5. Սյունակներ 1-4-ում արտացոլվում է հաշվետու ժամանակաշրջանի սկզբում հաշվառված հաշմանդամների թվաքանակը: Սյունակներ 5-8-ում արտացոլվում է հաշվետու ժամանակաշրջանի վերջում հաշվառված հաշմանդամների թվաքանակը:

Բ Ա Ժ Ի Ն  2

ՀԱՇՄԱՆԴԱՄՆԵՐԻ ԳՈՐԾԵՐԻ ՇԱՐԺԸ ՀԱՇՎԵՏՈՒ ԺԱՄԱՆԱԿԱՇՐՋԱՆՈՒՄ

6. Սյունակներ 1-4-ում արտացոլվում է հաշվետու ժամանակաշրջանում առաջին անգամ հաշմանդամ դարձած անձանց թվաքանակը:

7. Սյունակներ 5-8-ում արտացոլվում են Հայաստանի Հանրապետության աշխատանքի և սոցիալական հարցերի նախարարության բժշկասոցիալական փորձաքննական հանձնաժողովներ հաշվետու ժամանակաշրջանում մուտք արված և համապատասխան լուծում ստացած գործերի շարժը (գործերի ստացումը և ուղարկումը):

8. Սյունակներ 9-16-ում արտացոլվում են հաշվետու ժամանակաշրջանում հաշմանդամության կարգավիճակի դադարեցման մասին տվյալները:

Բ Ա Ժ Ի Ն  3

ՀԱՇՄԱՆԴԱՄՆԵՐԻ ԹՎԱՔԱՆԱԿԸ ՀԱՇՎԵՏՈՒ ԺԱՄԱՆԱԿԱՇՐՋԱՆԻ ՎԵՐՋՈՒՄ ԸՍՏ ՀԱՇՄԱՆԴԱՄՈՒԹՅԱՆ ՊԱՏՃԱՌՆԵՐԻ

9. Սյունակներ 1-6-ում արտացոլվում է հաշմանդամների թվաքանակի բաշխվածությունն ըստ հաշմանդամության խմբերի և սեռի:

Բ Ա Ժ Ի Ն  4

ՀԱՇՄԱՆԴԱՄՆԵՐԻ ԹՎԱՔԱՆԱԿԸ ՀԱՇՎԵՏՈՒ ԺԱՄԱՆԱԿԱՇՐՋԱՆԻ ՎԵՐՋՈՒՄ ԸՍՏ ՀԻՎԱՆԴՈՒԹՅՈՒՆՆԵՐԻ

10. Այս բաժնում արտացոլվում է հաշմանդամների թվաքանակն ըստ հիվանդությունների տեսակների (ըստ հիվանդությունների միջազգային 10-րդ դասակարգման): Եթե հաշմանդամության պատճառ հանդիսացող հիվանդությունը չի համընկնում 401-414 տողերում արտացոլված հիվանդությունների տեսակների հետ, ապա այն արտացոլվում է տող 415-ում:

Բ Ա Ժ Ի Ն  5

ՎԵՐԱԿԱՆԳՆՈՂԱԿԱՆ ՕԳՆՈՒԹՅԱՆ ԵՐԱՇԽԱՎՈՐՈՒՄ ՍՏԱՑԱԾ ՀԱՇՄԱՆԴԱՄՆԵՐԻ ԹՎԱՔԱՆԱԿԸ

11. Այս բաժնում արտացոլվում է հաշվետու ժամանակաշրջանում վերականգնողական օգնության երաշխավորում ստացած հաշմանդամների թվաքանակն ըստ վերականգնման տեսակների: Սյունակներ 1-4-ում արտացոլվում է երաշխավորում ստացած հաշմանդամների թվաքանակը:

12. Սյունակներ 5-8-ում արտացոլվում է երաշխավորում ստացած մինչև 18 տարեկան հաշմանդամների թվաքանակը:

ԲՆԱԿՉՈՒԹՅԱՆ ՀԱՇՄԱՆԴԱՄՈՒԹՅԱՆ ՄԱՍԻՆ

200_ թ. ---- կիսամյակի համար

Էլեկտրոնային փոստ _______________@________________