«Գրանցված է»

ՀՀ արդարադատության

նախարարության կողմից

21 հունվարի 2004 թ.

Պետական գրանցման թիվ 60304005

  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

«ՁԿՆՈՐՍՈՒԹՅԱՆ ԵՎ ՁԿՆԱԲՈՒԾՈՒԹՅԱՆ ՄԱՍԻՆ» ՁԵՎ ԹԻՎ 1-ՁՈՒԿ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Ձկնորսության և ձկնաբուծության մասին» Ձև թիվ 1-Ձուկ (ամսական) պետական վիճակագրական հաշվետվության ձևը և լրացման հրահանգը` համաձայն հավելված 1-ի:

Հ Ր Ա Հ Ա Ն Գ

«ՁԿՆՈՐՍՈՒԹՅԱՆ ԵՎ ՁԿՆԱԲՈՒԾՈՒԹՅԱՆ ՄԱՍԻՆ» ՁԵՎ ԹԻՎ 1-ՁՈՒԿ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը սահմանում է «Ձկնորսության և ձկնաբուծության մասին» ՁԵՎ ԹԻՎ 1- ՁՈՒԿ (ամսական) պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացնում են ձկնորսություն, ձկնաբուծություն գործունեությամբ զբաղվող իրավաբանական անձինք և անհատ ձեռնարկատերերը, որոնք այդ մասին նախապես տեղեկացվում են:

3. Վիճակագրական տեղեկությունների ներկայացման հետ կապված հարաբերությունները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

4. Հրահանգը կազմված է հաշվետվության սյունակների ու տողերի հերթականությանը համապատասխան:

5. «Կատարվել է որս` ընդամենը» թիվ 001 տողով լրացվում է բաց ծովում, առափնյա կամ ներքին քաղցրահամ ջրերում ապրող ձկների, խեցեմորթերի (խեցգետին, ծովախեցգետին, օմար, մանր ծովախեցգետին (կրեվետկա), լանգուստ) և կակղամորթերի, կրիաների, իժերի, ծովային ոզնիների, բնական մարգարտի, սպունգերի ջրիմուռների և այլ նմանատիպ ծովամթերքի ընդամենը կատարված որսը: Այս բաժնում ներառվում են նաև ձկների առաջնային մշակման, բացի ձկնագործարաններում մշակումից, ինչպես նաև ձկնորսության հետ կապված ծառայությունների` ձկնապաշտպանության և հսկողության վրա կատարված ծախսերը:

6. 001 տողից` 002, 003 և 004 տողերում առանձնացվում են համապատասխանաբար ձկան, խեցեմորթերի և այլ ձկնամթերքի վերաբերյալ համապատասխան տվյալները:

7. «Այդ թվում իրացվել է, ընդամենը» թիվ 005 տողով լրացվում են թիվ 001 տողում` «Կատարվել է որս, ընդամենը», բերված ցուցանիշների միայն իրացված ձկան, խեցեմորթերի և այլ ձկնամթերքի ծավալների վերաբերյալ համապատասխան տվյալները:

8. 005 տողից` 006, 007 և 008 տողերում առանձնացվում են համապատասխանաբար ձկան, խեցեմորթերի և այլ ձկնամթերքի իրացման վերաբերյալ համապատասխան տվյալները:

9. «Բուծվել է, ընդամենը» թիվ 009 տողի առաջին և երկրորդ սյունակներում լրացվում է ձկնաբուծարանների և ձկների կլիմայավարժեցման, ձկնամելիորատիվ աշխատանքների, նորածին մանրաձկների, մանր ծովախեցգետինների արտադրության, ջրիմուռների, ոստրեաբուծման և ուրիշ ուտելի ծովաբույսերի աճեցման գործունեության հետ կապված ծառայությունների ընդամենը արժեքը:

10. 009 տողից` 010, 011 և 012 տողերում առանձնացվում են համապատասխանաբար ձկան, խեցեմորթերի և այլ ձկնամթերքի վերաբերյալ համապատասխան տվյալները:

11. «Այդ թվում իրացվել է, ընդամենը» թիվ 013 տողով լրացվում են բուծված ձկան, խեցեմորթերի և այլ ձկնամթերքի միայն իրացված ծավալների վերաբերյալ համապատասխան տվյալները:

12. 013 տողից` 014, 015 և 016 տողերում առանձնացվում են համապատասխանաբար` ձկան, խեցեմորթերի և այլ ձկնամթերքի իրացմանը վերաբերող համապատասխան տվյալները:

13. Աշխատողների ցուցակային թվաքանակը տարվա վերջի դրությամբ` կազմակերպության ցուցակային կազմի աշխատողների թվաքանակն է հաշվետու տարվա դեկտեմբերի 31-ի դրությամբ, ներառյալ այդ օրն աշխատանքի ընդունվածների և աշխատանքից դուրս եկածների թվաքանակի տարբերությունը:

 ՁԿՆՈՐՍՈՒԹՅԱՆ ԵՎ ՁԿՆԱԲՈՒԾՈՒԹՅԱՆ ՄԱՍԻՆ

200 թ. __________________ ամիս

Աշխատողների միջին ցուցակային թվաքանակը ________ մարդ