ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

16 նոյեմբերի 2000 թվականի N 762
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 1999 ԹՎԱԿԱՆԻ ԱՊՐԻԼԻ 16-Ի N 226 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

1. Հայաստանի Հանրապետության վարչապետի 1999 թվականի ապրիլի 16-ի «Հայաստանի Հանրապետության բյուջետային հիմնարկների աշխատողների պաշտոնային դրույքաչափերը սահմանելու մասին» N 226 որոշման մեջ (Հայաստանի Հանրապետության վարչապետի 1999 թվականի հունիսի 21-ի N 372 որոշման խմբագրությամբ) կատարել հետևյալ լրացումները և փոփոխությունները`

ա) որոշման 1-ին կետը «ա» ենթակետից հետո լրացնել հետևյալ բովանդակությամբ նոր` «բ» ենթակետով.

«բ) Հայաստանի Հանրապետության պաշտպանության նախարարության, Հայաստանի Հանրապետության ազգային անվտանգության նախարարության, Հայաստանի Հանրապետության ներքին գործերի նախարարության և Հայաստանի Հանրապետության կառավարությանն առընթեր արտակարգ իրավիճակների վարչության սպայական, ենթասպայական ու կրտսեր հրամանատարական կազմի պաշտոնային դրույքաչափերը (նվազագույն և առավելագույն)` համաձայն N 1¹ հավելվածի»:

Այդ կապակցությամբ որոշման 1-ին կետի «բ», «գ» և «դ» ենթակետերը համապատասխանաբար համարել «գ», «դ» և «ե» ենթակետեր.

բ) որոշումը 2-րդ կետից հետո լրացնել հետևյալ բովանդակությամբ նոր` 2¹-րդ կետով.

«2¹. Իրավունք վերապահել սույն որոշման N 1¹ հավելվածում ընդգրկված համապատասխան մարմինների ղեկավարներին Հայաստանի Հանրապետության պետական բյուջեով նախատեսված աշխատավարձի ֆոնդի սահմաններում տնտեսված գումարների հաշվին աշխատողներին վճարելու լրավճարներ և պարգևավճարներ».

գ) ուժը կորցրած ճանաչել որոշման N 1 հավելվածի «ՀՀ պաշտպանության նախարարության կենտրոնական ապարատ», «ՀՀ ներքին գործերի և ազգային անվտանգության նախարարության սպայական, ենթասպայական, կրտսեր հրամանատարական և շարքային կազմ», «Հայաստանի Հանրապետության ներքին գործերի մարմիններ», «ՀՀ պաշտպանության նախարարության, ՀՀ ներքին գործերի և ազգային անվտանգության նախարարության և ՀՀ կառավարությանն առընթեր արտակարգ իրավիճակների վարչության զինվորական միավորումներ և ստորաբաժանումներ», «ՀՀ կառավարությանն առընթեր արտակարգ իրավիճակների վարչության կենտրոնական ապարատի և քաղաքացիական պաշտպանության հանրապետական շտաբի զինծառայողներ», «ՀՀ կառավարությանն առընթեր արտակարգ իրավիճակների մարզային (Երևան քաղաքի) շտաբների զինծառայողներ», «ՀՀ կառավարությանն առընթեր արտակարգ իրավիճակների վարչության քաղաքացիական պաշտպանության հանրապետական շտաբի և նրա համակարգի հիմնարկների զինվորական կոչում չունեցող աշխատողներ», «Երևան քաղաքի, մարզային քաղաքացիական պաշտպանության և արտակարգ իրավիճակների շտաբներ», «Ներքին գործերի մարմինների ստորաբաժանումներ և ծառայություններ», «Քրեական պատիժների իրականացման վարչություն և դրան ենթակա ստորաբաժանումներ» և «Ներքին զորքերի վարչությանը ենթակա ստորաբաժանումներ» բաժինները:

Հայաստանի Հանրապետության պաշտպանության նախարարության, Հայաստանի Հանրապետության ազգային անվտանգության նախարարության, Հայաստանի Հանրապետության ներքին գործերի նախարարության ԵՎ Հայաստանի Հանրապետության կառավարությանն առընթեր արտակարգ իրավիճակների վարչության սպայական, ենթասպայական ու կրտսեր հրամանատարական կազմի պաշտոնային դրույքաչափերը (նվազագույն եվ առավելագույն)