«Վավերացնում եմ»
Հայաստանի Հանրապետության
Նախագահ Ռ. Քոչարյան
23 մարտի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
11 մարտի 2004 թվականի N 320-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՀՈՒՆՎԱՐԻ 22-Ի N 130-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Համաձայն Հայաստանի Հանրապետության ջրային օրենսգրքի 73-րդ հոդվածի՝ Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2004 թվականի հունվարի 22-ի «Խմելու ջրի մատակարարման և ջրահեռացման կանոնները, ջրամատակարարման և ջրահեռացման պայմանագրերի օրինակելի ձևերը, ջրամատակարարման և ջրահեռացման համակարգերին միացման տեխնիկական պայմանների սահմանման կարգը հաստատելու և Հայաստանի Հանրապետության կառավարության 1999 թվականի մարտի 13-ի N 149 որոշումն ուժը կորցրած ճանաչելու մասին» N 130-Ն որոշման մեջ կատարել հետևյալ փոփոխություններն ու լրացումը`
ա) որոշման 1-ին կետի «ա» ենթակետով հաստատված խմելու ջրի մատակարարման և ջրահեռացման կանոնների 23-րդ կետը շարադրել հետևյալ բովանդակությամբ նոր` խմբագրությամբ.
«23. Բաժանորդին մատակարարված խմելու ջրի ծավալը հաշվարկվում է տեղադրված ջրաչափի ցուցմունքով, որի գրանցումները կարող են կատարվել ինչպես ջրամատակարարի կողմից՝ յուրաքանչյուր ամսվա 25-ից մինչև հաջորդող ամսվա 1-ը ընկած ժամանակահատվածը, այնպես էլ ջրամատակարարի և բաժանորդի միջև կնքված պայմանագրով նախատեսված կարգով, իսկ ջրաչափի բացակայության դեպքում՝ Հայաստանի Հանրապետության կառավարության սահմանած չափաքանակներով: Ջրամատակարարի և բաժանորդի միջև կնքված պայմանագրով կարող է նախատեսվել, որ ջրաչափի ցուցմունքը կարող է վերցվել նաև բաժանորդի կողմից, որը պարտավոր է կատարել համապատասխան հաշվարկներ, ներկայանալ համապատասխան բանկ կամ փոստային բաժանմունք և կատարել համապատասխան վճարումներ: Ընդ որում, բաժանորդի կողմից հաշվարկված ծախսի կամ վճարված գումարի նկատմամբ կասկած առաջանալու դեպքում ջրամատակարարն իրավունք ունի ստուգելու նշված ծախսի և վճարված գումարի ճշտությունը: Նշված դեպքում բաժանորդը պարտավոր է վճարել տարբերությունը».
բ) որոշման 2-րդ կետի «ա» ենթակետը շարադրել հետևյալ բովանդակությամբ նոր խմբագրությամբ.
«ա) բազմաբնակարան շենքերի ջրամատակարարման ներքին ցանցերի մուտքագծերում՝ Երևան քաղաքում` մինչև 2004 թվականի հուլիսի 1-ը, իսկ Հայաստանի Հանրապետության մնացած մարզերում՝ մինչև 2005 թվականի հուլիսի 1-ը».
գ) որոշման 4-րդ կետի «ա» ենթակետում`
հանել «և բազմաբնակարան շենքի մուտքագծին ընդհանուր ջրաչափական սարքի տեղադրումը» բառերը,
«200 լիտր» բառերը փոխարինել «100 լիտր» բառերով,
«250 լիտր» բառերը փոխարինել «150 լիտր» բառերով».
դ) որոշումը լրացնել հետևյալ բովանդակությամբ նոր` 41-րդ կետով.
«41 Սահմանել, որ բազմաբնակարան շենքի ջրամատակարարման ներքին ցանցի մուտքագծի վրա տեղադրված ջրաչափական սարքի առկայության դեպքում բազմաբնակարան շենքերի ջրաչափական սարքեր չունեցող բնակիչ-բաժանորդներից յուրաքանչյուրի օգտագործած ջրաքանակը մինչև 2004 թվականի ապրիլի 1-ը ընկած ժամանակահատվածում մեկ անձին օրական հաշվարկվում է 200 լիտր (Երևան քաղաքում՝ 250 լիտր), 2004 թվականի ապրիլի 1-ից մինչև 2005 թվականի (Երևան քաղաքում՝ 2004 թվականի) հուլիսի 1-ը ընկած ժամանակահատվածում մեկ անձին օրական հաշվարկվում է 100 լիտր (Երևան քաղաքում՝ 150 լիտր)՝ Հայաստանի Հանրապետության հանրային ծառայությունները կարգավորող հանձնաժողովի կողմից 2004 թվականի փետրվարի 27-ի N 25-Ն և N 26-Ն որոշումներով հաստատված խմելու ջրի մատակարարման և ջրահեռացման սակագների հաշվարկով, իսկ 2005 թվականի (Երևան քաղաքում՝ 2004 թվականի) հուլիսի 1-ից հետո՝ սույն որոշման 4-րդ կետի «ե» ենթակետով սահմանված կարգով».
ե) որոշման 11-րդ կետում «հուլիսի 1-ից» բառերը փոխարինել «ապրիլի 1-ից» բառերով:
2. Սույն որոշումն ուժի մեջ է մտնում 2004 թվականի ապրիլի 1-ից:
|
|
Ա. Մարգարյան |
|
|
