«Վավերացնում եմ»

Հայաստանի Հանրապետության

Նախագահ Ռ. Քոչարյան

23 հոկտեմբերի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հոկտեմբերի 2003 թվականի N 1297-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ  ՄԱՐՏԻ 24-Ի N 236 ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի մարտի 24-ի «Մաքսային հսկողության իրականացման մեթոդիկան սահմանելու մասին» N 236 որոշման մեջ կատարել հետևյալ լրացումը և փոփոխությունները՝

որոշմամբ հաստատված մաքսային հսկողության իրականացման մեթոդիկայում՝

ա) 16-րդ կետը լրացնել հետևյալ բովանդակությամբ նոր պարբերությամբ.

«Ընտրողականությունը ղեկավարող պաշտոնատար անձը թույլատրում է շարունակել ավտոմատացված համակարգչային ծրագրով փաստաթղթային ձևակերպումները՝ մաքսային հայտարարագրի հակառակ կողմում կատարելով «Ընտրողականությունն իրականացված է» գրառումը՝ այն հաստատելով անձնական կնիքով».

բ) 21-րդ կետում «օրինակը՝ ապրանքների զննման ընտրողականությունը ղեկավարող պաշտոնատար անձին» բառերը փոխարինել «օրինակը մնում է մաքսային մարմնում» բառերով.

գ) ուժը կորցրած ճանաչել 23-րդ կետը.

դ) 32-րդ կետում «օրինակը՝ ապրանքների զննման ընտրողականությունը ղեկավարող պաշտոնատար անձին» բառերը փոխարինել «օրինակը մնում է մաքսային մարմնում» բառերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: