040.0021.13.01.01

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

13 հունվարի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 հունվարի 2001 թվականի N 21

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐՈՒԹՅԱՆ ԿԱՊԻ ԵՎ ՏԵՂԵԿԱՏՎԱՅՆԱՑՄԱՆ ԳԼԽԱՎՈՐ ՎԱՐՉՈՒԹՅՈՒՆ ՍՏԵՂԾԵԼՈՒ ՄԱՍԻՆ

Կապի և տեղեկատվայնացման բնագավառում կառավարման արդյունավետությունը բարձրացնելու, միասնական քաղաքականություն իրականացնելու, ինչպես նաև կապի տեխնոլոգիական գործընթացների իրագործումն ապահովելու նպատակով Հայաստանի Հանրապետության կառավարությունը որոշում է.

1. Ստեղծել Հայաստանի Հանրապետության տրանսպորտի և կապի նախարարության կապի և տեղեկատվայնացման գլխավոր վարչություն` գերատեսչության կարգավիճակով, Հայաստանի Հանրապետության տրանսպորտի և կապի նախարարության կենտրոնական ապարատի պահպանման ծախսերի և աշխատողների թվի սահմաններում:

2. Հայաստանի Հանրապետության տրանսպորտի և կապի նախարարությանը` 10-օրյա ժամկետում` սահմանված կարգով Հայաստանի Հանրապետության վարչապետի հաստատմանը ներկայացնել`

ա) առաջարկություններ Հայաստանի Հանրապետության տրանսպորտի և կապի նախարարության մեջ և կառուցվածքում, ինչպես նաև կենտրոնական ապարատի աշխատողների և նախարարի տեղակալների թվում սույն որոշումից բխող համապատասխան փոփոխություններ կատարելու վերաբերյալ.

բ) Հայաստանի Հանրապետության տրանսպորտի և կապի նախարարության կապի և տեղեկատվայնացման գլխավոր վարչության կանոնադրությունը և կենտրոնական ապարատի կառուցվածքը, աշխատողների ու գլխավոր վարչության խորհրդի անդամների թիվը:

3. Հայաստանի Հանրապետության ֆինանսների և էկոնոմիկայի նախարարությանը` 10-օրյա ժամկետում Հայաստանի Հանրապետության կառավարություն ներկայացնել առաջարկություն Հայաստանի Հանրապետության տրանսպորտի և կապի նախարարության կապի և տեղեկատվայնացման գլխավոր վարչության 2001 թվականի պահպանման ծախսերի վերաբերյալ` ըստ տնտեսագիտական դասակարգման:

4. Սույն որոշումն ուժի մեջ է մտնում 2001 թվականի հունվարի 13-ից: