Basic information
Number
N 433-Ն
Type
Հրաման
Act type
Հիմնական ակտ (12.08.2010-մինչ օրս)
Status
Գործում է
Source
ՀՀԳՏ 2010.08.02/18(370) Հոդ.207
Enactment organisation
Մշակույթի նախարար
Enactment date
17.07.2010
Signing organisation
Մշակույթի նախարար
Signing date
17.07.2010
Effective date
12.08.2010

«Գրանցված է»

ՀՀ արդարադատության

նախարարության կողմից

26 հուլիսի 2010 թ.

Պետական գրանցման թիվ 11110262

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ՄՇԱԿՈՒՅԹԻ ՆԱԽԱՐԱՐ

 

 17 հուլիսի 2010 թ.

 N 433-Ն

Հ Ր Ա Մ Ա Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐԻ 2010 Թ. ՄԱՅԻՍԻ 3-Ի N 220-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

Հիմք ընդունելով «Իրավական ակտերի մասին» ՀՀ օրենքի 70 հոդվածի 5-րդ մասը՝

 

Հրամայում եմ՝

 

1. ՀՀ մշակույթի նախարարի 2010 թվականի մայիսի 3-ի «Հայաստանի Հանրապետության մշակույթի նախարարության գործավարության կարգը հաստատելու մասին» N 220-Ն հրամանի հավելվածի`

1) 79-րդ կետը շարադրել նոր խմբագրությամբ. «79. Նախարարի և աշխատակազմի ղեկավարի հրամանների համարակալված ձևաթղթերը պահպանվում են աշխատակազմում գույքի գրանցման և տեղաշարժման համար պատասխանատու ստորաբաժանումում, որոնք տրվում են ստորաբաժանման ղեկավարների պահանջի հիման վրա` անմիջապես` ստորագրությամբ, իսկ սպառվելու դեպքում ստորաբաժանման ղեկավարի կողմից պատասխանատու ստորաբաժանմանը ներկայացվում է տեղեկույթ օգտագործված ձևաթղթերի հերթական համարների վերաբերյալ, խոտանված բլանկների հետ միասին, որից հետո միայն տրվում են նոր ձևաթղթեր»:

2) 95-րդ կետը շարադրել նոր խմբագրությամբ. «95. Նախարարի, նախարարի տեղակալի և աշխատակազմի ղեկավարի համարակալված ձևաթղթերը պահպանվում են աշխատակազմում գույքի գրանցման և տեղաշարժման համար պատասխանատու ստորաբաժանումում, որոնք տրվում են ստորաբաժանման ղեկավարների պահանջի հիման վրա` անմիջապես` ստորագրությամբ, իսկ սպառվելու դեպքում ստորաբաժանման ղեկավարի կողմից պատասխանատու ստորաբաժանմանը ներկայացվում է տեղեկույթ օգտագործված ձևաթղթերի հերթական համարների և ելից համարների վերաբերյալ, խոտանված բլանկների հետ միասին, որից հետո միայն տրվում են նոր ձևաթղթեր»:

3) 98-րդ կետը շարադրել նոր խմբագրությամբ. «98. Կատարողը գրության թղթային առաքման ենթակա տարբերակը համեմատում է էլեկտրոնային ստորագրված տարբերակի հետ, որից հետո հանձնում է պատասխանատու ստորաբաժանման աշխատողին` ստորագրման ներկայացնելու և հասցեատիրոջն (տերերին) առաքումն ապահովելու համար»:

2. Սույն հրամանի կատարման հսկողությունը վերապահել նախարարության աշխատակազմի ղեկավար Ս. Ավետիսյանին:

3. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

Նախարար`

Հ. Պողոսյան

Change History
Changing Act Corresponding incorporation
Changed acts
Changing Act Corresponding incorporation