040.0629.10.10.00

«Վավերացնում եմ»
Հայաստանի Հանրապետության
Նախագահ Ռ. Քոչարյան
10 հոկտեմբերի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 հոկտեմբերի 2000 թվականի N 629
քաղ. Երևան

ՀՈՂԻ ՍԵՓԱԿԱՆԱՏԵՐԵՐԻ, ԻՆՉՊԵՍ ՆԱԵՎ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՀՈՂԻ ՄՇՏԱԿԱՆ ԵՎ ԺԱՄԱՆԱԿԱՎՈՐ ՕԳՏԱԳՈՐԾՈՂՆԵՐԻ ՀՈՂԵՐԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԸ ՀԱՐԿԱՅԻՆ ՄԱՐՄԻՆՆԵՐ ՆԵՐԿԱՅԱՑՆԵԼՈՒ ԿԱՐԳԻ ՄԱՍԻՆ

Հայաստանի Հանրապետության կառավարությունը որոշում է.

1. Հաստատել հողի սեփականատերերի, ինչպես նաև պետական սեփականություն հանդիսացող հողի մշտական և ժամանակավոր օգտագործողների հողերի (բացի վարձակալության հանձնվածից) վերաբերյալ տեղեկությունները հարկային մարմիններ ներկայացնելու կարգը (կցվում է):

2. Ուժը կորցրած ճանաչել Հայաստանի Հանրապետության կառավարության 1997 թվականի հոկտեմբերի 22-ի «Անշարժ գույքի պետական միասնական կադաստրի վարման կարգի և անշարժ գույքի համակարգված դիտարկումների (մոնիտորինգ) իրականացման մասին» N 465 որոշմամբ հաստատված անշարժ գույքի կադաստրային գնահատման իրականացման կարգի 24-րդ կետը:

Կ Ա Ր Գ

հողի սեփականատերերի, ինչպես նաեվ պետական սեփականություն հանդիսացող հողի մշտական եվ ժամանակավոր օգտագործողների հողերի (բացի վարձակալության հանձնվածից) վերաբերյալ տեղեկությունները հարկային մարմիններ ներկայացնելու

1. Սույն կարգով սահմանվում է հողի սեփականատերերի, ինչպես նաև պետական սեփականություն հանդիսացող հողի մշտական և ժամանակավոր օգտագործողների (այսուհետև` օգտագործողներ) հողերի (բացի վարձակալության հանձնվածից) վերաբերյալ տեղեկությունները (այսուհետև` տեղեկություններ) հարկային մարմիններ ներկայացնելու կարգը:

2. Տեղեկությունները տարածքային հարկային տեսչություններին տրամադրում են Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տարածքային ստորաբաժանումները:

3. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տարածքային ստորաբաժանումները յուրաքանչյուր տարի տարածքային հարկային տեսչություններին տրամադրում են տեղեկություններ`

ա) մինչև օգոստոսի 1-ը հուլիսի 1-ի դրությամբ Հայաստանի Հանրապետության քաղաքացիներին սեփականության կամ օգտագործման (բացի վարձակալության հանձնվածից), օտարերկրյա քաղաքացիներին, քաղաքացիություն չունեցող անձանց օգտագործման (բացի վարձակալության հանձնվածից) իրավունքով պատկանող հողերի մասին` համաձայն սույն կարգին կից N 1 ձևի.

բ) մինչև օգոստոսի 1-ը հուլիսի 1-ի դրությամբ Հայաստանի Հանրապետության կազմակերպություններին, օտարերկրյա պետություններին, միջազգային կազմակերպություններին սեփականության կամ օգտագործման (բացի վարձակալության հանձնվածից), Հայաստանի Հանրապետության հիմնարկներին օգտագործման (բացի վարձակալության հանձնվածից) իրավունքով պատկանող հողերի մասին` համաձայն սույն կարգին կից N 2 ձևի.

գ) մինչև յուրաքանչյուր ամսվա 15-ը` նախորդ ամսվա ընթացքում Հայաստանի Հանրապետության քաղաքացիներին, կազմակերպություններին, օտարերկրյա պետություններին, միջազգային կազմակերպություններին սեփականության կամ օգտագործման (բացի վարձակալության հանձնվածից), Հայաստանի Հանրապետության հիմնարկներին, օտարերկրյա քաղաքացիներին, քաղաքացիություն չունեցող անձանց օգտագործման (բացի վարձակալության հանձնվածից) իրավունքով պատկանող հողերի սեփականատերերի կամ օգտագործողների փոփոխման մասին` համաձայն սույն կարգին կից N 3 ձևի:

Ձև 1

Ա Մ Փ Ո Փ  Ց ՈՒ Ց Ա Կ  N

200  թ. հուլիսի 1-ի դրությամբ ______ մարզի _________ համայնքում* (համայնքի վարչական տարածքից դուրս) Հայաստանի Հանրապետության քաղաքացիներին, օտարերկրյա քաղաքացիներին, քաղաքացիություն չունեցող անձանց սեփականության (օգտագործման) իրավունքով պատկանող հողերի եվ դրանց սեփականատերերի (օգտագործողների)

* Համայնքի վարչական տարածքից դուրս գտնվող հողերի և դրանց սեփականատերերի (օգտագործողների) ցուցակը ներկայացվում է առանձին:

Ձև 2

Ա Մ Փ Ո Փ  Ց ՈՒ Ց Ա Կ  N

200  թ. հուլիսի 1-ի դրությամբ ______ մարզի _________ համայնքում* (համայնքի վարչական տարածքից դուրս) հիմնարկներին, կազմակերպություններին, օտարերկրյա պետություններին, միջազգային կազմակերպություններին սեփականության (օգտագործման) իրավունքով պատկանող հողերի եվ դրանց սեփականատերերի (օգտագործողների)

* Համայնքի վարչական տարածքից դուրս գտնվող հողերի և դրանց սեփականատերերի (օգտագործողների) ցուցակը ներկայացվում է առանձին:

Ձև 3

Տ Ե Ղ Ե Կ ՈՒ Թ Յ ՈՒ Ն Ն Ե Ր

200  թ. ________ ամսվա __________ ընթացքում ______ մարզի _________ համայնքում* (համայնքի վարչական տարածքից դուրս) ____________ հողակադասՏրային շրջան հայաստանի հանրապետության քաղաքացիներին, օտարերկրյա քաղաքացիներին, քաղաքացիություն չունեցով անձանց, հւմնարկներին, կազմակերպություններին, օրարերկրյա պետություններին, միջազգային կազմակերպություններին սեփականության (օգտագործման) իրավունքով պատկանող հողերի եվ դրանց սեփականատերերի (օգտագործողների) ՓՈՓՈԽՄԱՆ ՄԱՍԻՆ

* Համայնքի վարչական տարածքից դուրս գտնվող հողերի և դրանց սեփականատերերի (օգտագործողների) ցուցակը ներկայացվում է առանձին: