«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
3 դեկտեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 դեկտեմբերի 1998 թվականի N 767
քաղ. Երևան

«ՀԱՅԱՍՏԱՆԻ ՆԵՐԴՐՈՒՄԱՅԻՆ ԸՆԿԵՐՈՒԹՅՈՒՆ» ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՄԱՍԻՆ

Ղեկավարվելով Հայաստանի Հանրապետության կառավարության գործունեության ծրագրի հիմնադրույթներով և հաշվի առնելով տնտեսության զարգացման գործում ներքին ու օտարերկրյա ներդրումներին աջակցելու անհրաժեշտությունը Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության ֆինանսների և էկոնոմիկայի նախարարությանը մասնակցել «Հայաստանի ներդրումային ընկերություն» բաժնետիրական ընկերության ստեղծմանը և կանոնադրական հիմնադրամի պետական մասնակցության վճարումը կատարել «Հայաստանի Հանրապետության 1998 թվականի պետական բյուջեի մասին» Հայաստանի Հանրապետության օրենքի N 4 հավելվածի 13-րդ կետի «Ինվեստիցիոն կազմակերպության հիմնադրամի պետական փայամասնակցության միջոցներ» տողով նախատեսված գումարի հաշվին` 500 մլն դրամի չափով:

2. Սահմանել, որ «Հայաստանի ներդրումային ընկերություն» բաժնետիրական ընկերությունը, Հայաստանի Հանրապետության կառավարության 1998 թվականի հունվարի 7-ի «Արժեթղթերի շուկայում իրականացվող գործունեության լիցենզավորման կարգը հաստատելու մասին» N 3 որոշմամբ սահմանված գործառնություններից բացի, կարող է իրականացնել վարկերի տրամադրման և լիզինգային գործառնություններ:

3. Սույն որոշումն ուժի մեջ է մտնում 1998 թվականի դեկտեմբերի 3-ից:

Հայաստանի Հանրապետության վարչապետ

Ա. Դարբինյան

Հավելված N 1 ՀՀ կառավարության 1998 թվականի դեկտեմբերի 3-ի N 767 որոշման

Ն Ա Խ Ա Հ Ա Շ Ի Վ

ՀԱՄԱՅՆՔԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎԻ ԾԱԽՍԵՐԻ` ԿԱՊՎԱԾ ՎԱՅՈՑ ՁՈՐԻ ՄԱՐԶԻ ԳՈՂԹԱՆԻԿԻ ԳՅՈՒՂԱԿԱՆ ՀԱՄԱՅՆՔԻ ՂԵԿԱՎԱՐԻ ԱՐՏԱՀԵՐԹ ԸՆՏՐՈՒԹՅԱՆ ՆԱԽԱՊԱՏՐԱՍՏՄԱՆ ԵՎ ԱՆՑԿԱՑՄԱՆ ՀԵՏ

NN ը/կ	Ծախսերը	Գումարը (դրամ)
1.	Համայնքային ընտրական հանձնաժողովի նախագահի և քարտուղարի աշխատավարձ (2 մարդ x 8000 դրամ x 1 ամիս )	16000
2.	Հարտարակչական ծախսեր	7000
3.	Քարողչական աշխատանքների կազմակերպման ծախսեր	7000
4.	Տրանսպորտային ծախսեր	5000
5.	Փոստ, հեռախոս, հեռագիր	3000
6.	Գործուղման ծախսեր	9000
7.	Գրասենյակային ծախսեր	3000
ընդամենը`		50000
Ընտրողների ցուցակների մեքենագրման ծախսեր (196 ընտրող x 5 դրամ)		980
Ընտրական քվեաթերթիկների տպագրության ծախսեր (196 ընտրող x 3 դրամ)		588
ընդամենը`		51568

Հայաստանի Հանրապետության կառավարության աշխատակազմի ղեկավար

Է. Թադևոսյան

Հավելված N 2 ՀՀ կառավարության 1998 թվականի դեկտեմբերի 3-ի N 767 որոշման

Ն Ա Խ Ա Հ Ա Շ Ի Վ

ՏԵՂԱՄԱՍԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎԻ ԾԱԽՍԵՐԻ` ԿԱՊՎԱԾ ՎԱՅՈՑ ՁՈՐԻ ՄԱՐԶԻ ԳՈՂԹԱՆԻԿԻ ԳՅՈՒՂԱԿԱՆ ՀԱՄԱՅՆՔԻ ՂԵԿԱՎԱՐԻ ԱՐՏԱՀԵՐԹ ԸՆՏՐՈՒԹՅԱՆ ՆԱԽԱՊԱՏՐԱՍՏՄԱՆ ԵՎ ԱՆՑԿԱՑՄԱՆ ՀԵՏ

NN ը/կ	Ծախսերը	Գումարը (դրամ)
1.	ՏԵՂԱՄԱՍԱՅԻՆ ընտրական հանձնաժողովի նախագահի և քարտուղարի աշխատավարձ	8000
2.	Տրանսպորտային ծախսեր	5000
3.	Փոստ, հեռախոս, հեռագիր	1000
4.	Գրասենյակային ծախսեր	1000
ընդամենը`		15000

Հայաստանի Հանրապետության կառավարության աշխատակազմի ղեկավար

Է. Թադևոսյան