«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
25 ապրիլի 1996թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
25 ապրիլի 1996 թվականի N 121
քաղ. Երևան
ՄԱՍՆԱԳԻՏԱԿԱՆ ՀԻՎԱՆԴՈՒԹՅՈՒՆՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ
Ի կատարումն «Հայաստանի Հանրապետության քաղաքացիների պետական կենսաթոշակային ապահովության մասին» Հայաստանի Հանրապետության օրենքի 19 հոդվածի, Հայաստանի Հանրապետության կառավարությունը որոշում է.
1. Հաստատել մասնագիտական հիվանդությունների ցանկը (կցվում է):
2. Սույն որոշումն ուժի մեջ է մտնում 1996 թվականի ապրիլի 25-ից:
|
Հայաստանի Հանրապետության վարչապետ |
Հ. ԲԱԳՐԱՏյան |
|
Հաստատված է |
Ց Ա Ն Կ
ՄԱՍՆԱԳԻՏԱԿԱՆ ՀԻՎԱՆԴՈՒԹՅՈՒՆՆԵՐԻ
|
| ||
|
Հիվանդությունների անվանումն ըստ հիվանդածին գործոնների |
Վտանգավոր ու վնասակար նյութերը և աշխատանքային գործոնները, որոնց ազդեցությունը կարող է հանգեցնել մասնագիտական հիվանդությունների առաջացման |
Մասնագիտությունների ու բնագավառների օրինակները |
|
| ||
|
1 |
2 |
3 |
|
| ||
I. ՔԻՄԻԱԿԱՆ ԹՈՒՆԱՎՈՐ ՆՅՈՒԹԵՐԻ ԱԶԴԵՑՈՒԹՅՈՒՆԻՑ ԱՌԱՋԱՑՈՂ ՀԻՎԱՆԴՈՒԹՅՈՒՆՆԵՐ
| Սուր և քրոնիկական թունավորումներ ու դրանց հետևանքները | Թունավոր նյութեր` նախնական հումք, միջանկյալ, կողմնակի և վերջնական արդյունքներ | Թունավոր նյութերի վերամշակման, ստացման, կիրառման (ներառյալ լաբորատոր) հետ կապված ցանկացած աշխատանքներ |
| Շնչառական օրգանների թունային ախտահարում` քթաըմպանակոկորդաբորբ (ռինոֆարինգոլարինգիտ), էռոզիա, քթի միջնապատի թափածակում, շնչափողաբորբ (տրախեիտ), բրոնխաբորբ (բրոնխիտ), թոքակարծրախտ (պնևմոսկլերոզ) և այլն | Ազոտական թթու, ամոնիակ, ազոտի օքսիդներ, իզոցիանատներ, սիլիցիումի օրգանական միացություններ, սելեն, ֆորմալդեհիդ, ֆթալային անհիդրիդ: Ծծումբ, ֆտոր, քրոմ ու դրանց միացություններ և այլն | 2-րդ սյունակում նշված նյութերի վերամշակման, ստացման, կիրառման (ներառյալ լաբորատոր) հետ կապված ցանկացած աշխատանքներ |
| Թունային սակավարյունություն (անեմիա) | Արոմատիկ շարքի ամինոնիտրո և քլոր միացություններ, բենզոլ և դրա ածանցյալներ, բենզոլային, հոմոլոգներ, հեքսամեթիլենդիամին, քլորօրգանական պեստիցիդներ, կապար ու դրա ոչ օրգանական միացություններ և այլն | 2-րդ սյունակում նշված նյութերի վերամշակման, ստացման, կիրառման (ներառյալ լաբորատոր) հետ կապված ցանկացած աշխատանքներ |
| Թունային լյարդաբորբ (հեպատիտ) | Արոմատիկ շարքի, ամինոնիտրո- և քլոր- միացություններ, բենզոլ և դրա ածանցյալներ (ստիրոլ), ճարպային շարքի ածխաջրածինների հալոիդաածանցյալներ, հիդրազին և դրա միացություններ, պեստիցիդներ (քլորօրգանական), ֆտոր և դրա միացություններ, քլորոպրեն | 2-րդ սյունակում նշված նյութերի վերամշակման, ստացման, կիրառման (ներառյալ լաբորատոր) հետ կապված ցանկացած աշխատանքներ |
| Թունային երիկամապաթիաներ (նեֆրոպաթիաներ) | Բետա-նաֆտոլ, կադմիում, քառաքլորային ածխածին | 2-րդ սյունակում նշված նյութերի վերամշակման, ստացման, կիրառման (ներառյալ լաբորատոր) հետ կապված ցանկացած աշխատանքներ |
| Նյարդային համակարգի թունային ախտահարում` բազմանյարդապաթիա (պոլինևրոպաթիա), ուղեղապաթիա (էնցեֆալոպաթիա), նևրոզանման վիճակներ | Արոմատիկ շարքի ամինոնիտրո և քլորմիացություններ, հեքսամեթիլենդիամին, բենզոլ և դրա ածանցյալներ (բենզոլի հոմոլոգներ, ստիրոլ), ճարպային շարքի հալոիդաածանցյալ ածխաջրածիններ, հիդրազին և դրա միացություններ, մանգան, պեստիցիդներ, սնդիկ և դրա միացություններ, ծծմբածխածին, տետրաէթիլկատար, քլորոպրեն և այլն | 2-րդ սյունակում նշված նյութերի վերամշակման, ստացման, կիրառման (ներառյալ լաբորատոր) հետ կապված ցանկացած աշխատանքներ |
| Աչքի թունային ախտահարում` ա) ոսպնյակի պղտորում (կատարակտ) |
Տրինիտրոտոլուոլ | 2-րդ սյունակում նշված նյութի վերամշակման, ստացման, կիրառման (ներառյալ լաբորատոր) հետ կապված ցանկացած աշխատանքներ |
| բ) շաղկապենաբորբ (կոնյունկտիվիտ), եղջերաշաղկապենաբորբ (կերատոկոնյունկտիվիտ) | Ազոտական թթու, ամոնիակ, ազոտի օքսիդներ, իզոցիանատներ, ծծումբ և դրա միացություններ, ֆորմալդեհիդ, ֆտոր ու դրա միացություններ և այլն | 2-րդ սյունակում նշված նյութերի վերամշակման, ստացման, կիրառման (ներառյալ լաբորատոր) հետ կապված ցանկացած աշխատանքներ |
| Ոսկրերի թունային ախտահարում` ոսկրանոսրացում (օստեոպորոզ), ոսկրակրծախտ (օստեոսկլերոզ), ծնոտների մեռուկացում | Դեղին ֆոսֆոր, ֆտոր և դրանց միացություններ | 2-րդ սյունակում նշված նյութերի վերամշակման, ստացման, կիրառման (ներառյալ լաբորատոր) հետ կապված ցանկացած աշխատանքներ |
| Մաշկային հիվանդություններ` հպումային մաշկաբորբ (դերմատիտ), ֆոտոմաշկաբորբ (ֆոտոդերմատիտ), եղնգախտ (օնիխիա), հարեղգնախտ (պարօնիխիա), մելանոմաշկախտ (մելանոդերմիա), բշտիկաբորբ (ֆոլիկուլիտներ), վերնամաշկախտ (էպիդերմիա) |
Նավթի, քարածխի և թերթաքարերի թորման արդյունքներ (բենզին, կերոսին, քսայուղեր, կրեզոլ, լիզոլ, գուդրոն, մազութ, ասֆալտ, կուպր և դրա թորուկներ), քլորացված նավթալիններ, թթուներ, հիմքեր, օրգանական լուծիչներ, հիդրոսուլֆիդ, քլորակիր, ծանր մետաղների աղեր, մկնդեղ, ֆորմալին, սոսինձ, ծարիր ու դրա միացություններ և այլն | Քիմիական նավթավերամշակման, մեքենաշինական, մետալուրգիական, կահույքի, կաշե-հումքի, կաշվի, սննդամթերքի վերամշակման արտադրություններ: Նավթաբեռնանավերի մաքրում, թունելագործություն, շինբարեկարգման և այլ աշխատանքներ |
| Մետաղական տենդ, ֆտորոպլաստային (տեֆլոնային) տենդ | Գունավոր մետաղների (ցինկ, պղինձ, նիկել, կոբալտ, մոլիբդեն և այլն), ծարիրի խտացման արեոզոլներ, երկրորդային պոլիմերիզացման (ֆտորոպլաստներ) աերոզոլներ | Գունավոր մետաղների, պլաստմասաների (ֆտորոպլաստների) արտադրություն և դրանց վերամշակում |
|
II. ԱՐԴՅՈՒՆԱԲԵՐԱԿԱՆ ԱԵՐՈԶՈԼՆԵՐԻ ՆԵՐԳՈՐԾՈՒԹՅՈՒՆԻՑ ԱՌԱՋԱՑԱԾ ՀԻՎԱՆԴՈՒԹՅՈՒՆՆԵՐ | ||
| Թոքափոշախտեր (պնևմոկոնիոզներ)` սիլիցիումախտ (սիլիկոզ), սիլիկատախտեր (սիլիկատոզներ), մետաղակոնիոզներ, ածխափոշախտեր (կարբոկոնիոզներ) և թոքափոշախտեր (պնևմոկոնիոզներ)` օրգանական ու խառը փոշուց | Ազատ կամ կապված վիճակում սիլիցիումի երկթթվուկ պարունակող փոշու, ածխային փոշու (բազալտ, տուֆ, ածուխ, կոքս, մուր, գրաֆիտ և այլն), խառը փոշիների, մետաղների և դրանց օքսիդների փոշիների, եռակցման աերոզոլի, պլաստմասաների, օրգանական և արհեստական հանքային թելերի փոշու երկարատև ներշնչում | Հանքերում, հանքահորերում, լեռնահանքային և ածխային արդյունաբերության հարստացուցիչ և վերամշակող ֆաբրիկաներում կատարվող աշխատանքներ, ոչ հանքային ապրանքների և նյութերի (ազբեստի և այլ սիլիկատների) հանույթ ու վերամշակում: Ազբեստ, ազբոցե-ազբոցեմենտ պարունակող նյութերի, հրակայուն, հղկող, ապակյա, ճենապակյա, հախճապակյա իրերի, մրի, գրաֆիտի արտադրություն և կիրառություն: Մետաղների ձուլման, մշակման և պլաստմասաների արտադրություն: Սորուն նյութերի աղացման, եռակցման և այլ տեսակի աշխատանքներ, որոնք հանգեցնում են փոշու արտազատման: |
| Բիսինոզ | Բուսական` բամբակի, վուշի և ջուտի փոշու երկարատև ներշնչում | Տեքստիլ արտադրությունում բամբակի, վուշի, ջուտի վերամշակում |
| Քրոնիկական (փոշային, թունափոշային) բրոնխաբորբ (բրոնխիտ) | «Պնևմոկոնիոզներ» և «Բիսինոզ» հիվանդությունների 2-րդ սյունակում նշված փոշիների, ինչպես նաև հացահատիկի ալյուրի, բրդի, մազի, ծխախոտի, թղթի, շաքարի և այլ փոշիների երկարատև ներշնչում: Գոլորշիացված վիճակում թունավոր նյութերի երկարատև ներշնչում | 2-րդ սյունակում նշված գործոնների հետ կապված բոլոր տեսակի աշխատանքները |
|
III. ՖԻԶԻԿԱԿԱՆ ԳՈՐԾՈՆՆԵՐԻ ԱԶԴԵՑՈՒԹՅՈՒՆԻՑ ԱՌԱՋԱՑԱԾ ՀԻՎԱՆԴՈՒԹՅՈՒՆՆԵՐ | ||
| Իոնիզացնող ճառագայթումից առաջացած հիվանդություններ | Արտաքին իոնիզացնող ճառագայթման միանվագ, կարճատև ընդհանուր ազդեցություն ճառագայթման կամ ռադիոակտիվ նյութերի և դրանց միացությունների նշանակալի քանակությունների ներթափանցում օրգանիզմ | Ռադիոակտիվ նյութերի և իոնիզացնող աղբյուրների հետ կապված ցանկացած աշխատանքներ |
| Սուր կամ քրոնիկական ճառագայթային հիվանդություն | Մասնագիտական ճառագայթման համար թույլատրելի քանակությունները գերազանցող իոնիզացնող ճառագայթման ազդեցություն ամբողջ օրգանիզմի վրա | Ռադիոակտիվ նյութերի և իոնիզացնող ճառագայթման աղբյուրների հետ կապված աշխատանքներ |
| Սուր կամ քրոնիկական տեղական ճառագայթային ախտահարումներ | Ներթափանցող ճառագայթման արտաքին տեղական ազդեցություն, ռադիոակտիվ նյութերի ազդեցություն | Ռադիոակտիվ նյութերի և իոնիզացնող ճառագայթման աղբյուրների հետ կապված աշխատանքներ |
| Ոչ իոնիզացնող ճառագայթման ազդեցությունից առաջացած (վեգետատիվ-անոթային դիստոնիա, ասթետիկ, ասթենավեգետատիվ և հիպոթալամիկ համախտանիշներ) հիվանդություններ | Գերբարձր հաճախականության /ԳԲՀ/, կոգերենտ, մոնոքրոմատիկ, ռադիոընդգրկույթի էլեկտրամագնիսային ճառագայթումների երկարատև ազդեցություն | ԳԲՀ ռադիոընդգրկույթի էլեկտրամագնիսային ճառագայթման աղբյուրների, օպտիկական քվանտային գեներատորների ուսումնասիրման հետ կապված ցանկացած աշխատանքներ |
| Լազերային ճառագայթումից առաջացած մաշկի տեղական այրվածքներ և աչքի եղջերաթաղանթի, ցանցաթաղանթի ախտահարումներ | Լազերային ճառագայթման տեղական ազդեցություն | Օպտիկական քվանտային գեներատորների ուսումնասիրման հետ կապված աշխատանք |
| Թրթռումային (վիբրացիոն) հիվանդություն | Երկարատև և պարբերաբար ազդող արտադրական թրթռումներ, որոնք ազդում են ամբողջ օրգանիզմի վրա, կամ ձեռքերի վրա` անմիջական շփումից | Թրթռում առաջացնող ձեռքի մեքենաներով կատարվող աշխատանքներ և աշխատատեղեր, ուր գործում են թրթռում առաջացնող հզոր մեքենաներ |
| Կոխլեար նևրիտ | Արտադրական աղմուկի երկարատև ազդեցություն | Արտադրական և այլ բնագավառների ուժգին աղմուկի ազդեցության հետ կապված աշխատանքներ |
| Ձեռքերի անգիոնևրոզ կամ զգայաշարժական (սենսոմոտոր), բազմանյարդապաթիա (պոլինևրոպաթիա) | Գերձայնի անմիջական հաղորդում ձեռքերին | Գերձայնային դեֆեկտոսկոպների, բժշկական և այլ սարքավորումների հետ կապված աշխատանքներ |
| Էլեկտրաակնաբորբ (էլեկտրոօֆտալամիա) | Ինտենսիվ ուլտրամանուշակագույն ճառագայթում | Ուլտրամանուշակագույն ուժգին ճառագայթման պայմաններում գազաեռակցման և էլեկտրաեռակցման հետ կապված աշխատանքներ |
| Ոսպնյակի պղտորում (կատարակտ) | Ինֆրակարմիր, ուլտրամանուշակագույն ԳԲՀ, ռենտգենյան, պրոտոնային, նեյտրոնային և գամմա-ճառագայթների ամբողջական ազդեցություն օրգանիզմի վրա |
Դարբնամամլոցային, էլեկտրաեռակցման, թերմիկ ապակյա իրերի պատրաստման աշխատանքներ: Մետալուրգիայում ինֆրակարմիր ճառագայթման հետ կապված աշխատանքներ և այլն |
| Ապաճնշական (կեսոնային) հիվանդություն և դրա հետևանքներ | Բարձր մթնոլորտային ճնշում, դեկոմպրեսիայի ընթացքում | Ջրասուզակային և ուրիշ աշխատանքներ մթնոլորտային բարձր ճնշման պայմաններում` կեսոններում, բարոխցիկներում և այլն |
| Գերտաքացում (ջերմային հարված, ջրաղային փոխանակության խանգարումներ) | Բարձր ջերմություն և ինտենսիվ ջերմային ճառագայթում աշխատանքային վայրում | Խորը հանքերում, ձուլման, մարտենային, թերթագլանման, խողովակագլանման արտադրամասերում կատարվող աշխատանքներ, արտադրական վառարանների վերանորոգում, կրակարանների ու հնոցների մաքրում, բարձր ջերմաստիճանի պայմաններում ապակու եփում և այլ աշխատանքներ |
| Սերտաճող ներզարկերակաբորբ(էնդրատերիիտ), վեգետատիվ-սենսոր բազմանյարդապաթիա (պոլինևրոպաթիա), անոթապաթիա (անգիոպաթիա), բազմանյարդարմատապաթիա (պոլիռադիկուլոնևրոպաթիա) | Ցածր ջերմության աշխատանքային վայրում | Խոնավ, ճահճահոտ միջավայրի ցածր ջերմաստիճանի պայմաններում հանքաքարի, նավթի հանույթի, փայտամթերման, տորֆավերամշակման, երկրաբանական աշխատանքներ (ձկնորսական նավերի վրա, ձկնամսակոմբինատներում, սառցարաններում և հավերժական սառցակալումների վայրերում) |
|
Եղեգնասնուցախանգարում (օնիխոդիստրոֆիա), մեխանիկական վերնամաշկախտներ (էպիդերմոսներ) և այլն |
Մորթափառի մշակում, ջերմաստիճանային օդերևութաբանական գործոններ | Ձկնեղենի վերամշակման աշխատանքներ նավերում և առափնյա ձեռնարկություններում, կաշվի և մորթու մշակման արտադրություն: Գյուղատնտեսական, դաշտային աշխատանքներ |
|
IV. ՀԻՎԱՆԴՈՒԹՅՈՒՆՆԵՐ` ԿԱՊՎԱԾ ԱՌԱՆՁԻՆ ՕՐԳԱՆՆԵՐԻ ԵՎ ՀԱՄԱԿԱՐԳԵՐԻ ԳԵՐԼԱՐՎԱԾ ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅԱՆ ՀԵՏ | ||
| Կորդինատորային նևրոզներ, այդ թվում` գրելասպազմ | Շարժումների բարձր համաձայնեցում պահանջող և բարձր տեմպով կատարվող աշխատանքներ | Ստեղնավոր սարքերի և երաժշտական գործիքների վրա կատարվող աշխատանքներ, սղագրություն, ձեռագրային, մեքենագրական, գծագրական, փորագրման, պատճենահանման աշխատանքներ և այլն |
| Ծայրամասային նյարդային համակարգի և հենաշարժական ապարատի հիվանդություններ, մենանյարդապաթիաներ (մոնոնյարդապաթիաներ), բազմանյարդապաթիաներ (պոլինյարդապաթիաներ), այդ թվում` կոմպրեսիոն և վեգետասենսոր նյարդապաթիաներ (նևրոպաթիաներ), պարանոցային և գոտկասրբոսկրային նյարդարմատաբորբեր (ռադիկուլիտներ), քրոնիկական մկանաթելքախտեր (միոֆիբրոզներ) մկանափակեղբորբեր (միոֆասցիտներ), ջլաբնոցաբորբեր (տենդովագինիտներ), նեղացնող կապանաախտեր (ստենոզացնող լիգամենտոզներ), ստիլիոիդոզներ, սողնակվող մատ և այլն, ուսի էպիկոնդիլյոզներ, ուսաթիակային հարհոդախտեր (պերիարթրոզներ) բարձիկաբորբեր (բուրսիտներ), ձևախախտող ոսկրախտեր (դեֆորմացնող օստեոարթրոզներ), այդ թվում` ողահոդախտեր (սպոնդիլոարթրոզ), ասեպտիկ ոսկրամեռուկացում (օստեոնեկրոզներ) | Տեղական (լոկալ) մկանային լարվածության, բարձր տեմպով կատարվող շարժումների, ներվաբների, մկանների, կապանների, ջլերի վրա ճնշելու, դրանց տրավմատիզացիայի, տեղափոխման ջանքերի գործադրմամբ` ձեռքերով ծանրություն պահելու, բարձրացնելու, տեղափոխելու հետ կապված աշխատանքներ: Մարմնի հաճախակի թեքումների, հարկադրական աշխատանքային դիրքում գտնվելու (ծնկած, պպզած, պառկած, առաջ թեքված, կախված) հետ կապված աշխատանքներ | Ստեղնավոր մեքենաների և երաժշտական գործիքների վրա կատարվող աշխատանքներ: Ձեռքերով կթելու, հղկման, հորատման, դարբնոցային, գակալման, կնտման, կաղապարման, ներկման, կրկեսային և մեծ բեռնատարության (այդ թվում` գյուղատնտեսական) մեքենաների վարորդական աշխատանքներ: Թունելագործական և հանքահորային աշխատանքներ` միկրոկլիմայական անբարենպաստ պայմաններում |
| Արգանդի և հեշտոցի պատերի իջեցում և արտանկում | Երկարամյա (10 տարուց ավելի), հերթափոխում` ժամանակի 50 տոկոսից ավելի ծանրության բարձրացում և տեղափոխում, զուգորդված հարկադրական աշխատանքային դիրքի հետ, միայն մինչև 40 տարեկան կանանց մոտ, եթե ծննդաբերություններից կոնքի հատակի մկանների վնասվածությունը բացակայում է | Բեռների տեղափոխման ժամանակ ջանքերի գործադրմամբ ձեռքերով կատարվող աշխատանքներ |
| Ոտքերի երակների արտահայտված վարիկոզային լայնացում | Կանգնած հարկադրական աշխատանքային դիրքում երկարատև գտնվելը | Երկարատև կանգնելու` ստատիկ լարվածության, կամ ծանր բեռներ տեղափոխելու հետ կապված աշխատանքներ |
| Ձայնային ապարատների գերլարվածությունից առաջացած հիվանդություններ` քրոնիկական կոկորդաբորբեր (լարինգիտներ), անոթաշարժիչ մենաաճարաբորբ (վազոմոտոր մոնոխոնդրիտ), ձայնային ծալքերի «հանգույցներ», ձայնային ծալքերի հպումային խոցեր, ձայնաղավաղում (ֆոնասթենիա) | Ձայնալարերի երկարատև լարվածություն | Մանկավարժական, ռադիոհեռուստահաղորդավարական, վոկալ-խոսակցական և նմանատիպ այլ աշխատանքներ |
| Զարգացող կարճատեսություն | Տեսողական գերլարվածություն` կապված մոտ տարածությունից մանր առարկաների և տարբեր նիշերի զանազանման հետ | Քարտեզագրություն, ժամագործություն, թանկարժեք և կիսաթանկարժեք քարերի երեսակում և որակի հսկողություն, սրբագրական աշխատանքներ` օպտիկական գործիքներով և այլն |
| Թոքափքանք (թոքերի էմֆիզեմա) | Արտաշնչման համակարգային լարվածություն աշխատանքի ընթացքում | Փողային գործիքներով նվագելու հետ կապված աշխատանքներ, ապակե իրերի մեխանիկական փչում |
| Նևրոզներ | Հոգեկան հիվանդ մարդկանց երկարատև անմիջական սպասարկում | Հոգեբուժական հիմնարկների բուժական անձնակազմի և հոգեկան ոչ լիարժեք երեխաների հատուկ դպրոցների մանկավարժական և սպասարկող անձնակազմի աշխատանքներ |
|
V. ԿԵՆՍԱԲԱՆԱԿԱՆ ԳՈՐԾՈՆՆԵՐԻ ԱԶԴԵՑՈՒԹՅՈՒՆԻՑ ԱՌԱՋԱՑԱԾ ՀԻՎԱՆԴՈՒԹՅՈՒՆՆԵՐ | ||
| Վարակային և մակաբույծ հիվանդություններ, որոնք համապատասխանում են այն վարակին, որի հետ աշխատողը շփվում է աշխատանքի ժամանակ (տուբերկուլյոզ, բրուցելյոզ, խլախտ, սիբիրյան խոց, տզային ուղեղաբորբ (էնցեֆալիտ), թռչնավարակ (օրնիթոզ), տոքսոպլազմոզ, վիրուսային լյարդաբորբ (հեպատիտ), մաշկի միկրոզներ, Ռոզենբախի էրիզիպիլոիդ, քոս, սիֆիլիս և այլն | Շփում վարակիչ հիվանդների, իրերի կամ հիվանդությունների տարածիչների հետ, հիվանդ կենդանիների, կենդանական և բուսական ծագման նյութերի (կաշի, բուրդ, ցցամազ, ձիու մազ, միս, կաշվի ու մորթու հումքի օգտաթափոնք, հացահատիկ, բամբակ և այլն) հետ, կրծողների և նրանցից վարակված մակերեսների հետ` ստորգետնյա պայմաններում | 2-րդ սյունակում նշված գործոնների հետ կապված աշխատանքներ |
| Դիսբակտերիոզ, մաշկի և լորձաթաղանթների կանդիդոմիկոզ, ընդերային կանդիդոզ | Հակաբիոտիկներ, սնկափառեր, սպիտակուցավիտամինային խտանյութեր, կերային խմորիչներ, համակցված կերեր | 2-րդ սյունակում նշված գործոնների հետ կապված աշխատանքներ |
|
VI. ԱԼԵՐԳԻԿ ՀԻՎԱՆԴՈՒԹՅՈՒՆՆԵՐ | ||
| Անաֆիլակտիկ շոկ, շաղկապենաբորբ (կոնյունկտիվիտ), քթաբորբ (ռինիտ), քթաըմպանաբորբ (ռինոֆարինգիտ), քթաըմպանակոկորդաբորբ (ռինոֆարինգոլարինգիտ), բրոնխային հեղձուկ (բրոնխիալ ասթմա), արտածին ալվեոլիտ, մաշկախտեր (դերմատոզներ), թունաալերգիկ լյարդաբորբ (հեպատիտ) և այլ օրգան-համակարգերի ալերգիկ ախտահարումներ | Ալերգներ. ա) քիմիական` սինթետիկ պոլիմերներ, խեժեր, լաքեր, ներկեր, լվացող միջոցներ, մետաղներ և դրանց միացություններ (քրոմ, նիկել, կոբալտ, մանգան, բերիլիում, պլատին, ցիրկոնիում, արծաթ, ոսկի, մոլիբդեն և այլն), ֆորմալդեհիդ, էպիքլորհիդրին, սկիպիդար, եթերային յուղեր, քլորամին, ֆթալային և մալերային անհիդրիդներ, հեքսամեթիլենդիամին, դինիտրոքլորբենզոլ, ցիանիդներ, յուղատոգորիչներ, կապտաքս, թիուրամ, նիազոն Դ. քլորացված նավթալիններ, ֆուրաններ, ամիններ, ակրիլոնիտրիլ, էթիլեմիններ, դիամներ, պեստիցիդներ և այլն). բ) դեղորայքային` վիտամիններ, հակաբիոտիկներ, նովոկային, նեյրոլեպտիկներ, բրոմի ֆուրացիլինային շարքի պատրաստուկներ, սուլֆանիլամիդներ և այլն. գ) կենսաբանական` շիճուկներ, վակցինաներ, հորմոններ, ֆերմենտներ, միկրոբային, սնկային կուլտուրաներ, սպիտակուցավիտամինային խտանյութեր, համակցված կերեր, միջատների և որդերի թույներ, կենդանական և բուսական ծագման փոշիներ և այլն |
Ցանկացած բնույթի աշխատանքներ, որոնք առնչվում են օրգանիզմում ալերգիացում առաջացնող նյութերի հետ |
|
VII. ՆՈՐԱԳՈՅԱՑՈՒԹՅՈՒՆՆԵՐ | ||
| Մաշկի ուռուցքներ` հիպերկերատոզներ, էպիթելային ուռուցքներ (էպիթելիոմաներ), պտկանման ուռուցքներ (պապիլոմաներ), քաղցկեղ, լեյկոկերատոզներ | Քարածխի, նավթի, թերթաքարերի թորման նյութեր, (խեժ, կուպր, ֆենանտրեն, անտրացեն, ամինոանտրացենային յուղ, ազոմիացությունների ածանցյալներ, գուդրոն, պարաֆին և այլն), իոնիզացնող ճառագայթում | Նշված նյութերի և իոնիզացնող ճառագայթումների ազդեցության հետ կապված ամեն տեսակի աշխատանքներ |
| Բերանի խոռոչի և շնչառական օրգանների ուռուցքներ | Նիկելի, քրոմի, մկնդեղի միացություններ, քարածխային խեժեր, ազբեստ, ասֆալտ, ռադիոակտիվ հանքերի փոշու և մակերեսին ածխաջրածիններ կլանած փոշու ներշնչում | Նիկելի, մկնդեղի, քրոմի միացությունների ստացման և կիրառության հետ կապված աշխատանքներ, ռադիոակտիվ հանքերի, ազբեստի, ազբեստ պարունակող նյութերի հետախուզում, արդյունահանում և մշակում, արհեստական նռնաքարերի ստացման և դրանից առարկաների պատրաստման հետ կապված աշխատանքներ, ասֆալտապատում |
|
Լյարդի ուռուցքներ |
Վինիլ-քլորիդ, երկարատև շփում լյարդն ախտահարող ռադիոակտիվ նյութերի (պոլոնիում, թորիում, պլուտոնիում) հետ | Ռադիոքիմիական և այլ արտադրություններում կատարվող աշխատանքներ |
| Ստամոքսի քաղցկեղ | Քրոմի 6-արժեք միացություններ | Քրոմի արտադրության հետ կապված աշխատանքներ |
| Լեյկոզներ | Բենզոլ, տարբեր տեսակի իոնիզացնող ճառագայթումների ազդեցություն | Բենզոլի և իոնիզացնող ճառագայթումների աղբյուրների հետ կատարվող աշխատանքներ |
| Միզապարկի ուռուցքներ` պտկանման ուռուցքներ (պապիլոմա), քաղցկեղ | Ոսկրերն ախտահարող ռադիոակտիվ նյութերի (ռադիում, ստրոնցիում, պլուտոնիում) հետ երկարատև շփում | 2-րդ սյունակում նշված նյութերի հետ` արդյունաբերության տարբեր բնագավառներում կատարվող աշխատանքներ |
| Ոսկրերի ուռուցքներ | Ոսկրերն ախտահարող ռադիոակտիվ նյութերի (ռադիում, ստրոնցիում, պլուտոնիում) հետ երկարատև շփում | Ռադիոքիմիական արտադրություններում, ռադիոլոգիական և ռադիոքիմիական լաբորատորիաներում կատարվող աշխատանքներ |
Հիվանդությունների հայերեն անվանումներից հետո փակագծերում բերված են դրանց լատիներեն անվանումները:
* - Ծանոթություն -
Ակտի վավերապայմաններ
ՓՈՓՈԽՈՂՆԵՐ ԵՎ ԻՆԿՈՐՊՈՐԱՑԻԱՆԵՐ
Կապեր
ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՄԱՍՆԱԳԻՏԱԿԱՆ ՀԻՎԱՆԴՈՒԹՅՈՒՆՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ
Համար
N 121
Տիպ
Որոշում
Փաստաթղթի տեսակ
Հիմնական ակտ (25.04.1996-13.05.2006)
Կարգավիճակ
Չի գործում
Սկզբնաղբյուր
Ընդունող մարմին
ՀՀ կառավարություն
Ընդունման ամսաթիվ
25.04.1996
Ընդունման վայր
Երևան
Ստորագրող մարմին
ՀՀ վարչապետ
Ստորագրման ամսաթիվ
25.04.1996
Վավերացնող մարմին
ՀՀ Նախագահ
Վավերացման ամսաթիվ
25.04.1996
Ուժի մեջ մտնելու ամսաթիվ
25.04.1996
Ուժը կորցրել է
13.05.2006
Հիմնական ակտ
25.04.1996, N 121
Փոփոխման պատմություն
Փոփոխվող ակտ
Փոփոխող ակտ
Ինկորպորացիա
Փոփոխություններ է կատարել հետևյալ ակտերում
Յուրաքանչյուր փոփոխվողին համապատասխանող ինկորպորացիան
Զուգահեռ դիտում
Ընդհանուր կապեր
Դատական նախադեպեր
Պաշտոնական պարզաբանումներ
Հակասահմանադրական կապեր