«Վավերացնում եմ»
Հայաստանի Հանրապետության
Նախագահի պաշտոնակատար Ռ. Քոչարյան
26 փետրվարի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 փետրվարի 1998 թվականի N 120
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1997 թվականի հունվարի 13-ի «Հայաստանի Հանրապետության պետական ձեռնարկությունների սեփականաշնորհման, վարձակալած գույքի գնման թույլտվություն տալու և Հայաստանի Հանրապետության կառավարության 1996 թվականի նոյեմբերի 21-ի N 364 որոշման մեջ փոփոխություններ կատարելու մասին» N 7 որոշման մեջ կատարել հետևյալ փոփոխություններն ու լրացումը`

ա) որոշմանը կից ցանկից հանել 2-րդ և 3-րդ կետերը.

բ) որոշումը 1.6-րդ կետից հետո լրացնել հետևյալ բովանդակությամբ նոր 1.7-րդ կետով.

«1.7. «Բազալտ» փակ բաժնետիրական ընկերության կազմից առանձնացնել «Ակորդ» արտադրական կոոպերատիվին վարձակալության տրված տարածքները (քաղ. Երևան, Ջրվեժ, Մայակ թաղ., 2ա, հանրակացարանի շենքի բացվածք` 215 քառ. մ, և քաղ. Երևան, Ջրվեժ, Մայակ թաղ., N 8 բնակելի շենքի բացվածք` 172 քառ. մ), և դրանք սեփականաշնորհել վարձակալին` «փոքր» օբյեկտների համար Հայաստանի Հանրապետության օրենսդրությամբ սահմանված կարգով»:

Այդ կապակցությամբ որոշման 1.7-1.15-րդ կետերը համապատասխանաբար համարել 1.8-1.16-րդ կետեր:

2. Հայաստանի Հանրապետության կառավարության 1997 թվականի ապրիլի 4-ի «Հայաստանի Հանրապետության պետական ձեռնարկությունների սեփականաշնորհման և վարձակալած գույքի գնման թույլտվություն տալու մասին» N 64 որոշման մեջ կատարել հետևյալ փոփոխությունները`

ա) որոշման 7.1-ին կետում «127054» թիվը փոխարինել «1557719» թվով.

բ) որոշման 7.4-րդ կետում «83920» և «67140» թվերը համապատասխանաբար փոխարինել «112590» և «90070» թվերով.

գ) որոշման 7.5-րդ կետում «6714» թիվը փոխարինել «9007» թվով:

3. Հայաստանի Հանրապետության կառավարության 1997 թվականի հուլիսի 8-ի «Հայաստանի Հանրապետության պետական ձեռնարկությունների սեփականաշնորհման մասին» N 245 որոշման մեջ կատարել հետևյալ փոփոխությունն ու լրացումը`

ա) որոշման 9.3-րդ կետը շարադրել հետևյալ խմբագրությամբ.

«9.3. «Կամոյի կոմունալ տնտեսություն» պետական ձեռնարկության կազմից առանձնացնել բարեկարգման և կանաչապատման ստորաբաժանումը (Գավառ քաղաքի փողոցներ, մայթեր, կամուրջներ, հուշարձաններ), մանկապարտեզի անավարտ շինարարության օբյեկտը, և դրանք Հայաստանի Հանրապետության օրենսդրությամբ սահմանված կարգով հանձնել Գեղարքունիքի մարզի Գավառի քաղաքային համայնքին սեփականության իրավունքով».

բ) որոշումը 9.3-րդ կետից լրացնել բովանդակությամբ նոր` 9.4-րդ կետով.

«9.4. «Կամոյի կոմունալ տնտեսություն» պետական ձեռնարկության կազմից առանձնացնել կապիտալ շինարարության բաժնի բազայի անավարտ շինարարության օբյեկտը, առևտրի բազայի անավարտ շինարարության օբյեկտը, և դրանք սեփականաշնորհել Հայաստանի Հանրապետության կառավարության 1996 թվականի մարտի 29-ի «Հայաստանի Հանրապետության անավարտ շինարարության օբյեկտների սեփականաշնորհման մասին» N 94 որոշմանը համապատասխան»:

Այդ կապակցությամբ որոշման 9.4-9.12-րդ կետերը համապատասխանաբար համարել 9.5-9.13-րդ կետեր:

4. Ուժը կորցրած ճանաչել Հայաստանի Հանրապետության կառավարության 1997 թվականի նոյեմբերի 22-ի «Հայաստանի Հանրապետության պետական ձեռնարկությունների սեփականաշնորհման, վարձակալած գույքի գնման թույլտվություն տալու և Հայաստանի Հանրապետության կառավարության մի շարք որոշումներում փոփոխություններ կատարելու մասին» N 531 որոշման 25.1-ին և 25.2-րդ կետերը:

5. Սույն որոշումն ուժի մեջ է մտնում 1998 թվականի փետրվարի 26-ից: