ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 մայիսի 1995 թվականի N 296

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՇԽԱՏԱՆՔԻ ՎԱՐՁԱՏՐՈՒԹՅԱՆ ՆՎԱԶԱԳՈՒՅՆ ՉԱՓԻ, ԲՅՈՒՋԵՏԱՅԻՆ ՀԻՄՆԱՐԿՆԵՐԻ ԱՇԽԱՏՈՂՆԵՐԻ ԱՇԽԱՏԱՎԱՐՁԻ, ԿԵՆՍԱԹՈՇԱԿՆԵՐԻ, ՆՊԱՍՏՆԵՐԻ ԵՎ ԿՐԹԱԹՈՇԱԿՆԵՐԻ ՉԱՓԵՐԻ ԲԱՐՁՐԱՑՄԱՆ ՄԱՍԻՆ

Հաշվի առնելով կարգավորվող գների և սակագների աճի հետևանքով բնակչության սոցիալական պաշտպանվածության լրացուցիչ միջոցառումների իրականացման անհրաժեշտությունը, Հայաստանի Հանրապետության կառավարությունը որոշում է`

1. 1995 թվականի հունիսի 1-ից Հայաստանի Հանրապետությունում աշխատավարձի նվազագույն չափը սահմանել 540 դրամ:

Նվազագույն աշխատավարձի նկատմամբ բազմապատիկ գործակցով չվարձատրվող բյուջետային հիմնարկների աշխատողներին փաստացի վճարվող աշխատավարձերը (ներառյալ Հայաստանի Հանրապետության կառավարության կողմից սահմանված բոլոր տեսակի լրացուցիչ վարձատրությունները) ավելացնել 430 դրամի չափով:

Ժամային տարիֆային դրույքի նվազագույն չափերը սահմանել`

աշխատաժամանակի նորմալ տևողության դեպքում` 3,19 դրամ.

աշխատաժամանակի կրճատ տևողության դեպքում`

36-ժամյա աշխատանքային շաբաթ` 3,51 դրամ.

30-ժամյա աշխատանքային շաբաթ` 4,20 դրամ:

2. Նվազագույն աշխատավարձի նկատմամբ 1,0-ից մինչև 6,8 բազմապատիկ գործակցով վարձատրվող բյուջետային հիմնարկների աշխատողների աշխատավարձերին սահմանել լրացուցիչ հավելումներ, համաձայն հավելվածի:

3. Չաշխատող և կենսաթոշակ չստացող անձանց աշխատանքային խեղման կամ մասնագիտական հիվանդության հետևանքով պատճառված վնասի փոխհատուցման գումարներին, ինչպես նաև աշխատողի մահվան դեպքում նրա ընտանիքի անդամներին տրվող փոխհատուցման գումարներին սահմանել հավելում` 430 դրամի չափով:

4. «Հայաստանի Հանրապետության քաղաքացիների պետական կենսաթոշակային ապահովության մասին» Հայաստանի Հանրապետության օրենքով սահմանված բոլոր տեսակի կենսաթոշակների փաստացի վճարվող չափերին (ծնողազուրկ յուրաքանչյուր երեխային տրվող կենսաթոշակին) սահմանել 430 դրամի չափով հավելում` այն ավելացնելով կենսաթոշակին:

«Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքով սահմանված բոլոր տեսակի կենսաթոշակների փաստացի վճարվող չափերին սահմանել 430 դրամի չափով հավելում` այն ավելացնելով կենսաթոշակին:

Այն անձանց, ովքեր միաժամանակ կենսաթոշակ են ստանում սոցիալական ապահովության և այլ մարմիններից, կենսաթոշակին սահմանված հավելումը տրվում է այն մարմնի կողմից, որտեղից կենսաթոշակառուն ստանում է աշխատանքային տարիքային, աշխատանքային հաշմանդամության կամ երկարամյա ծառայության կենսաթոշակ:

5. Պետական բարձրագույն ուսումնական հաստատությունների ուսանողների կրթաթոշակի չափը սահմանել 2215 դրամ, իսկ ավարտական կուրսերի ուսանողների համար` 2263 դրամ, միջնակարգ մասնագիտական ուսումնական հաստատությունների (այդ թվում` քոլեջների) սովորողների կրթաթոշակի չափը` 2120 դրամ, 10 ամսից պակաս ուսման տևողությամբ պրոֆեսիոնալ-տեխնիկական ուսումնարանների սովորողների կրթաթոշակի չափը` 2070 դրամ:

Պետական բարձրագույն ուսումնական հաստատությունների քննաշրջանի արդյունքով միայն «գերազանց» գնահատականներ ունեցող ուսանողների կրթաթոշակը սահմանել 2310 դրամ: Անկախ գերատեսչական համակարգից, ասպիրանտների կրթաթոշակը սահմանել 2830 դրամ, իսկ դոկտորանտներինը` 3430 դրամ:

6. Պետական բուհերի և միջնակարգ մասնագիտական հաստատությունների (այդ թվում` քոլեջների) բժշկական ցուցումով ակադեմիական արձակուրդում գտնվող ուսանողներին և սովորողներին վճարել ամսական 540 դրամի չափով նպաստ` ուսումնական հաստատությունների հաշվին:

7. Մինչև 17 տարեկան (պետպատվերով սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավելի ուսման տևողությամբ պրոֆեսիոնալ-տեխնիկական ուսումնարանների սովորողներից) երեխաների համար տրվող ամենամսյա նպաստների չափերը սահմանել.

նպաստի իրավունք ունեցող`

առաջին երեխայի համար` 870 դրամ.

երկրորդ երեխայի համար` 965 դրամ.

երրորդ երեխայի համար` 1058 դրամ.

չորրորդ երեխայի համար` 1160 դրամ.

հինգերորդ և յուրաքանչյուր հաջորդ երեխայի համար` 1254 դրամ:

Հայաստանի Հանրապետության կառավարության կողմից հաստատված հեռավոր և սահմանամերձ բնակավայրերում նշված նպաստի չափը սահմանել.

նպաստի իրավունք ունեցող`

առաջին երեխայի համար` 957 դրամ.

երկրորդ երեխայի համար` 1062 դրամ.

երրորդ երեխայի համար` 1164 դրամ.

չորրորդ երեխայի համար` 1276 դրամ.

հինգերորդ և յուրաքանչյուր հաջորդ երեխայի համար` 1380 դրամ:

8. Մինչև երեխայի 2 տարին լրանալը նրա խնամքի համար մասնակի վճարովի արձակուրդում գտնվելու դեպքում ամսական նպաստի չափն ավելացնել 430 դրամով` այն սահմանելով 1300 դրամ:

9. Մինչև 17 տարեկան (պետպատվերով սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավելի ուսման տևողությամբ պրոֆեսիոնալ-տեխնիկական ուսումնարանների սովորողներից) երեխաներ ունեցող միայնակ մայրերի ամենամսյա նպաստի չափն ավելացնել 430 դրամով` այն սահմանելով 1300 դրամ:

10. Գործազուրկի կարգավիճակ ստացած և մինչև 2 տարեկան երեխա ունեցող մայրերին երեխայի խնամքի համար վճարվող ամսական նպաստի չափն ավելացնել 430 դրամով` այն սահմանելով 1300 դրամ:

11. Երեխայի ծննդյան կապակցությամբ տրվող միանվագ նպաստի չափը սահմանել 3200 դրամ:

12. Նպաստառու գործազուրկների նպաստների փաստացի վճարվող չափերին սահմանել հավելում` 430 դրամի չափով:

13. Ձեռնարկություններում (անկախ սեփականության ձևից) աշխատողների աշխատանքի վարձատրության նվազագույն չափն ապահովվում է ձեռնարկությունների սեփական եկամուտների հաշվին:

14. 1995 թվականի հունիսի 1-ից ուժը կորցրած ճանաչել Հայաստանի Հանրապետության կառավարության 1995 թվականի մարտի 31-ի «Հայաստանի Հանրապետությունում աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, կենսաթոշակների, նպաստների և կրթաթոշակների չափերի բարձրացման մասին» N 166 որոշման 1-ին, 2, 5, 6, 7, 8, 9, 10, 11 և 13-րդ կետերը: 

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ

ՀԱՎԵԼՎԱԾ ՀՀ կառավարության 1995 թ. մայիսի 30-ի N 296 որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՍԱՀՄԱՆՎԱԾ ՆՎԱԶԱԳՈՒՅՆ ԱՇԽԱՏԱՎԱՐՁԻ ՆԿԱՏՄԱՄԲ 1,0-6,8 ԲԱԶՄԱՊԱՏԻԿ ԳՈՐԾԱԿՑՈՎ ՎԱՐՁԱՏՐՎՈՂ ԱՇԽԱՏՈՂՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻՆ ՍԱՀՄԱՆՎՈՂ ՀԱՎԵԼՈՒՄՆԵՐԸ

Բազմապատիկ գործակիցը	Նոր նվազագույն աշխատավարձի նկատմամբ հաշվարկված պաշտոնային դրույքաչափը (դրամ)	Հավելման չափը (դրամ)	Ընդամենը աշխատավարձը (դրամ)
1	2	3	4
1.0	540	2000	2540
1.1	594	1966	2560
1.2	648	1927	2575
1.3	702	1888	2590
1.4	756	1854	2610
1.5	810	1815	2625
1.6	864	1776	2640
1.7	918	1742	2660
1.8	972	1708	2680
1.9	1026	1669	2695
2.0	1080	1630	2710
2.1	1134	1596	2730
2.2	1188	1557	2745
2.3	1242	1518	2760
2.4	1296	1484	2780
2.5	1350	1445	2795
2.6	1404	1406	2810
2.7	1458	1372	2830
2.8	1512	1333	2845
2.9	1566	1294	2860
3.0	1620	1260	2880
3.1	1674	1221	2895
3.2	1728	1187	2915
3.3	1782	1148	2930
3.4	1836	1109	2945
3.5	1890	1075	2965
3.6	1944	1036	2980
3.7	1998	1002	3000
3.8	2052	963	3015
3.9	2106	924	3030
4.0	2160	890	3050
4.1	2214	851	3065
4.2	2268	812	3080
4.3	2322	773	3095
4.4	2376	734	3110
4.5	2430	695	3125
4.6	2484	656	3140
4.7	2538	622	3160
4.8	2592	583	3175
4.9	2646	544	3190
5.0	2700	510	3210
5.1	2754	481	3235
5.2	2008	447	3255
5.3	2862	418	3280
5.4	2916	384	3300
5.5	2970	355	3325
5.6	3024	326	3350
5.7	3078	292	3370
5.8	3132	263	3395
5.9	3186	234	3420
6.0	3240	200	3440
6.1	3294	171	3465
6.2	3348	137	3485
6.3	3402	108	3510
6.4	3456	84	3540
6.5	3510	60	3570
6.6	3564	41	3605
6.7	3618	27	3645
6.8	3672	8	3680

*) Հայաստանի Հանրապետության լուսավորության նախարարության հանրակրթական դպրոցներում, հատուկ և օժանդակ գիշերօթիկ դպրոցներում ու մանկատներում աշխատող մանկավարժների աշխատավարձերին ավելացնել Հայաստանի Հանրապետության նախագահի 1994 թ. նոյեմբերի 24-ի հրամանագրի 2-րդ կետով սահմանված հավելումը` 120 դրամի չափով:

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ