ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

Հ Ր Ա Մ Ա Ն

Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 31-րդ կետը՝

ՀՐԱՄԱՅՈՒՄ ԵՄ՝

1․ Հաստատել կրծքավանդակի ցավի ախտորոշմամբ պացիենտի վարման գործելակարգը՝ համաձայն Հավելվածի։

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

1. Նոզոլոգիաների խումբ` ըստ հիվանդությունների և առողջության հետ կապված խնդիրների վիճակագրական 10-րդ վերանայման դասակարգչի․

2. Նոզոլոգիաների խումբը կիրառելի է՝ ըստ սույն հավելվածով սահմանված Ձև 1-ի․

Ձև 1

3․ Բժիշկ-մասնագետի կողմից պացիենտի զննումը, խորհրդատվությունը իրականացվում է ըստ Ձև 2-ի (անհրաժեշտության դեպքում անհրաժեշտ է նշել հիվանդության փուլերը)․

Ձև 2

4․ Սույն հավելվածի Ձև 2-ում նշված տրամադրվող քանակների համար նշվում է միջինացված ցուցանիշ, նկատի ունենալով տվյալ զննման, խորհրդատվության իրականացման հաճախականությունը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ զննման, խորհրդատվության իրականացման հաճախականությունը։

5․ Լաբորատոր-գործիքային ախտորոշիչ հետազոտություններն իրականացվում են՝ ըստ Ձև 3-ի (անհրաժեշտության դեպքում անհրաժեշտ է նշել հիվանդության փուլերը)․

Ձև 3

6․ Սույն հավելվածի Ձև 3-ում սահմանված տրամադրվող քանակների համար նշվում է միջինացված ցուցանիշ, նկատի ունենալով տվյալ հետազոտության իրականացման հաճախականությունը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ հետազոտության իրականացման հաճախականությունը։

7․ Օգտագործվող դեղերի ցանկը սահմանվում է ըստ Ձև 4-ի (անհրաժեշտության դեպքում նշել հիվանդության փուլերը)․

Ձև 4

8․ Սույն հավելվածի Ձև 4-ում սահմանված՝

1) նշանակված դեղի նկատմամբ անհատական անտանելիության դեպքում ավագ բուժաշխատողը իրավասու է նշանակել այլ դեղ:

2) տրամադրվող քանակների համար նշվում է միջինացված ցուցանիշ, նկատի ունենալով տվյալ դեղի օգտագործման հաճախականությունը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ դեղի օգտագործման հաճախականությունը։

9. Սույն հավելվածի Ձև 5-ում, Ձև 6-ում և 10-րդ կետում ներկայացված է կրծքավանդակի ցավով պացիենտների վարման վերաբերյալ լրացուցիչ տեղեկատվություն.

Ձև 5

Ձև 6

10. Կրծքավանդակի ցավի գնահատում

Կրծքավանդակի ինտենսիվ ցավով բոլոր երեխաներին ցուցված է ԷԿԳ-ի իրականացում ԱԲ բաժանմունքում.

1) Ախտորոշում.

2) Ցավի հավանական պատճառ մասին վկայող առանձնահատկություններ.

ա. Կմախքամկանային`

1. Սովորաբար ցավն ունի հստակ տեղակայում և ուժեղանում է շոշափման կամ կրծքավանդակի վրա ճնշման արդյունքում:

2. Շարժման, հազի կամ ներշնչման ժամանակ ցավի ուժգնացում:

բ. Շնչառական`

1. Ասթմայից առաջացած ցավը սովորաբար նկարագրվում է որպես «ճնշող» ու կապի ունի շնչառության և չոր հազի հետ։ Ֆիզիկական ակտիվությամբ հարուցված ասթմայի դեպքում ցավը կարող է առկա լինել անգամ խզզոցների բացակայության դեպքում:

2. Պլևրալ ցավը սովորաբար սուր է, ունի հստակ տեղակայում, սրվում է ներշնչման կամ հազի դեպքում, սաստկանում՝ պառկած դիրքում։ Տենդի, թաց խզզոցների, արտաշնչակա խզզոցների դեպքում բացառել թոքաբորբը:

3. Պնևմոթորաքսի դեպքում ցավն առաջանում է հանկարծակի, ուղեկցվում է արտահայտված հևոցով։ Ցավը ճառագայթում է դեպի նույն կողմի ուսի շրջանը. Ռիսկի գործոններ- բարձրահասակություն, ասթմա, մուկովիսցիդոզ:

գ) Հոգեբանական`

1. Արագ, մակերեսային շնչառություն սուր դրվագի ժամանակ:

2. Հաճախակի կրկնվող տարբեր սթրեսային գործոնների արդյունքում:

3. Անհանգստության և սթրեսային իրադարձությունների պատմություն:

4. Կապ հիպերվենտիլյացիայի հետ:

5. Հևոց առանց լարվածության:

6. Թեթև գլխապտույտ:

դ) Ստամոքսաղիքային`

1. Հաճախ ունի հետկրծոսկրային կամ էպիգաստրալ բնույթ, բայց երբեմն կարող է լինել կենտրոնական:

2. Ունի տիպիկ այրող կամ սուր բնույթ:

3. Կարող է սրվել ուտելուց հետո կամ մարմնի դիրքի փոփոխությունից:

4. Կարող է կապված լինել այրոցի, առատ թքարտադրությանկամ դիսֆագիայի հետ:

ե) Սրտային`

1. Ունի կենտրոնական տեղակայում և կարող է ճառագայթել դեպի ձախ ուս և ձախ ծնոտ:

2. Սովորաբար նկարագրվում է որպես ճնշող, ծանրության զգացողություն:

3. Վեգետատիվ ախտանիշների հետ զուգակցում՝ քրտնարտադրություն, գունատություն, սրտխառնոց:

4. Ցավի ուժգնացումը ֆիզիկական ակտիվությունից, հատկապես եթե ունի տիպիկ սրտային բնույթ:

5. Պրեսինկոպեի, սինկոպեի և սրտխփոցի հետ զուգակցում:

զ) Ֆունկցիոնալ`

1. Հստակ տեղակայում չունեցող անցողիկ ցավ:

2. Սթրեսային իրադարձությունների նախորդող պատմություն:

3. Այլ սոմատիկ կրկնվող գանգատներ՝ գլխացավ, որովայնացավ կամ վերջույթների ցավ:

3) Կրծքավանդակի ոսկրամկանային ցավի բուժումը`

ա. Իբուպրոֆեն 10 մգ/կգ/օրը, 3 անգամ,

բ. Պարացետամոլ 15 մգ/կգ/օրը, 4 անգամ:

1. Clinical practice guidelines: Chest pain. Royal children’s hospital. Available at https://www.rch.org.au/clinicalguide/guideline_index/Chest_pain/ Կլինիկական պրակտիկայի ուղեցույցներ։Կրծքավանդակի ցավ․ Թագավորական մանկական հիվանդանոց. Հասանելի է https://www.rch.org.au/clinicalguide/guideline_index/Chest_pain/

2. The Causes of Chest Pain in Children and the Criteria for Targeted Myocardial Enzyme Testing in Identifying the Causes of Chest Pain in Children, Front Cardiovasc Med. 2021; 8: 582129.Published online 2021 Mar 2. doi: 10.3389/fcvm.2021.582129 Երեխաների կրծքավանդակի ցավի պատճառները և սրտամկանի ֆերմենտների նպատակային փորձարկման չափանիշները, Երբ հայտնաբերվում են երեխաների կրծքավանդակի ցավի պատճառները, Նոր սահմաններ սրտանոթային բժշկության մեջ. 2021թ․; 8: 582129.Հրապարակված է մարտի 2, 2021թ․ հասցե: 10.3389/fcvm.2021.582129

3. Chest Pain in Children and Adolescents, https://doi.org/10.1542/pir.31-1-e1 Կրծքավանդակի ցավ երեխաների և դեռահասների մոտ https://doi.org/10.1542/pir.31-1-e1

4. Pediatric Chest Pain, https://doi.org/10.1542/pir.2019-0058 Մանկական կրծքավանդակի ցավ https://doi.org/10.1542/pir.2019-0058

Պաշտոնական հրապարակման օրը՝ 14 հոկտեմբերի 2024 թվական: