Ք Ա Ղ Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ

Ա Ր Ձ Ա Ն Ա Գ Ր ՈՒ Թ Յ ՈՒ Ն Ի Ց

 3 ապրիլի 2014 թվականի N 13

 32. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ՀՈՒՆԻՍԻ 20-Ի ՆԻՍՏԻ N 24 ԱՐՁԱՆԱԳՐԱՅԻՆ ՈՐՈՇՄԱՆ ՄԵՋ ՓՈՓՈԽՈՒԹՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

(անվավեր է ճանաչվել 21.10.21 N 1728-Ն որոշման 1-ին կետով)

1. Հայաստանի Հանրապետության կառավարության 2013 թվականի հունիսի 20-ի նիստի «Հայաստանի Հանրապետությունում վերգետնյա թվային հեռուստահեռարձակման համակարգի ներդրման գործընթացի իրականացման ծրագրին հավանություն տալու մասին» N 24 արձանագրային որոշմամբ հաստատված՝ Հայաստանի Հանրապետության տարածքում վերգետնյա թվային հեռուստահեռարձակման համակարգի ներդրման գործընթացի իրականացման ծրագրում (այսուհետ ծրագիր) կատարել հետևյալ փոփոխություններն ու լրացումները՝

1) ծրագրի 1-ին կետի`

ա. 8-րդ պարբերությունից հանել «պասիվ վերահաղորդման կետեր» բառերը,

բ. 9-րդ և 10-րդ պարբերությունները հանել,

գ. 11-րդ պարբերությունը շարադրել հետևյալ խմբագրությամբ.

«Անալոգային հեռարձակման դադարեցման նախատեսվող վերջնաժամկետը 2015 թվականի հուլիսի 10-ն է: Անալոգային և թվային համատեղ հեռարձակման ժամկետը հաշվարկվել է թվային և անալոգային հեռարձակման ընդգրկման գոտիների նույնականացման, թվային ընդունիչ սարքերով բնակչության առնվազն 95 % ապահովվածության և համատեղ հեռարձակման առնվազն 6 ամիս տևողության ապահովման պայմաններով։».

2) ծրագրի 2-րդ կետի 5-րդ պարբերությունում «թվային ռադիոռելեային գծերի ցանց» բառերը փոխարինել «օպտիկա-մանրաթելային գծերի ցանց» բառերով.

3) ծրագրի 2.1-ին կետի`

ա. «Ընդհանուր դրույթներ» բաժնում «թվային միկրոալիքային ռադիոգծերի» բառերը փոխարինել «օպտիկա-մանրաթելային գծերի» բառերով,

բ. «Main Head End Yeravan» սխեմայի մեջ «SDH» բառը փոխարինել «FO» բառով,

գ. «Տեխնիկական պահանջները» բաժնի 4-րդ պարբերությունից հանել «անխափան սնուցման աղբյուրներ (UPS)» բառերը, իսկ նույն պարբերությունում «թվային ռադիոռելեային գծերի ցանցի» բառերը փոխարինել «օպտիկա-մանրաթելային կապի ցանցի վերջնակետային սարքավորումների» բառերով,

դ. «Տեխնիկական պահանջները» բաժնի 6-րդ պարբերությունից հանել «Հանգույցներում պետք է նախատեսել անխափան սնուցման աղբյուրներ (UPS)» բառերը,

ե. «Աշխատանքների ցանկ» բաժնի 3-րդ պարբերությունը շարադրել հետևյալ խմբագրությամբ.

«Մարզային մյուս հանգույցներում կապալառուի հսկողությամբ և վերջնական արդյունքի համար պատասխանատվությամբ, մոնտաժային և համալարման աշխատանքներն իրականացնում է «Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերությունը։».

4) ծրագրի 2.2-րդ կետի`

ա. 3-րդ պարբերությունից հանել «նախատեսել 3 հզոր (30 կՎտ) UPS-ներ» բառերը,

բ. 5-րդ պարբերությունից հանել «ԵրՀՌՀԿ-ի և թվով 7 մարզային ցանցերի համար» և «Նույն քանակությամբ նախատեսել նաև» բառերը,

գ. 6-րդ պարբերությունը շարադրել հետևյալ խմբագրությամբ.

«Նախատեսել մեկական հաղորդակի ամբողջական մոնտաժ և համալարում Երևանում և Գյումրիում: Մնացած կայաններում կապալառուի հսկողությամբ և վերջնական արդյունքի համար պատասխանատվությամբ՝ մոնտաժային և համալարման աշխատանքներն իրականացնում է «Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերությունը։».

5) ծրագրի 2.3-րդ կետը շարադրել հետևյալ խմբագրությամբ.

«2.3. Հեռահաղորդման օպտիկա-մանրաթելային գծերի ցանց

Օպտիկա-մանրաթելային համակարգը նախատեսվում է 64 կայանների միջև թվային հեռուստատեսային ազդանշանների հեռահաղորդումն ապահովելու համար:

Կայաններից 10-ը լինելու են թվային մուլտիպլեքսների ձևավորման կետեր: Դրանք են Երևանի գլխակայանը (Head End) և Գյումրու, Վանաձորի, Իջևանի, Գավառի, Աբովյանի (Պտղնի), Էջմիածնի, Արտաշատի, Եղեգնաձորի, Կապանի մարզային մուլտիպլեքս կայանները: Անհրաժեշտության դեպքում օպտիկա-մանրաթելային ցանցը պետք է հնարավորություն ընձեռի վերահաստատելու նշված 10 կետերի տեղակայումը՝ 64 կայանների սահմաններում:

Նշված կայանները կապակցող ցանցը լինելու է հիմնական և պետք է բավարարի հետևյալ պայմանները՝

ընդհանուր թողունակությունը՝ 10 ԳԲ,

հուսալիությունը՝ 99.99 %,

կետերի միացումը՝ յուրաքանչյուրը 1 ԳԲ թողունակությամբ երկու ինտերֆեյսով, «ամենքը ամենքի հետ» սկզբունքով: Անհրաժեշտության դեպքում պետք է հնարավորություն ընձեռվի միացման ինտերֆեյսը փոխարինելու 10 ԳԲ-ով:

Մնացած 54 կայանները կապակցող ցանցերը լինելու են տարածաշրջանային և կրկնակի ֆիզիկական ռեդուրենտ գծերով ու ցանցային «աստղաձև» կամ «օղակաձև» լուծումներով պետք է միացվեն տվյալ մարզային մուլտիպլեքս կայանին՝ համաձայն ստորև ներկայացված ցանկի: Տարածաշրջանային ցանցերը պետք է բավարարեն հետևյալ պայմանները՝

ընդհանուր թողունակությունը՝ 1 ԳԲ յուրաքանչյուր տարածաշրջանային ցանցում, անհրաժեշտության դեպքում՝ մինչև 10 ԳԲ ավելացման հնարավորությամբ,

հուսալիությունը՝ 99.8 %,

կետերի միացումը՝ յուրաքանչյուրը 1 ԳԲ թողունակությամբ երկու ինտերֆեյսով:

Անհրաժեշտության դեպքում պետք է հնարավորություն ընձեռի ինտերֆեյսը փոխարինելու 10 ԳԲ-ով:

Հիմնական և տարածաշրջանային ցանցերը պետք է ապահովեն հեռահաղորդվող թվային հեռուստատեսային ազդանշանների IP հոսքերի տեղափոխման բավարար պայմաններ (Packet Loss, Delay, Jitter):

Հիմնական և տարածաշրջանային ցանցերի ընդհանուր կառուցվածքը պետք է հնարավորություն ընձեռի լոկալ վերահսկման և կառավարման համակարգի միջոցով իրականացնելու թվային հեռուստատեսային հոսքերի համապատասխան կարգավարումներ և երթուղումներ (маршрутизация)՝ առանց ծառայություն մատուցողի միջամտության:

Հիմնական և տարածաշրջանային ցանցերի բոլոր կետերը պետք է ապահովված լինեն ֆիզիկական ռեդուրենտ «տաք պահուստով»:

Ծառայություն մատուցողի և «Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերության պարտավորությունները սահմանազատվելու են ցանցի և վերջնակետային սարքավորումների համակցման կետերում.

6) ծրագրի 2.4-րդ կետի «Ընդհանուր դրույթներ» բաժնի՝

 ա. 1-ին պարբերությունում «թվային ռադիոռելեային գծերի (ԹՌՌԳ)» բառերը փոխարինել «օպտիկա-մանրաթելային կապի» բառերով,

 բ. 2-րդ պարբերությունից հանել «4.6 մ (Andrew)», «թվով 200» բառերը, իսկ նույն պարբերությունում «ԹՌՌԳ-ի հնարավոր խափանումների դեպքում» բառերը փոխարինել «օպտիկա-մանրաթելային կապի ցանցին» բառերով.

7) ծրագրի 2.4-րդ կետի «Տեխնիկական պահանջները» բաժնում՝

ա. 3-րդ պարբերությունում «30 Մս/վրկ» բառերը փոխարինել «30 Մսիմվոլ/վրկ» բառերով,

բ. 5-րդ պարբերությունից հանել «Հիմնական և պահուստային լրակազմերի միջև անցումը նախատեսել ալիքատարային փոխանջատիչներով» բառերը,

գ. հանել 6-րդ պարբերությունը,

դ. 7-րդ պարբերությունից հանել «Թվով 200» և «(ենթակա է ճշգրտման արբանյակի ընտրության ժամանակ)» բառերը.

8) հանել ծրագրի 4-րդ կետը:

2. Հանձնարարել Հայաստանի Հանրապետության տրանսպորտի և կապի նախարարին և առաջարկել «Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերության տնօրենին ապահովել սույն արձանագրային որոշումից բխող գործողությունների իրականացումը: