«Գրանցված է»
ՀՀ արդարադատության
նախարարության կողմից
21 հոկտեմբերի 2002 թ.
Պետական գրանցման թիվ 10502245

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲՆԱՊԱՀՊԱՆՈՒԹՅԱՆ ՆԱԽԱՐԱՐ

Հ Ր Ա Մ Ա Ն

(հրամանը խմբ. 16.12.08 N 452-Ն)

«ՋՐՕԳՏԱԳՈՐԾՄԱՆ ՄԱՍԻՆ» ՁԵՎ N 2-ՏԱ (ՋՈՒՐ) (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ «ՋՐՕԳՏԱԳՈՐԾՄԱՆ ՄԱՍԻՆ» ՁԵՎ N 2-ՏԱ (ՋՈՒՐ) (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

(վերնագիրը խմբ. 16.12.08 N 452-Ն)

Հիմք ընդունելով «Պետական վիճակագրության մաuին» Հայաuտանի Հանրապետության oրենքի 15-րդ և 17-րդ հոդվածների ա) կետերը.

ՀՐԱՄԱՅՈՒՄ ԵՄ՝

1. Հաստատել.

1) «Ջրօգտագործման մասին» Ձև N 2-տա (Ջուր) (տարեկան) վարչական վիճակագրական հաշվետվության ձևը` համաձայն հավելված N 1-ի.

2) «Ջրօգտագործման մասին» Ձև N 2-տա (Ջուր) (տարեկան) վարչական վիճակագրական հաշվետվության լրացման հրահանգը համաձայն հավելված N 2-ի:

ՋՐՕԳՏԱԳՈՐԾՄԱՆ ՄԱՍԻՆ ՁԵՎ N 2-ՏԱ (ջուր) (տարեկան) 
20.......թ. համար 
ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ 
 
Համաձայնեցված է Հայաստանի Հանրապետության վիճակագրության պետական խորհրդի հետ` 21 հոկտեմբերի 2008 թ. N 30-Ա  որոշմամբ 

Բաժին 1. Ջրառ

Բաժին 2. Ջրօգտագործում

Բաժին 2.1  Այլ սպառողներին փոխանցված ջուր

Բաժին 3. Ջրհեռացում

Բաժին 4. Վնասակար նյութերի պարունակությունը հոսքաջրերեում

Բաժին 5. Լրացուցիչ տեղեկատվություն

(հավելվածը փոփ. 31.08.17 N 299-Ն)

ՀՐԱՀԱՆԳ

«ՋՐՕԳՏԱԳՈՐԾՄԱՆ ՄԱՍԻՆ» ՁԵՎ N 2-ՏԱ (ՋՈՒՐ) (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. Հավելված N 1-ի «Ջրօգտագործման մասին» Ձև N 2-տա (ջուր) վարչական վիճակագրական հաշվետվությունը լրացվում է հետևյալ հաջորդականությամբ`

1) «Ջրառ» բաժին 1 -ը լրացվում է հետևյալ կերպ`

ա. սյունակ Բ-ում բերվում են ջրային ռեսուրսի (գետ, լիճ, աղբյուր, խորքային հոր և այլն), ջրային համակարգի (օրինակ, քաղաքային ջրատար, ջրամբար, ջրանցք) անվանումները: Ընդ որում, տեղեկատվությունն ըստ յուրաքանչյուր ջրաղբյուրի բերվում է առանձին և մեկ տողով: Եթե ջրաղբյուրների քանակը ավելի է Բ սյունակի տողերի քանակից, ապա ավել ջրաղբյուրների համապատասխան տվյալները լրացվում են նոր հաշվետվային ձևում, որը համարվում է կից առաջինին: Այստեղ բերվում է նաև այն ջրօգտագործողի անվանումը, որից ստացվել է ջուր` մաքրման (հոսքաջրեր, կոլեկտորադրենաժային ջրեր) և (կամ) օգտագործման համար.

բ. սյունակ 1-ում բերվում են համապատասխան ջրառի իրականացման ջրավազանային կառավարման տարածքի, սյունակ 2-ում` մարզի, սյունակ 3-ում` տարածաշրջանի, սյունակ 4-ում` համայնքի անվանումները, իսկ սյունակ 5-ում` ջրառի վայրի նկարագրությունը.

գ. սյունակ 6-ում բերվում է վերցված կամ այլ ջրօգտագործողից ստացված փաստացի ջրառի տարեկան ծավալը, որը պետք է հավասար լինի բաժին 2-ի սյունակ 1-ում, սյունակ 8-ում, սյունակ 9-ում և սյունակ 10-ում բերված ջրի քանակությունների գումարին.

դ. սյունակ 7-ում` Հայաստանի Հանրապետության բնապահպանության նախարարության կողմից տրված ջրօգտագործման թույլտվությամբ (ՋԹ) հաստատված ջրառի ծավալները.

ե. սյունակ 8-ում բերվում է ջրօգտագործման թույլտվության (ՋԹ) համարը.

զ. սյունակ 9-ում` Հայաստանի Հանրապետության ջրային պետական կադաստրի ջրօգտագործման իրավունքի գրանցման վկայականի համարը:

2) «Ջրօգտագործում» բաժին 2 -ը լրացվում է հետևյալ կերպ`

ա. սյունակ 1-ում բերվում է փաստացի օգտագործված ջրի ընդհանուր ծավալն ըստ ջրառի կետերի, ինչը ըստ օգտագործման նպատակների` բաշխվում է 2-7 սյունակների հետևյալ ձևով`

բ. սյունակ 2-ում` բնակչության և իրավաբանական անձանց, անհատ ձեռնարկատերերի աշխատողների տնտեսական, կոմունալ-կենցաղային կարիքների բավարարման համար օգտագործված ջրի ծավալը.

գ. սյունակ 3-ում` արդյունաբերական նպատակներով օգտագործված ջրի ծավալը (այստեղ հաշվառվում է նաև շրջադարձային ջրամատակարարման համակարգի սնուցման համար օգտագործված ջրի ծավալը).

դ. սյունակ 4-ում` գյուղատնտեսական հողատեսքերի ոռոգման նպատակով օգտագործված ջրի ծավալը, ինչպես նաև վեգետացիոն և ոչ վեգետացիոն ջրումները ( խոնավացնող, լվացող, նախացանքսային).

ե. սյունակ 5-ում` ձկնատնտեսական նպատակով օգտագործված ջրի ծավալը (բացառությամբ լճերի և ջրամբարների).

զ. սյունակ 6-ում` էլեկտրաէներգիայի արտադրության նպատակով օգտագործված ջրի ծավալը.

է. սյունակ 7-ում` բաժնի սյունակներ 2-6-ում չընդգրկված, այլ նպատակներով օգտագործած ջրի ծավալը.

ը. սյունակ 8-ում բերվում է առանց օգտագործման այլ սպառողներին փոխանցված ջրի ծավալը: Այստեղ հաշվառվում են նաև տարանցիկ ջրերը` ներառյալ հոսքաջրերը, որոնք ստացվել են այլ իրավաբանական և ֆիզիկական անձանցից և փոխանցվել են մեկ ուրիշին` արտահոսքի և (կամ) մաքրման համար: Սյունակ 8-ում լրացվում է սպառված ջրի ծավալը, ինչը ըստ սպառողների բերվում է հավելված 1-ի «Այլ սպառողներին փոխանցված ջուր» 2.1 բաժնի սյունակ 1-ում.

թ. սյունակ 9-ում լրացվում է օգտագործումից հետո այլ սպառողներին փոխանցված ջրի ծավալը, ինչն ըստ սպառողների բերվում է հավելված 1-ի «Այլ սպառողներին փոխանցված ջուր» 2.1 բաժնի սյունակ 3-ում.

ժ. սյունակ 10-ում բերվում է ջրառի տեղից մինչև օգտագործման կամ տրման տեղը ջրի տարանցիկ տեղափոխման ժամանակ ֆիլտրացիայի, գոլորշացման, վթարների և այլ պատճառներով արտահոսքերի ծավալը:

3) «Այլ սպառողներին փոխանցված ջուր» բաժին 2.1-ը լրացվում է հետևյալ կերպ`

ա. Ա սյունակում լրացվում է «Բաժին 2»-ի Ա սյունակին համապատասխան տողի համարը.

բ. սյունակ 1-ում լրացվում է «Բաժին 2»-ի սյունակ 8-ում նշված առանց օգտագործման ջուր սպառած կազմակերպության անվանումը, իսկ սյունակ 2-ում՝ սպառված ջրի ծավալը.

գ. սյունակ 3-ում լրացվում է «Բաժին 2»-ի սյունակ 9-ում նշված` օգտագործումից հետո ջուր սպառած կազմակերպության անվանումը, սյունակ 4-ում` օգտագործումից հետո փոխանցված ջրի որակի ծածկագրերը` համաձայն սույն հավելվածի ցուցակ 1-ի, իսկ սյունակ 5-ում` սպառված ջրի ծավալը.

դ. հաշվետվային ձևի 2-րդ բաժնի 1-ին սյունակի տողերը պետք է լրացվեն 1-ին բաժնի Բ սյունակի տողերին համապատասխան կամ եթե հնարավոր չի տարանջատել ջրաղբյուրները, ապա գրել մեկ տողով:

4) «Ջրհեռացում» բաժին 3-ը լրացվում է հետևյալ կերպ`

ա. սյունակ Բ-ում բերվում է ջրընդունիչի անվանումը (մակերևութային ջրային ռեսուրսներ, ստորերկրյա ջրավազաններ, ներծծման դաշտեր, կուտակիչներ և ռելիեֆի այլ ցածրադիր մասեր, ինչպես նաև կոյուղու ցանց` նշելով համապատասխան համակարգի անվանումը).

բ. սյունակ 1-ում բերվում են ջրհեռացման իրականացման ջրավազանային կառավարման տարածքի, սյունակ 2-ում` մարզի, սյունակ 3-ում` տարածաշրջանի, սյունակ 4-ում` համայնքի անվանումները, իսկ սյունակ 5-ում` այն վայրի նկարագրությունը, որտեղ իրականացվել է ջրհեռացում (օրինակ` Ողջի գետ, պոչամբարից հետո).

գ. մի քանի ջրընդունիչների առկայության դեպքում, յուրաքանչյուրին համապատասխան ջրհեռացումը բնութագրող տվյալները բերվում են առանձին և միայն մեկ տողով.

դ. սյունակ 6-ում բերվում են փաստացի ջրհեռացման ընդհանուր ծավալներն ըստ ջրընդունիչների.

ե. սյունակներ 7-11-ում բերվում են հոսքաջրերի բաշխվածությունն ըստ դրանց որակական ցուցանիշների.

- սյունակ 7-ում բերվում է աղտոտված (առանց մաքրման) հոսքաջրերի ծավալները (այդ թվում՝ հանքահորերի, հանքաշերտերի), որոնք արտահոսվում են ջրային ռեսուրսներ.

- սյունակ 8-ում բերվում է չափորոշային մաքուր (առանց մաքրման) հոսքաջրերի ծավալը, որոնց արտահոսքը ջրընդունիչ չի բերում վերջինիս ջրի որակի սահմանված չափորոշների խախտման համապատասխան հատվածքում կամ ջրհեռացման կետում (հովացման համակարգ, հիդրոտեխնիկական կառույց).

- սյունակներ 9-11-ում բերվում են մաքրման կառույցներում չափորոշային մաքրված հոսքաջրերի ծավալներն ըստ մաքրման տեսակների` մեխանիկական` սյունակ 9-ում ֆիզիկաքիմիական` սյունակ 10-ում և կենսաբանական` սյունակ 11-ում: Եթե նույն ծավալի հոսքաջուրը անցնում է մի քանի մաքրման կառույցներով, ապա ծավալը պետք է լրացվի ավելի բարձր մաքրում ապահովող պրոցեսը նշող սյունակում։

Ցուցակ 1

Վերցված, ստացված, տրված և թափված ջրերի որակի կատեգորիայի ծածկագրերը