«Գրանցված է»

ՀՀ արդարադատության

նախարարության կողմից

4 սեպտեմբերի 2006 թ.

Պետական գրանցման թիվ 11506261

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐ

Հ Ր Ա Մ Ա Ն

ՆԱԽԿԻՆ ԽՍՀՄ ԽՆԱՅԲԱՆԿԻ ՀԽՍՀ ՀԱՆՐԱՊԵՏԱԿԱՆ ԲԱՆԿՈՒՄ ՄԻՆՉԵՎ 1993 ԹՎԱԿԱՆԻ ՀՈՒՆԻՍԻ 10-Ը ՆԵՐԴՐՎԱԾ ԴՐԱՄԱԿԱՆ ԱՎԱՆԴՆԵՐԻ ԴԻՄԱՑ ՓՈԽՀԱՏՈՒՑՄԱՆ ՎՃԱՐՄԱՆ ՄԱՍԻՆ ՀԱՇՎԵՏՎՈՒԹՅԱՆ ՁԵՎԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության կառավարության 2006 թվականի մարտի 16-ի «Նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման տրամադրման կարգը հաստատելու մասին» N 352-Ն որոշմամբ հաստատված Նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման տրամադրման կարգի 38-րդ կետի

Հ Ր Ա Մ Ա Յ ՈՒ Մ   ԵՄ`

1. Հաստատել՝

ա) Նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման վճարման մասին հաշվետվության ձևը համաձայն հավելված N 1-ի,

բ) Նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման վճարման մասին հաշվետվության լրացման կարգը համաձայն հավելված N 2-ի:

2. Սույն հրամանն ուժի մեջ է մտնում պաշտոնական հրապարակմանը հաջորդող 10-րդ օրվանից:

ՎՃԱՐՄԱՆ ՄԱՍԻՆ ՀԱՇՎԵՏՎՈՒԹՅՈՒՆ
ՎՃԱՐՄԱՆ ԿԱՏԱՐՄԱՆ ՑՈՒՑԱԿ

Կ Ա Ր Գ

ՆԱԽԿԻՆ ԽՍՀՄ ԽՆԱՅԲԱՆԿԻ ՀԽՍՀ ՀԱՆՐԱՊԵՏԱԿԱՆ ԲԱՆԿՈՒՄ ՄԻՆՉԵՎ 1993 ԹՎԱԿԱՆԻ ՀՈՒՆԻՍԻ 10-Ը ՆԵՐԴՐՎԱԾ ԴՐԱՄԱԿԱՆ ԱՎԱՆԴՆԵՐԻ ԴԻՄԱՑ ՓՈԽՀԱՏՈՒՑՄԱՆ ՎՃԱՐՄԱՆ ՄԱՍԻՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. Սույն կարգով սահմանվում է նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման (այսուհետ` փոխհատուցում) վճարման մասին հաշվետվության` ըստ վճարման ցուցակի վճարման կատարման անձնավորված տվյալների լրացման կարգը:

2. Վճարման կատարման անձնավորված տվյալների վճարման ցուցակը և ռեեստրը վճարող մարմնին հանձնում է սոցիալական ծառայություններ տրամադրող տարածքային մարմինը` (այսուհետ` գործակալություն) տիտղոսաթերթով` համաձայն ձև N 1-ի, որի գլխամասում նշվում է գործակալության, վճարող մարմնի և բնակավայրի անվանումը, ցուցակը կազմելու ամսաթիվը, վճարման ամիսը, ցուցակում ընդգրկված նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցում ստացող անձանց (այսուհետ` հաճախորդ) թիվը, էջերի քանակը, վճարման ենթակա գումարը:

(2-րդ կետը փոփ. 21.10.09 N 137-Ն)

3. Տիտղոսաթերթում լրացվում են տվյալներ նաև ըստ էջերի՝ հետևյալ բովանդակությամբ.

էջի համարը

հաճախորդների թիվը (գործերի քանակը)

վճարման ենթակա գումարը:

4. Տիտղոսաթերթի վերջում նշվում է հանձնողի և ընդունողի տվյալները:

5. Գործակալությունում՝ պետի կողմից ցուցակների հանձնումը կատարվում է վճարող մարմնի լիազորած անձին, որոնք ստորագրում են տիտղոսաթերթի երկու օրինակներում, որոնցից մեկը մնում է գործակալությունում, մյուսը՝ վճարող մարմնում:

6. Ցուցակների էջերը համարակալվում են:

7. Ցուցակի յուրաքանչյուր էջի գլխամասում նշվում է տարին, ամիսը, գործակալության, վճարող մարմնի, բնակավայրի (փողոցի) անվանումը և վճարող մարմնի համարը:

8. Ցուցակի յուրաքանչյուր տողում նշվում է հաճախորդներին վերաբերող հետևյալ տվյալները՝

բնակության վայրը (հասցեն)

հաճախորդի ազգանունը, անունը, հայրանվան առաջին տառը,

սոցիալական քարտի կամ սոցիալական ապահովության քարտ չունենալու մասին տեղեկանքի համարը

գործի համարը

(8-րդ կետը լրաց. 21.10.09 N 137-Ն)

9. Յուրաքանչյուր էջի վերջում նշվում է այդ էջում գրանցված հաճախորդների թիվը, վճարման ենթակա փոխհատուցման չվճարված և փաստացի վճարված գումարների չափերը, կնիքի և գործակալության պետի ու տեղեկատվական բազայի վարչական պատասխանատու աշխատակցի ստորագրությունների տեղը:

10. Ցուցակի վերջում նշվում է 9-րդ կետով սահմանված տեղեկությունների ամփոփ տվյալները:

11. Գործակալությունը կազմակերպությունից ցուցակները և տիտղոսաթերթերը ստանալուց հետո 1 աշխատանքային օրվա ընթացքում ցուցակի յուրաքանչյուր էջը ստուգում, ստորագրում, կնքում և հանձնում է համապատասխան վճարող մարմին:

12. Ռեեստրի բովանդակությունն է՝

Եթե տվյալ հաճախորդը չունի անցողիկ գումար, ապա համապատասխան դաշտում նշվում է «********» (աստղանիշեր):

Ռեեստրում կատարված ուղղումը ստորագրվում և կնքվում է վճարման մարմնի բաժանմունքի ղեկավարի կողմից:

13. Վճարող մարմինը վճարումն ավարտելուց հետո երեք օրացուցային օրվա ընթացքում գործակալությանն է հանձնում լրացված ռեեստրները, փոխադարձ հաշվետվության ակտը (ձև  N 2) 5 օրինակ: Հաշվետվության ակտի երկու օրինակը, ստորագրված և կնքված հետ են վերադարձվում վճարող մարմին երկու օրվա ընթացքում:

14. Գործակալությունը յուրաքանչյուր ամսվա վճարման ավարտից հետո 6 օրվա ընթացքում Հայաստանի Հանրապետության աշխատանքի և սոցիալական հարցերի նախարարություն և մարզպետարան (Երևանի համապատասխան թաղապետարան) է ներկայացնում փոխադարձ հաշվետվության ակտի մեկ օրինակ:

15. Գործակալությունը յուրաքանչյուր ամսվա վճարման ավարտից հետո 6 օրվա ընթացքում «Նորք» տեղեկատվավերլուծական կենտրոն է ներկայացնում վճարման ռեեստրի էլեկտրոնային տարբերակը:

16. Գործակալության սխալի պատճառով չնշանակված կամ վճարող մարմնի մեղքով չվճարված գումարը վճարվում է միանվագ` առանց ժամկետի սահմանափակման` համաձայն ձև 3-ի:

17. Նշանակված, բայց հաճախորդի մահվան պատճառով չվճարված փոխհատուցման վերաբերյալ  գործակալությունը Հայաստանի Հանրապետության աշխատանքի և սոցիալական հարցերի նախարարություն է ներկայացնում տեղեկատվություն` համաձայն  ձևի 3-ի:

Ձև N 1

ՏԻՏՂՈՍԱԹԵՐԹ

(ձևը լրաց. 21.10.09 N 137-Ն)

Ձև N 2

ՓՈԽԱԴԱՐՁ ՀԱՇՎԵՏՎՈՒԹՅԱՆ ԱԿՏ

«_________ «Վճարող մարմնի» ___________ և սոցիալական ծառայությունների _________ տարածքային գործակալության (բաժնի) միջև _______ ամսվա նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման գումարների փոխհաշվարկի վերաբերյալ

(ձևը լրաց. 21.10.09 N 137-Ն)

Ձև N 3

ՏԵՂԵԿԱՏՎՈՒԹՅՈՒՆ

Սոցիալական ծառայությունների __________________ տարածքային գործակալության (բաժնի) կողմից  200  թ. ________________  ամսվա վճարման ցուցակներում ընտանիքի չստացած նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման նախկինում չստացած գումարի վերականգնման մասին

(ձևը լրաց. 21.10.09 N 137-Ն)

(հավելվածը փոփ., լրաց. 21.10.09 N 137-Ն)