ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀՀ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ

Հ Ր Ա Մ Ա Ն

Ղեկավարվելով «Լիցենզավորման մասին» ՀՀ օրենքի պահանջներով և հիմք ընդունելով «Անշարժ գույքի գնահատում» և «Ռիելթորական գործունեություն» լիցենզավորման ենթակա գործունեությունների լիցենզավորող հանձնաժողովի եզրակացությունը (արձանագրություն լիցենզավորող հանձնաժողովի 11.12.08 թ. կայացած նիստի).

ՀՐԱՄԱՅՈՒՄ ԵՄ`

1. «Լիցենզավորման մասին» ՀՀ օրենքի 34 հոդվածի 7-րդ մասի համաձայն, «Պետական գույքի գույքագրման և գնահատման գործակալություն» ՊՈԱ կազմակերպության «Անշարժ գույքի գնահատում» գործունեության ԱԳ N 0535 լիցենզիայի գործողության կասեցումը՝ տրված կոմիտեի 04.11.08 թ. N 08-349-Լ հրամանով, համարել վերացված։

2. «Լիցենզավորման մասին» ՀՀ օրենքի 34 հոդվածի 7-րդ մասի համաձայն, «Ֆիրմա Ագատ» ՍՊ ընկերության «Անշարժ գույքի գնահատում» գործունեության ԱԳ N 0433 լիցենզիայի գործողության կասեցումը՝ տրված կոմիտեի 21.11.08 թ. N 08-377-Լ հրամանով, համարել վերացված։

3. Հիմք ընդունելով «Լիցենզավորման մասին» ՀՀ օրենքի 26, 28 հոդվածների և ՀՀ կառավարության 07.01.02 թ. N 5 որոշմամբ հաստատված «ՀՀ տարածքում տեղագրական քարտեզագրման և հողաշինարարական աշխատանքների իրականացման, անշարժ գույքի գնահատման և ռիելթորական գործունեությունների բնագավառներում իրականացվող գործունեության լիցենզավորման կարգի» 7-րդ, 8-րդ և 10-րդ կետերի պահանջները՝ «Սլակ Ռիելթի» ՍՊ ընկերությանը և անհատ ձեռնարկատեր Լարիսա Ավետիսյանին տրամադրել «Ռիելթորական գործունեություն» գործունեության լիցենզիա։

4. Սույն հրամանի կատարման պատասխանատվությունը դնել կոմիտեի աշխատակազմի լիցենզավորման բաժնի պետ Հ. Հարությունյանի վրա, հսկողությունը՝ կոմիտեի նախագահի տեղակալ Հ. Հովհաննիսյանի վրա։