«Գրանցված է»

ՀՀ արդարադատության

նախարարության կողմից

30 սեպտեմբերի 2008 թ.

Պետական գրանցման թիվ 11008290

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

22 սեպտեմբերի 2008 թ. ք. Երևան

N 762-Ն

Հ Ր Ա Մ Ա Ն

ՀՀ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2003 ԹՎԱԿԱՆԻ ՀՈԿՏԵՄԲԵՐԻ 7-Ի N 678-Ն ՀՐԱՄԱՆՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» ՀՀ օրենքի 70 հոդվածով՝

ՀՐԱՄԱՅՈՒՄ ԵՄ՝

1. ՀՀ կրթության և գիտության նախարարի 2003 թվականի հոկտեմբերի 7-ի «Հայաստանի Հանրապետության կրթության և գիտության նախարարության գործավարության կարգը հաստատելու մասին» N 687-Ն հրամանով հաստատված Հայաստանի Հանրապետության կրթության և գիտության նախարարության գործավարության կարգը լրացնել նոր 9-րդ բաժնով հետևյալ բովանդակությամբ.

«9. ՆԱԽԱՐԱՐՈՒԹՅԱՆ ԱՌԱՆՁՆԱՑՎԱԾ ՍՏՈՐԱԲԱԺԱՆՈՒՄՆԵՐԻ ԳՈՐԾԱՎԱՐՈՒԹՅԱՆ ԿԱՐԳԸ

74. Նախարարության առանձնացված ստորաբաժանումներում գործավարությունը կազմակերպվում է սույն կարգի պահանջներին համապատասխան:

75. Նախարարության առանձնացված ստորաբաժանումներում ամբողջ թղթակցությունը գրանցվում է հատուկ գրանցամատյանների և (կամ) համակարգչի միջոցով:

76. Նախարարի, աշխատակազմի ղեկավարի հանձնարարականների, հրամանների, մակագրված փաստաթղթերի պատշաճ և ժամանակին կատարման համար անմիջականորեն պատասխանատու է առանձնացված ստորաբաժանման ղեկավարը:

77. Նախարարության առանձնացված ստորաբաժանումների ղեկավարներն իրավունք ունեն ստորագրել անմիջապես իրենց անունով ստացված գրությունների պատասխանները, ինչպես նաև անմիջականորեն իրենց լիազորությունների շրջանակներում գտնվող հարցերի լուծմանը վերաբերող փաստաթղթերը:

78. Նախարարության առանձնացված ստորաբաժանման ղեկավարի ստորագրությամբ փաստաթղթերի առաքումը կատարվում է առանձնացված ստորաբաժանման միջոցով:

Մնացած բոլոր դեպքերում նախարարության առանձնացված ստորաբաժանման ելից փաստաթղթերի ստորագրումը, ելքագրումը, առաքումը կանոնակարգվում է սույն կարգի 5-րդ բաժնի դրույթներին համապատասխան:

79. Նախարարության առանձնացված ստորաբաժանումներին նախարարության կողմից հատկացվում է հատուկ դասիչ ելից փաստաթղթերը ձևակերպելու համար»:

2. Քարտուղարությանը՝ (պետ՝ Գ. Հովհաննիսյան) և օրենսդրության և իրավաբանական վարչությանը՝ (պետ՝ Մ. Գրիգորյան) սահմանված կարգով հրամանը ներկայացնել պետական գրանցման:

ՀՀ կրթության և գիտության նախարար

Ս. Սեյրանյան