«Գրանցված է»
ՀՀ արդարադատության
նախարարության կողմից
10 նոյեմբերի 2004 թ.
Պետական գրանցման թիվ 10004304

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԳՈՐԾԱՎԱՐՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2002 թվականի հունիսի 20-ի N 890 որոշման 2-րդ կետը.

Հրամայում եմ`

1. Հաստատել Հայաստանի Հանրապետության առողջապահության նախարարության գործավարության կարգը` համաձայն N 1 հավելվածի:

2. Ուժը կորցրած ճանաչել Հայաստանի Հանրապետության առողջապահության նախարարի 2003 թվականի մարտի 14-ի N 153 հրամանի 1-ին կետը:

3. Հայաստանի Հանրապետության առողջապահության նախարարի իրավական խորհրդական Ս. Քրմոյանին` սույն հրամանը սահմանված կարգով ներկայացնել արդարադատության նախարարություն` պետական իրավական փորձաքննության և պետական գրանցման:

Կ Ա Ր Գ

                                                       (կարգը խմբ. 25.05.07 N 927-Ն)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԳՈՐԾԱՎԱՐՈՒԹՅԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է Հայաստանի Հանրապետության առողջապահության նախարարության գործավարության կարգը: Հայաստանի Հանրապետության առողջապահության նախարարության կողմից իրականացվող վարչական վարույթի գործերի գործավարությունը իրականացվում է Հայաստանի Հանրապետության առողջապահության նախարարի 2006 թվականի հոկտեմբերի 9-ի N 1132-Ն հրամանով սահմանված կարգով:

2. Հայաստանի Հանրապետության առողջապահության նախարարության գործավարության կազմակերպումն իրականացնում է Հայաստանի Հանրապետության առողջապահության նախարարության աշխատակազմը (այսուհետ` աշխատակազմ):

3. Աշխատակազմի կառուցվածքային ստորաբաժանումներում գործավարության կազմակերպման և վարման համար պատասխանատու է ստորաբաժանման ղեկավարը:

4. Նախարարի տեղակալների, խորհրդականների, օգնականի և մամլո քարտուղարի գործունեության ընթացքում գործավարությունը կազմակերպվում է աշխատակազմի քարտուղարության կողմից:

5. Գաղտնի գործավարությունն իրականացվում է «Պետական և ծառայողական գաղտնիքի մասին» Հայաստանի Հանրապետության օրենքի պահանջներին համապատասխան:

II. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅՈՒՆ ՍՏԱՑՎԱԾ ԹՂԹԱԿՑՈՒԹՅԱՆ ԸՆԴՈՒՆՈՒՄԸ, ԳՐԱՆՑՈՒՄՆ ՈՒ ՇԱՐԺԸ

6. Աշխատակազմում ստացված ամբողջ պաշտոնական և ոչ պաշտոնական թղթակցությունն ընդունվում և գրանցվում է աշխատակազմի քարտուղարությունում (այսուհետ` քարտուղարություն)` ապարատածրագրային միջոցներով, զուգահեռ` նաև մատյանների օգնությամբ, որտեղ արտացոլվում են փաստաթղթի համառոտ բովանդակությունը, շարժը և կատարման ընթացքը: Գրանցված փաստաթղթի 1-ին էջի ներքևի աջ անկյունում դրվում է դրոշմակնիք, որի վրա նշվում են մտից գրանցման համարը և ամսաթիվը: Ստացված փաստաթղթի մտից գրանցման համարը բաղկացած է քարտուղարության պայմանանշանից և դրա հերթական համարից:

7. Քարտուղարությունում բացվում են ստացված բոլոր (նաև էլեկտրոնային), բացի «Անձամբ» մակագրությամբ ծրարներից և անձնական էլեկտրոնային ստորագրությամբ փակված փաստաթղթերի էլեկտրոնային օրինակներից (ֆայլերից): «Անձամբ» մակագրությամբ ծրարները (կամ ֆայլերը) չեն գրանցվում և փակ վիճակում հանձնվում կամ Հայաստանի Հանրապետության առողջապահության նախարարության (այսուհետ` նախարարություն) համակարգչային ցանցով հաղորդվում են հասցեատիրոջը:

8. Քարտուղարության աշխատողները պարտավոր են ծրարը բացելիս ստուգել փաստաթղթերի առկայությունը (ներառյալ հավելվածները), առդիր թերթերի քանակը, փաստաթղթերի համարները համեմատել ծրարի վրա նշվածների հետ: Փաստաթղթերի կամ ֆայլերի բացակայության կամ վնասված լինելու դեպքում կազմվում է ակտ` 3 օրինակից, որոնցից մեկը մնում է քարտուղարության ընդհանուր բաժնում, երկրորդը կցվում է փաստաթղթին, իսկ երրորդն ուղարկվում է այն կազմակերպություն, որտեղից ստացվել է ծրարը: Եթե ծրարում կամ ֆայլում հայտնաբերվում են սխալմամբ դրված փաստաթղթեր, դրանք նոր ծրարներով կամ համակարգչային ցանցով ուղարկվում են ըստ պատկանելության` փաստաթղթերին կցելով այն ծրարները (նաև էլեկտրոնային), որոնցով դրանք ստացվել են` անհրաժեշտության դեպքում տեղյակ պահելով այն կազմակերպությանը, որտեղից ստացվել է ծրարը:

9. Ծրարները (նաև էլեկտրոնային), որոնցով ստացվել է թղթակցությունը, պահպանվում և փաստաթղթերին են կցվում այն դեպքում, երբ միայն ծրարի միջոցով կարելի է պարզել ուղարկողի հասցեն կամ, եթե ծրարի վրա փոստային դրոշմակնիքի ամսաթիվը նշանակություն ունի տվյալ նյութի ուղարկման ու ստացման ժամանակը որոշելու համար:

10. Մտից փաստաթղթերը, որոնք ստացվում են Հայաստանի Հանրապետության նախարարության համակարգչային ցանցով (այսուհետ` համակարգչային ցանց), պետք է հաստատված լինեն ուղարկողի կամ համապատասխան պաշտոնատար անձի էլեկտրոնային թվային ստորագրությամբ: Ստացված էլեկտրոնային օրինակն անհրաժեշտության դեպքում վերծանվում է և տեղական լոկալ համակարգչային ցանցով ուղարկվում հասցեատիրոջը:

11. Փաստաթղթերի այն էլեկտրոնային օրինակները, որոնք հաստատված չեն էլեկտրոնային թվային ստորագրությամբ, բացի հաստատող և պատրաստող անձանց պաշտոններից ու ազգանուններից, լրացուցիչ պետք է պարունակեն ուղարկող օպերատորի ազգանունը: Բայց այդ դեպքում փաստաթուղթը կունենա միայն պատճենի կարգավիճակ:

12. Յուրաքանչյուր փաստաթուղթ պետք է ունենա իր էլեկտրոնային պատճենը` ֆայլի ձևով ստեղծված ապարատածրագրային միջոցներով, որն ապահովում է այն պատրաստող անձը կամ ստորաբաժանումը:

13. Հայաստանի Հանրապետության Նախագահից, Հայաստանի Հանրապետության Ազգային ժողովից ստացված նյութերն ու «Շտապ» թղթակցությունն անհապաղ գրանցվում ու հանձնվում են զեկուցման: Մյուս թղթակցությունը հասցեատերերին է տրվում կամ հաղորդվում լոկալ ցանցով աշխատանքային 1 օրվա ընթացքում` սույն կարգին համապատասխան:

14. Հայաստանի Հանրապետության առողջապահության նախարարին (այսուհետ` նախարար) հասցեագրված ու մուտքագրված գրությունները, նամակները և մյուս փաստաթղթերը գրանցումից հետո ուղարկվում են աշխատակազմի ղեկավարին` զեկուցման: Նորմատիվ և անհատական իրավական ակտերի նախագծերը, ինչպես նաև պետական կառավարման մարմինների կողմից կարծիքի առաքված իրավական ակտերի նախագծերի վերաբերյալ պատասխան գրությունները նախարարին են զեկուցվում աշխատակազմի ղեկավարի կողմից` նախարարի իրավական խորհրդականի հետ համատեղ:

15. Նախարարը ստացված գրությունները, նամակները և մյուս փաստաթղթերը մակագրում է նախարարի տեղակալներին, աշխատակազմի ղեկավարին, նախարարի իրավական խորհրդականին կամ նախարարի խորհրդականներին: Բացառիկ դեպքերում` նախարարի հայեցողությամբ մուտք եղած փաստաթուղթը կարող է մակագրվել անմիջականորեն ստորաբաժանման ղեկավարին:

16. Նախարարի կողմից մակագրված թղթակցությունը հաջորդ օրը վերադարձվում է քարտուղարություն և 1 օրվա ընթացքում, ըստ մակագրությունների, բաժանվում կատարողներին:

17. Նախարարի կողմից մակագրված փաստաթղթերը նախարարի տեղակալների և աշխատակազմի ղեկավարի կողմից մակագրվում են համապատասխան ստորաբաժանումների ղեկավարներին: Նախարարի տեղակալները գրությունները մակագրում են միայն իրենց համակարգման ոլորտի ստորաբաժանման ղեկավարներին:

18. Նախարարի բացակայության դեպքում նախարարի առաջին տեղակալը կարող է գրություններ մակագրել ցանկացած ստորաբաժանման ղեկավարին:

19. Նախարարի խորհրդականներին մակագրված փաստաթղթերը կատարվում են անմիջականորեն վերջիններիս կողմից, եթե նախարարի կողմից նախարարի խորհրդականին համապատասխան լիազորություն չի տրվել՝ դրանք մակագրել աշխատակազմի որևէ ստորաբաժանմանը: Եթե մակագրության մեջ նշված են նաև այլ ստորաբաժանումներ, գրությունները կատարվում են ստորաբաժանման կողմից` նախարարի համապատասխան խորհրդականի հետ համատեղ:

20. Ստորաբաժանման ղեկավարը ստացված գրություններին սահմանված կարգով ընթացք է տալիս ստորաբաժանման աշխատակիցների միջոցով: Ստորաբաժանման ղեկավարը, անհրաժեշտության դեպքում, կարող է հայցել այլ ստորաբաժանումների կարծիքները, ինչը կատարվում է նախարարի` համապատասխան ոլորտը համակարգող տեղակալի միջոցով, իսկ բացառիկ դեպքերում` անմիջականորեն` ստորաբաժանման ղեկավարի միջոցով: Չի թույլատրվում ստորաբաժանման ղեկավարին մակագրված գրության վերահասցեագրումը այլ ստորաբաժանման:

21. Նախարարության կառուցվածքային մի ստորաբաժանումից մեկ այլ ստորաբաժանում թղթակցության հանձնումը կատարվում է քարտուղարության միջոցով:

22. Քարտուղարությունը` գործին կցելու համար փաստաթուղթն ընդունում է այն դեպքում, երբ փաստաթղթին կից` նախարարի, նախարարի տեղակալների կամ աշխատակազմի ղեկավարի կողմից ներկայացված համապատասխան հիմնավորման վրա առկա է «Գործին» մակագրությունը:

23. Աշխատակազմի աշխատողները պատասխանատու են իրենց մոտ գտնվող փաստաթղթերի պահպանության համար և պարտավոր են խնամքով վերաբերել դրանց: Նախարարության աշխատողներին չի թույլատրվում փաստաթղթերը նախարարությունից դուրս բերել:

24. Արձակուրդ գնալիս, երկարատև գործուղման մեկնելիս կամ այլ պատճառներով բացակայելիս աշխատողը պարտավոր է իր մոտ եղած անավարտ գործերի փաստաթղթերը հանձնել իրեն փոխարինողին կամ անմիջական ղեկավարին, լրացնել շրջանցիկ թերթիկ և այն հանձնել աշխատակազմի առողջապահության էկոնոմիկայի և հաշվապահական հաշվառման վարչություն:

III. ՆԱԽԱՐԱՐՈՒԹՅՈՒՆՈՒՄ ՓԱՍՏԱԹՂԹԵՐԻ ԿԱՏԱՐՄԱՆ ԺԱՄԿԵՏՆԵՐԸ

25. Նախագահի աշխատակազմից, Հայաստանի Հանրապետության Ազգային ժողովից, Հայաստանի Հանրապետության կառավարությունից, նախարարություններից, պետական կառավարման, տեղական ինքնակառավարման և այլ պետական մարմիններից ստացված փաստաթղթերի կատարման համար սահմանվում են հետևյալ ժամկետները, եթե ստացված փաստաթղթում կատարման ժամկետներ նշված չեն`

1) ոչ ավելի, քան 5 աշխատանքային օր` լրացուցիչ ուսումնասիրություններ, քննարկումներ չպահանջող հարցեր պարունակող փաստաթղթերի համար.

2) ոչ ավելի, քան 10 աշխատանքային օր` լրացուցիչ ուսումնասիրություններ, քննարկումներ պահանջող հարցեր պարունակող փաստաթղթերի համար:

26. Նախարարություն մուտք եղած այլ գրությունների (ֆիզիկական կամ իրավաբանական անձանց դիմումներ, բողոքներ, առաջարկություններ և այլն) կատարման համար սահմանվում են հետևյալ ժամկետները`

1) ոչ ավելի, քան 15 աշխատանքային օր, եթե գրությունը չի պարունակում լրացուցիչ ուսումնասիրություններ, հիմնավորումներ պահանջող հարցեր.

2) ոչ ավելի, 30 աշխատանքային օր, եթե գրությունը պարունակում է լրացուցիչ ուսումնասիրություններ, հիմնավորումներ պահանջող հարցեր:

27. Առանձին դեպքերում կատարման ժամկետը կարող է երկարացվել, միայն հանձնարարությունը տվող ղեկավարի կողմից` ըստ անհրաժեշտության:

IV. ԵԼԻՑ ԹՂԹԱԿՑՈՒԹՅԱՆ ՁԵՎԱԿԵՐՊՈՒՄԸ

28. Նախարարությունում ելից փաստաթղթերի ստորագրման իրավունք ունեն նախարարը, նախարարի տեղակալները, աշխատակազմի ղեկավարը, նրա բացակայության դեպքում աշխատակազմի ղեկավարի տեղակալը, ինչպես նաև իրավական խորհրդականը և խորհրդականները, ստորաբաժանումների ղեկավարները:

29. Աշխատակազմի ղեկավարի հրամանով սահմանվում են այն գրությունների տեսակները, որոնք կարող են ելքագրվել ստորաբաժանումների ղեկավարների կողմից:

30. Ստորագրման ներկայացվող փաստաթղթին կցվում են դրա երկրորդ և երրորդ օրինակները` փաստաթղթի նախագիծը պատրաստող ստորաբաժանման ղեկավարի, ինչպես նաև բնագավառը համակարգող նախարարի տեղակալի և նախարարի իրավական խորհրդականի նշագրումով (ստորագրություն): ՀՀ քաղաքացիական ծառայության խորհուրդ ուղարկվող փաստաթղթի նախագծի վրա դրվում է աշխատակազմի ղեկավարի նշագրումը, ֆինանսական նյութեր պարունակող փաստաթղթերի նախագծերը պետք է նշագրվեն առողջապահության էկոնոմիկայի և հաշվապահական հաշվառման վարչության պետի, իսկ բուժօգնության կազմակերպման հետ կապված հարցեր պարունակող փաստաթղթերի նախագծերը` բժշկական օգնության կազմակերպման վարչության պետի կողմից:

31. Բացի 30-րդ կետում նշված պաշտոնատար անձանցից, նախարարի ստորագրությանը ներկայացվող փաստաթղթերը պետք է պարտադիր կարգով նշագրվեն այն պաշտոնատար անձանց կողմից, ում մակագրվել է գրությունը:

32. Ելից փաստաթղթի հակառակ էջի ձախ անկյունում գրվում է կատարող ստորաբաժանման անվանումը, կատարող աշխատակցի անունը, ազգանունը և հեռախոսահամարը:

33. Ելից փաստաթղթերը քարտուղարություն են հանձնվում 3 օրինակից, հիմքերի հետ միասին` ներառելով հասցեատերերի հասցեները: Առաջին օրինակը ուղարկվում է հասցեատիրոջը, երկրորդ օրինակը համապատասխան նամակի և կից նյութերի հետ կարվում է քարտուղարությունում պահպանվող համապատասխան գործերում, երրորդ օրինակը հիմքերի հետ միասին հետ է վերադարձվում համապատասխան ստորաբաժանմանը:

34. Ելից փաստաթղթի գրանցման համարը բաղկացած է կատարող ստորաբաժանման և կամ պաշտոնատար անձի պայմանանիշից և հերթական համարից: Մի քանի պայմանանիշների կիրառման դեպքում վերջիններս գրվում են կոտորակով:

35. Թղթակցությունը քարտուղարության միջոցով հասցեատերերին է ուղարկվում ցրիչի կամ սուրհանդակի միջոցով կամ փոստով:

V. ՔԱՂԱՔԱՑԻՆԵՐԻ ԱՌԱՋԱՐԿՈՒԹՅՈՒՆՆԵՐԻՆ, ԴԻՄՈՒՄՆԵՐԻՆ ԵՎ ԲՈՂՈՔՆԵՐԻՆ ԸՆԹԱՑՔ ՏԱԼՈՒ ԵՎ ՔՆՆԱՐԿԵԼՈՒ ԿԱՐԳԸ

36. Քաղաքացիներից ստացված առաջարկությունները, դիմումներն ու բողոքները ստացման օրը գրանցվում են քարտուղարությունում:

37. Քաղաքացիների անհատական ընդունելությունը կատարվում է հատուկ կանոնակարգով: Ընդունելության ժամանակ քաղաքացիների կողմից ներկայացված գրավոր առաջարկությունները, դիմումները և բողոքները ենթակա են գրանցման՝ սույն կարգի 6-րդ կետի պահանջներին համապատասխան:

38. Ստացված դիմումի, բողոքի և առաջարկության գրանցման համարից հետո համապատասխանաբար գրվում է դիմողի, բողոք բերողի կամ առաջարկություն ներկայացնողի ազգանվան առաջին տառը:

39. Կոլեկտիվ դիմումի, բողոքի և առաջարկության գրանցման համարից հետո գրվում է «կոլ.» հապավումը:

40. Անանուն նամակները գրանցման ենթակա չեն և ոչնչացվում են օրենքով սահմանված կարգով:

41. Միևնույն անձից միևնույն հարցով ստացված դիմումները գրանցվում են նույն համարի տակ, ավելացնելով հերթական համարը կոտորակի միջոցով:

VI. ՀՐԱՄԱՆՆԵՐԻ, ՀԱՆՁՆԱՐԱՐԱԿԱՆՆԵՐԻ, ԱՐՁԱՆԱԳՐՈՒԹՅՈՒՆՆԵՐԻ ՁԵՎԱԿԵՐՊՈՒՄՆ ՈՒ ԱՌԱՔՈՒՄԸ

42. Հրամանները տպագրվում են համապատասխան ձևաթղթի վրա` առանց ուղղումների ու ջնջումների` նախարարին կամ աշխատակազմի ղեկավարին ստորագրման ներկայացնելու համար:

43. Բոլոր հրամանների, հանձնարարականների, արձանագրությունների առաջին օրինակները համարակալվում և պահվում են քարտուղարությունում:

44. Նախարարի, աշխատակազմի ղեկավարի (ինչպես նաև կադրային` աշխատանքի նշանակման և ազատման) հրամանների համար սահմանվում է առանձին համարակալում:

45. Հրաման նախապատրաստող ստորաբաժանման ղեկավարը պարտավոր է կատարել նշագրում հրամանի առաջին օրինակի վերջին էջում և ծանոթացնել հրամանի նախագծին աշխատակազմի ղեկավարին, նախարարի իրավական խորհրդականին և նախարարության բոլոր շահագրգիռ պաշտոնատար անձանց, որոնք, համաձայնության դեպքում, ստորագրում են հրամանի առաջին օրինակի վերջին էջի ներքևի ձախ անկյունում, իսկ անհամաձայնության դեպքում` գրավոր կցում հատուկ կարծիք:

46. Հրամանը ստորագրվելուց հետո հրամանի ընդունումը նախաձեռնող ստորաբաժանման ղեկավարը պարտավոր է այն ներկայացնել քարտուղարություն` համարակալման: Համարակալման ներկայացվող հրամանի հետ միասին քարտուղարություն է ներկայացվում է այն հասցեատերերի ցանկը, որոնց պետք է առաքվի հրամանը:

47. Հրամանի բազմացումը, ըստ առաքվող ստորաբաժանումների և կազմակերպությունների թվի, կատարվում է քարտուղարությունում կամ, բացառիկ դեպքերում, կատարող ստորաբաժանման կողմից:

48. Քարտուղարությունում համապատասխան կնիքով կնքվում են հրամանների պատճենները և ապահովվում է դրանց ժամանակին առաքումը հասցեատերերին:

49. Քարտուղարության կողմից կազմակերպություններին և աշխատակազմի աշխատակիցներին հրամանների լրացուցիչ օրինակներ չեն տրվում` առանց աշխատակազմի ղեկավարի կամ նրա տեղակալի ցուցումի:

50. Հրամաններում ուղղումներ կատարվում են բացառապես ակնհայտ տեխնիկական վրիպակների դեպքում` աշխատակազմի ղեկավարի գրավոր ցուցումով, նախարարի իրավական խորհրդականի նշագրման առկայության պարագայում, և առաքվում ըստ սկզբնական հասցեատերերի:

51. Գործակարգավարական խորհրդակցության արձանագրումը կազմում է նախարարի օգնականը:

52. Գործակարգավարական խորհրդակցության արձանագրությունները քարտուղարության միջոցով բազմացվում և ըստ հանձնարարականների հանձնվում են կատարողներին:

53. Նախարարի, նրա տեղակալների կամ աշխատակազմի ղեկավարի մոտ կայացած խորհրդակցությունների արձանագրությունները ստորագրվում են նախագահողի կողմից, համարակալվում են քարտուղարությունում: Դրանց պատճենները քարտուղարության կողմից կնքվելուց հետո ուղարկվում են համապատասխան ստորաբաժանումներին կամ կազմակերպություններին:

VII. ՆԱԽԱՐԱՐՈՒԹՅԱՆ ԿՆԻՔՆԵՐԻ ԵՎ ԴՐՈՇՄԱԿՆԻՔՆԵՐԻ ՕԳՏԱԳՈՐԾՈՒՄԸ ԵՎ ՊԱՀՊԱՆՈՒՄԸ

54. Նախարարության կնիքները, դրոշմակնիքները պատրաստվում և գործողության մեջ են դրվում նախարարի թույլտվությամբ:

55. Նախարարության կնիքները և դրոշմակնիքները պատվիրվում և դրանց օգտագործման նկատմամբ հսկողությունը իրականացվում է աշխատակազմի ղեկավարի կողմից:

56. Նախարարության` Հայաստանի Հանրապետության զինանշանով կլոր կնիքով կնքվում են ֆինանսատնտեսական փաստաթղթերը, աշխատանքային գրքույկները, պայմանագրերը, ծառայողական վկայականները, ինչպես նաև այն փաստաթղթերը, որոնք պահանջում են նախարարության կողմից անհրաժեշտ վավերացում:

57. Նախարարության հրամանների համար կլոր կնիքով կնքվում են հրամանների պատճենները և դրանց քաղվածքները:

58. Իրավական փաստաթղթերը (մասնավորապես կանոնադրությունները, դատական, դատախազության, իրավապահ մարմիններ, դատական ակտերի հարկադիր ծառայությանը հասցեագրված և այլն) կարող են կնքվել նաև նախարարի իրավական խորհրդականի ստորագրության առկայության դեպքում:

59. Կնիքները և դրոշմները պահվում են քարտուղարությունում:

60. Նախարարությունում կատարողական կարգապահության հսկումը կազմակերպում է քարտուղարությունը, իսկ վերահսկողությունը իրականացվում է աշխատակազմի ղեկավարի կողմից:

61. Մակագրված փաստաթղթերի կատարման ժամկետները արտացոլվում են քարտուղարությունում: Քարտուղարությունում պարբերաբար պատրաստվում են տեղեկանքներ ժամկետանց և կատարվելիք գրությունների և հանձնարարականների մասին և բաժանվում ըստ համապատասխան ստորաբաժանումների:

62. Յուրաքանչյուր շաբաթվա վերջում կատարված և ժամկետանց հանձնարարականների (մակագրությունների) մասին տեղեկանքը քարտուղարության կողմից ներկայացվում է աշխատակազմի ղեկավարին:

63. Հանձնարարականների (մակագրությունների) կատարումը հսկողությունից հանվում է ի կատարումն դրա ներկայացված պատասխանի կամ տեղեկանքի (զեկուցագրի) հիման վրա:

IX. ՓԱՍՏԱԹՂԹԵՐԻ ՊԱՀՊԱՆՈՒՄԸ

64. Փաստաթղթերն աշխատակազմի արխիվ են հանձնվում դրանց` գործավարությամբ ավարտվելու տարվան հաջորդող երկրորդ տարվա ընթացքում, բացառությամբ հինգ տարի և ավելի կարճ ժամկետով պահպանության ենթակա հաշվապահական հաշվառման վերաբերյալ փաստաթղթերի, որոնք, պահպանության ժամկետը լրանալուց հետո, ոչնչացվում են Հայաստանի Հանրապետության օրենսդրությամբ սահմանված կարգով:

65. Աշխատակազմի արխիվում փաստաթղթերի համալրումը, հաշվառումը և պահպանումն իրականացվում են «Արխիվային գործի մասին» Հայաստանի Հանրապետության օրենքով սահմանված կարգով:

66. Աշխատակազմի արխիվի փաստաթղթերն օգտագործվում են Հայաստանի Հանրապետության օրենսդրությամբ սահմանված կարգով:

67. Աշխատակազմի արխիվը պահպանության համար փաստաթղթերն ընդունում է կարգավորված վիճակում` ըստ ցուցակների (հինգ օրինակ) և գործերի նիշերի:

68. Աշխատակազմի արխիվային գործի մասնագետը (արխիվագետը) աշխատակազմի ստորաբաժանումների գործերի ընդունման ժամանակ ստուգում է դրանց առկայությունը, ստորագրում է ցուցակների բոլոր օրինակների վրա, նշում գործերի ընդունման ամսաթիվը և քանակը:

69. Ցուցակի մեկ օրինակը տրվում է գործերը հանձնողին, մյուսները մնում են աշխատակազմի արխիվում:

70. «Արխիվային գործի մասին» Հայաստանի Հանրապետության օրենքով սահմանված ժամկետը լրանալուց հետո մշտական պահպանության գործերն աշխատակազմի արխիվից հանձնվում են պետական արխիվ:

X. ՆԱԽԱՐԱՐՈՒԹՅԱՆ ԱՌԱՆՁՆԱՑՎԱԾ ՍՏՈՐԱԲԱԺԱՆՈՒՄՆԵՐԻ ԳՈՐԾԱՎԱՐՈՒԹՅԱՆ ԿԱՐԳԸ

71. Նախարարության առանձնացված ստորաբաժանումներում և դրանց տարածքային կենտրոններում գործավարությունը կազմակերպվում է սույն կարգի պահանջներին համապատասխան:

72. Նախարարության առանձնացված ստորաբաժանումում ամբողջ թղթակցությունը գրանցվում է հատուկ գրանցամատյանների և (կամ) համակարգչի միջոցով:

73. Նախարարի, աշխատակազմի ղեկավարի հանձնարարականների, հրամանների, մակագրված փաստաթղթերի պատշաճ և ժամանակին կատարման համար անմիջականորեն պատասխանատու է առանձնացված ստորաբաժանման ղեկավարը:

74. Նախարարության առանձնացված ստորաբաժանումների և դրանց տարածքային կենտրոնների ղեկավարներն իրավունք ունեն ստորագրել անմիջապես իրենց անունով ստացված գրությունների պատասխանները, ինչպես նաև անմիջականորեն իրենց լիազորությունների շրջանակներում գտնվող հարցերի լուծմանը վերաբերող ելից փաստաթղթերը:

75. Նախարարության առանձնացված ստորաբաժանման ղեկավարի ստորագրությամբ փաստաթղթերի առաքումը կատարվում է առանձնացված ստորաբաժանման միջոցով: Մնացած բոլոր դեպքերում նախարարության առանձնացված ստորաբաժանման ելից փաստաթղթերի ստորագրումը, ելքագրումը, առաքումը կանոնակարգվում են սույն կարգի V-րդ բաժնի դրույթներին համապատասխան:

76. Յուրաքանչյուր եռամսյակը մեկ նախարարության առանձնացված ստորաբաժանման տարածքային կենտրոնի ղեկավարի ստորագրությամբ (կենտրոնի ղեկավարի կամ վերջինիս կողմից լիազորված աշխատակցի միջոցով/ նախարարության առանձնացված ստորաբաժանում է ներկայացվում ամփոփ տեղեկանք` կատարված, ժամկետանց հանձնարարականների ընթացքի վերաբերյալ, ինչպես նաև կենտրոնի ելից փաստաթղթերի գրանցամատյանի այն էջերի լուսապատճենները, որոնցում գրանցված են տվյալ ամսվա ընթացքում կենտրոնից ելքագրված փաստաթղթերը:

77. Նախարարության առանձնացված ստորաբաժանումների տարածքային կենտրոններին նախարարության առանձնացված ստորաբաժանումների ղեկավարների կողմից հատկացվում է հատուկ ծածկագիր` ելից փաստաթղթերը ձևակերպելու համար:

(հավելվածը խմբ. 25.05.07 N 927-Ն)