0315.0107.10.11.97

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ

ՎԱՐՉՈՒԹՅՈՒՆ ՊԵՏ

Հ Ր Ա Մ Ա Ն

10 նոյեմբերի 1997 թ. N 107

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔ ՆԵՐՄՈՒԾՎՈՂ ԱԿՑԻԶԱՅԻՆ ՀԱՐԿՈՎ ՀԱՐԿՄԱՆ ԵՆԹԱԿԱ ԱՊՐԱՆՔՆԵՐԻ ԱԿՑԻԶԱՅԻՆ ՀԱՐԿԻ ՀԱՇՎԱՐԿՄԱՆ ԿԱՐԳԻ ՄԱՍԻՆ» ՀՐԱՀԱՆԳԻ ՀԱՍՏԱՏՄԱՆ ՄԱՍԻՆ

Ի կատարումն «Ակցիզային հարկի մասին» Հայաստանի Հանրապետության օրենքի 10 հոդվածի

ՀՐԱՄԱՅՈՒՄ ԵՄ`

Հաստատել «Հայաստանի Հանրապետության մաքսային տարածք ներմուծվող ակցիզային հարկով հարկման ենթակա ապրանքների ակցիզային հարկի հաշվարկման կարգի մասին» հրահանգը (կցվում է):

Ռ. Ենգիբարյան

Հ Ր Ա Հ Ա Ն Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔ ՆԵՐՄՈՒԾՎՈՂ ԱԿՑԻԶԱՅԻՆ ՀԱՐԿՈՎ ՀԱՐԿՄԱՆ ԵՆԹԱԿԱ ԱՊՐԱՆՔՆԵՐԻ ԱԿՑԻԶԱՅԻՆ ՀԱՐԿԻ ՀԱՇՎԱՐԿՄԱՆ ԿԱՐԳԻ ՄԱՍԻՆ

I. ԸՆԴՀԱՆՈՒՐ ԴՐՈՒՅԹՆԵՐ

1.1. Սույն հրահանգը ընդունվում է ի կատարումն 1997թ. հունիսի 23-ի «Ակցիզային հարկի մասին» ՀՀ օրենքի 10-րդ հոդվածի, և կանոնակարգում է Հայաստանի Հանրապետություն ակցիզային հարկով հարկման ենթակա ապրանքների ներմուծման ժամանակ Հայաստանի Հանրապետության մաքսային մարմինների կողմից գանձվող ակցիզային հարկի հաշվարկման ընդհանուր դրույթները:

1.2. ՀՀ մաքսային մարմինների կողմից ակցիզային հարկով հարկվում են ֆիզիկական անձանց, իրավաբանական անձանց և իրավաբանական անձի կարգավիճակ չունեցող ձեռնարկությունների (այսուհետև` վճարողներ) կողմից Հայաստանի Հանրապետություն ներմուծվող ձկան խավիարը, գարեջուրը, խաղողի և այլ գինիները, գինենյութը, սպիրտը և սպիրտային խմիչքները, սիգարները, սիգարելաները և սիգարետները` ծխախոտով կամ դրա փոխարինողներով, բենզինը, դիզելային վառելիքը, բնական կաշվից հագուստը և հագուստի պարագաները, բնական մորթին, դրանից պատրաստված իրերը (բացի ոչխարի մորթուց կարված բանվորական և զինվորական կիսավերարկուներից), բյուրեղապակյա և ճենապակյա արտադրանքը, ոսկերչական իրերը, զարդեղենը (բիժուտերիա), մարդատար ավտոմեքենաները:

1.3. Ակցիզային հարկով հարկման ենթակա ապրանքների համար սահմանված են ակցիզային հարկի հետևյալ դրույքաչափերը.

II. ԱԿՑԻԶԱՅԻՆ ՀԱՐԿԻ ՀԱՇՎԱՐԿՄԱՆ ԿԱՐԳԸ

2.1. Հայաստանի Հանրապետություն ներմուծվող ակցիզային հարկով հարկման ենթակա ապրանքների համար հարկվող օբյեկտ է հանդիսանում այդ ապրանքները ներմուծողի (հայտարարատուի) կողմից ՀՀ օրենսդրությամբ սահմանված կարգով հաշվարկված է հայտարարագրված մաքսային արժեքը (առանց ավելացված արժեքի հարկի և մաքսատուրքի):

2.2. Հայաստանի Հանրապետություն ներմուծվող ակցիզային հարկով հարկման ենթակա ապրանքների համար ակցիզային հարկի գումարը (Ագ) հաշվարկվում է հետևյալ բանաձևով.

ա) ԱՏԳ ԱԱ 16 04 30 100 ծածկագրին դասվող արտադրանքի համար Ագ = 2 x Մա

բ) ԱՏԳ ԱԱ 22 03 ծածկագրին դասվող արտադրանքի համար

Ագ =		0.5 x Մա, եթե	0.5 x Մա ----------- Ք	≥ 0.35 ԱՄՆ դոլար
		0.35 x Ք, եթե	0.5 x Մա ----------- Ք	< 0.35 ԱՄՆ դոլար

գ) ԱՏԳ ԱԱ 22 04, 2205, 2206 ծածկագրերին դասվող արտադրանքի համար

Ագ =		0.5 x Մա, եթե	0.5 x Մա ----------- Ք	≥ 0.5 ԱՄՆ դոլար
		0.35 x Ք, եթե	0.5 x Մա ----------- Ք	< 0.5 ԱՄՆ դոլար

դ) ԱՏԳ ԱԱ 22 07 ծածկագրին դասվող արտադրանքի համար

Ագ =		1.25 x Մա, եթե	1.25 x Մա ----------- Ք	≥ 1.2 ԱՄՆ դոլար
		1.2 x Ք, եթե	1.25 x Մա ----------- Ք	< 1.2 ԱՄՆ դոլար

ե) ԱՏԳ ԱԱ 2208 ծածկագրին դասվող արտադրանքի համար

Ագ =		1.25 x Մա, եթե	1.25 x Մա ----------- Ք	≥ 3.75 ԱՄՆ դոլար
		0.35 x Ք, եթե	1.25 x Մա ----------- Ք	< 3.75 ԱՄՆ դոլար

զ) ԱՏԳ ԱԱ 2204 ծածկագրին դասվող արտադրանքի համար

Ա_գ= 0.5 x Մ_ա

է) ԱՏԳ ԱԱ 2710 00 270, 2710 00 290, 2710 00 320, 2710 00 340, 2710 00 360 ծածկագրերին դասվող արտադրանքի համար

Ագ =		0.35 x Մա, եթե	0.35 x Մա ----------- Ք	≥ 60 ԱՄՆ դոլար
		60 x Ք, եթե	0.35 x Մա ----------- Ք	< 60 ԱՄՆ դոլար

ը) ԱՏԳ ԱԱ 2710 00 690 ծածկագրին դասվող արտադրանքի համար

Ագ =		0.1 x Մա, եթե	0.1 x Մա ----------- Ք	≥ 15 ԱՄՆ դոլար
		15 x Ք, եթե	0.1 x Մա ----------- Ք	< 15 ԱՄՆ դոլար

թ) ԱՏԳ ԱԱ 4203 ծածկագրին դասվող արտադրանքի համար

Ագ = 0,25 x Մա

ժ) ԱՏԳ ԱԱ 4301, 4302, 4303 (բացի 4303 10 300) ծածկագրերին դասվող արտադրանքի համար

Ագ = 0,25 x Մա

ի) ԱՏԳ ԱԱ 6911, 7013 31 ծածկագրերին դասվող արտադրանքի համար

Ագ = 0,25 x Մա

իա) ԱՏԳ ԱԱ 7113, 7114, 7115, 7116, 7117 ծածկագրերին դասվող արտադրանքի համար

Ագ = 0,15 x Մա

իբ) ԱՏԳ ԱԱ 8703 ծածկագրին դասվող արտադրանքի համար

Ագ = 0,15 x Մա

Որտեղ`

Ագ ակցիզային հարկի գումարն է

Մա ապրանքների մաքսային արժեքն է

Ք ապրանքի քանակն է, արտահայտված

► ԱՏԳ ԱԱ 2203, 2204, 2205, 2206 ծածկագրերին դասվող արտադրանքի համար` լիտրով,

► ԱՏԳ ԱԱ 2207, 2208 ծածկագրերին դասվող արտադրանքի համար` 100 տոկոսանոց սպիրտի լիտրով,

► ԱՏԳ ԱԱ 2710 00 270, 2710 00 290, 2710 00 320, 2710 00 340, 2710 00 360, 2710 00 690 ծածկագրերին դասվող արտադրանքի համար` տոննայով:

Ընդ որում, քաղաքացիների կողմից ներմուծվող ակցիզային հարկով հարկման ենթակա ապրանքների համար ակցիզային հարկի գումարը հաշվարկվում է օրենքով սահմանված գումարային կամ բնաիրային չափերը գերազանցող մասի համար. սույն կետի ա), է), ը), թ), ժ), ի), իա), իբ) ենթակետերում նշված դեպքերում` 500 ԱՄՆ դոլարը գերազանցող մասի համար բ), գ), դ) և ե) ենթակետերում նշված դեպքերում` 2 լիտրը գերազանցող մասի համար, իսկ զ) ենթակետում նշված դեպքերում` 50 տուփը գերազանցող մասի համար»:

2.3. Հայաստանի Հանրապետության օրենսդրությամբ սահմանված կարգով պարտադիր դրոշմավորման ենթակա ակցիզային հարկով հարկման ենթակա ապրանքների ներմուծման ժամանակ վճարման ենթակա ակցիզային հարկի գումարը պակասեցվում է դրոշմանիշերի ձեռքբերման համար, որպես կանխավճար, վճարված գումարի չափով:

III. ԱԿՑԻԶԱՅԻՆ ՀԱՐԿԻ ՎՃԱՐՄԱՆ ԿԱՐԳԸ

3.1. ՀՀ ներմուծվող ենթաակցիզային ապրանքների համար ակցիզային հարկի վճարումը կատարվում է ՀՀ Կառավարության 26.08.97թ. N 354 որոշմամբ սահմանված կարգով:

3.2. Ակցիզային հարկը վճարում է հայկական դրամով և (կամ) արտարժույթով: Արտարժույթով վճարվող գումարները վերահաշվարկվում են հայկական դրամով` ելնելով վճարման օրը ՀՀ կենտրոնական բանկի սահմանված արժութային փոխարժեքից:

3.3. Մաքսային մարմինների կողմից ակցիզային հարկի հաշվարկումը և գանձումը հիմնավորող փաստաթուղթ է հանդիսանում մաքսային հայտարարագիրը և վճարման փաստաթուղթը (վճարման հանձնարարագիր, անդորրագիր):

3.4. Ակցիզային հարկի գումարները փոխանցվում են մաքսատան դեպոզիտային հաշվին: Այդ գումարների մուտքագրումը հաստատող փաստաթուղթ է հանդիսանում բանկերի կողմից տրված քաղվածքը:

3.5. ՀՀ մաքսային վարչության դեպոզիտային հաշվին մուտքագրված ակցիզային հարկի գումարները, մինչև 3 բանկային օրվա ընթացքում, փոխանցվում են Հայաստանի Հանրապետության կենտրոնական բանկ` պետական բյուջեի համապատասխան հաշիվներին:

3.6. Ակցիզային հարկի բյուջեի հետ հաշվարկների հաշվառումը իրականացվում է հաշվային պլանի 68 «հաշվարկներ բյուջեի հետ» հաշվի առանձին ենթահաշվով («հաշվարկներ ակցիզային հարկի գծով»): Ապրանքների արժեքը հաշվապահական հաշվառման մեջ արտացոլվում է 05 «հիմք և նյութեր», 41 «ապրանքներ» և այլ հաշիվների դեբետով և 60 «հաշվարկներ մատակարարների և կապալառուների հետ» հաշվի կրեդիտով, միաժամանակ ակցիզային հարկի գումարը արտացոլելով նույն 05, 41 և այլ հաշիվների դեբետով և 68 հաշվի կրեդիտով: Ակցիզային հարկի գումարների բյուջե փոխանցումը հաշվառման մեջ արտացոլվում է 68 հաշվի դեբետով և 50 «դրամարկղ», 51, 52 հաշվարկային հաշիվ» հաշիվների կրեդիտով:

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

12.12.1997 Թ.

ՊԵՏԱԿԱՆ ԳՐԱՆՑՄԱՆ ԹԻՎ 48970066