ՀՀ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐԻ ՀՐԱՄԱՆԸ ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԻ ՆՄՈՒՇՆԵՐԸ ՀԱՍՏԱՏԵԼՈՒ ԵՎ ՀՀ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐԻ 2006 ԹՎԱԿԱՆԻ ՓԵՏՐՎԱՐԻ 3-Ի ԹԻՎ 39-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

«Գրանցված է»
ՀՀ արդարադատության
նախարարության կողմից
27 հոկտեմբերի 2006 թ.
Պետական գրանցման թիվ 11606358

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

19 հոկտեմբերի 2006 թ.
ք. Երևան

N 262-Ն

Հ Ր Ա Մ Ա Ն

ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԻ ՆՄՈՒՇՆԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐԻ 2006 ԹՎԱԿԱՆԻ ՓԵՏՐՎԱՐԻ 3-Ի ԹԻՎ 39-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» ենթակետով և Հայաստանի Հանրապետության կառավարության 2002 թվականի նոյեմբերի 21-ի «Հայաստանի Հանրապետության տրանսպորտի և կապի նախարարության աշխատակազմ» պետական կառավարչական հիմնարկ ստեղծելու և Հայաստանի Հանրապետության տրանսպորտի և կապի նախարարության կանոնադրությունն ու աշխատակազմի կառուցվածքը հաստատելու մասին» թիվ 1809-Ն որոշմամբ հաստատված կանոնադրության 8-րդ կետի «իա» ենթակետի դրույթով.

1. Հաստատել փոստային վճարման պետական նշանների նմուշները`

ա) Ամանորին և Սուրբ ծննդին նվիրված «Ամանոր և Սուրբ ծնունդ» նամականիշը, համաձայն N 1 հավելվածի.

բ) Հայկական կրկեսի կոլեկտիվի ստեղծման 50-ամյակին նվիրված «50-ամյակ ՀԱՅԿԱԿԱՆ ԿՐԿԵՍ» նամականիշը, համաձայն N 2 հավելվածի.

գ) Հայկական ազգային տարազ շարքին նվիրված «Տարոն» և «Շիրակ» երկու նամականիշը, համաձայն N 3 և N 4 հավելվածների.

դ) Դեկորատիվ-կիրառական արվեստներ. Ոսկերչությանը նվիրված «Ականջօղեր, VIII-VII դդ. մ.թ.ա.», «Կախազարդ, մ.թ.ա. III հազ.», «Կախազարդերով ականջօղեր, X-XI դդ.», «Ավետարանի կազմ, 1484թ.», «Սկիհ», 1623թ., Էդիրնե», «Սաղավարտ, 1765թ.», «Մեռոնաթափ աղավնի», 1797թ.», «Քնար-վարսակալ», XIX դ.», «Ապարանջան, XX դ. սկիզբ», «Խնկանոց, XIX դ.» տասը նամականիշը, համաձայն N 5-N 14 հավելվածների.

ե) Շախմատի 37-րդ համաշխարհային օլիմպիադայում Հայաստանի ազգային հավաքականի հաղթանակին նվիրված «ՀԱՅԱՍՏԱՆԸ ՇԱԽՄԱՏԻ 37-րդ ՀԱՄԱՇԽԱՐՀԱՅԻՆ ՕԼԻՄՊԻԱԴԱՅԻ ՉԵՄՊԻՈՆ. Fe՜de՜ration Internationale des E՜checs. OLIMPIADI degli Scacchi TORINO 2006», «ՀԱՅԱՍՏԱՆԸ ՇԱԽՄԱՏԻ 37-րդ ՀԱՄԱՇԽԱՐՀԱՅԻՆ ՕԼԻՄՊԻԱԴԱՅԻ ՉԵՄՊԻՈՆ. TORINO 20 MAGGIO-4 GIUGNO 2006. OLIMPIADI degli Scacchi TORINO 2006», «ՀԱՅԱՍՏԱՆԸ ՇԱԽՄԱՏԻ 37-րդ ՀԱՄԱՇԽԱՐՀԱՅԻՆ ՕԼԻՄՊԻԱԴԱՅԻ ՉԵՄՊԻՈՆ OLIMPIADI degli Scacchi TORINO 2006» և «ԼԵՎՈՆ ԱՐՈՆՅԱՆ, ՎԼԱԴԻՄԻՐ ՀԱԿՈԲՅԱՆ, ԿԱՐԵՆ ԱՍՐՅԱՆ, ԳԱԲՐԻԵԼ ՍԱՐԳՍՅԱՆ, ՍՄԲԱՏ ԼՊՈՒՏՅԱՆ, ԱՐՏԱՇԵՍ ՄԻՆԱՍՅԱՆ OLIMPIADI degli Scacchi TORINO 2006» չորս նամականիշը, համաձայն N 15-N 18 հավելվածների.

զ) Բուսական աշխարհ շարքից` ծիրանին նվիրված «Ծիրան, Ոսկի», «Ծիրան, Երևանի», «Ծիրան, Ղևոնդի», «Ծիրան, Կարմիր նախիջևանիկ», «Ծիրան, Դեղին նախիջևանիկ», «Ծիրան, Խոսրովենի կարմիր», «Ծիրան, Դեղնանուշ վաղահաս», «Ծիրան, Վաղահաս վարդագույն», «Ծիրան, Կարմրենի», «Ծիրան, Սաթենի դեղին» տասը նամականիշը, համաձայն N 19-N 28 հավելվածների.

է) Ռուսաստանում Հայաստանի տարվան նվիրված` «Հայկական կերպարվեստ» թեմայով «Հայկական մանրանկար, Թորոս Ռոսլին, «Մոգերի երկրպագությունը», 1260թ.» նամականիշով ծրարը, համաձայն N 29 հավելվածի.

ը) Երևանի մաթեմատիկական մեքենաների գիտահետազոտական ինստիտուտի 50-ամյակին նվիրված «50-ամյակ Երևանի մաթեմատիկական մեքենաների գիտահետազոտական ինստիտուտ» նամականիշը, համաձայն N 30 հավելվածի.

թ) Համատեղ հայ-իրանական թողարկմանը նվիրված «Կապույտ մզկիթ, Երևան, 1765թ.» նամականիշը, համաձայն N 31 հավելվածի.

ժ) Ստեփանավանին նվիրված «ՍՏԵՓԱՆԱՎԱՆ //Ս.ՇԱՀՈՒՄՅԱՆԻ ՀՈՒՇԱՐՁԱՆԸ//», «ՍՏԵՓԱՆԱՎԱՆ //ԱՂԲՅՈՒՐ ՀՈՒՇԱՐՁԱՆ//», «ՍՏԵՓԱՆԱՎԱՆ //ԿԱՄՈՒՐՋ ԴԵՊԻ ԼՈՌՎԱ ԱՄՐՈՑ//», «ՍՏԵՓԱՆԱՎԱՆ //ԱՐՋԱՍԱՐ//» չորս նամականիշը, համաձայն N 32-N 35 հավելվածների.

ժա) Մոցարտի ծննդյան 250-ամյակին նվիրված «ՎՈԼՖԳԱՆԳ ԱՄԱԴԵՈՒՍ ՄՈՑԱՐՏ 1756-1791» գեղաթերթիկը` չորս նամականիշով և «Վոլֆգանգ Ամադեուս Մոցարտ 1756-1791» երկու նամականիշը, համաձայն N 36 N 38 հավելվածների.

ժբ) Ռեմբրանդտի ծննդյան 400-ամյակին նվիրված «Ռեմբրանդտ 1665 Յունոնայի դիմանկարը, Ռեմբրանդտ 1660 Հովհարով կինը, Ռեմբրանդտ 1634 Ինքնանկար Սասկիայի հետ, Ռեմբրանդտ 1654 Յան Սիկսի դիմանկարը, REMBRANDT 400» գեղաթերթիկը` չորս նամականիշով և «Ռեմբրանդտ, Աթենաս Պալլաս կամ զինված կերպար, 1664-1665, Գալուստ Գյուլբենկյանի թանգարան, Լիսաբոն Պորտուգալիա», «Ռեմբրանդտ, Տարեց տղամարդու դիմանկար, մոտ. 1645, Գալուստ Գյուլբենկյանի թանգարան, Լիսաբոն, Պորտուգալիա» երկու նամականիշը, համաձայն N 39-N 41 հավելվածների.

ժգ) Ակադեմիկոս Արտաշես Շահինյանի ծննդյան 100-ամյակին նվիրված «ԱԿԱԴԵՄԻԿՈՍ ԱՐՏԱՇԵՍ ՇԱՀԻՆՅԱՆ 1906-1978» նամականիշը, համաձայն N 42 հավելվածի.

ժդ) Հակոբ Հովնաթանյանի ծննդյան 200-ամյակին նվիրված «Մելիքովայի դիմանկարը», «1806-1881 ՀԱԿՈԲ ՀՈՎՆԱԹԱՆՅԱՆ» նամականիշով միակողմանի բացիկը, համաձայն N 43 հավելվածի.

ժե) Կենդանական աշխարհ. WWF-ին նվիրված «Քառոտանի կրիա» չորս նամականիշը, համաձայն N 44-N 47 հավելվածների:

2. Հայաստանի Հանրապետության տրանսպորտի և կապի նախարարի 2006 թվականի փետրվարի 3-ի «2006 թվականի փոստային վճարման պետական նշանների թեման, գործողության մեջ դնելու ժամկետը, անվանագինը և տպաքանակը սահմանելու մասին» թիվ 39-Ն հրամանում կատարել հետևյալ փոփոխությունը.

հրամանի հավելվածը շարադրել նոր խմբագրությամբ, համաձայն N 48 հավելվածի:

ՀՀ տրանսպորտի և կապի
նախարար`

Ա. Մանուկյան

ՀԱՍՏԱՏՎԱԾ Է

Հավելված 1
ՀՀ տրանսպորտի և կապի նախարարի
2006 թ. հոկտեմբերի 19-ի
թիվ 262-Ն հրամանի

Ներմուծեք նկարագրությունը_18034