«Գրանցված է»

ՀՀ արդարադատության

նախարարության կողմից

11 սեպտեմբերի 2003 թ.

Պետական գրանցման թիվ 11203287

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ՈՍՏԻԿԱՆՈՒԹՅԱՆ ՊԵՏ

 

11 օգոստոսի 2003 թ. Երևան

N 8-Ն

 

Հ Ր Ա Մ Ա Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՀԱՄԱԿԱՐԳԻ ՁԵՐԲԱԿԱԼՎԱԾ ԱՆՁԱՆՑ ՊԱՀԵԼՈՒ ՎԱՅՐԵՐԻ ՆԵՐՔԻՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ

 

Ի կատարումն «Ձերբակալված և կալանավորված անձանց պահելու մասին» Հայաստանի Հանրապետության օրենքի 10-րդ հոդվածի, ձերբակալված անձանց արգելանքի տակ կարճաժամկետ պահելու պայմաններն ու կարգը սահմանելու նպատակով.

 

ՀՐԱՄԱՅՈՒՄ ԵՄ`

 

1. Հաստատել «Հայաստանի Հանրապետության ոստիկանության համակարգի ձերբակալված անձանց պահելու վայրերի ներքին կանոնակարգը» (համաձայն հավելվածի):

2. ՀՀ ոստիկանության Տնտեսական վարչության պետին.

ապահովել «Հայաստանի Հանրապետության ոստիկանության համակարգի ձերբակալված անձանց պահելու վայրերի ներքին կանոնակարգի» հավելվածների ձևաթղթերի պատրաստումը:

3. Սույն հրամանի կատարման հսկողությունը հանձնարարել ՀՀ ոստիկանության պետի տեղակալ, ոստիկանության գեներալ-մայոր՝ Հ. Վարյանին:

4. Սույն հրամանը ուժի մեջ է մտնում պաշտոնական հրապարակման օրվանը հաջորդող քսաներորդ օրը:

 

Ոստիկանության գեներալ-լեյտենանտ`

Հ. Հարությունյան

 

Հաստատված է ՀՀ ոստիկանության պետի 11.08.2003 թ. թիվ 8 -Ն հրամանով

 

Ն Ե Ր Ք Ի Ն  Կ Ա Ն Ո Ն Ա Կ Ա Ր Գ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՀԱՄԱԿԱՐԳԻ ՁԵՐԲԱԿԱԼՎԱԾ ԱՆՁԱՆՑ ՊԱՀԵԼՈՒ ՎԱՅՐԵՐԻ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1.1. Հայաստանի Հանրապետության ոստիկանության համակարգի ձերբակալված անձանց պահելու վայրերի ներքին կանոնակարգով (այսուհետ՝ կանոնակարգ) սահմանվում են Հայաստանի Հանրապետության քրեական դատավարության օրենսգրքով նախատեսված դեպքերում ձերբակալված անձանց ձերբակալվածներին պահելու վայրերում (այսուհետ՝ ՁՊՎ) արգելանքի տակ կարճաժամկետ պահելու պայմաններն ու հարաբերությունները, որոնք ներառում են ձերբակալված անձանց ընդունման կարգը, նրանց վարքագծի կանոնները, այն առարկաների և իրերի ցանկը, որոնք ձերբակալված անձինք չեն կարող ունենալ իրենց մոտ, արգելված առարկաներն առգրավելու, ստուգումներ կատարելու, տեսակցությունների, նամակագրության, հանձնուքների և փաթեթների նրանց հանձնման կարգը, օրվա կարգացուցակը և օրենսդրությամբ սահմանված այլ հարաբերություններ:

1.2. ՁՊՎ-ի հատուկ առանձնացված մասնաբաժիններում, Վարչական իրավախախտումների վերաբերյալ Հայաստանի Հանրապետության օրենսգրքով սահմանված տևողությամբ պահվում են նաև վարչական կալանքի ենթարկված անձինք, ընդ որում նշված անձանց վրա տարածվում են սույն կանոնակարգով սահմանված պայմաններն ու պահանջները:

1.3. Ձերբակալված անձանց (այսուհետ՝ ձերբակալվածներ) ՁՊՎ-ում արգելանքի տակ պահելն իրականացվում է օրինականության, քաղաքացիների օրենքի առջև հավասարության, մարդասիրության և անձի իրավունքները և ազատությունները, մարդկային արժանապատվությունը հարգելու սկզբունքին համապատասխան:

1.4. Հայաստանի Հանրապետության օրենսդրությամբ սահմանված դեպքերում և տևողությամբ ՁՊՎ-ում կարող են պահվել նաև կալանավորված անձինք՝ կալանավորված անձանց պահելու վայրի ներքին կանոնակարգով սահմանված պայմաններում:

1.5. Սույն կանոնակարգի պահանջների կատարումն ապահովելու պարտականությունները դրվում են ոստիկանության տարածքային բաժինների պետերի (ոստիկանության Երևան քաղաքի վարչության ՁՊՎ-ում՝ ՁՊՎ-ի պետի) կամ նրանց պարտականությունները կատարող անձանց վրա:

 

2. ՁՊՎ ՁԵՐԲԱԿԱԼՎԱԾՆԵՐԻՆ ԸՆԴՈՒՆԵԼՈՒ ԵՎ ՊԱՀԵԼՈՒ ՀԻՄՔԵՐՆ ՈՒ ԿԱՐԳԸ

 

2.1. Ձերբակալվածներին ՁՊՎ ընդունելու և պահելու հիմք են հանդիսանում Հայաստանի Հանրապետության քրեական դատավարության օրենսգրքով սահմանված կարգով կազմված ձերբակալման արձանագրությունը կամ ձերբակալման մասին քրեական հետապնդման մարմնի որոշումը: Արձանագրության մեջ նշվում են ձերբակալման հիմքերը, շարժառիթները դրա կազմման ժամը, օրը, ամիսը, տարին և վայրը:

Նշված փաստաթղթերը պետք է հաստատված լինեն համապատասխան պաշտոնատար անձանց ստորագրությամբ և կնիքով: Այն դեպքում, երբ ՁՊՎ ներկայացվում են քաղվածքներ դատավճիռներից, դրանցում պետք է նշված լինեն պարզված տվյալներ այն անձանց վերաբերյալ, որոնց նկատմամբ որպես խափանման միջոց կիրառվել է կալանավորումը: Նման քաղվածքները հաստատվում են համապատասխան պաշտոնատար անձանց ստորագրությամբ, կնքվում են զինանշանի պատկերով կնիքով և եռօրյա ժամկետից ոչ ուշ ենթակա են փոփոխման դատավճռի ամբողջական պատճենով:

2.2. ՁՊՎ չեն ընդունվում այն անձինք, որոնց վերաբերյալ քրեական հետապնդման մարմնի որոշումը, ձերբակալման արձանագրությունը, կալանքի վերաբերյալ որոշումը կամ համապատասխան այլ փաստաթղթերը լրացված են խախտումներով:

2.3. Հանցանք կատարելու մեջ կասկածվող անձի ձերբակալման ժամկետը հաշվվում է ՀՀ քրեական դատավարության օրենսգրքով սահմանված կարգով:

2.4. Տարանցիկ փոխադրվող ձերբակալվածները և կալանավորվածները ընդունվում և պահվում են ՁՊՎ-ում սույն կանոնակարգով նախատեսված փաստաթղթերի առկայության դեպքում:

2.5. Ձերբակալվածները ՁՊՎ ընդունվում են շուրջօրյա: Ոստիկանության մարմնի հերթապահը ստուգում է ձերբակալվածներին ընդունելու և պահելու հիմքերը, ձերբակալվածներին ուղղված հարցերի միջոցով պարզում է ձերբակալման արձանագրության կամ որոշման մեջ նշված տվյալների իսկությունը, այնուհետև համապատասխան գրանցում է կատարվում ձերբակալվածների հաշվառման գրանցամատյանում (հավելված 1), և անհատական քարտում (հավելված 18):

Ձերբակալվածների խումբ ընդունելու դեպքում նրանց 2 ժամից ոչ ավելի տևողությամբ տեղավորում են անձնական խուզարկության սենյակի հատուկ խցերում (բոքսերում):

Ձերբակալվածի մոտ մարմնական վնասվածք հայտնաբերելու կամ առողջության վերաբերյալ գանգատ լինելու դեպքում ոստիկանության մարմնի հերթապահը հրավիրում է բուժաշխատողի, որը բուժզննությունից կամ առաջին բուժօգնությունից հետո համապատասխան գրառում է կատարում գրանցամատյանում (հավելված 12):

2.6. Յուրաքանչյուր ձերբակալվածի համար ՁՊՎ-ում վարվում է անձնական գործ (հավելված 19), որում ներառվում են ձերբակալման և ազատման ամսաթվերը, անհատական քարտը, խուզարկության արձանագրությունը, մատնադրոշմման տվյալները, հանձնուքի, տեսակցության դիմումները, անձնական հաշվի գումարի շարժը և ձերբակալվածին վերաբերող այլ փաստաթղթերը:

2.7. Ձերբակալվածներին ՁՊՎ ընդունելիս` ՀՀ օրենսդրությամբ սահմանված կարգով ենթարկում են անձնական խուզարկության, իսկ նրանց մոտ գտնվող իրերը՝ զննության:

Անձնական խուզարկության ժամանակ ձերբակալվածի մոտ ակնհայտ հիվանդության նշաններ կամ մարմնական վնասվածքներ հայտնաբերելիս ՁՊՎ է հրավիրվում բուժաշխատող կամ շտապ բուժօգնություն: Ցուցաբերված բուժզննության և բուժօգնության մասին համապատասխան գրառում է կատարվում «Ձերբակալված անձանց բուժզննության կամ բուժօգնության գրանցամատյանում» (հավելված 12) և խուզարկության արձանագրությունում (հավելված 2) :

2.8. ՁՊՎ ընդունված ձերբակալվածների մոտ թողնվում են այն առարկաները, իրերը և սննդամթերքը, որոնք թույլատրվում են պահել նրանց մոտ խցերում սույն կանոնակարգով սահմանված քանակությամբ ու տեսականիով: Ձերբակալվածների ստացած ծանրոցները, հանձնունքները, սննդամթերքը, իրերը ՁՊՎ-ի ծառայողի կողմից ենթարկվում են զննության և ստուգման:

Առգրավված արգելված առարկաները, իրերը և սննդամթերքը ընդունվում են պահպանության կամ ոչնչացվում են ոստիկանության մարմնի պետի պատճառաբանված որոշման հիման վրա, որի մասին կազմվում է համապատասխան արձանագրություն:

Առգրավված դրամը, արժեթղթերը և թանկարժեք իրերը ի պահ են հանձնվում ոստիկանության մարմնի ֆինանսական բաժին, իսկ անձնական իրերը՝ պահասենյակ: Անձնական փաստաթղթերը, նամակները, ծոցատետրերը, լուսանկարները, առգրավված առարկաները և իրերը, շքանշաններն ու մեդալները, որոնց պատկանելությունը պարզված չէ, փոխանցվում են վարույթն իրականացնող մարմնին:

Դրամը, արժեթղթերը և թանկարժեք իրերը ընդունելու մասին ֆինանսական բաժնում 2 օրինակից լրացվում է կտրոն, որի մեկ օրինակը ստորագրությամբ տրվում է ձերբակալվածին, իսկ երկրորդ օրինակը կցվում է նրա անձնական գործին:

2.9. Անձնական խուզարկության ժամանակ առգրավված սննդամթերքը, դրամը, արժեթղթերը, թանկարժեք իրերն ու առարկաները, վարույթն իրականացնող մարմնի թույլտվությամբ կարող են փոխանցվել կամ ձերբակալվածի հաշվին ուղարկվել վերջինիս ազգականներին կամ այլ լիազորված անձանց: Ոգելից խմիչքները, գարեջուրը, խաղաթղթերը և այլ արժեք չներկայացնող արգելված առարկաներն ու իրերը ոչնչացվում են, որի մասին կազմվում է արձանագրություն:

2.10. ՁՊՎ բերված անձինք ենթարկվում են սանիտարական մշակման, մատնադրոշմման (հավելված 3) և լուսանկարման:

2.11. Ձերբակալվածի անձնական խուզարկությունից, հարցումից և սանիտարական մշակումից հետո ոստիկանության մարմնի հերթապահը գրավոր կարգով ծանոթացնում է ՁՊՎ-ի ներքին կանոնակարգի պահանջներին, օրվա կարգացուցակին և ձերբակալվածին տեղաբաշխում է մենախցում:

 

3. ՁԵՐԲԱԿԱԼՎԱԾՆԵՐԻ ՆՅՈՒԹԱԿԵՆՑԱՂԱՅԻՆ ԱՊԱՀՈՎՈՒՄԸ

 

3.1. Ձերբակալվածներին անհատական օգտագործման նպատակով տրամադրվում է.

ա) քնելու տեղ.

բ) անկողնային պարագաներ և սպիտակեղեն.

գ) ճաշարանային սպասք (սնունդ ընդունելու ժամանակ):

Նշված գույքը ժամանակավոր օգտագործման համար տրվում է անվճար, ՁՊՎ-ում գտնվելու ընթացքում:

Սահմանված նորմերի համաձայն ձերբակալվածներին տրվում է նաև.

ա) օճառ.

բ) հիգիենիկ թուղթ.

գ) գրենական պիտույքներ (թուղթ, գրիչ).

դ) լրագրեր.

ե) մենախուցը մաքրելու առարկաներ և կենցաղում օգտագործվող այլ առարկաներ ձերբակալվածներին տրվում են ՁՊՎ-ի վարչակազմի հսկողությամբ:

3.2. ՁՊՎ-ի մենախցերը ապահովվում են.

ա) սեղանով.

բ) սանիտարական հանգույցով.

գ) խմելու ջրի ծորակով (բաքով).

դ) կենցաղային իրերի դարակով.

ե) ռադիոընդունիչով.

զ) աղբամանով:

Անձնական հիգիենայի համար ձերբակալվածներն ապահովվում են տաք ջրով:

Մենախցերում օդի ջերմաստիճանը +18⁰C-ից ցածր չպետք է լինի:

 

4. ՁԵՐԲԱԿԱԼՎԱԾ ԱՆՁԱՆՑ ՍՆՈՒՆԴԸ ԵՎ ՆՐԱՆՑ ԿՈՂՄԻՑ ՍՆՆԴԻՑ ՀՐԱԺԱՐՎԵԼՈՒ ԴԵՊՔՈՒՄ ՁԵՌՆԱՐԿՎՈՂ ՄԻՋՈՑԱՌՈՒՄՆԵՐԸ

 

4.1. Ձերբակալված անձը ապահովվում է առողջության և ուժերի պահպանման համար բավարար անվճար սննդով: Ձերբակալված անձն իր միջոցներով կարող է ձեռք բերել սնունդ և անհրաժեշտ, չարգելված առարկաներ (հավելված 4): Սննդամթերքի և առաջին անհրաժեշտության առարկաներ ու իրեր ձեռք բերելու համար ձերբակալվածը դիմում է ներկայացնում ՁՊՎ-ի պետին:

4.2. Ձերբակալվածի կողմից սնունդ ընդունելուց հրաժարվելու դեպքում ոստիկանության մարմնի պետը կամ նրան փոխարինող անձը պարտավոր է պարզել դրա պատճառները և այդ մասին հայտնել քրեական վարույթն իրականացնող մարմնին, ինչպես նաև ՁՊՎ-ի գործունեության նկատմամբ հսկողություն իրականացնող դատախազին և գերատեսչական վերահսկողություն իրականացնող վերադաս մարմնին:

4.3. Ձերբակալվածի սննդից հրաժարվելու պատճառները պարզելուց հետո ՁՊՎ-ի վարչակազմը միջոցներ է ձեռնարկում ձերբակալվածի օրինական պահանջները բավարարելու ուղղությամբ:

4.4. Սնունդ ընդունելուց հրաժարված ձերբակալվածը հսկողության է վերցվում բուժաշխատողի կողմից: Սնունդ ընդունելուց հրաժարվելու հետևանքով ձերբակալվածի կյանքին և առողջությանը սպառնացող անմիջական վտանգ ծագելու դեպքում, բժշկի գրավոր եզրակացությամբ և նրա մասնակցությամբ բժշկական բնույթի հարկադրանքի միջոցներ են կիրառվում:

4.5. Սննդի ընդունումից հրաժարվելու փաստը չի կասեցնում ձերբակալվածին այլ վայրեր տեղափոխելը: Անհրաժեշտության դեպքում փոխադրումը կարող է իրականացվել բուժաշխատողի ուղեկցությամբ:

 

5. ՁՊՎ-ՈՒՄ ԱՐԳԵԼԱՆՔԻ ՏԱԿ ՊԱՀՎՈՂ ԱՆՁԱՆՑ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ

 

5.1. Ձերբակալվածը իրավունք ունի՝

ա) մայրենի կամ իրեն հասկանալի այլ լեզվով տեղեկություններ ստանալ իր իրավունքների, ազատությունների և պարտականությունների վերաբերյալ.

բ) իր նկատմամբ բարեկիրթ վերաբերմունքի.

գ) իր իրավունքների և ազատությունների խախտման վերաբերյալ դիմումներով, բողոքներով ինչպես անձամբ, այնպես էլ պաշտպանի կամ օրինական ներկայացուցչի միջոցով դիմել ՁՊՎ-ի վարչակազմին, նրա վերադաս մարմիններին, դատարանին, դատախազությանը, պետական և տեղական ինքնակառավարման մարմիններին, հասարակական միավորումներին և կուսակցություններին, զանգվածային լրատվության միջոցներին, ինչպես նաև մարդու իրավունքների և ազատությունների պաշտպանության միջազգային մարմիններին կամ կազմակերպություններին.

դ) առողջության պահպանման, այդ թվում՝ ստանալ բավարար սնունդ, անհետաձգելի բժշկական օգնություն.

ե) սոցիալական ապահովության.

զ) ստանալ իրավաբանական օգնություն.

է) անձնական անվտանգության ապահովման.

ը) մտքի, խղճի և դավանանքի, քաղաքական կամ այլ հայացքների ազատության.

թ) հաղորդակցվել արտաքին աշխարհի հետ.

ժ) օգտվել ՁՊՎ-ի գրադարանից, ստանալ պարբերական մամուլ.

ժա) հանգստի, ներառյալ՝ բացօթյա զբոսանքի կամ մարմնամարզության և ութժամյա գիշերային քնի իրավունք, որի ընթացքում արգելվում է նրան ներգրավել դատավարական կամ այլ գործողությունների, բացառությամբ քրեական դատավարության օրենսգրքով նախատեսված դեպքերի.

ժբ) կոչվել իր անվամբ կամ ազգանվամբ.

ժգ) անձնական ընդունելության խնդրանքով դիմել ՁՊՎ-ի պետին, ՁՊՎ-ի գործունեության նկատմամբ հսկողություն և վերահսկողություն իրականացնող մարմիններին.

ժդ) իր մոտ ունենալ քրեական գործին, կամ իր իրավունքների և օրինական շահերի պաշտպանությանն առնչվող փաստաթղթեր և գրառումներ՝ բացառությամբ այն փաստաթղթերի և գրառումների, որոնք պարունակում են պետական, ծառայողական կամ օրենքով պահպանվող այլ գաղտնիք:

5.2. Ձերբակալվածը պարտավոր է՝

ա) պահպանել ՁՊՎ-ի ներքին կանոնակարգի պահանջները.

բ) կատարել ՁՊՎ-ի վարչակազմի օրինական պահանջները.

գ) պահպանել սանիտարիայի և հիգիենայի պայմանները.

դ) պահպանել հրշեջ անվտանգության կանոնները.

ե) խնամքով վերաբերվել ՁՊՎ-ի գույքին.

զ) չկատարել ՁՊՎ-ի ծառայողների, ձերբակալվածների կամ այլ անձանց արժանապատվությունը նսեմացնող գործողություններ.

է) չխոչընդոտել ՁՊՎ-ի ծառայողներին և այլ անձանց՝ իրենց ծառայողական պարտականությունները կատարելիս.

ը) չկատարել սեփական կամ այլ անձանց կյանքին և առողջությանը սպառնացող կանխամտածված գործողություններ.

թ) պահպանել օրվա սահմանված կարգացուցակը.

ժ) ՁՊՎ-ի ծառայողներին դիմել «Դուք»-ով, կոչել նրանց «պարոն (տիկին)» այնուհետև՝ կոչումով կամ ազգանունով.

ժա) ՁՊՎ-ի ծառայողի՝ մենախուց մտնելուց ոտքի ելնել և կանգնել նրա կողմից նշված տեղում.

ժբ) ունենալ կոկիկ արտաքին տեսք, վերկացից հետո հարդարել անկողինը.

ժգ) հսկիչների ուղեկցությամբ շարժվելիս ձեռքերը պահել հետևում.

ժդ) չաղմկել:

5.3. Ձերբակալվածին արգելվում է՝

ա) իր մոտ ունենալ արգելված առարկաներ, իրեր և սննդամթերք և օգտվել դրանցից.

բ) այլ մենախցերում կամ զբոսաբակում գտնվող անձանց հետ նամակագրություն և ազդանշանային կապ հաստատել.

գ) հակաճառել ՁՊՎ-ի ծառայողին, հրաժարվել կամ խուսափել նրա օրինական կարգադրությունների կատարումից.

դ) զբոսաբակի սահմաններից դուրս նետել կամ վերցնել այդ տարածքում հայտնված իրերն ու առարկաները.

ե) կիպ մոտենալ խցի դռան դիտանցքին և փակել այն.

զ) փչացնել ՁՊՎ-ի գույքը, օգտագործման համար տրված իրերն ու պատերի վրա նշումներ և գրառումներ անել.

է) օգտվել ինքնաշեն էլեկտրական սարքերից.

ը) պահել կենդանիներ.

թ) օգտագործել ոգելից խմիչք և թմրանյութեր.

ժ) զբաղվել մոլեխաղերով.

ժա) իրենց մոտ պահել դրամ և թանկարժեք իրեր.

ժբ) բղավել, բարձր ձայնով երգել կամ այլ կերպ խախտել լռությունը.

ժգ) մենախցում կրակ վառել.

ժդ) առանց վարչակազմի իմացության մենախցի սանհանգույցի և լուսավորության վերանորոգման աշխատանքներ կատարել.

ժե) խցանել մենախցի սանհանգույցը.

ժզ) պատերից պոկել կանոնակարգի հատվածները, պատերին նկարներ, թղթեր փակցնել.

ժէ) ՁՊՎ-ի տարածքում տեղաշարժվելիս դուրս գալ շարքից, ծխել, խոսել, մենախցերի մոտով անցնելիս կանգնել, առարկաներ գցել կամ փոխանցել, նայել դիտանցքներից, գրառումներ կատարել միջանցքի պատերին կամ աստիճանավանդակներին.

ժը) պատուհաններից իրեր դուրս նետել, կանգնել լուսամուտագոգերին, փակել դիտանցքները:

 

6. ՁՊՎ-ի ՕՐՎԱ ԿԱՐԳԱՑՈՒՑԱԿԸ ԵՎ ՆՐԱ ԿԱՏԱՐՈՒՄԸ

 

6.1. ՁՊՎ-ում սահմանվում է օրվա կարգացուցակ՝ հաշվի առնելով տարվա եղանակը, տեղի կլիմայական պայմանները և այլ կոնկրետ հանգամանքներ:

Օրվա կարգացուցակը ներառում է վերկացի, հարդարանքի, մարմնամարզության, սնվելու, զբոսանքի, ավարտակոչի համար տրամադրված ժամանակը: Ձերբակալվածների համար օրվա կարգացուցակով նախատեսվում է ութժամյա անընդմեջ քուն:

Նմուշային օրինակին համապատասխան՝ մշակված օրվա կարգացուցակը (հավելված 6) հաստատվում է ոստիկանության մարմնի պետի կողմից, հայտարարվում է ՁՊՎ-ի անձնակազմին և փակցվում է մենախցերում:

6.2. ՁՊՎ-ի վարչակազմի աշխատանքը կազմակերպվում է շուրջօրյա, պետի կողմից հաստատված հերթապահության գրաֆիկին համապատասխան:

Ոստիկանության մարմնի պետի կողմից հաստատվում է նաև ձերբակալվածների կողմից օրվա կարգացուցակի կատարումն ապահովող հրամանների և ազդակոչերի համակարգ:

 

7. ՁԵՐԲԱԿԱԼՎԱԾՆԵՐԻ ԿՈՂՄԻՑ ԱՌԱՋԱՐԿՆԵՐ, ԴԻՄՈՒՄՆԵՐ ԵՎ ԲՈՂՈՔՆԵՐ ՆԵՐԿԱՅԱՑՆԵԼԸ

 

7.1. ՁՊՎ-ի վարչակազմի ծառայողները ամենօրյա շրջագայության ընթացքում պարտավոր են ձերբակալվածներից ինչպես գրավոր, այնպես էլ բանավոր առաջարկություններ, դիմումներ և բողոքներ ընդունել: ՁՊՎ-ի վարչակազմին հասցեագրված առաջարկությունները, դիմումները և բողոքները գրանցվում են մատյանում և զեկուցվում ոստիկանության մարմնի պետին: Վերջինս միջոցներ է ձեռնարկում դրանք լուծելու ուղղությամբ:

7.2. Պետական իշխանության, տեղական ինքնակառավարման մարմիններին և հասարակական միավորումներին հասցեագրված առաջարկությունները, դիմումները և բողոքները ուղարկվում են ՁՊՎ-ի վարչակազմի, պաշտպանի կամ օրինական ներկայացուցչի միջոցով:

Քրեական հետապնդման մարմնի որոշումների և գործողությունների դեմ ուղղված բողոքները, ինչպես նաև ՁՊՎ-ի նկատմամբ հսկողություն իրականացնող մարմիններին հասցեագրված առաջարկությունները, դիմումներն ու բողոքները ուղարկվում են հասցեատիրոջը մեկ օրվա ընթացքում:

7.3. ՁՊՎ-ի վարչակազմի որոշումների ու գործողությունների առթիվ ներկայացված առաջարկությունները, դիմումները և բողոքները չեն կասեցնում այդ որոշումների և գործողությունների կատարումը:

Առաջարկությունների, դիմումների և բողոքների պատասխանները ստորագրությամբ հայտնվում են ձերբակալվածներին և կցվում նրանց անձնական գործին:

7.4. Առաջարկությունների, դիմումների և բողոքների ուղարկման ծախսերը կատարվում են ուղարկողի հաշվին: Ձերբակալվածի անձնական հաշվում (հավելված 7) դրամի բացակայության դեպքում, հանրապետության տարածքում ծախսերը կարող են կատարվել ՁՊՎ-ի հաշվին: Դիմումների, բողոքների և առաջարկությունների ժամանակավոր դադարեցում կամ սահմանափակում չի թույլատրվում:

7.5. Իրենց օրինական շահերի և իրավունքների խախտման վերաբերյալ դիմումներ, բողոքներ և առաջարկություններ ներկայացնող ձերբակալվածների նկատմամբ հետապնդումն արգելվում է: Հետապնդում իրականացնող պաշտոնատար անձինք կրում են օրենքով սահմանված պատասխանատվություն:

 

8. ՊԱՇՏՊԱՆԻ ԵՎ ՄԵՐՁԱՎՈՐ ԱԶԳԱԿԱՆԻ ՀԵՏ ՏԵՍԱԿՑԵԼԸ

 

8.1. Ձերբակալվածին ՁՊՎ-ում թույլատրվում է առանձին, կոնֆիդենցիալ, անարգել տեսակցվել իր պաշտպանի հետ՝ առանց դրանց թվի և տևողության սահմանափակման:

Ձերբակալվածի և նրա պաշտպանի տեսակցության անվտանգությունն ապահովելու նպատակով ՁՊՎ-ի ծառայողների կողմից իրականացվում է տեսողական հսկողություն, որը թույլ է տալիս տեսնել, բայց չլսել նրանց:

Պաշտպանի հետ տեսակցություն թույլատրում է ոստիկանության մարմնի պետը, այն դեպքում, երբ վերջինս ներկայացնում է անձը հաստատող և ձերբակալված անձի շահերի պաշտպանը հանդիսացող փաստաթղթեր:

Հերթափոխի ընդունում-հանձնում կատարելու ժամանակ, օրվա կարգացուցակով սննդի ընդունման համար նախատեսված և գիշերային ժամերին (երեկոյան ժ. 22.00-ից մինչև հաջորդ օրվա առավոտյան ժ. 06.00-ն) արգելվում է ձերբակալվածներին տեսակցության համար դուրս բերել մենախցերից:

8.2. Ձերբակալվածին նախօրոք տեղեկացվում է մերձավոր ազգականի հետ (հայր, մայր, ամուսին, կին, եղբայր, քույր, զավակներ, որդեգրողներ, որդեգրվածներ, հարազատ և ոչ հարազատ /համամայր, համահայր/, եղբայր, քույր, տատ, պապ, թոռներ, ինչպես նաև ամուսնու ծնողներ) մինչև մեկ ժամ տևողությամբ առնվազն մեկ տեսակցության մասին:

Մերձավոր ազգականների հետ տեսակցություններն անց են կացվում ՁՊՎ-ի ծառայողների հսկողությամբ: Տեսակցության ընթացքում ձերբակալվածին առարկաներ փոխանցելն արգելվում է: Այդպիսի փորձ կատարելու դեպքում տեսակցությունը վաղաժամկետ դադարեցվում է:

8.3. Ձերբակալվածի հետ տեսակցել թույլատրվում է միաժամանակ երեքից ոչ ավելի չափահաս և անսահմանափակ թվով անչափահաս անձանց:

Ձերբակալվածի հետ տեսակցելու համար մերձավոր ազգականը ոստիկանության մարմնի պետին ներկայացնում է սահմանված ձևի դիմում (հավելված 8) և անձը հաստատող փաստաթուղթ:

Քրեական վարույթն իրականացնող մարմնի որոշմամբ ձերբակալվածի տեսակցությունը մերձավոր ազգականի հետ կարող է արգելվել:

8.4. Մերձավոր ազգականի հետ տեսակցության ընթացքում զրույցը պետք է ընթանա հսկիչին հասկանալի լեզվով: Անհրաժեշտության դեպքում հրավիրվում է թարգմանիչ: Տեսակցության եկած անձանց, ինչպես նաև ձերբակալվածներին բացատրվում են նրանց վարքագծի կանոնները տեսակցության ընթացքում: Նրանք զգուշացվում են նաև ներքին կանոնակարգի պահանջները խախտելու դեպքում տեսակցությունը դադարեցնելու մասին: Հսկիչի պահանջները չկատարելու դեպքում այդ մասին զեկուցվում է ոստիկանության մարմնի հերթապահին:

ՁՊՎ-ում տեսակցությունների համար կահավորվում են հատուկ սենյակներ: Տեսակցությունը կազմակերպվում է այնպես, որ բացառվի այլ ձերբակալվածների հետ շփումը:

8.5. Սանիտարա-համաճարակային միջոցառումներ անցկացնելիս կամ արտակարգ իրավիճակների ժամանակ բոլոր տեսակի տեսակցությունները ժամանակավորապես դադարեցվում են:

8.6. Տեսակցությունից առաջ և հետո ձերբակալվածները ենթարկվում են խուզարկության, իսկ նրանց իրերը՝ զննության: Ձերբակալվածին տեսակցություն տալու մասին ոստիկանության մարմնի հերթապահը նշում է կատարում գրանցամատյանում (հավելված 9):

8.7. Տեսակցությունից հրաժարվելու մասին ձերբակալվածի գրավոր դիմումի համաձայն, տեսակցությունը կարող է փոխարինվել 1 հեռախոսազրույցով՝ մինչև 5 րոպե տևողությամբ:

Հեռախոսազրույցը, ներառյալ միջքաղաքային՝ ձերբակալվածին տրամադրվում է ոստիկանության մարմնի պետի սահմանած ժամանակացույցով: Հեռախոսազրույցը տեղի է ունենում վարչակազմի հսկողությամբ:

Հեռախոսային խոսակցության վճարումները գործող սակագներին համապատասխան կատարվում են ձերբակալվածի հաշվին:

 

9. ՀԱՆՁՆՈՒՔՆԵՐ ԸՆԴՈՒՆԵԼԸ ԵՎ ՀԱՆՁՆԵԼԸ

 

9.1. Ձերբակալվածին արգելանքի տակ գտնվելու ընթացքում թույլատրվում է ստանալ մինչև 20 կգ հանձնուք: Ձերբակալվածը սահմանված քաշի հանձնուքը կարող է ստանալ միանվագ կամ մաս-մաս: Բժշկի եզրակացությամբ դեղորայքի կարիք ունեցող ձերբակալվածի անունով ստացվող դեղորայքի քանակը չի սահմանափակվում: Այն առարկաների և սննդամթերքի ցանկը, որոնք ձերբակալվածին թույլատրվում է ունենալ իր մոտ, պահել, ստանալ հանձնուքով կամ ձեռք բերել՝ սահմանվում է սույն կանոնակարգով (հավելված 4):

9.2. Ցանկում նշված առարկաներից և սննդամթերքից բացի այլ առարկաներ, որոնք վտանգ են ներկայացնում մարդկանց կյանքի և առողջության համար և կարող են օգտագործվել որպես հանցագործության գործիք, ինչպես նաև խոչընդոտում են ձերբակալվածներին արգելանքի տակ պահելուն՝ ձերբակալվածին հանձնելն արգելվում է: Ձերբակալվածի կողմից արգելված իրեր և առարկաներ թաքցնելը, ինչպես նաև նրանց այդպիսիք հանձնելն առաջացնում է օրենքով սահմանված պատասխանատվություն:

9.3. Հանձնուք բերող անձը սահմանված կարգով լրացնում և ստորագրում է դիմում մեկ օրինակից (հավելված 10): Դիմումը, ինչպես նաև հանձնուք բերողի անձը հաստատող փաստաթուղթը հանձնվում են ՁՊՎ-ի ծառայողին: Հանձնուքի զննությունը կատարվում է այն բերող անձի ներկայությամբ, որի ընթացքում հացամթերքը կտրվում է 2-3 մասի, հեղուկները լցվում են ՁՊՎ-ի ապրանքաամանների մեջ, պահածոները բացվում և լցվում են ՁՊՎ-ի ափսեների մեջ, ձկնեղենը, երշիկեղենը կտրվում են մի քանի մասի, սորուն սննդամթերքը լցվում է այլ ապրանքաամանների մեջ, կոնֆետները, թխվածքաբլիթները և նմանօրինակ այլ սննդամթերքը ընդունվում է միայն բաց վիճակում, առանց փաթեթավորման:

Ընդունելով հանձնուքը, ՁՊՎ-ի ծառայողը այցելուին վերադարձնում է անձը հաստատող փաստաթուղթը, ընդունման մասին նշում կատարելով դիմումի վրա և գրանցամատյանում (հավելված 11): Դիմումը և հանձնուքը ձերբակալվածի կողմից ստորագրությամբ ստանալուց հետո կցվում է նրա անձնական գործին:

Ձերբակալվածի կողմից հանձնուքը ստանալուց հրաժարվելու դեպքում դիմումի վրա համապատասխան նշում է կատարվում, և հանձնուքը հետ է վերադարձվում բերողին, իսկ դիմումը կցվում է ձերբակալվածի անձնական գործին:

9.4. Հանձնուքները չեն ընդունվում և վերադարձվում են բերողին հետևյալ դեպքերում.

ա) ձերբակալվածի ազատ արձակման.

բ) ձերբակալվածի մահվան.

գ) սահմանված նորմերին հանձնուքի քաշի անհամապատասխանության.

դ) հանձնուքը բերող անձի կողմից համապատասխան փաստաթղթերի չներկայացման.

ե) հանձնուքի ընդունման դիմումի սխալ ձևակերպման.

զ) ձերբակալվածի կողմից հանձնուքը ստանալուց հրաժարվելու:

Հանձնուքները պետք է փոխանցվեն հասցեատիրոջը այն ստանալուց մեկ ժամից ոչ ուշ:

Հանձնուքում առկա այն իրերը, առարկաները և սննդամթերքը, որոնք հասցեատիրոջը հանձնելու ենթակա չեն՝ վերադարձվում են բերողին:

Հանձնուքները ընդունվում են ժամը 10.00-ից մինչև 20.00 և ձերբակալվածներին հանձնվում են մենախցի դռան օդանցքից:

 

10. ՁԵՐԲԱԿԱԼՎԱԾՆԵՐԻ ԲԱՑՕԹՅԱ ԶԲՈՍԱՆՔԸ

 

10.1. Ձերբակալվածներն ունեն զբոսանքի իրավունք, որի տևողությունը չի կարող պակաս լինել օրական մեկ ժամից:

Զբոսանքի դուրս չեն բերվում այն ձերբակալվածները, որոնց բժշկի կողմից արգելված է զբոսանքը:

Զբոսանքը կազմակերպվում է ցերեկվա ժամերին՝ ըստ ոստիկանության մարմնի պետի կողմից հաստատված օրվա կարգացուցակի:

Ձերբակալվածները զբոսանքի են հանվում սեզոնային հագուստով:

10.2. ՁՊՎ-ի հատուկ պաշտպանվող տարածքում զբոսանքի անցկացման համար սարքավորվում են հատուկ զբոսաբակեր, որոնց չափերը սահմանվում են՝ ՁՊՎ-ում պահվող բոլոր անձանց ցերեկային ժամերի ընթացքում զբոսանքով ապահովելու անհրաժեշտությունը հաշվի առնելով:

10.3. Ոստիկանության մարմնի պետի կարգադրությամբ զբոսանքը կարող է ժամկետից շուտ դադարեցվել կամ դրա տևողությունը կարող է կրճատվել օդերևութաբանական անբարենպաստ պայմանների, արտակարգ իրավիճակների (փախուստներ, ինքնասպանության դեպքեր և այլն), ինչպես նաև իրադրության բարդացման դեպքերում:

10.4. ՁՊՎ-ի զբոսաբակերը պետք է սարքավորվեն մարմնամարզությամբ զբաղվելու համար:

10.5. Զբոսանքի տևողությունը ՁՊՎ-ի վարչակազմի կողմից կարող է երկարացվել:

10.6. Զբոսանքն անց է կացվում ՁՊՎ-ի վարչակազմի հսկողությամբ: Զբոսաբակը պետք է տեղակայվի ՁՊՎ-ի ներսում, փախուստի տեսանկյունից լինի հուսալի և գտնվի հսկողության ներքո:

 

11. ՁՊՎ-ՈՒՄ ՌԵԺԻՄԻ ԱՊԱՀՈՎՈՒՄԸ

 

11.1. ՁՊՎ-ներում սահմանվում է ռեժիմ, որն ապահովում է ձերբակալվածների իրավունքների և պարտականությունների պահպանումը, նրանց հուսալի մեկուսացումը, ինչպես նաև ՀՀ քրեական դատավարության օրենսգրքով նախատեսված խնդիրների իրականացումը:

Ռեժիմի պահանջները խախտողները պատասխանատվություն են կրում ՀՀ օրենսդրությամբ սահմանված կարգով:

11.2. Ձերբակալվածների հսկողությունն ապահովելու նպատակով խցերը լուսավորվում են մթնելու պահից մինչև լրիվ լուսաբաց:

11.3. Ձերբակալվածների առավոտյան ստուգումն ու զուգարան դուրս բերելը (խցերում սանհանգույցների բացակայության դեպքում) կատարվում է հանձնող և ընդունող երկու վերակարգերի մասնակցությամբ, ՁՊՎ-ի ղեկավարության անմիջական հսկողությամբ:

Խցերի առավոտյան և երեկոյան շրջագայության ընթացքում պարզվում է ձերբակալվածների առկայությունը, կատարվում է անձնական խուզարկություն և իրերի զննություն, խցերի տեխնիկական վիճակի ստուգում, ինչպես նաև ձերբակալվածների դիմումների և բողոքների մասին հարցում:

11.4. Ձերբակալվածների կողմից խցերի, զբոսաբակի մաքրումը, ամանեղենի լվացումը կատարվում է ՁՊՎ-ի հերթապահի (օգնականի) և արտատարի հսկողությամբ: Ձերբակալվածներին արգելվում է ինքնասպասարկման հետ չկապված տնտեսական այլ աշխատանքների ներգրավելը:

11.5. ՁՊՎ-ում խցերի դռները բացվում են ՁՊՎ-ի պետի, հերթապահի (օգնականի) կողմից, խցի մոտ արտատարի ներկայության դեպքում: Մեծ տարողությամբ (20 և ավելի մենախուց) ՁՊՎ-ներում խցերի բանալիները կարող են հանձնվել ՁՊՎ-ի հերթապահի օգնականին:

Արգելվում է բոլոր ծառայողներին միաժամանակ ներս մտնել խցեր, ինչպես նաև իրենց մոտ ունենալ խցերի բանալիներ:

11.6. Ձերբակալվածները խցերից դուրս են բերվում՝

ա) արտակարգ իրավիճակների դեպքում.

բ) ՁՊՎ-ի քննչական առանձնասենյակ.

գ) տեսակցության սենյակ.

դ) զբոսաբակ.

ե) սանիտարական մշակման նպատակով ՁՊՎ-ի սանթողարկարան.

զ) բուժաշխատողի մոտ.

է) խցերում սանհանգույցների բացակայության դեպքում՝ զուգարան.

ը) պահակախմբին հանձնելու նպատակով.

թ) ՁՊՎ-ների տարածքը կարգի բերելու համար.

ժ) խցերի ամբողջական խուզարկություն կատարելու նպատակով:

Խցերից դուրս բերելու և վերադառնալու յուրաքանչյուր դեպքում ձերբակալվածները ենթարկվում են անձնական խուզարկության:

11.7. Գիշերային ժամերին (տեղական ժամանակով ժամը 22-ից մինչև ժամը 6-ը) խցերը բացվում են ծայրահեղ անհրաժեշտության դեպքերում, իսկ ձերբակալվածները դուրս են բերվում միայն արտակարգ իրավիճակների դեպքում, երբ նրանց կյանքին և առողջությանը անմիջական վտանգ է սպառնում, ինչպես նաև անհետաձգելի բժշկական օգնություն ցուցաբերելու համար:

Գիշերային ժամերին խցերի բացման և ձերբակալվածների դուրս բերման ժամանակ պետք է կիրառվեն նախազգուշական հատուկ միջոցներ՝ բացառելու համար ՁՊՎ-ից փախուստի կամ ծառայողի վրա հարձակվելու հնարավորությունը:

11.8. Ձերբակալվածները նախապես տեղեկացվում են զբոսաբակ, զուգարան, սանիտարական մշակման նպատակով խցից դուրս բերելու մասին: Մնացած բոլոր դեպքերում խցից դուրս բերելու նպատակը չի հայտնվում, միայն նշվում է ձերբակալվածի հագնվելու պահանջը և անձնական իրերը վերցնելու անհրաժեշտությունը:

11.9. Սահմանված երթուղու համաձայն ձերբակալվածի տեղաշարժը ՁՊՎ-ի ներսում կատարվում է միայն արտատարի ուղեկցությամբ:

11.10. Ձերբակալվածները խցերից դուրս գալուց հետո շարվում են մեկ կամ երկու շարքով:

Շարժման երթուղու ամբողջ երկայնությամբ արտատարները հսկում են, որպեսզի ձերբակալվածները ձեռքերը պահեն հետևում, չաղմկեն, չանցնեն շարքից շարք, չծխեն, իրեր չգցեն և չփոխանցեն միմյանց, կանգ չառնեն, խցերի մոտով անցնելիս չմոտենան դռներին և դիտանցքներին, նշումներ չանեն միջանցքների և աստիճանավանդակների պատերին:

11.11. Մեկ արտատարի կողմից մեկ ձերբակալվածի ուղեկցման դեպքում արտատարը պետք է գտնվի նրա հետևում երկու քայլ հեռավորության վրա:

Արտատարը շրջադարձի վրա ձերբակալվածին կանգնեցնում է անկյունից երկու քայլի վրա, համոզվելով, որ անցումն ազատ է, շարունակում է ընթացքը:

Չհսկվող դռանը մոտենալիս արտատարը կանգնեցնում է ձերբակալվածին 5 քայլ հեռավորության վրա, բացում է այն և համոզվելով, որ անցումն ազատ է, թողնում է նրան իր կողքով, փակում է դուռը և հետևից շարունակում ընթացքը:

Ձերբակալվածներին երկու ու ավելի արտատարով ուղեկցելիս նրանցից մեկը գնում է առջևից, մյուսները՝ հետևից:

11.12. ՁՊՎ-ներում անցագրային ռեժիմ իրականացնելու պարտականությունները կատարում է ոստիկանության մարմնի հերթապահը (օգնականը):

Զենքով մուտքը ՁՊՎ-ի տարածք արգելվում է: ՁՊՎ անարգել մուտքի և ելքի իրավունք ունեցող պաշտոնատար անձինք զենքը պարտավոր են հանձնել ոստիկանության մարմնի հերթապահին: Հերթապահ մասում զենքը պահվում է մետաղյա պահարաններում՝ ՀՀ օրենսդրական և գերատեսչական ակտերով սահմանված կարգով:

 

12. ՁՊՎ-Ի ՇԻՆԱՐԱՐՈՒԹՅԱՆ ԵՎ ՍԱՐՔԱՎՈՐՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ

 

12.1. ՁՊՎ-ի շինարարությունը իրականացվում է ոստիկանությունում կիրառվող շենքերի և կառույցների տիպային նախագծերին համապատասխան:

ՁՊՎ-ի համալիրի մեջ մտնում են ձերբակալվածներին արգելանքի տակ պահելու հիմնական (առանձին կամ ոստիկանությանը համատեղ) շենքը, զբոսաբակը և այլ շինություններ:

ՁՊՎ-ի շենքը կառուցվում է քարից, երկաթբետոնից կամ այլ ամուր շինանյութից: Մենախցերի և ՁՊՎ-ի այլ շինությունների ներքին պատերը և միջնորմները շարվում են 40 սմ-ից ոչ պակաս հաստությամբ ամբողջական քարից: Մենախցերի պատերը, առանց որևէ ելուստների և անկյունների, սվաղվում են ցայտուկների շաղախով:

Մենախցերի 50 սմ-ից պակաս հաստությամբ արտաքին պատերը, ինչպես նաև մենախցերը ծառայողատնտեսական սենյակներից առանձնացվող ներքին պատերը ամրացվում են 8-10մմ տրամագիծ ունեցող մետաղյա ձողերից պատրաստված վանդակաճաղով:

Մենախցերի հատակը պետք է լինի փայտյա՝ 30 սմ-ից ոչ պակաս հաստությամբ բետոնե հիմքի վրա:

Ծածկերը կատարվում են հավաքովի երկաթբետոնե տարրերից:

12.2. Մենախցերի տեսանելիությունը ապահովելու նպատակով դռների կենտրոնում՝ հատակի մակարդակից 150 սմ բարձության վրա տեղադրվում են. միջանցքի կողմից 4 սմ տրամագծով, դեպի մենախուց լայնացող դիտանցքներ: Դրանք պատրաստվում են չկոտրվող նյութից (ստալինիտ-պողպատացանց, նավային ապակի և այլն) և միջանցքի կողմից փակվում են ցցաձողի վրա պտտվող կափարիչով:

12.3. ՁՊՎ-ի մենախցերի կառուցվածքը պետք է ապահովի արտաքին միջավայրից ձերբակալվածների հուսալի մեկուսացումը ու բացառի փախուստի հնարավորությունը լուսամուտախորշից, դռնախորշից կամ պատերի և առաստաղային ծածկերի քայքայման, քանդման, շենքերի առաջին հարկերի ականահատման միջոցով:

12.4. Մենախցերի 6 սմ-ից ոչ պակաս հաստությամբ և 190x75 սմ չափի դռները պետք է կախվեն մուտքի ձախ կողմից և երկաթակապով բացվեն դեպի միջանցք: Դռան բացվածքի անկյունը նախատեսում է մեկ մարդու մուտք (ելք): Այդ նպատակներով միջանցքի կողմից տեղադրվում են բացվածքը ֆիքսող սահմանափակիչներ (դիմադիրներ): Մենախցերի կողմից դռները պատվում են պողպատաթիթեղով, որի եզրերը ծալվում են դռան ճակատին և ամբողջ եզրագծով ամրացվում են մետաղյա անկյունակով:

Հանձնուքները ձերբակալվածներին հանձնելու համար դռների վրա հատակի մակարդակից 1-1,2 մ բարձրության վրա նախատեսվում են 18x22 սմ չափով օդանցքներ: Դրանք բացվում են դեպի միջանցք, բարձակներով պահվում են հորիզոնական դիրքում և փակվում են վագոնային տիպի փականներով: Մենախցերի դռների փականները պետք է լինեն տուփաձև, վրադիր և ավտոմատ փակվեն մեկ պտույտ, իսկ հետո՝ բանալիով երկու պտույտ:

12.5. Մենախցերի, ծառայողական և օժանդակ շինությունների բոլոր պատուհանախորշերի արտաքին կողմից տեղադրվում են մետաղյա վանդակաճաղեր 12 մմ-ից ոչ պակաս տրամագծով մետաղաձողերից և լայնակի շերտաձողերից: Վանդակի բջիջների չափերը 120x150 մմ է: Վանդակների ամրացման համար 120 մմ ոչ պակաս խորությամբ պատի շարվածքի մեջ խցվում են խարիսխներ: Պատուհանների ապակեկալները պատրաստվում են փեղկերով և մենախցերի օդափոխության համար տեղադրվում են օդանցքներ՝ վագոնային տիպի փականներով: Պատուհանախորշերի ներքևի մասը պետք է լինի հատակի մակարդակից 1,6 մ-ից ոչ պակաս բարձրության վրա: Մենախցերի պատուհանախորշերում պատուհանագոգի փոխարեն տեղադրվում են կլորացված անկյուններով թեքություններ: Ներքին ապակիները գցվում են ամրավորված անթափանց ապակուց: Մենախցերի կողմից ապակիները պաշտպանվում են մետաղյա ցանցով:

12.6. Մենախցերի բլոկը մեկուսացվում է ՁՊՎ-ի այլ շինություններից վանդակաճաղով, որն ունի կողպվող դուռ: ՁՊՎ-ի երկհարկանի պլանավորման դեպքում ծառայողատնտեսական շինությունները տեղավորվում են առաջին հարկում, մեկ հարկանիի դեպքում՝ մենախցերի բլոկին հակառակ՝ շենքի ճակատամասում:

12.7. ՁՊՎ-ի քննչական առանձնասենյակները պետք է գտնվեն մենախցերի բլոկի մոտ: Դրանց դռները պատվում են դերմատինով կամ թաղիքե շերտ ունեցող մոմլաթով կամ այլ ձայնամեկուսիչ նյութով:

Տեսակցությունների սենյակում տեղադրվում է 1 մ-ից ոչ պակաս լայնությամբ, մեջտեղում 20 սմ բարձրություն ունեցող միջնորմով սեղան: Ներքևից սեղանը կիսվում է հոծ արգելապատով: Սեղանի ճակատային մասում տեղադրվում է ևս մեկ սեղան ՁՊՎ-ի ծառայողի համար, որը ներկա է գտնվում ձերբակալվածի և նրա մերձավոր ազգականների տեսակցության ընթացքում:

Ձերբակալվածի և պաշտպանի տեսակցության տեսողական հսկողությունն ապահովելու նպատակով սենյակի դռան վրա հատակից 150 սմ բարձրությամբ չկոտրվող օրգանական ապակուց սարքավորվում է դիտանցք կամ սենյակում տեղակայվում է տեսախցիկ, որը թույլ է տալիս տեսնել, բայց չլսել ձերբակալվածի և պաշտպանի խոսակցությունը:

Ծառայողական սենյակներում ձերբակալվածների համար նախատեսված կահույքը ամրացվում է հատակին:

12.8. ՁՊՎ-ի շենքի մուտքում տեղադրվում է ամրացված կառուցվածքով արտաքին դուռ, որը սարքավորվում է օպտիկական դիտանցքով, ինչպես նաև զանգով՝ հերթապահին և խոսակցության սարքավորումով: Արտաքին դռնախորշում՝ ներսի կողմից տեղադրվում է լրացուցիչ մետաղյա վանդակաճաղով դուռ: Դրանք բոլորը սարքավորվում են հուսալի փականներով:

12.9. ՁՊՎ-ի բոլոր շինություններում տեղադրում են շիկացման լամպերով էլեկտրալուսավորում: Ռեժիմային կառույցներում էլեկտրականության անցկացումը պետք է լինի քողարկված: Վթարային լուսավորումը իրականացվում է մարտկոցային կուտակիչներով:

12.10. ՁՊՎ-ի շինությունների բոլոր հնարավոր խոցելի տեղերը պաշտպանվում են (պաշարվում) պահնորդական ազդանշանային ցուցիչներով:

Փախուստի համար խոցելի տեղերի որոշումը կատարվում է հանձնաժողովային հետազոտման ճանապարհով:

ՁՊՎ-ի հետազոտման ակտը հաստատում է ոստիկանության մարմնի պետը, որն էլ կրում է ամբողջ պատասխանատվությունը ակտում նշված միջոցառումների կատարման համար:

ՁՊՎ-ում նախատեսվում են ազդանշանների հետևյալ տեսակները՝ պահպանություն, տագնապ, կանչ: ՁՊՎ-ի խոցելի տեղերի մեկուսացումը կատարվում է պահնորդական ազդանշանային ցուցիչներով շինարարական կառույցների տարրերի մեկուսացման տեխնիկական պայմաններին և հանձնարարականներին համապատասխան:

Պահնորդական ազդանշանային սարքը տեղադրվում է ՁՊՎ-ի և ոստիկանության տարածքային բաժնի հերթապահ մասերում: Իսկ տագնապի ազդանշանը պետք է կրկնօրինակվի ՁՊՎ-ի հերթապահ ծառայողի պահակետում միջանցքի արտաքին ցուցատախտակի վրա:

12.11. Զբոսաբակերը տեղակայվում են ՁՊՎ-ին կից տարածքում՝ մենախցերի շինությունների կողմից և պետք է ունենան առանձին ելք:

Զբոսաբակերի պարիսպների և առանձնացնող միջնորմների բարձրությունը պետք է լինի 3 մ ոչ պակաս: Զբոսաբակերի վերևի մասում տեղադրվում են 8-10 մմ տրամագծով ձողերից 150x150 մմ բջիջներով վանդակաճաղեր և ծածկվում են մետաղալարե ցանցով:

Բոլոր պատերը հարթ սվաղվում են, իսկ զբոսաբակի մակերեսը որոշվում է՝ ելնելով մենախցերի առավելագույն լիմիտային քանակից:

12.12. ՁՊՎ-ի տեխնիկական բնութագիրը արտացոլվում է հատուկ անձնագրում (հավելված 13), որը պահվում է ՁՊՎ-ի հերթապահի մոտ:

 

13. ՁԵՐԲԱԿԱԼՎԱԾՆԵՐԻ ՆԿԱՏՄԱՄԲ ՀՍԿՈՂՈՒԹՅԱՆ ԻՐԱԿԱՆԱՑՈՒՄԸ, ՊԱՀԱԿԱԿԵՏԵՐԻ ՏԵՂԱԲԱՇԽՈՒՄԸ ԵՎ ՊԱՀԱԿԵՏԱՅԻՆՆԵՐԻ ՊԱՐՏԱԿԱՆՈՒԹՅՈՒՆՆԵՐԸ

 

13.1. Ձերբակալվածների նկատմամբ հսկողություն իրականացնելու համար նշանակվում են ՁՊՎ-ի պետ, հերթապահ (հերթապահի օգնական) պահակետայիններ ու արտատարներ: Կարգախմբերի կազմը որոշում է ոստիկանության մարմնի պետը:

13.2. Պահակետերի քանակն ու տեսակը, դրանց տեղադրումն ու արտատարների քանակը հաստատվում են պահակետի ցուցակով, որը կազմվում է ՁՊՎ-ի պետի և հաստատվում ոստիկանության մարմնի պետի կողմից: Յուրաքանաչյուր պահակետի շնորհվում է համապատասխան համար:

Պահակետի ցուցակում նշվում են հսկողության տակ մենախցերի ցանկը և կարգախմբի անձնակազմի պարտականությունները: Բացի նախատեսվածից սահմանվում են ձերբակալվածների հսկողությունն ուժեղացնելու համար լրացուցիչ պահակետեր:

13.3. Ներքին պահակետերը տեղադրվում են մենախցերի մոտ, զբոսաբակում, իսկ ՁՊՎ-ի հսկողության համար նախատեսված արտաքին պահակետերը՝ արտաքին կողմից:

13.4. Արտատարները նշանակվում են խցերից ձերբակալվածների դուրսբերման և ՁՊՎ-ի սահմաններում նրանց տեղաշարժի համար: Ժամանակավոր պահակետերում արտատարների և պահակետայինների պարտականությունները կարող են դրվել ՁՊՎ-ի հերթապահի օգնականի կամ ոստիկանության բաժնի հերթապահի օգնականի վրա:

13.5. Ներքին պահակետերի պահակետայինները ու արտատարները ծառայությունն իրականացնում են առանց զենքի: ՁՊՎ-ի հսկողության արտաքին պահակետի պահակետայինը ծառայությունը կատարում է զինված:

13.6. ՁՊՎ-ի հերթապահը (հերթապահի օգնական) իրականացնում է ձերբակալվածներին հսկող կարգախմբի օպերատիվ ղեկավարումը և ենթարկվում է ՁՊՎ-ի պետին:

13.7. ՁՊՎ-ի հերթապահությունն ընդունող հերթապահը պարտավոր է՝

ա) ստուգել ձերբակալվածների փաստաթղթերի առկայությունն ու ճշտությունը, որոնց հիման վրա ձերբակալվածները պահվում են ՁՊՎ-ում, ՁՊՎ-ի հերթապահության ընդունման-հանձնման գրքում համապատասխան գրանցում կատարելով ընդունել խցերի բանալիները, ձեռնաշղթաները, այլ հատուկ ու տեխնիկական միջոցները, ծառայողական փաստաթղթերը և ձևաթղթերը, ինչպես նաև ձերբակալվածներից վերցված իրերը, առարկաները և արժեքները.

բ) հերթափոխը հանձնող հերթապահի հետ մանրամասն ստուգել ՁՊՎ-ի տարածքները, համոզվել սարքավորումների, ազդանշանային համակարգի սարքին լինելու մեջ, խցերում անցկացնել խուզարկություն, ըստ հաշվի և եղած փաստաթղթերի ստուգել ձերբակալվածների առկայությունը, անցկացնել նրանց հարցում, անձնական խուզարկություն ու իրերի զննություն.

գ) հանձնող և ընդունող կարգախմբի մասնակցությամբ անցկացնել (խցերում սանհանգույցների բացակայության դեպքում) խցերից ձերբակալվածների դուրսբերում դեպի զուգարան: Ձերբակալվածների որևէ այլ տեղաշարժ ՁՊՎ-ի հերթապահության ընդունման-հանձնման ժամանակ չի թույլատրվում.

դ) հերթափոխը հանձնող հերթապահի հետ համատեղ ՁՊՎ-ի կամ ոստիկանության մարմնի պետին (նրա տեղակալին կամ այլ համապատասխան վերադասին) զեկուցել հերթապահության ընդունման-հանձնման մասին՝ այդ ընթացքում հայտնաբերված թերությունների և դրանք վերացնելու համար ձեռնարկված միջոցների մասին, նշելով հերթապահությունների ընդունման-հանձնման գրքում (հավելված 14):

13.8. Հերթապահությունն ընդունելուց հետո ՁՊՎ-ի հերթապահը (հերթապահի օգնականը) պարտավոր է՝

ա) անձամբ փոխել պահակետայիններին, ցերեկային ժամերին նվազագույնը 3-4, իսկ գիշերային ժամերին՝ ոչ պակաս քան 5-6 անգամ ստուգել հերթապահ կարգախմբի ծառայությունը, պահակետայինների, արտատարների անձնական պարտականությունների իմացությունը, նրանց հանդերձանքը, կարգախմբին տեղեկացնել այն անձանց մասին, որոնց հանդեպ անհրաժեշտ է սահմանել ուժեղացված հսկողություն, հետևել ՁՊՎ-ի սարքավորումների վիճակին, կապի միջոցներին, ազդանշանային և լուսավորության համակարգերի սարքինությանն ու աշխատանքին.

բ) որոշումներ կայացնել խցերից ձերբակալվածների դուրսբերման համար, մասնակցել յուրաքանչյուր դուրսբերմանը, անձամբ բացել խցերի դռները, բանալիները մշտապես պահել իր մոտ.

գ) ապահովել ՁՊՎ-ի ներքին կանոնակարգի պահպանումը ձերբակալվածների կողմից: Արտակարգ իրավիճակների և սույն կանոնակարգով նախատեսված այլ դեպքերում կազմակերպել ձերբակալվածների անձնական խուզարկություն, նրանց պատկանող իրերի զննություն և խցերի խուզարկություն, ստուգել փախուստի նախապատրաստման մասին յուրաքանչյուր տեղեկատվություն և ձեռնարկել դրան նպաստող պատճառների և պայմանների վերացմանն ուղղված միջոցներ՝ ուժեղացնելով ձերբակալվածների հսկողությունը.

դ) պատերի, առաստաղի փորվածքի և ջարդվածքի, պատուհանների շրջանակների ու կողպեքների փչանալու դեպքում անհապաղ զեկուցել ՁՊՎ-ի պետին, իսկ ձերբակալվածներին տեղափոխել այլ խցեր կամ շինություններ.

ե) փախուստի, արտակարգ իրավիճակի և հատուկ պայմանների դեպքում ձեռնարկել սույն կանանակարգով նախատեսված միջոցներ.

զ) անցկացնել ձերբակալվածների ընդունումը, դրանց տեղավորումը խցերում, ինչպես նաև ազատումը կամ ՁՊՎ-ից տեղափոխումը: Հաշվառման գրանցամատյանում նշել ՁՊՎ-ներում պահվող անձանց, նրանց բերման և տեղափոխման օրը, ժամը, ձևակերպել ձերբակալվածների անձնական գործերը (անձնական գործի կազմը և մատնահետքերի զննման քարտը) ու ՁՊՎ-ներում նրանց պահման հետ կապված այլ փաստաթղթերը, նախօրոք տեղեկացնել ՁՊՎ-ի պետին ձերբակալվածների պահման ժամկետը լրանալու մասին.

է) ապահովել ՁՊՎ-ում ձերբակալվածների համար հաստատված ռեժիմը և դրանց պահման պայմանները, ինչպես նաև օրենքով սահմանված իրավունքների իրականացումը.

ը) հետևել ՁՊՎ-ի բոլոր տարածքների, ռեժիմային գոտու և զբոսաբակի մաքրությանն ու կարգուկանոնին, բացառել դրանցում կողմնակի անձանց ներկայությունը, ինչպես նաև այն առարկաների առկայությունը, որոնք կարող են կիրառվել պահակախմբի վրա հարձակվելու նպատակով կամ փախուստի ժամանակ.

թ) ապահովել ծառայողական փաստաթղթերի, ձևաթղթերի, ձեռնաշղթաների, այլ հատուկ և տեխնիկական միջոցների, գույքի, ինչպես նաև ձերբակալվածներից առգրավված իրերի, առարկաների, սննդի ու արժեքների ամբողջությունը.

ժ) ՁՊՎ-ի պետին զեկուցել հերթապահության ընթացքում և դրա ավարտից հետո տեղի ունեցած բոլոր իրադարձությունների մասին:

Անցագրային ռեժիմի իրականացման համար ՁՊՎ-ի հերթապահը (օգնականը) պարտավոր է՝

ա) ստուգել ՁՊՎ մտնող անձանց փաստաթղթերը.

բ) ապահովել փոխանցվող հանձնուքների ընդունումն ու մանրամասն զննությունը՝ թույլ չտալով արգելված առարկաների մուտքը ՁՊՎ.

գ) հաշվառել ձերբակալվածների խցերից դեպի քննչական առանձնասենյակներ դուրս բերելու պահանջները, հանձնուքների ընդունման դիմումները:

13.9. Հերթապահին (հերթապահի օգնականին) արգելվում է՝

ա) կրճատել պահակախմբի հաստատված քանակը կամ փոփոխել դրանց տեղը՝ բացառությամբ փախուստն արգելելու, արտակարգ իրավիճակների կամ այլ հատուկ պայմանների հետ կապված անհետաձգելի գործողությունների իրականացման դեպքերի.

բ) բացակայել ՁՊՎ-ից կամ ծառայությունից ազատել կարգախմբի որևէ անդամի, բացառությամբ հիվանդության կամ պարտականությունների կատարման անհնարինության դեպքերի:

13.10. Ձերբակալվածների խցերի մոտ ներքին պահակետի պահակետայինը անմիջապես ենթարկվում է ՁՊՎ-ի հերթապահին (օգնականին):

Նա պարտավոր է՝

ա) պահակակետ մտնելիս ՁՊՎ-ի հերթապահի (օգնականի), ՁՊՎ-ի պետի կամ ոստիկանության բաժնի հերթապահի հետ միասին ստուգել խցերի, մահճակալների, պատուհանների, վանդակաճաղերի, հատակների, առաստաղների, պատերի, ջեռուցման, ազդանշանային և լուսավորող համակարգերի, սարքավորումների վիճակն ու սարքին լինելը.

բ) հաշվառելով ընդունել ձերբակալվածներին, դեմքով իմանալ նրանց, փախուստի, հարձակման, ինքնասպանության հակում ունեցող անձանց նկատմամբ սահմանել խիստ հսկողություն.

գ) ոչ մի դեպքում չթողնել պահակակետը, քանի դեռ այն չի հերթափոխվել.

դ) աչալրջորեն կատարել ծառայողական պարտականությունները, իրականացնել խցերում ձերբակալվածների մշտական հսկողություն դռան դիտանցքի միջոցով, անաղմուկ շարժվելով միջանցքում, խստորեն և ճշգրտորեն պահպանել նրանց հսկման և խցերից դուրսբերման կանոնները.

ե) ձերբակալվածների կողմից ՁՊՎ-ի ներքին կանոնակարգի պահանջները խախտելու դեպքում պահանջել (դռան օդանցքից) խախտման դադարեցում, չենթարկվելու դեպքում պահակակետ կանչել հերթապահին (օգնականին) կամ ղեկավարությանը.

զ) փախուստ կամ փախուստի փորձ հայտնաբերելու դեպքում տագնապի ազդանշան տալ, պահակակետ կանչել հերթապահին (օգնականին), ձեռնարկելով պահակակետը թողնելու հետ չկապված անհրաժեշտ միջոցներ.

է) ձերբակալվածի ինքնասպանության փորձի դեպքում մինչ հերթապահի (օգնականի) պահակակետ հասնելը տալ տագնապի ազդանշան, կազմակերպել այն կասեցնելու գործողություն‚ ցույց տալ առաջին բուժօգնություն.

ը) խցից կանչի դեպքում պարզաբանել (դռան օդանցքից) դրա պատճառները և պատասխանել ձերբակալվածին հետաքրքրող հարցերին, չշեղվել պարտականությունների կատարումից, եթե այն կապված է այլ միջոցներ ձեռնարկելու անհրաժեշտության հետ, որի մասին զեկուցել հերթապահին (օգնականին).

թ) գիշերային ժամերին հետևել ձերբակալվածների խցերի լուսավորության անխափանությանը.

ժ) զեկուցել հերթապահին (օգնականին) ձերբակալվածների վարքի հսկողության արդյունքների մասին.

ժա) պատրաստ լինել գործելու արտակարգ իրավիճակների դեպքերում, կարողանալ օգտվել կապի, ազդանշանային և հրդեհաշիջման միջոցներից:

13.11. Զբոսաբակում ձերբակալվածների հսկման պահակետայինը 14.9 կետում թվարկված պարտականություններից զատ պարտավոր է՝

ա) պահակակետն ընդունելուց առաջ ստուգել ցանկապատային կառույցների (սարքավորումների) սարքինությունը, համոզվել այդ տարածքում այն առարկաների բացակայության մեջ, որոնք կարող են կիրառվել հարձակման համար կամ փախուստի դեպքում.

բ) ուշադիր հետևել ձերբակալվածների վարքին զբոսանքի ժամանակ, թույլ չտալ նրանց կողմից զբոսաբակի ցանկապատներից դուրս նետել առարկաներ, սննդամթերք, գրություններ, նամակներ, ինչպես նաև կողմնակի անձանց հետ խոսակցություններ վարել, նման խախտման դեպքեր նկատելիս, զբոսանքը վաղաժամկետ դադարեցնել:

13.12. Արտաքին պահակակետի պահակետայինը պարտավոր է ՝

ա) մշտապես հսկել պատուհանները, տանիքները, ՁՊՎ-ի շենքի պատերը և ցանկապատային սարքավորումները.

բ) թույլ չտալ հսկման հաստատված սահմանից այն կողմ ձերբակալվածների անցումը և ՁՊՎ-ի տարածք կամ շենք կողմնակի անձանց մուտքը.

գ) հսկման հաստատված սահմանից այն կողմ ձերբակալվածների և ՁՊՎ-ի տարածք կամ շենք կողմնակի անձանց ներթափանցման փորձի դեպքում տալ տագնապի ազդանշան ու ձեռնարկել միջոցներ այդ գործողությունները կասեցնելու ուղղությամբ.

դ) ցանկապատային սարքերի, հսկող ազդանշանային համակարգի, պատուհանավանդակների և շրջանակների, պատերի, տանիքի վնասվածքներ հայտնաբերելու, իրեր կամ գրություններ շպրտելու ու աղմուկ լսելու դեպքերում անհապաղ զեկուցել հերթապահին (օգնականին).

ե) ՁՊՎ-ի տեղակայման շրջանում հասարակական կարգը խախտելու դեպքում ձեռնարկել դրանք կանխելու միջոցառումներ և միաժամանակ այդ մասին զեկուցել հերթապահին.

զ) արգելել բոլորի մուտքը պահակակետ բացի վերադաս անձանցից.

է) պահակակետում ունենալ լիցքավորված և գործադրմանը պատրաստ զենք այն ձեռքից վայր չդնել և ոչ ոքի չտալ, այդ թվում՝ այն անձանց, որոնց ենթակա է:

13.13. ՁՊՎ-ի պահակետայիններին արգելվում է՝

ա) ծառայությունն իրականացնելիս ինքնակամ թողնել պահակակետը, քնել, նստել, կարդալ, սնվել‚ ծառայողական անհրաժեշտություն չունեցող խոսակցությունների մեջ մտնել ձերբակալվածների հետ.

բ) ձերբակալվածներին հանձնել կամ նրանցից ընդունել որևէ առարկաներ, իրեր, գրություններ, ինչպես նաև դրանք օգտագործել ծառայական նպատակով:

13.14. Արտատարն անմիջականորեն ենթարկվում է հերթապահին (օգնականին):

Նա պարտավոր է՝

ա) հերթապահի (օգնականի) կարգադրությամբ ուղեկցել ձերբակալվածներին քննչական առանձնասենյակներ, տեսակցության սենյակներ, բուժաշխատողի մոտ և ՁՊՎ-ի այլ տարածքներ: ՁՊՎ-ի խցերից ձերբակալվածներին դուրս բերել միայն կարգախմբի այլ ծառայողների հետ համատեղ.

բ) անցկացնել ձերբակալվածների անձնական խուզարկություն, խցերից յուրաքանչյուր դուրսբերման կամ նրանց խցերը տեղավորման ժամանակ:

Առգրավել նրանց մոտ հայտնաբերված առարկաները և իրերը, որոնք կարող են օգտագործվել հարձակման կամ փախուստի ժամանակ, ինչպես նաև որևէ այլ անձանց հետ տեղեկատվության փոխանակման համար: Հերթապահին (օգնականին) զեկուցել ՁՊՎ-ի տարածքների սարքավորումների թերությունների և պահնորդա-ազդանշանային համակարգի, հակահրդեհային ահազանգման, լուսավորության և կապի միջոցների անսարքության մասին.

գ) հսկողություն իրականացնել ձերբակալվածների վարքի նկատմամբ զբոսանքի, սանիտարական մշակման կամ բժշկական զննության ժամանակ,

դ) մշտապես գտնվել քննչական առանձնասենյակի մոտ այնտեղ քննչական գործողություններ կատարելու ընթացքում.

ե) մասնակցել մերձավոր ազգականների հետ ձերբակալվածի տեսակցությանը.

զ) տեսակցության սենյակի դիտանցքից տեսողական հսկողություն սահմանել ձերբակալվածի և պաշտպանի տեսակցության ընթացքում.

է) փախուստի և պահակախմբի վրա հարձակման դեպքում գործել համապատասխան անձնակազմի հաշվարկի արտակարգ պատահարների դեպքում նախատեսված կարգով:

 

14. ԱՐՏԱԿԱՐԳ ԻՐԱՎԻՃԱԿՈՒՄ ՁՊՎ-Ի ՎԱՐՉԱԿԱԶՄԻ ԳՈՐԾՈՂՈՒԹՅՈՒՆՆԵՐԸ

 

14.1. ՁՊՎ-ի վարչակազմի կամ այլ անձանց վրա ձերբակալվածների հարձակման դեպքում ձեռնարկվում են ինքնապաշտպանական ակտիվ միջոցներ, տրվում է համապատասխան ազդանշան (ձայնով, տագնապի ազդանշանի հաղորդիչով, հեռախոսով):

14.2. ՁՊՎ-ի պետը (հերթապահը), եղած ուժերի միջոցով կազմակերպում է հարձակման չեզոքացումը, ձերբակալվածներին տեղավորում է մենախցերում:

14.3. Եթե հարձակումը վտանգավոր բնույթ է ընդունում (հարձակվողներին հաջողվում է բացել հարևան խցերը, ներթափանցել ՁՊՎ-ի այլ տարածքներ, խլել զենքը և այլն), այդ մասին անհապաղ տեղեկացվում է ոստիկանության մարմնի պետին կամ հերթապահին, որը պարտավոր է՝

ա) գնահատել իրավիճակը և որոշում կայացնել ոստիկանության լրացուցիչ կարգախումբ ՁՊՎ ուղարկելու մասին.

բ) ուժեղացնել ՁՊՎ-ի ներքին և արտաքին հսկողությունը.

գ) կատարվածի մասին զեկուցել վերադասության կարգով.

դ) անձամբ ղեկավարել ոստիկանության ծառայողների գործողությունները

ե) մեկուսացնել հարձակման կազմակերպիչներին և ակտիվ մասնակիցներին:

14.4. ՁՊՎ-ի վրա դրսից հարձակվելու դեպքում ՁՊՎ-ի պետը (հերթապահը) անհապաղ տեղեկացնում է ոստիկանության մարմնի պետին և մինչև օգնության հասնելը ղեկավարում է ՁՊՎ-ի պաշտպանությունը: Հեռախոսակապի վնասման դեպքում այդ մասին տեղեկությունը տրվում է ռադիոկապով կամ սուրհանդակի միջոցով:

14.5. ՁՊՎ-ում ֆիզիկական ուժ, հատուկ միջոցներ և հրազեն գործադրելու պայմանները և կարգը սահմանվում են «Ձերբակալված և կալանավորված անձանց պահելու մասին» Հայաստանի Հանրապետության օրենքով:

 

15. ՓԱԽՈՒՍՏԻ ԺԱՄԱՆԱԿ

 

15.1. Փախուստ է համարվում ՁՊՎ-ի վարչակազմի կամ ուղեկցող պահակախմբի կողմից ձերբակալվածի համար սահմանված վայրը ինքնակամ լքելը, պահպանվող սահմանը՝ ցանկացած ձևով անցնելու միջոցով:

15.2. Պահպանվող սահմաններն են ՁՊՎ-ի պատերը, առաստաղը, հատակը, պատուհանները, մենախցերի և այլ սենյակների դռները, ինչպես նաև զբոսաբակի և հսկիչ անցագրային կետի պարիսպները:

15.3. Փախուստը համարվում է կանխված, երբ դրան նախապատրաստվելը ժամանակին հայտնաբերվում է և ձեռնարկվում են կանխարգելիչ բնույթի միջոցներ: Կասեցված, երբ փախուստի փորձը կարգախմբի համապատասխան գործողությունների արդյունքում հասցված չէ ավարտին: Չեզոքացված, երբ փախչողը բռնված է կամ ներկայացել է մեղայականով:

15.4. ՁՊՎ-ի կարգախումբը (պահակային, արտատար) ձերբակալվածների փախուստի փորձի կամ փախուստի ժամանակ տալիս է համապատասխան ազդականչ (ձայնով, տագնապի ազդանշանի հաղորդիչով, հեռախոսով) և ելնելով իրավիճակից ձեռնարկում է փախուստը կասեցնելու միջոցներ, եթե այն կապված չէ այլ ձերբակալվածների առանց հսկողության թողնելու հետ: Ստանալով փախուստի փորձի կամ փախուստի մասին տեղեկություն՝ ՁՊՎ-ի պետը (հերթապահը) դադարեցնում է ձերբակալված անձանց ցանկացած շարժ ու պատահածի մասին զեկուցում է ոստիկանության մարմնի պետին, կազմակերպում է փախուստի փորձի կասեցում կամ փախչողի(ների) ձերբակալում:

15.5. Հայտնաբերված փախուստի դեպքում ՁՊՎ-ի պետը (հերթապահը) պարզում է փախչողների անձը և անհապաղ տեղեկացնում է ոստիկանության մարմնի պետին, հերթապահին, որոնք պարտավոր են՝

ա) տագնապով հավաքել ոստիկանության մարմնի ողջ անձնակազմը և ձեռնարկել համապատասխան միջոցառումներ «տաք» հետքերով նրանց ձերբակալելու ուղղությամբ,

բ) վերադասության կարգով զեկուցել փախուստի մասին,

գ) կատարվածի մասին իրազեկել քրեական վարույթն իրականացնող մարմնին:

 

16. ՀՐԴԵՀԻ ԴԵՊՔՈՒՄ

 

16.1. ՁՊՎ-ի վարչակազմը պարտավոր է իմանալ և պահպանել հակահրդեհային անվտանգության կանոնները, կարողանալ օգտվել հրդեհաշիջման միջոցներից: ՁՊՎ-ում հակահրդեհային անվտանգության պատասխանատվությունը դրվում է պետի վրա, որը պարտավոր է՝

ա) անձամբ անցկացնել հրահանգավորումներ հակահրդեհային անվտանգության և հրդեհաշիջման միջոցներ կիրառելու ուղղությամբ,

բ) իրականացնել հրդեհաշիջման միջոցների սարքինության ու պատշաճ պահպանության, ինչպես նաև ջրամատակարարման աղբյուրների և հակահրդեհային ազդանշանային միջոցների մշտական հսկողություն:

Անսարք և հակահրդեհային պահանջներին չհամապատասխանող էլեկտրատաքացուցիչներից, տաքացնող ու լուսավորող սարքերից օգտվելը ՁՊՎ-ում արգելվում է: Հակահրդեհային անվտանգության կանոնների իմացությունը և կրակմարիչներից օգտվելու ունակությունը ներառվում է կարգախմբերի ծառայությունը ստուգելու ժամանակ պարզաբանման ենթակա հարցերի ցանկի մեջ:

16.2. ՁՊՎ-ի կարգախմբի պահակետայինը (արտատարը, այլ ծառայողը), ՁՊՎ-ի սենյակներում կամ տարածքում հրդեհ հայտնաբերելիս պարտավոր է անհապաղ ահազանգել (ձայնով, տագնապի ազդանշանի հաղորդիչով, հեռախոսով), իսկ Հայաստանի Հանրապետության կառավարությանն առընթեր Արտակարգ իրավիճակների վարչության հրշեջ ծառայության (այսուհետ՝ հրշեջ ծառայություն) հետ հատուկ կապի առկայության դեպքում՝ սեղմել հրշեջ խմբի կանչի կոճակը և մինչև նրա տեղ հասնելը հրդեհը վերացնելու միջոցներ ձեռնարկել, օգտագործելով եղած հրդեհաշիջման միջոցները:

16.3. Ոստիկանության մարմնի հերթապահը հրշեջ ծառայության հետ հատուկ կապի բացակայության դեպքում հեռախոսով կանչում է հրշեջ խումբ, ոստիկանության մարմնի պետին զեկուցում է իրավիճակը և առկա ուժերով ու միջոցներով կազմակերպում է հրդեհաշիջումը, մարդկանց, փաստաթղթերի, գույքի փրկումը, տուժածներին բուժօգնության ցուցաբերումը: Ուժեղացնում է ՁՊՎ-ի անցագրային ռեժիմը, մուտքի իրավունք վերապահելով միայն ոստիկանության լրացուցիչ կարգախմբերին, հրշեջներին և բուժաշխատողներին:

Հրդեհի ուժգնությունից ելնելով ոստիկանության մարմնի պետը որոշում է կայացնում ձերբակալվածներին անվտանգ գոտում մեկուսացնելու մասին, իսկ անհրաժեշտության դեպքում տեղափոխում է մոտակա ՁՊՎ:

 

17. ԲՆԱԿԱՆ ԵՎ ՏԵԽՆԱԾԻՆ ԱՂԵՏՆԵՐԻ ԴԵՊՔՈՒՄ

 

17.1. Երկրաշարժի դեպքում ՁՊՎ-ի վարչակազմը պարտավոր է անհապաղ դուրս գալ ծառայության:

Հերթապահ կարգախումբը պարզում է ավերածությունների բնույթն ու ծավալը, տուժածների քանակը և խցերում ձերբակալվածների հետագա պահման հնարավորությունը, որի մասին զեկուցում է ՁՊՎ-ի պետին: Ավերածությունների առկայության դեպքում պահակետայինները (արտատարները) ձեռնամուխ են լինում փախուստները կանխելուն, ձերբակալվածներին անվտանգ գոտի տեղափոխելուն, տուժածներին անհետաձգելի բուժօգնություն ցուցաբերելուն, հրդեհի օջախները վերացնելուն, ջրամատակարարման վնասված աղբյուրները փակելուն:

17.2. ՁՊՎ-ի պետը‚ պարզելով իրավիճակը‚ ձերբակալվածների հսկողությունն ապահովելու նպատակով տալիս է անհրաժեշտ կարգադրություններ, կապ է հաստատում ոստիկանության մարմնի պետի (հերթապահի) հետ և հետագայում կատարում է նրա բոլոր ցուցումները:

17.3. Ջրհեղեղի ժամանակ ՁՊՎ-ի հեղեղման սպառնալիքի դեպքում ձերբակալվածների հսկողությունն իրականացվում է սույն կանոնակարգի 18.1 և 18.2 կետերի պահանջներին համապատասխան:

17.4. Երկրաշարժի և ջրհեղեղի ենթարկված տարածքներից ՁՊՎ-ի ձերբակալվածների տարահանումը իրականացվում է տարածքային կառավարման մարմինների հետ համաձայնեցված՝ Հայաստանի Հանրապետության ոստիկանության կողմից սահմանված միջոցառումների համապատասխան պլանների համաձայն:

17.5. ՁՊՎ-ում կյանքի և առողջության համար վտանգավոր պայթուցիկ, ռադիոակտիվ և այլ նյութեր հայտնաբերելու դեպքում ձերբակալվածները տեղափոխվում են անվտանգ գոտի:

Վտանգավոր գոտին նշվում է հատուկ ցուցանակներով և նշանակվում է պահակակետ:

Ձեռնարկված միջոցների մասին զեկուցվում է ոստիկանության մարմնի պետին: Վնասազերծողների տեղ հասնելուն պես ՁՊՎ-ի պետը (հերթապահը), պահակախմբի պետը (ավագը) գործում են նրանց ցուցումների համաձայն:

 

18. ՁՊՎ-ՈՒՄ ԿԱՆԱՆՑ ԵՎ ԱՆՉԱՓԱՀԱՍՆԵՐԻՆ ՊԱՀԵԼՈՒ ՊԱՅՄԱՆՆԵՐԻ ԱՌԱՆՁՆԱՀԱՏԿՈՒԹՅՈՒՆՆԵՐԸ

 

18.1. Կին և անչափահաս ձերբակալվածները պետք է անջատ պահվեն այլ ձերբակալվածներից: Նրանց համար նախատեսվում են առանձնացված մասնաբաժիններ:

18.2. Կանանց և անչափահասների համար ստեղծվում են բարելավված նյութակենցաղային պայմաններ, հատկացվում է լրացուցիչ անվճար սնունդ, տրամադրվում է 2 ժամից ոչ պակաս զբոսանք: Ընդ որում, զբոսաբակերում պայմաններ են ստեղծվում մարմնամարզությամբ զբաղվելու համար:

 

19. ՁՊՎ-ՈՒՄ ՊԱՀՎՈՂ ՁԵՐԲԱԿԱԼՎԱԾՆԵՐԻ ՆՅՈՒԹԱԿԱՆ ՊԱՏԱՍԽԱՆԱՏՎՈՒԹՅՈՒՆԸ

 

19.1. Ձերբակալվածները նյութական պատասխանատվություն են կրում ՁՊՎ-ում գտնվելու ընթացքում պետությանը, ֆիզիկական անձանց հասցված նյութական վնասի համար՝ Հայաստանի Հանրապետության օրենսդրությամբ սահմանված կարգով:

19.2. Ձերբակալվածի փախուստի կամ առողջությանը դիտավորությամբ պատճառված վնասի բուժման համար ՁՊՎ-ի կողմից կատարված ծախսերը հատուցվում են ձերբակալվածի կողմից:

Ձերբակալվածների կողմից ՁՊՎ-ին հասցված նյութական վնասը գանձվում է օրենսդրությամբ սահմանված կարգով:

19.3. Ձերբակալվածի մոտ դրամի բացակայության դեպքում, ինչպես նաև այն դեպքերում, երբ վնասը հատուցված է մասնակիորեն՝ վնասի հատուցման որոշումն ուղարկվում է կալանավորվածներին պահելու վայր (քրեակատարողական հիմնարկ):

Ձերբակալվածներին արգելանքից ազատելու դեպքում նրա կողմից չհատուցված նյութական վնասը գանձվում է դատական կարգով:

19.4. Ձերբակալվածին ՁՊՎ վարչակազմի մեղքով հասցված նյութական վնասը հատուցվում է օրենսդրությամբ սահմանված կարգով:

 

20. ՔՆՆՉԱԿԱՆ ԳՈՐԾՈՂՈՒԹՅՈՒՆՆԵՐԻՆ ՁԵՐԲԱԿԱԼՎԱԾՆԵՐԻ ՄԱՍՆԱԿՑՈՒԹՅՈՒՆՆ ԱՊԱՀՈՎԵԼԸ

 

20.1. ՁՊՎ-ի վարչակազմը պարտավոր է քննիչի, հետաքննություն կատարող անձի, դատախազի, դատարանի (դատավորի) կողմից ներկայացված համապատասխան փաստաթղթի հիման վրա ապահովել՝

ա) հարցաքննության կամ այլ քննչական գործողություններին մասնակցելու համար ձերբակալվածի դուրս բերումը մենախցից ժամը 10.00-18.00, օրենքով սահմանված բացառիկ դեպքերում՝ նաև այլ ժամերին

բ) քննչական գործողություններ, դատահոգեբուժական և այլ փորձաքննություններ անցկացնելու համար ՁՊՎ-ում համապատասխան տարածքներ կամ սենյակներ տրամադրելը:

20.2. Ձերբակալվածի յուրաքանչյուր դուրս բերումը մենախցից կատարվում է ոստիկանության մարմնի հերթապահի կամ ՁՊՎ-ի պետի գիտությամբ: Այդ մասին համապատասխան գրանցամատյանում նշվում են ձերբակալված անձի տվյալները, երբ է մենախցից դուրս բերվել և երբ վերադարձվել (հավելված 9):

 

21. ՁՊՎ-ՈՒՄ ՊԱՀՎՈՂ ՁԵՐԲԱԿԱԼՎԱԾՆԵՐԻ ԲՈՒԺՍԱՆԻՏԱՐԱԿԱՆ ՕԳՆՈՒԹՅՈՒՆԸ ԵՎ ՀԱԿԱՀԱՄԱՃԱՐԱԿԱՅԻՆ ՊԱՅՄԱՆՆԵՐԻ ԱՊԱՀՈՎՈՒՄԸ

 

21.1. ՁՊՎ-ում պահվող ձերբակալվածներին առաջին բուժօգնությունը ցույց է տրվում ՁՊՎ-ի բուժաշխատողի կամ Հայաստանի Հանրապետության առողջապահության նախարարության շտապ օգնության մասնագիտացված ծառայության կողմից:

21.2. ՁՊՎ-ում հակահամաճարակային հսկողությունը պայմանագրային հիմունքներով իրականացվում է Հայաստանի Հանրապետության ոստիկանության բժշկական հաստատության կամ պետական հակահամաճարակային մարմինների կողմից:

21.3. ՁՊՎ-ում չի թույլատրվում պահել հոգեկան սուր, վարակիչ և մասնագիտական բուժօգնության կարիք ունեցող ձերբակալվածներին: Նշված անձինք ՁՊՎ-ի բուժաշխատողի կամ շտապ բուժօգնության բժշկի գրավոր եզրակացությամբ և դրա հիման վրա ոստիկանության մարմնի պետի որոշմամբ փոխադրվում են հատուկ մասնագիտացված կամ քաղաքացիական բուժհաստատություն:

21.4. Ձերբակալվածին բժշկի կողմից նշանակված դեղորայքը պահվում է հերթապահի մոտ և ընդունվում է հիվանդների կողմից միայն նրա ներկայությամբ: Յուրաքանչյուր ՁՊՎ-ում պետք է լինի բազմատեսականի դեղորայքով դեղարկղ: Դեղորայքի կազմը դեղարկղում որոշվում է Հայաստանի Հանրապետության ոստիկանության բժշկական հաստատության կողմից և համալրվում է օգտագործման չափով:

21.5. Վնասվածք ստացած, ինքնասպանության փորձ կատարած (կախվելու, երակները կտրելու միջոցով և այլ) ձերբակալվածներին ՁՊՎ-ի ծառայողների կողմից ցուցաբերվում է առաջին բուժօգնություն:

21.6. ՁՊՎ բերված անձինք սանիտարական մշակման ենթարկվում են ախտահանման սենյակում: Ոջլոտություն (պեդիկուլյոզ) հայտնաբերելու դեպքում ՁՊՎ վարչակազմը այդ մասին անհապաղ տեղեկացնում է պետական սանիտարահամաճարակային ծառայությանը:

21.7. ՁՊՎ-ում ամեն օր անց է կացվում մենախցերի և այլ սենյակների խոնավ մաքրում` օգտագործելով աղտահանող միջոցներ, իսկ սննդի տաքացման սենյակում՝ սննդի յուրաքանչյուր բաժանելուց հետո: ՁՊՎ-ի բոլոր սենյակներում և մենախցերում անց է կացվում հիմնական մաքրում ոչ ուշ, քան ամիսը մեկ անգամ:

21.8. Ձերբակալվածներին սնունդը բաժանվում է ՁՊՎ-ի հերթապահ վերակարգի կողմից: Ձերբակալվածները սնունդը ընդունում են մենախցերում: Սպասքի լվացումը և մշակումը իրականացվում է լվացող ու աղտահանող միջոցների պարտադիր օգտագործմամբ սննդի տաքացման համար նախատեսված սենյակում:

21.9. ՁՊՎ սննդի տաքացման համար նախատեսված սենյակում պետք է լինի փակվող կափարիչով եռացրած ջրով բաք, որը ըստ պահանջարկի բաշխվում է մենախցերին մետաղյա գավաթներով անհատական՝ ամեն ձերբակալվածին առանձին:

21.10. ՁՊՎ սանիտարական վիճակի նկատմամբ հսկողությունն իրականացվում է Հայաստանի Հանրապետության ոստիկանության բժշկական հաստատության և պետական սանիտարահամաճարակային հսկողության մարմինների կողմից:

 

22. ՁԵՐԲԱԿԱԼՎԱԾՆԵՐԻՆ ՁՊՎ-ԻՑ ԱԶԱՏԵԼՈՒ ՀԻՄՔԵՐԸ ԵՎ ԿԱՐԳԸ

 

22.1. Ձերբակալվածներին ՁՊՎ-ից ազատելու հիմքերն են.

ա) քննիչի, հետաքննության մարմնի կամ դատախազի որոշումը.

բ) ոստիկանության մարմնի պետի որոշումը՝ արգելանքի տակ պահելու օրենքով սահմանված առավելագույն ժամկետը լրանալու կապակցությամբ ձերբակալվածին ազատ արձակելու վերաբերյալ (հավելված 16).

22.2. Ձերբակալվածին ՁՊՎ-ից ազատում է ոստիկանության մարմնի պետը (ՁՊՎ-ի պետը)՝ քննիչի, հետաքննության մարմնի կամ դատախազի համապատասխան որոշումը ստանալուն պես:

Արգելանքի տակ պահելու օրենսդրությամբ սահմանված առավելագույն ժամկետը լրանալուց 24 ժամ առաջ ոստիկանության մարմնի պետը ծանուցագրով (հավելված 15) իրազեկում է վարույթն իրականացնող մարմնին, իսկ ժամկետը լրանալու օրը համապատասխան որոշում չստանալու դեպքում՝ սեփական որոշմամբ (հավելված 16) ձերբակալվածին ազատում է արգելանքից:

22.3. Արգելանքից ազատված ձերբակալվածին հանձնում են անձնական փաստաթղթերը, թանկարժեք իրերը, դրամը, ինչպես նաև նրան արգելանքի տակ պահվելու ժամկետի և ազատման հիմքերի վերաբերյալ տեղեկանք (հավելված 17): ՁՊՎ-ի վարչակազմը արգելանքից ազատված ձերբակալվածին աջակցում է բնակության վայր հասնելու հարցում:

Արգելանքի տակ գտնվող անձանց ազատում է ոստիկանության մարմնի պետը կամ նրան փոխարինող անձը: Ձերբակալվածները արգելանքից ազատվելիս Հայաստանի Հանրապետության տարածքում ապահովվում են մինչև իրենց բնակության վայր անվճար ուղևորությամբ:

22.4. Առողջական վիճակի պատճառով խնամքի կարիք ունեցող անձանց և անչափահասներին արգելանքից ազատելիս ՁՊՎ-ի վարչակազմն ազատման մասին նախօրոք հայտնում է նրանց մերձավոր ազգականներին կամ այլ անձանց: Մերձավոր ազգականներ չունենալու դեպքում անհրաժեշտ օգնությունը ցույց է տալիս տվյալ հիմնարկի վարչակազմը: ՁՊՎ-ի ծառայողի ուղեկցությամբ անձը ուղարկվում է բնակության վայր:

22.5. Ձերբակալվածի ազատման մասին որոշումը ստանալու դեպքում ՁՊՎ-ի վարչակազմը պարտավոր է այն անհապաղ իրականացնել և այդ մասին նշում կատարել գրանցամատյանում (հավելված 1) և անհատական քարտում (հավելված 18):

 

Հավելված 1 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Գ Ր Ա Ն Ց Ա Մ Ա Տ Յ Ա Ն

 

ՁՊՎ-ում պահվող անձանց հաշվառման

 

N	Ա.Ա.Հ.	Ծննդյան թիվը	Բնա- կության վայրը	Ում կողմից է ձերբակալվել	ՁՊՎ ընդունելու հիմքերը	Ձերբակալման ամսաթիվը և ժամանակը	Նախկին դատվա- ծությունը	Նշումներ ձերբակալվածի տեղաշարժի մասին	ՁՊՎ-ից ազատելու հիմքը, ամսաթիվը, ժամը
1	2	3	4	5	6	7	8	9	10

 

Հավելված 2 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Ա Ր Ձ Ա Ն Ա Գ Ր ՈՒ Թ Յ ՈՒ Ն

 

Ձերբակալվածի անձնական խուզարկության ԵՎ նրա մոտ գտնվող իրերի զննության վերաբերյալ

 

________________________________________

արձանագրություն կազմողի պաշտոնը, կոչումը, Ա. Ա.Հ.

 

___ ________ 200  թ.        ժամ ______          վայրը __________

________________________________________________________

ՁՊՎ-ի անվանումը

 

Հրավիրված ընթերակաների ներկայությամբ.

1. _________________________________________________________

Ա. Ա.Հ., բնակության վայրը

2. _________________________________________________________

որոնց պարզաբանվել է իրենց իրավունքները և պարտականությունները, կատարեցի անձնական

խուզարկություն

___________________________________________________________

ձերբակալվածի ազգանունը

Ձերբակալվել է հանցագործություն կատարելու կասկածանքով _________________

ինչպես նաև նրա մոտ գտնվող իրերի զննություն:

Խուզարկվողը հագնված է __________________________________________

թվարկել հագուստը և կոշիկները

__________________________________________________________

__________________________________________________________

 

Արդյունքները

 

Խուզարկության և զննության ընթացքում հայտնաբերվել և առգրավվել է ________

__________________________________________________________

նշել առգրավված իրերի ցանկը, առարկաները, փաստաթղթերը և

__________________________________________________________

արժեքավոր իրերը՝ նկարագրելով դրանց անհատական հատկանիշները

__________________________________________________________

Խուզարկության և զննության ընթացքում արված հայտարարությունները և դիտողությունները

__________________________________________________________

խուզարկողի և ընթերակաների

__________________________________________________________

__________________________________________________________

 

հակառակ կողմը

 

Արձանագրությունը ընթերցված է, գրված է ճիշտ                             ______________

ստորագրություն

Ընթերականեր

1. ________________________________________________________

2. ________________________________________________________

Ձերբակալվածը _______________________________________________

Խուզարկությունը, զննությունը և արձանագրությունը կազմող անձինք

_________________________________________________________

_________________________________________________________

Խուզարկության և զննության ընթացքում առգրավված առարկաները, իրերը, փաստաթղթերը

և արժեքները _______________________________________________

նշել որոնք են

________________________________________________________

հանձնվել են վարույթն իրականացնող մարմնին, ոչնչացվել են, ձերբակալվածի խնդրանքով

________________________________________________________

փոխանցվել են ազգականներին, հանձնվել են պահպանության, կտրոնի համարը

_______________________

արձանագրություն կազմողի ստորագրությունը

 

Պահպանության ընդունված դրամի և այլ արժեքների կտրոնի պատճենը, ինչպես նաև

խուզարկության և զննության ընթացքում հայտնաբերված, թույլատրված առարկաները,

իրերը, փաստաթղթերը ստացա ______________________________

________________________________________________________

նշել որոնք են

________________________________________________________

________________________________________________________

 

___ ________ 200 թ.	_________________
	ձերբակալվածի ստորագրությունը

 

 

Արձանագրությունը կազմվում է 2 օրինակից. 1 կցվում է  

ձերբակալվածի անձնական գործին, 2՝ պահվում է առգրավված

առարկաների, փաստաթղթերի և արժեքների հետ       

 

Հավելված 3 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Ուղարկող ոստ. մարմին
Ազգանուն (օրիորդական ազգանուն)
Անուն					նույնացման հաստատում
Հայրանուն
Սեռը			Ծննդյան թիվը
Ծննդյան վայրը
Քաղաքացիությունը

 

ՄԱՏՆԱՀԵՏՔԵՐ

 

1. Աջ բութ	2. Աջ ցուցամատ	3. Աջ միջնամատ	4. Աջ մատնեմատ	5. Աջ ճկույթ
6. Ձախ բութ	7. Ձախ ցուցամատ	8. Ձախ միջնամատ	9. Ձախ մատնեմատ	10. Ձախ ճկույթ

 

ՄԻԱԺԱՄԱՆԱԿՅԱ ՄԱՏՆԱՀԵՏՔԵՐ

 

Ձախ ձեռքի 4 մատների միաժամանակյա մատնահետքեր	2 բութ մատեր		Աջ ձեռքի 4 մատների միաժամանակյա մատնահետքեր
	ձախ	աջ
Դրոշմակնիք Պատճեն	Մատնահետքերի վերցման տարեթիվը
	Մատնահետքերի վերցման վայրը

 

Հավելված 4 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Ց Ա Ն Կ

 

Սննդամթերքի, իրերի ԵՎ առարկաների, որոնք ձերբակալված անձինք կարող են ունենալ իրենց մոտ կամ ստանալ հանձնուքով

 

ա) Սննդամթերք, ներառյալ՝ մսեղեն, ձկնեղեն, երշիկեղեն, շաքար, թեյ, ճարպ, պաքսիմատ, խնձոր, սխտոր, սոխ, հաց, հացամթերք, մեղր, կարտոֆիլ, հյութեր, կոնֆետներ, թխվածքաբլիթներ, բացի տաքացման անհրաժեշտություն ունեցողներից, շուտ փչացող կամ պիտանելիության ժամկետը լրացածներից, խմորիչներից, ոգելից խմիչքներից և գարեջրից:

բ) Ծխախոտ, լուցկի:

գ) Մեկ կոմպլեկտ սեզոնային հագուստ՝ առանց գոտիների, տաբատակալների և փողկապի, գլխարկ, կոշիկ՝ առանց կոշկաքուղերի:

դ) Մեկ կոմպլեկտ սպորտային համազգեստ կամ տնային խալաթ:

ե) Ներքնաշորեր (երկու կոմպլեկտից ոչ ավելի), գուլպա, զուգագուլպա (երկու զույգից ոչ ավելի):

զ) Ձեռնոցներ (մեկ զույգ):

է) Թաշկինակներ:

ը) Հողաթափեր:

թ) Անձնական հիգիենայի պարագաներ (տնտեսական և ձեռքի օճառ, հեղուկ օճառ, քսուքներ, ատամի խոզանակ, ատամի մածուկ, պլաստմասից օճառամաններ, սանր, սափրվելու պարագաներ):

ժ) Օպտիկական ակնոցներ:

ժա) Գլխաշոր, բրդյա գուլպաներ, կրծկալներ, մարլյա, վազելին, բամբակ, կանացի միջադիրներ, դիմահարդարման պարագաներ (կանանց համար):

ժբ) Հենակներ, ձեռնափայտեր (փայտյա) պրոթեզներ (բժշկի թույլտվությամբ):

ժգ) Ճիլոպ կամ սպունգ:

ժդ) Գրիչ, մատիտ:

ժե) Գրելու թուղթ, տետրակներ, փոստային ծրարներ, բացիկներ, նամականիշներ:

ժզ ) Հիգիենիկ թուղթ:

ժէ) Մեկ կոմպլեկտ անկողնային սպիտակեղեն (երկու սավան և բարձի երես), սրբիչ:

ժը) Գրականություն (ուսուցանող, կրոնական, պարբերական հրատարակչություն) հինգ անվանումից ոչ ավելի:

ժթ) Լուսանկարներ (երկուսից ոչ ավելի):

ժժ) ՁՊՎ-ի բժշկի կողմից նշանակված դեղորայք:

Բացի թվարկվածից ձերբակալված անձանց թույլատրվում է իրենց մոտ ունենալ և պահել քրեական վարույթին կամ իրենց օրինական իրավունքներին վերաբերող փաստաթղթեր և գրություններ, ինչպես նաև պահպանության հանձնված դրամի, արժեքների, փաստաթղթերի և այլ առարկաների կտրոններ:

Ձերբակալված անձինք սափրման պարագաներից օգտվում են ՁՊՎ-ի աշխատակցի հսկողությամբ:

 

Հավելված 5 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

	__________________________ ոստիկանության մարմնի անվանումը
	Պետի ______________________ Ա.Ա.
Անձնական հաշվում առկա է	N __________ մենախցի ձերբակալված
_____________ դրամ	__________________________ Ա. Ա. Հ.
Հաշվապահ __________________ ___ __________ 200 թ.

 

Դ Ի Մ ՈՒ Մ

 

Խնդրում եմ թույլատրել ձեռք բերել սննդամթերք և առաջին անհրաժեշտության հետևյալ առարկաներն ու իրերը.

 

N	Սննդամթերքի կամ իրերի անվանումը	Ինչքան է պետք ձեռք բերել	Բացթողնված գումարը (դրամ, լումա)
1	2	3	4

 

Ընդամենը ________________

 

Ձերբակալվածը լրացնում է միայն 2 և 3 սյունակները:

 

Ստացա ______________________________________ դրամի արժողությամբ

գումարը տառերով

սննդամթերք և առաջին անհրաժեշտության իրեր, այդ գումարը խնդրում եմ դուրս գրել իմ

անձնական հաշվից

 

___ ________ 200 թ.	___________________
	ձերբակալվածի ստորագրությունը, Ա.Ա.

 

Հավելված 6 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

«Հաստատում եմ»

________________________

ոստիկանության մարմնի ՁՊՎ-ի լրիվ անվանումը

 

պետ ___________________

կոչումը, Ա.Ա.

_______________

ստորագրություն

 

____ _________ 200  թ.

 

Օ Ր Վ Ա  Կ Ա Ր Գ Ա Ց ՈՒ Ց Ա Կ

 

1. Վերկաց	6.00
2. Հարդարանք և սանիտարական ժամ	6.00-7.00
3. Մարմնամարզություն	7.00-8.00
4. Նախաճաշ	8.00-9.00
5. Ընդունում և հաշվառում	9.00-10.00
6. Ազատ ժամ	10.00-14.00
7. Ճաշ	14.00-15.00
8. Ազատ ժամ (զբոսանք)	15.00-20.00
9. Ընթրիք	20.00-21.00
10. Ազատ ժամ	21.00-22.00
11. Ավարտակոչ	22.00

 

Հավելված 7 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

դրոշմակնիքի

տեղը

 

Ա Ն Ձ Ն Ա Կ Ա Ն  Հ Ա Շ Ի Վ ______

 

Ձերբակալվածի անձնական գումարի շարժի նախահաշվարկ

 

______________________________________________

ձերբակալվածի Ա.Ա.Հ.

 

ծննդյան թիվ ____________

անձնական գործ N ______

 

ֆինանսական մասի պետ _______________________________________

Ա.Ա., ստորագրությունը

 

________________

ձերբակալվածի ստորագրությունը

 

ձերբակալվածի ստորագրությունը հաստատում եմ _________________________

ՁՊՎ-ի, ոստիկանության մարմնի

 

______________________

պետ, հերթապահ, ստորագրությունը

 

N	Ստացման աղբյուրը	Ձերբակալվածի գումարի ծախսի լիմիտը	Ծախսը	Մնացորդը	Ստորագրություն մնացորդը հաստատելու մասին

 

Հավելված 8 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

	__________________________ ոստիկանության մարմնի անվանումը
	_________________________ պետի Ա.Ա.
	_________________________ (դիմողի բնակության վայրը, հասցեն)
	_____________________ բնակիչ __________________________ դիմողի Ա.Ա.
	__________________________ անձնագրի սերիան, համարը, երբ և ում կողմից է տրվել

 

Դ Ի Մ ՈՒ Մ

 

Խնդրում եմ թույլատրել տեսակցել ձերբակալված՝ __________________

___________________________ հետ, տեսակցությանը մասնակցելու են

Ա.Ա.Հ.

1. Հայրը ___________________________________________________

Ա.Ա.Հ., անձնագրի սերիան, համարը, երբ և ում կողմից է տրվել

2. Մայրը ________________________________________________

3. Ամուսինը ______________________________________________

4. Կինը _________________________________________________

5. Քույրը ________________________________________________

6. Եղբայրը _______________________________________________

7. Զավակները _____________________________________________

8. Որդեգրողները ___________________________________________

9. Որդեգրվածները __________________________________________

10. Համամայրը ____________________________________________

11. Համահայրը ____________________________________________

12. Ոչ հարազատ քույր, եղբայր __________________________________

13. Տատը _______________________________________________

14. Պապը _______________________________________________

15. Թոռները _____________________________________________

16. Ամուսնու ծնողները ______________________________________

 

Դիմող՝	_______________	___________
	ստորագրություն	Ա.Ա.

 

____ __________ 200 թ.

 

Հավելված 9 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Գ Ր Ա Ն Ց Ա Մ Ա Տ Յ Ա Ն

 

Ձերբակալվածներին խցերից դուրս բերելու

 

N	Ձերբա- կալվածի Ա.Ա.Հ.	Դուրս բերման նպատակը	Դուրս բերման հիմքը	Դուրս բերման ամսաթիվը և տևողությունը	Դուրս բերողի Ա.Ա.	Ստորա- գրություն
1	2	3	4	5	6	7

 

Հավելված 10 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

	__________________________ ոստիկանության մարմնի անվանումը
	_________________________ պետի Ա.Ա.
	_________________________ դիմողի հասցեն
	_____________________ բնակիչ __________________________ դիմողի Ա.Ա.
	___________________________ անձնագրի սերիան, համարը, երբ և ում կողմից է տրված ___________________________ կապը ձերբակալվածի հետ

 

Դ Ի Մ ՈՒ Մ

 

Խնդրում եմ ընդունեք հանձնուք ձերբակալված ________________________

                                                     Ա.Ա.Հ.

_______________________________ համար

 

Հանձնուքի պարունակությունը

 

N	Սննդամթերքի կամ իրերի անվանումը	Քաշը	Քանակը	Ծանոթություն
1	2	3	4	5

 

Դիմող՝ ________________

(ստորագրությունը)

 

Ընդունեց ______________________________________________

ծառայողի Ա.Ա.Հ., ստորագրությունը

 

Հանձնուքը ստացա_________________________________________

ձերբակալվածի Ա.Ա.Հ., ստորագրությունը

 

___ __________ 200  թ.

 

Հավելված 11 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Գ Ր Ա Ն Ց Ա Մ Ա Տ Յ Ա Ն

 

Հանձնուքների հաշվառման

 

N	Ձերբակալվածի Ա.Ա.Հ.	Հանձնուք բերողի Ա.Ա.Հ.	Հանձնուք բերողի անձնագրի սերիան, համարը, երբ և ում կողմից է տրված	Հանձնուքի քաշը	Հանձնուքը ստանալու ամսաթիվը	Հանձնուքը ընդունողի պաշտոնը, կոչումը Ա.Ա.Հ	Հերթապահի ստորագր.
1	2	3	4	5	6	7	8

 

Հավելված 12 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Գ Ր Ա Ն Ց Ա Մ Ա Տ Յ Ա Ն

 

Ձերբակալված անձանց բուժզննության կամ բուժօգնության

 

N	Ձերբա- կալվածի Ա.Ա.Հ.	Տարիքը	Բուժզննության կամ առաջին բուժօգնության ամսաթիվը	Գան- գատներ	Բուժզննության պահին հայտնաբերված հիվանդությունները	Առաջին բուժ-օգնության բնույթը, ձեռնարկված միջոցները	Բուժաշխատողի Ա.Ա.Հ., ստորա- գրությունը
1	2	3	4	5	6	7	8

 

Հավելված 13 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Ձ Պ Վ - Ի  Տ Ե Խ Ն Ի Կ Ա Կ Ա Ն  Ա Ն Ձ Ն Ա Գ Ի Ր

 

___________________________________

ոստիկանության մարմնի անվանումը

 

1. Կառուցման տարեթիվը _________, տիպային նախագիծը ___________________

2. Մենախցերի քանակը _________, տեղերի լիմիտը _________, քննչական սենյակների

___________, տեսակցության սենյակների քանակը ______________, զբոսաբակի

տարածքը (մ²)____________, սանթողարկարանների առկայությունը ____________,

սննդի տաքացման սենյակների քանակը __________, պահեստների ______________,

խուզարկության և զննության սենյակների ___________, ծառայողական սենյակների

առկայությունը _________________________________

3. Ջեռուցումը __________________________________________________

4. Հակահրդեհային միջոցների առկայությունը _______________________________

5. Դռների և պատուհանների կառուցվածքը ________________________________

6. Պահնորդա-ազդանշանային համակարգի և տեսախցիկների սարքավորման տեսակը և

առկայությունը _______________________________________________

7. Կապի տեսակը ________________________________________________

8. Տեղեկություններ վերակառուցման կապիտալ կամ ընթացիկ վերանորոգման աշխատանքների

մասին ________________________________________________

___________________________________________________________

___________________________________________________________

___________________________________________________________

 

(հավելված 13-ի շարունակությունը)

 

ՁՊՎ-ի սխեմատիկ պլան

 

 

Կազմվում է ՁՊՎ-ի մասշտաբով,

առանձնասենյակների և  

մենախցերի համարներով:

 

(հակառակ կողմը)

 

N	Ստուգողների դիտողությունները և առաջարկությունները	Նշումներ հայտնաբերված թերությունների վերաբերյալ

 

Հավելված 14 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Գ Ր Ա Ն Ց Ա Մ Ա Տ Յ Ա Ն

 

_____________________________________________

ոստիկանության մարմնի անվանումը

 

ՁՊՎ-ի հերթապահության հանձնման-ընդունման

 

N	Օրը, ամիսը, ժամը	Հանձնողի պաշտոնը, կոչումը, Ա.Ա.Հ.	Ստորա- գրություն	Ընդունողի կոչումը, պաշտոնը, Ա.Ա.Հ.	Ստորա- գրություն	Հանձնման-ընդունման արդյունքները
1	2	3	4	5	6	7

 

Սկսված է ___ ____________ 200  թ.

Ավարտված է ___ ____________ 200  թ.

Էջերի քանակը ___________________

Պահման ժամկետը _________________

Հիմքը՝ հրաման ___________________

 

Հավելված 15 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

դրոշմակնիքի

տեղը

	__________________________ ում
	___________________________ քրեական վարույթն իրականացնող մարմնի անվանումը
	_________________________ ղեկավարի կոչումը, Ա.Ա.Հ.
	_________________________

 

Ծ Ա Ն ՈՒ Ց Ա Գ Ի Ր  N ______

 

Սույնով տեղեկացնում եմ Ձեզ, ______________________________________

                         ձերբակալման հիմքը, որոշումը կամ արձանագրությունը

որ համաձայն _________________________ ՁՊՎ-ում ___ __________ 200 թ.

                ոստիկանության մարմնի անվանումը

ժամը _______ -ից արգելանքի տակ պահվում է __________________________

ձերբակալվածի Ա.Ա.Հ.

որին արգելանքի տակ պահելու օրենսդրությամբ սահմանված առավելագույն ժամկետը

լրանում է ___ __________ 200 թ. ժամը _______- ին:

Ձեր կողմից համապատասխան որոշում չներկայացնելու դեպքում օրենսդրությամբ սահմանված կարգով ձերբակալվածը կազատվի արգելանքից:

 

Ծանուցագիր N _________

 

________________________

ոստիկանության մարմնի անվանումը

 

____________________________	______________
պետի կոչումը, Ա.Ա.Հ.	ստորագրությունը

 

___ __________ 200  թ.

 

Հավելված 16 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Ո Ր Ո Շ ՈՒ Մ

 

Ձերբակալվածին արգելանքից ազատելու մասին

 

___ _________ 200  թ.       քաղ. ______________         ժամը _______

Ես ____________________________________________________

ոստիկանության մարմնի անվանումը, պետի կոչումը, Ա.Ա.Հ.

վերանայելով ձերբակալված _________________________________ արգելանքի

Ա.Ա.Հ.

տակ պահելու ժամկետը՝

 

Պ Ա Ր Զ Ե Ց Ի

 

Ձերբակալված ______________________________________________

Ա.Ա.Հ., ոստիկանության մարմնի անվանումը

ՁՊՎ-ում ___________________________________________ պահվում է

ձերբակալման հիմքը, որոշումը կամ արձանագրությունը

___ _________ 200 թ. ժամը _______, որի օրենսդրությամբ սահմանված արգելանքի

տակ պահելու առավելագույն ժամկետը լրացել է ___ ______ 200 թ. ժամը ______,

ինչի մասին ___ _________ 200 թ. թիվ _____ ծանուցագրով իրազեկվել է վարույթն

իրականացնող մարմնին, սակայն մինչ օրս որոշում չի ներկայացվել:

Առաջնորդվելով ՀՀ քրեական դատավարության օրենսգրքի 132 հոդվածով.

 

Ո Ր Ո Շ Ե Ց Ի

 

Ազատել ___________________________________ ՁՊՎ-ից ձերբակալված

                 ոստիկանության մարմնի անվանումը

_________________________________________

                              Ա.Ա.Հ.

Արգելանքի տակ պահելու օրենսդրությամբ սահմանված առավելագույն ժամկետը լրանալու կապակցությամբ:

 

___ _________ 200 թ.	ժամը _______
___________________________ ազատվողի Ա.Ա.Հ.	________________ ստորագրություն
___________________________ ոստիկանության մարմնի անվանումը
___________________________ պետի կոչումը, Ա.Ա.Հ.	________________ ստորագրությունը

 

Հավելված 17 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

դրոշմակնիքի

տեղը

 

Տ Ե Ղ Ե Կ Ա Ն Ք

 

Տրվում է ______________________________________________

Ա.Ա.Հ.

 

այն մասին, որ ___ _________ 200 թ-ից մինչև ___ _________ 200 թ-ը գտնվել է

_______________________________________________ ՁՊՎ-ում

ոստիկանության մարմնի անվանումը

Ազատման հիմքը ____________________________________________

_______________________________________________________

 

___________________________

ոստիկանության մարմնի անվանումը

___________________________	______________
պետի Ա.Ա.Հ.	ստորագրություն

 

___ ___________ 200 թ.

 

Հավելված 18 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

________________________	Ձերբակալվածի անհատական քարտը լրացվում է ձերբակալվածի խոսքերով և ստուգվում է փաստաթղթերով
________________________ ոստիկանության մարմնի անվանումը

 

Ձ Ե Ր Բ Ա Կ Ա Լ Վ Ա Ծ Ի  Ա Ն Հ Ա Տ Ա Կ Ա Ն  Ք Ա Ր Տ

 

N	ՀԱՐՑԵՐ	ՊԱՏԱՍԽԱՆՆԵՐ
1.	Ազգանուն, անուն, հայրանուն
2.	Եթե փոխել է ազգանունը, անունը, հայրանունը, նշել երբ, որտեղ և ինչ պատճառով
3.	Օրը, ամիսը, տարին և ծննդավայրը (գյուղ, ավան, քաղաք, մարզ)
4.	Քաղաքացիությունը (անձնագրի բացակայության դեպքում նշել, թե ինչ փաստաթուղթ է վկայում քաղաքացիության մասին)
5.	Ազգությունը
6.	Ձերբակալվածի մշտական բնակության վայրը (մանրամասը հասցեն)
7.	Կրթությունը	նշել երբ և ինչ ուսումնական հաստատություն է ավարտել
8.	Մասնագիտությունը
9.	Աշխատանքի վայրը և զբաղմունքը

 

10. Կառավարական պարգևները

________________________________________________________

________________________________________________________

________________________________________________________

________________________________________________________

11. Վերաբերմունքը զինվորական ծառայությանը, զինվորական կամ հատուկ կոչումը

________________________________________________________

________________________________________________________

(անհատական քարտի հակառակ կողմը)

________________________________________________________

________________________________________________________

________________________________________________________

12. Նախկինում դատվածությունը ___________________________________

________________________________________________________

________________________________________________________

________________________________________________________

________________________________________________________

________________________________________________________

________________________________________________________

________________________________________________________

13. Մերձավոր ազգականների տվյալները

 

N	Ազգակցական աստիճանը	Ազգանուն, անուն, հայրանուն	Հասցեն, բնակության վայրը	Աշխատանքի վայրը և պաշտոնը
1	2	3	4	5

 

_______________________

ձերբակալվածի ստորագրությունը

 

(անհատական քարտի շարունակությունը)

 

Լուսանկարի տեղը

 

Նշաններ (ընդգծել)

 

ՀԱՍԱԿԸ բարձր (171 սմ բարձր), միջին (161-170 սմ), ցածր (165 սմ կարճ)

 

ՄԱԶԵՐԻ ԳՈՒՅՆԸ շիկահեր, մուգ շիկահեր, խարտյաշ, շագանակագույն, սև, ալեխառն, սպիտակ

 

ԱՉՔԵՐԻ ԳՈՒՅՆԸ երկնագույն, մոխրագույն, կանաչավուն, շագանակագույն, սև

 

_________________________________________________________

լրացնել դաջվածքները, հաշմությունները, վնասվածքները, սպիները, բծերը, ճաղատությունը,

_________________________________________________________

թլպատությունը, կակազությունը և այլ նշաններ

_________________________________________________________

_________________________________________________________

_________________________________________________________

_________________________________________________________

 

Երբ է ձերբակալվել ____ ____________ 200  թ.

Ում կողմից է ձերբակալվել ________________________________________

_________________________________________________________

Ձերբակալման հիմքը ____________________________________________

ձերբակալման արձանագրությունը կամ որոշումը

_________________________________________________________

Քարտը լրացվել է ______________________________________________

ոստիկանության մարմնի անվանումը

Քարտը լրացնող ծառայողի ________________________________________

պաշտոնը, կոչումը, ազգանունը, ստորագրությունը

_________________________________________________________

____ ____________ 200 թ.

 

Հավելված 19 ՀՀ ոստիկանության համակարգի ձերբակալված անձանց պահելու վայրերի ներքին կանոնակարգի

 

Ձ Ե Ր Բ Ա Կ Ա Լ Վ Ա Ծ Ի  Ա Ն Ձ Ն Ա Կ Ա Ն  Գ Ո Ր Ծ  N _____

 

_____________________________________________

ոստիկանության մարմնի անվանումը

 

Ազգանուն ________________________________________________

Անուն __________________________________________________

Հայրանուն ________________________________________________

Ծննդյան թիվը և վայրը ________________________________________

Ձերբակալվել է ___ _____________ 200 թ. ժամը __________

Ձերբակալման հիմքը _________________________________________

_______________________________________________________

_______________________________________________________

Արգելանքի տակ պահելու օրենսդրությամբ սահմանված առավելագույն ժամկետը

լրանալուց հետո ինչ որոշում է կայացվել ___________________________

______________________________________________________

______________________________________________________

______________________________________________________

___ _____________ 200 թ. ժամը _________

 

Ձերբակալվածի շարժի մասին գրառումներ

 

N	Մենախցից դուրս բերման նպատակը	Օրը, ամիսը, տարին	Ժամը (տևողությունը)	Հիմքը	Արտատարի ստորա- գրությունը

 

Ձերբակալվածի անձնական գործում կարվում են

 

1. Անհատական քարտը

2. Տեսակցության դիմումները

3. Հանձնուքի դիմումները

4. Անձնական հաշվի գումարի շարժը

5. Մատնադրոշման տվյալները

6. Խուզարկության արձանագրությունները

7. Ձերբակալվածին վերաբերող այլ փաստաթղթեր

 

Հ Ս Կ Ո Ղ Ա Կ Ա Ն  Թ Ե Ր Թ Ի Կ

 

Ձերբակալվածի անձնական գործի ստուգումների մասին

 

N	Ստուգման ժամանակը	Ստուգողի պաշտոնը, Ա.Ա.Հ. սկզբնատառերը	Ստուգման արդյունքները (թերությունները և առաջարկությունները)	Ստուգողի ստորա- գրությունը

 

Ստորագրություն

 

Ինձ պատկանող անձնական իրերը ու դրամը ամբողջությամբ ստացա, վարչակազմի

նկատմամբ բողոք չունեմ:

 

__________________________

ստացողի ստորագրությունը, Ա.Ա.

 

Գործը բաղկացած է ______ թերթից:

Անձնական գործը կազմողի պաշտոնը, ազգանունը և ստորագրությունը

__________________________________________________

__________________________________________________

 

___ _____________ 200 թ.