Ո Ր Ո Շ ՈՒ Մ

Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Բարձրագույն դատական խորհուրդը

1. Հայաստանի Հանրապետության բարձրագույն դատական խորհրդի 2024 թվականի օգոստոսի 26-ի «Դատավորի գործունեության գնահատման կարգը և ժամկետները, գնահատման համար անհրաժեշտ տվյալների հավաքման կարգը, մեթոդաբանությունը, սանդղակները և գնահատման թերթի ձևը սահմանելու և Բարձրագույն դատական խորհրդի 2020 թվականի օգոստոսի 10-ի թիվ ԲԴԽ-53-Ն-9 որոշումն ուժը կորցրած ճանաչելու մասին» թիվ ԲԴԽ-81-Ն-32 որոշման 1-ին հավելվածի «Դատավորի գործունեության գնահատման իրականացումը» վերտառությամբ գլուխը լրացնել նոր՝ 17.1-ին կետով՝ հետևյալ բովանդակությամբ.

«17.1. Գնահատման թերթը լրացվում է սույն որոշման 3-րդ հավելվածով նախատեսված մեթոդաբանության հիման վրա: Վճռաբեկ դատարանի դատավորի գործունեության գնահատման նկատմամբ կիրառելի են միայն սույն որոշման 3-րդ հավելվածով սահմանված «Մեթոդաբանություն դատավորի գործունեության գնահատման» վերտառությամբ աղյուսակի 2-րդ բաժնի 2.4-րդ գլխով և 3-րդ բաժնով սահմանված չափանիշները և ցուցիչները:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 30 մայիսի 2025 թվական: