ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

N 690-Ա

Հիմք ընդունելով «Կառավարության կառուցվածքի և գործունեության մասին» օրենքի 7-րդ հոդվածի 16-րդ մասը՝

1. Ջրային ոլորտի ռազմավարության մշակման, ոլորտում արձանագրված խնդիրների և դրանցից բխող գործողությունների ծրագիր մշակելու նպատակով ստեղծել միջգերատեսչական աշխատանքային խումբ (այսուհետ՝ աշխատանքային խումբ):

2. Հաստատել միջգերատեսչական աշխատանքային խմբի կազմը` համաձայն N 1 հավելվածի:

3. Հաստատել ջրային ոլորտում արձանագրված խնդիրների նախնական օրակարգային հարցերը՝ համաձայն N 2 հավելվածի:

4. Աշխատանքային խմբի ղեկավարին՝ սույն որոշումն ուժի մեջ մտնելուց հետո եռամսյա ժամկետում Հայաստանի Հանրապետության վարչապետին ներկայացնել անհրաժեշտ գործողությունների ծրագիրը և ժամանակացույցը:

1. Ոլորտը համակարգող փոխվարչապետ (աշխատանքային խմբի ղեկավար)

2. Տարածքային կառավարման և ենթակառուցվածքների նախարար

3. Շրջակա միջավայրի նախարար

4. Էկոնոմիկայի նախարար

Առողջապահության նախարար

5. Հանրային ծառայությունները կարգավորող հանձնաժողովի նախագահ (hամաձայնությամբ)

6. Հանրային ծառայությունները կարգավորող հանձնաժողովի՝ համապատասխան ոլորտը համակարգող անդամ (համաձայնությամբ)

7. Վարչապետի խորհրդական

8. Տարածքային կառավարման և ենթակառուցվածքների նախարարի՝ համապատասխան ոլորտը համակարգող տեղակալ

9. Ներքին գործերի նախարարի՝ համապատասխան ոլորտը համակարգող տեղակալ

10. Շրջակա միջավայրի նախարարի՝ համապատասխան ոլորտը համակարգող տեղակալ

11. Էկոնոմիկայի նախարարի՝ համապատասխան ոլորտը համակարգող տեղակալ

12. Ֆինանսների նախարարի՝ համապատասխան ոլորտը համակարգող տեղակալ

Առողջապահության նախարարի՝ համապատասխան ոլորտը համակարգող տեղակալ

13. Ջրային կոմիտեի նախագահ

14. Երևանի քաղաքապետի՝ համապատասխան ոլորտը համակարգող տեղակալ (համաձայնությամբ)

15. Փոխվարչապետի խորհրդական

16. Ջրային կոմիտեի նախագահի՝ համապատասխան ոլորտը համակարգող տեղակալներ

17. Ջրային կոմիտեի ներկայացուցիչ (աշխատանքային խմբի քարտուղար):

(հավելվածը խմբ. 30.07.24 N 717-Ա, լրաց. 23.08.24 N 764-Ա)

Հայաստանի Հանրապետության կառավարության և «Վեոլիա Ջուր» փակ բաժնետիրական ընկերության հարաբերությունների զարգացման հարցը

Ջրային համակարգի ֆինանսական մեխանիզմների զարգացման հարցը

Ջրային պաշարների կուտակման/ամբարման հետ կապված հարցը

Ջրերի էկոլոգիական վիճակի և կեղտաջրերի մաքրման հարցը

Սևանա լճի խնդիրները

Արարատյան արտեզյան ավազանի խնդիրները

Խմելու և ոռոգման ջրային համակարգում կորուստների խնդիրը (ներառյալ ենթակառուցվածքների հետ կապված խնդիրը)

Ջրերի արդյունավետ օգտագործման հարցը

Ջրերի մոնիթորինգին, ջրային հաշվեկշռին վերաբերող հարցերը

«Կանաչ ջրի» (վերականգնվող էլեկտրաէներգիայի օգտագործմամբ մղվող ջուր) թեման

Գյուղատնտեսական ոռոգելի և անջրդի հողատարածքների ջրապահանջարկի վերանայում՝ ըստ մշակաբույսերի

Ջրերի վնասակար ներգործության ռիսկերի կառավարում և դրանց հետևանքով առաջացած արտակարգ իրավիճակների կանխում