«ՀԱՐԿԱՅԻՆ ԵՎ ՄԱՔՍԱՅԻՆ ՀԱՆՑԱԳՈՐԾՈՒԹՅՈՒՆՆԵՐԻ ՎԵՐԱԲԵՐՅԱԼ ԻՐԱԿԱՆԱՑՎՈՂ ՆԱԽԱՔՆՆՈՒԹՅԱՆ ՄԱՍԻՆ» ՁԵՎ 1-ՆԱԽԱՔՆՆՈՒԹՅՈՒՆ (ԵՌԱՄՍՅԱԿԱՅԻՆ, ԱՃՈՂԱԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ՁԵՎԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2020 ԹՎԱԿԱՆԻ ՓԵՏՐՎԱՐԻ 27-Ի ԹԻՎ 08-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Հարկային և մաքսային հանցագործությունների վերաբերյալ իրականացվող նախաքննության մասին» Ձև 1-ՆԱԽԱՔՆՆՈՒԹՅՈՒՆ (եռամսյակային, աճողական) վիճակագրական ամփոփ հաշվետվության ձևը՝ համաձայն հավելվածի:

2. Ուժը կորցրած ճանաչել Հայաստանի Հանրապետության վիճակագրության պետական խորհրդի 2020 թվականի փետրվարի 27-ի «Հարկային և մաքսային մարմիններում հետաքննությամբ ընթացք տրված նյութերի շարժի մասին» Ձև 1-ՀԵՏԱՔՆՆՈՒԹՅՈՒՆ (եռամսյակային) վիճակագրական ամփոփ հաշվետվության ձևը հաստատելու և Հայաստանի Հանրապետության վիճակագրության պետական խորհրդի 2005 թվականի նոյեմբերի 25-ի թիվ 33-Ն որոշումն ուժը կորցրած ճանաչելու մասին» թիվ 08-Ն որոշումը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Ցուցանիշները լրացվում են 2021 թվականի մայիսի 5-ին ընդունված Հայաստանի Հանրապետության քրեական օրենսգրքի 255-րդ, 259-րդ, 267-րդ, 277-րդ, 281-րդ, 284-րդ, 285-292-րդ, 296-րդ, 340-րդ, 383-րդ, 384-րդ, 399-րդ, 409-րդ, 410-րդ, 456-րդ, 457-րդ հոդվածներով նախատեսված հանցագործությունների վերաբերյալ: ՀՀ քրեական օրենսգրքի 255-րդ, 259-րդ, 456-րդ, 457-րդ հոդվածներով իրականացված վարույթների վերաբերյալ ցուցանիշները լրացվում են, եթե այդ վարույթները կապված են հարկային և մաքսային հանցագործությունների հետ:

Պաշտոնական հրապարակման օրը՝ 17 հուլիսի 2023 թվական: