1.

Ծրագրի նպատակը

Ծրագրի նպատակն է նպաստել Հայաստանի Հանրապետության Շիրակի մարզում տնտեսական, սոցիալական և բնապահպանական իրավիճակի բարելավմանը:

2.

Ծրագրի բարեգործական որակման

նպատակը

Ծրագրի շրջանակներում օգտվել Հայաստանի հանրապետության հարկերի, տուրքերի և պարտադիր վճարների գծով օրենքով սահմանված արտոնություններից:

3.

Բարեգործը

1. Գերմանիայի Դաշնային Հանրապետությունը ի դեմս Գերմանիայի Դաշնային Հանրապետության տնտեսական համագործակցության և զարգացման նախարարության/ հասցե՝ Գերմանիա, քաղ. Բեռլին 10963, Ստրեսեմանշտրասե 94

2. Կարիտաս Գերմանիա/ հասցե՝ Գերմանիա, ք. Ֆրայբուրգ, Կարլշտրասե 40

4.

Ծրագիրը կատարողը

«Հայկական Կարիտաս» բարեսիրական հասարակական կազմակերպություն Հասցե` քաղ. Գյումրի, Հ. Սարգսյան փ., 3-րդ նրբանցք, տուն 8

ՀՎՀՀ՝ 05514397

5.

Ծրագրի իրականացման վայրը և բնագավառը

Վայրը՝ Հայաստանի Հանրապետություն, Շիրակի մարզ` քաղ. Գյումրի և 5 խոշորացված համայնք (Ախուրյան, Ամասիա, Աշոցք, Արթիկ և Անի), բնագավառը՝ համայնքային զարգացում

6.

Ծրագրի բյուջեն

Ծրագրի ընդհանուր բյուջեն կազմում է 331,302 /երեք հարյուր երեսուն մեկ հազար երեք հարյուր երկու/ եվրոյին համարժեք դրամ։

7.

Բարեգործությունն ստացողը

1. 200 սոցիալապես անապահով ընտանիք (1,000 անձ) /Հայաստանի Հանրապետության Շիրակի մարզի չգազաֆիկացված համայնքներ/ (արևային համակարգերի տեղադրում):

2. 2 համայնքապատկան կառույց (300 հոգի) /Հայաստանի Հանրապետության Շիրակի մարզի չգազաֆիկացված համայնքներ/ (արևային ֆոտովոլտային համակարգերի տեղադրում):

3. 110 սոցիալապես անապահով ընտանիք (550 անձ) /Հայաստանի Հանրապետության Շիրակի մարզի չգազաֆիկացված համայնքներ/ (ջերմամեկուսացման աշխատանքների իրականացում):

4. 50 երիտասարդ և մեծահասակ /Հայաստանի Հանրապետության Շիրակի մարզ/ (մասնագիտական արևային համակարգերի տեղադրման կարճաժամկետ դասընթացներ):

5. 4,000 աշակերտ Հայաստանի Հանրապետության Շիրակի մարզի թիրախ համայնքների դպրոցներից (բնապահպանության և վերականգնվող էներգիայի վերաբերյալ իրազեկվածության բարձրացում):

6. Հայաստանի Հանրապետության Շիրակի մարզի ընդհանուր բնակչություն (իրազեկվածության բարձրացում՝ կլիմայի փոփոխության և շրջակա միջավայրի պահպանության, վերականգնվող էներգիայի և էներգախնայողության վերաբերյալ) մեդիա արշավների միջոցով:

8.

Ծրագրի իրականացման տևողությունը

Սկիզբը՝ 07.04.2023 թվական

Ավարտը՝ 31.07.2024 թվական

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Միջոցառումներ՝ ուղղված ծրագրի ակնկալվող արդյունքների իրականացման համար՝

1. Հայաստանի Հանրապետության Շիրակի մարզի չգազաֆիկացված թիրախ համայնքներում սոցիալապես անապահով ընտանիքների սոցիալ-տնտեսական վիճակի բարելավում, համայնքապատկան կառույցների ընթացիկ ծախսերի և ածխածնային հետքի կրճատում՝ արևային համակարգերի տեղադրման միջոցով - 179,274 եվրոյին համարժեք դրամ։

2. Հայաստանի Հանրապետության Շիրակի մարզի չգազաֆիկացված համայնքներում սոցիալապես անապահով ընտանիքների էներգաարդյունավետության բարձրացում՝ ջերմամեկուսացման և էներգախնայողությանը նպաստող գործողությունների միջոցով - 54,000 եվրոյին համարժեք դրամ։

3. Հայաստանի Հանրապետության Շիրակի մարզում երիտասարդների և մեծահասակների կարողությունների զարգացում և իրազեկվածության բարձրացում բնապահպանության, վերականգնվող էներգիայի և էներգոարդյունավետության վերաբերյալ՝ դասընթացների, հանդիպումների, տեղական միջոցառումների միջոցով – 15,310 եվրոյին համարժեք դրամ:

4. Հայաստանի Հանրապետության Շիրակի մարզի բնակչության իրազեկվածության բարձրացում կլիմայի փոփոխության, շրջակա միջավայրի հիմնախնդիրների, ածխածնային հետքի, վերականգնվող էներգիայի մասին՝ մեդիա արշավների, ֆլեշ մոբերի, տպագրական նյութերի միջոցով – 16,913 եվրոյին համարժեք դրամ:

5. Կազմակերպական ծախսեր – 65,805 եվրոյին համարժեք դրամ

Ընդամենը՝ 331,302 եվրոյին համարժեք դրամ

Ծրագրի ընդհանուր արժեքը կազմում է 331,302 եվրոյին
համարժեք դրամ։

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. Արևային թերմոսիֆոն և ֆոտովոլտային համակարգերի ձեռքբերում, տեղադրում, տեղադրման ամրությանը նպաստող նյութեր ձեռքբերում – 158,754 եվրոյին համարժեք դրամ։

2. Ջերմամեկուսացման և էներգախնայողության աշխատանքների համար նյութերի և պարագաների (ջերմամեկուսացիչ նյութեր, հանքային բամբակ, պատուհաններ և այլն) ձեռքբերում, տեղադրում - 54,000 եվրոյին համարժեք դրամ:

3. Իրազեկման բարձրացմանն ուղղված նյութերի տպագրություն (թերթոններ, բուկլետներ, պաստառներ), սոցիալական կարճ հոլովակների պատրաստում, մեդիա արշավների կազմակերպում - 15,050 եվրոյին համարժեք դրամ:

4. Աուդիտ - 6,000 եվրոյին համարժեք դրամ:

5. Կոմունալ ծառայությունների ձեռքբերում, միջոցառումների և վերապատրաստում- ների համար համայնքներում շահագործվող ավտոմեքենայի վառելանյութի և պահեստա- մասերի ձեռքբերում, գրասենյակային պարագաների ձեռքբերում և այլ գրասենյակային ծառայությունների ձեռքբերում - 26,050 եվրոյին համարժեք դրամ:

Ընդամենը՝ 259,854 եվրոյին համարժեք դրամ։

11.

Ծրագրի իրականացման հետ կապված կազմակերպական ծախսերը

1. Աշխատավարձ - 33, 755 եվրոյին համարժեք դրամ:

2. Կոմունալ ծախսեր, միջոցառումների և վերապատրաստումների համար: համայնքներում շահագործվող ավտոմեքենայի վառելանյութի, պահեստամասերի ծախսեր, գրասենյակային պարագաների ձեռքբերում և այլ գրասենյակային ծախսեր - 26,050 եվրոյին համարժեք դրամ:

3. Աուդիտ – 6,000 եվրոյին համարժեք դրամ:

Կազմակերպական ծախսերը կազմում են՝ 65,805 եվրոյին համարժեք դրամ:

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Անմիջական համագործակցություն կիրականացվի Կրթության, գիտության, մշակույթի և սպորտի նախարարության, Հայաստանի Հանրապետության Շիրակի մարզպետի աշխատակազմի, խոշորացված համայնքների տեղական ինքնակառավարման մարմինների ներկայացուցիչների հետ, ինչպես նաև, Հայաստանի Հանրապետության Շիրակի մարզպետի աշխատակազմի կրթության, մշակույթի և սպորտի վարչության, Հայաստանի Հանրապետության Շիրակի մարզի հանրակրթական դպրոցների և մասնագիտական կրթական հաստատությունների, «Կանաչ տեխնոլոգիաների հայկական կենտրոն» հիմնադրամի և այլ շահագրգիռ կազմակերպությունների հետ։

13.

Ծրագրի արդյունավետության նկատմամբ վերահսկողության մեխանիզմների նկարագրությունը

1. Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված կարգով սահմանված տեղեկությունների ներկայացում լիազորված մարմնին:

2. Ծրագրի իրականացման վերահսկողությունը կրելու է պարբերական բնույթ և կատարվելու է Գերմանիայի Դաշնային Հանրապետության տնտեսական համագործակցության եւ զարգացման նախարարության, Կարիտաս Գերմանիայի կազմակերպության և «Հայկական Կարիտաս» բարեսիրական հասարակական կազմակերպության Վարչական Խորհրդի կողմից: