ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
23 նոյեմբերի 2020 թվականի |
թիվ 110 |
քաղ. Մինսկ |
«ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԳԱԶԻ ԸՆԴՀԱՆՈՒՐ ՇՈՒԿԱՅԻ ՁԵՎԱՎՈՐՄԱՆ ԵՐԿՐՈՐԴ ՓՈՒԼԻՆ ԱՆՑՈՒՄ ԿԱՏԱՐԵԼՈՒ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՐԴԻ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ
Եվրասիական տնտեսական հանձնաժողովի խորհուրդը որոշեց.
1. Հավանություն տալ «Եվրասիական տնտեսական միության գազի ընդհանուր շուկայի ձևավորման երկրորդ փուլին անցում կատարելու մասին» Եվրասիական տնտեսական բարձրագույն խորհրդի որոշման նախագծին (կցվում է), և այն ներկայացնել Եվրասիական տնտեսական բարձրագույն խորհրդի քննարկմանը։
2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից` |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից` |
Ռուսաստանի Դաշնությունից՝ |
|
|
|
|
|
|
|
Մ. Գրիգորյան |
Ի. Պետրիշենկո |
Ա. Սմայիլով |
Ա. Նովիկով |
Ա. Օվերչուկ |
ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՈՒՐԴ
Ո Ր Ո Շ ՈՒ Մ
|
« » ի 20 թվականի |
թիվ |
քաղ. |
ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԳԱԶԻ ԸՆԴՀԱՆՈՒՐ ՇՈՒԿԱՅԻ ՁԵՎԱՎՈՐՄԱՆ ԵՐԿՐՈՐԴ ՓՈՒԼԻՆ ԱՆՑՈՒՄ ԿԱՏԱՐԵԼՈՒ ՄԱՍԻՆ
«Եվրասիական տնտեսական միության մասին» 2014 թվականի մայիսի 29-ի պայմանագրի 83-րդ և 104-րդ հոդվածներին համապատասխան, և Եվրասիական տնտեսական բարձրագույն խորհրդի 2018 թվականի դեկտեմբերի 6-ի թիվ 18 որոշումն իրագործելու նպատակով՝ Եվրասիական տնտեսական բարձրագույն խորհուրդը որոշեց.
1. Եվրասիական տնտեսական միության անդամ պետություններին (այսուհետ համապատասխանաբար՝ Միություն, անդամ պետություններ) Եվրասիական տնտեսական հանձնաժողովի հետ համատեղ.
ա) ապահովել Միության գազի ընդհանուր շուկայի ձևավորման առաջին փուլի միջոցառումների իրականացման ավարտը, այդ թվում՝
գազափոխադրման համակարգերի ազատ հզորությունների մասին տեղեկատվության բացահայտման հասանելիության ու ամբողջականության ապահովում.
անդամ պետությունների տարածքներում տեղակայված գազափոխադրման համակարգերի հասանելիության միասնական կանոնների մշակում և համաձայնեցում.
լիազորված մարմինների կողմից համաձայնեցված՝ գազի բորսային առևտրի իրականացման կարգի հաստատում.
բ) անցում կատարել Միության գազի ընդհանուր շուկայի ձևավորման երկրորդ փուլին, որի շրջանակներում անհրաժեշտ է՝
նպաստել անդամ պետությունների համար խորհրդատվությունների անցկացմանը երրորդ պետություններ գազի փոխադրման և մատակարարման հարցերով՝ մատակարարման այն ուղղություններով, որոնցում անդամ պետությունները մրցակցում են կամ կարող են մրցակցել միմյանց հետ.
անդամ պետությունների տարածքում գազի մատակարարման նպատակներով մշակել Միության գազի ընդհանուր շուկայում ձեռք բերված գազի՝ երրորդ պետություններ վերավաճառքը կանխող մեխանիզմներ.
մշակել Միության գազի ընդհանուր շուկան կարգավորող, երրորդ պետությունների տարածքում առաջացող գազի նկատմամբ ակտերի կիրառումը կանխող մեխանիզմներ.
նախապատրաստել Միության գազի ընդհանուր շուկայի ձևավորման մասին միջազգային պայմանագրի նախագիծ.
գ) իրականացնել Միության գազի ընդհանուր շուկայի ձևավորման երկրորդ փուլի այլ միջոցառումների իրագործումը՝ Միության գազի ընդհանուր շուկայի ձևավորման առաջին փուլի միջոցառումներն իրագործելուց հետո։
2. Սույն որոշումն ուժի մեջ է մտնում դրա պաշտոնական հրապարակման օրվանից։
Եվրասիական միջկառավարական խորհրդի անդամներ՝
|
Հայաստանի Հանրապետությունից՝ |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից՝ |
Ռուսաստանի Դաշնությունից՝ |
Պաշտոնական հրապարակման օրը՝ 22 հունիսի 2022 թվական:
