ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2001 ԹՎԱԿԱՆԻ ՀՈՒԼԻՍԻ 20-Ի ՆՀ-896 ՀՐԱՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

«Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասի համաձայն և Տեղեկատվական տեխնոլոգիաների զարգացմանն աջակցող խորհրդի աշխատանքների արդյունավետությունն ապահովելու նպատակով որոշում եմ.

1. Հայաստանի Հանրապետության Նախագահի 2001 թվականի հուլիսի 20-ի «Տեղեկատվական տեխնոլոգիաների զարգացմանն աջակցող խորհուրդ ստեղծելու մասին» ՆՀ-896 հրամանագրի 1-ին կետով հաստատված`

1) Տեղեկատվական տեխնոլոգիաների զարգացմանն աջակցող խորհրդի կազմում «Ինն անդամ տեղեկատվական տեխնոլոգիաների բնագավառի կազմակերպությունների ներկայացուցիչների ցուցակից» բառերը փոխարինել «Տասնհինգ անդամ տեղեկատվական տեխնոլոգիաների բնագավառի կազմակերպությունների ներկայացուցիչների ցուցակից» բառերով.

2) Տեղեկատվական տեխնոլոգիաների զարգացմանն աջակցող խորհրդում ռոտացիոն կարգով ընդգրկվող ներկայացուցիչների ցուցակում`

ա. «Օրանժ Արմենիա» փակ բաժնետիրական ընկերության գլխավոր տնօրեն» բառերից հետո լրացնել հետևյալ բառերը`

«Այքան Քոմունիքեյշնս» փակ բաժնետիրական ընկերության գործադիր տնօրեն

«Յուքոմ» սահմանափակ պատասխանատվությամբ ընկերության տնօրեն

«Սմարտ-Տեխ» սահմանափակ պատասխանատվությամբ ընկերության գլխավոր տնօրեն

«ՋիԷնՍի-Ալֆա» փակ բաժնետիրական ընկերության գլխավոր տնօրեն»:

բ. «Ալգորիթմ-Սերվիս» փակ բաժնետիրական ընկերության գործադիր տնօրեն», «Լայքս» փակ բաժնետիրական ընկերության գործադիր տնօրեն», «ԳԻՍ» տեղեկատվական համակարգ» սահմանափակ պատասխանատվությամբ ընկերության գլխավոր տնօրեն» բառերը հանել:

2. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից: