ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

3 դեկտեմբերի 2015 թվականի N 1409-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2015 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ԴԵԿՏԵՄԲԵՐԻ 18-Ի N 1515-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ԵՎ ԳՆՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին և 23-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.

1. «Հայաստանի Հանրապետության 2015 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2014 թվականի դեկտեմբերի 18-ի «Հայաստանի Հանրապետության 2015 թվականի պետական բյուջեի կատարումն ապահովող միջոցառումների մասին» N 1515-Ն որոշման NN 5, 11 և 12 հավելվածներում կատարել փոփոխություններ և լրացումներ՝ համաձայն NN 1, 2 և 3 հավելվածների:

2. Հայաստանի Հանրապետության Վայոց ձորի մարզի «Վայքի բուժական միավորում» փակ բաժնետիրական ընկերության համար բժշկական սարքավորումներ ձեռք բերելու նպատակով Հայաստանի Հանրապետության առողջապահության նախարարությանը հատկացնել 11.000,0 հազ. դրամ՝ Հայաստանի Հանրապետության 2015 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Այլ մեքենաներ և սարքավորումներ» հոդվածով):

3. Սահմանել, որ Հայաստանի Հանրապետության առողջապահության նախարարությունը սույն որոշման 2-րդ կետով նախատեսված ապրանքների գնումն իրականացնելու է բանակցային ընթացակարգ կիրառելու միջոցով` առանց գնումների մասին հայտարարությունը նախապես հրապարակելու, «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետով նախատեսված ընթացակարգով:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հավելված N 1 ՀՀ կառավարության 2015 թվականի դեկտեմբերի 3-ի N 1409-Ն որոշման

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2015 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ N 1 ՀԱՎԵԼՎԱԾՈՒՄ ԿԱՏԱՐՎՈՂ ՎԵՐԱԲԱՇԽՈՒՄԸ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ԴԵԿՏԵՄԲԵՐԻ 18-Ի N 1515-Ն ՈՐՈՇՄԱՆ N 5 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

(հազ. դրամ)

Բաժինը	Խումբը	Դասը	Բյուջետային ծախսերի գործառական դասակարգման բաժինների, խմբերի և դասերի, տնտեսագիտական դասակարգման հոդվածների, ֆինանսավորվող ծրագրերի և դրանք իրականացնող մարմինների անվանումները	Ցուցանիշների փոփոխությունը (ավելացումները նշված են դրական նշանով, իսկ նվազեցումները` փակագծերում)
				տարի
			ԸՆԴԱՄԵՆԸ` ԾԱԽՍԵՐ	0.0
			այդ թվում`
07			ԱՌՈՂՋԱՊԱՀՈՒԹՅՈՒՆ	(11,000.0)
			այդ թվում`
	02		Արտահիվանդանոցային ծառայություններ	(11,000.0)
			այդ թվում`
		01	Ընդհանուր բնույթի բժշկական ծառայություններ	(11,000.0)
			այդ թվում`
			01. Բնակչության առողջության առաջնային պահպանման ծառայություններ	(11,000.0)
			ՀՀ առողջապահության նախարարություն	(11,000.0)
			Ընդհանուր բնույթի այլ ծառայություններ	(11,000.0)
11			ՀԻՄՆԱԿԱՆ ԲԱԺԻՆՆԵՐԻՆ ՉԴԱՍՎՈՂ ՊԱՀՈՒՍՏԱՅԻՆ ՖՈՆԴԵՐ	11,000.0
			այդ թվում`
	01		ՀՀ կառավարության և համայնքների պահուստային ֆոնդ	11,000.0
			այդ թվում`
		01	ՀՀ կառավարության պահուստային ֆոնդ	11,000.0
			այդ թվում`
			01. ՀՀ կառավարության պահուստային ֆոնդ	11,000.0
			ՀՀ կառավարություն	11,000.0

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան

Հավելված N 2 ՀՀ կառավարության 2015 թվականի դեկտեմբերի 3-ի N 1409-Ն որոշման

Աղյուսակ N 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ԴԵԿՏԵՄԲԵՐԻ 18-Ի N 1515-Ն ՈՐՈՇՄԱՆ N 11 ՀԱՎԵԼՎԱԾԻ N 11.9 ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ ԵՎ ԼՐԱՑՈՒՄՆԵՐԸ

Չափորոշիչներ					Ցուցանիշների փոփոխությունը (ավելացումները նշված են դրական նշանով, իսկ նվազեցումները` փակագծերում)
					ոչ ֆինանսական ցուցանիշներ	ֆինանսական ցուցանիշներ
					տարի	տարի
ՄԱՍ Գ: Նախարարի պատասխանատվության ներքո իրականացվող քաղաքականության միջոցառումների և ֆինանսական կառավարման արդյունքների ցուցանիշները
1. Քաղաքականության միջոցառումներ
1.1. Ծառայություններ
Ծրագրային դասիչը			Անվանումը Առաջնային (ամբուլատոր-պոլիկլինիկական) բուժօգնության ծրագիր Նկարագրությունը Հանրապետության ամբողջ բնակչության համար հիվանդությունների կանխարգելման, արտահիվանդանոցային բժշկական օգնության և սպասարկման համալիր միջոցառումների իրականացում, սոցիալական նշանակության հատուկ հիվանդություններով տառապող, սոցիալական անապահով և հատուկ խմբերում ընդգրկված անձանց դեղորայքային ապահովում
1099	ԱԾ01
Մատուցվող ծառայության վրա կատարվող ծախսը (հազ. դրամ)					X	(11,000.0)
Ծրագիրը (ծրագրերը), որի (որոնց) շրջանակներում իրականացվում է քաղաքականության միջոցառումը
1099 Առաջնային (ամբուլատոր-պոլիկլինիկական) բուժօգնության ծրագիր
Վերջնական արդյունքի նկարագրությունը
Բնակչության առողջության պահպանում և բարելավում` բուժօգնության և ծառայությունների որակի ու մատչելիության բարձրացման միջոցով
Ծրագրային դասիչը			Ակտիվի անվանումը Վարչական սարքավորումներ Նկարագրությունը ՀՀ Վայոց ձորի մարզում հեմոդիալիզի ծառայության իրականացման համար բժշկական սարքավորումների ձեռքբերում
1099	ԵԿ01
Քանակական			Սարքավորումների թվաքանակ		1
Ակտիվի ընդհանուր արժեքը (հազ. դրամ)					X	11,000.0
Ակտիվն օգտագործող կազմակերպության անվանումը ՀՀ Վայոց ձորի մարզի «Վայքի բուժական միավորում» ՓԲԸ
Ներդրման հիմնավորումը, մասնավորապես, ազդեցությունը կարողությունների վրա`
Քանակական, որակական, ժամկետայնության և այլ չափորոշիչների փոփոխության վրա				Կնպաստի հեմոդիալիզի կարիք ունեցող հիվանդների ժամանակին և որակյալ բուժօգնությունը կազմակերպելուն ըստ բնակավայրի` կրճատելով մարզից Երևան հասնելու և վերադարձի տրանսպորտային ծախսերը և այլ անհարմարություններ:
Ծախսային արդյունավետության բարելավման վրա				Կիրառելի չէ
Ծրագիրը (ծրագրերը), որի (որոնց) շրջանակներում իրականացվում է քաղաքականության միջոցառումը 1099 Առաջնային (ամբուլատոր-պոլիկլինիկական) բուժօգնության ծրագիր
Վերջնական արդյունքի նկարագրությունը Բնակչության առողջության պահպանում, հիվանդությունների արգելակում և հակադարձում, բուժօգնության և ծառայությունների որակի ու մատչելիության բարձրացում

Աղյուսակ N 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ԴԵԿՏԵՄԲԵՐԻ 18-Ի N 1515-Ն ՈՐՈՇՄԱՆ N 11 ՀԱՎԵԼՎԱԾԻ N 12 ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ ԵՎ ԼՐԱՑՈՒՄՆԵՐԸ

ՀՀ առողջապահության նախարարություն
Բաժին 2.
Գերատեսչության կողմից իրականացվող քաղաքականության միջոցառումների ծրագրային խմբավորումը 

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան

Հավելված N 3 ՀՀ կառավարության 2015 թվականի դեկտեմբերի 3-ի N 1409-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ԴԵԿՏԵՄԲԵՐԻ 18-Ի N 1515-Ն ՈՐՈՇՄԱՆ N 12 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ ԵՎ ԼՐԱՑՈՒՄՆԵՐԸ

ՀՀ առողջապահության նախարարություն

Գնման առարկայի				Գնման ձևը (ընթացակարգը)	Չափի միավորը	Միավորի գինը (դրամ)	Քանակը	Ցուցանիշների փոփոխությունը (ավելացումները նշված են դրական նշանով, իսկ նվազեցումները` փակագծերում)(հազ. դրամ)
Միջանցիկ կոդը` ըստ CPV դասակարգման	անվանումը
Բաժին N 07	Խումբ N 02	Դաս N 01	Ընդհանուր բնույթի բժշկական ծառայություններ					(11,000.0)
1. Բնակչության առողջության առաջնային պահպանման ծառայություններ								(11,000.0)
	ՄԱՍ III. ԾԱՌԱՅՈՒԹՅՈՒՆՆԵՐ							(11,000.0)
85121120-1	ամբուլատոր-բժշկական ծառայություններ			ԲԸԱՀ	դրամ			(11,000.0)
Բաժին N 11	Խումբ N 01	Դաս N 01	ՀՀ կառավարության պահուստային ֆոնդ					11,000.0
1. ՀՀ կառավարության պահուստային ֆոնդ								11,000.0
	ՄԱՍ I. ԱՊՐԱՆՔՆԵՐ							11,000.0
33181120/1	դիալիզի զտիչներ (զտիչներ)			ԲԸԱՀ	հատ	11,000,000	1	11,000.0

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան