ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 նոյեմբերի 2013 թվականի N 1283-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ՀՈՒԼԻՍԻ 25-Ի N 856-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2013 թվականի հուլիսի 25-ի «Տեսչություններում կառավարման խորհուրդներ ստեղծելու մասին» N 856-Ն որոշման մեջ կատարել հետևյալ փոփոխությունները`

1) որոշման հավելվածի 8-րդ կետում`

ա. առաջին նախադասությունից հանել «Բողոքարկման հանձնաժողովին» բառերը,

բ. երրորդ նախադասությունը շարադրել հետևյալ խմբագրությամբ.

«Հանձնաժողովը դիմում-բողոքները քննության է առնում և դրանց վերաբերյալ եզրակացություն է տալիս 30 օրվա ընթացքում:»,

գ. չորրորդ նախադասությունում «տեսչության ղեկավարի» բառերը փոխարինել «հանձնաժողովի» բառով,

դ. հինգերորդ նախադասությունը շարադրել հետևյալ խմբագրությամբ.

«Բողոքարկման հանձնաժողովը նիստի ավարտից հետո տալիս է եզրակացություն, որի հիման վրա տեսչության պետը նույն օրն ընդունում է որոշում դիմում-բողոքը բավարարելու կամ մերժելու վերաբերյալ: Հանձնաժողովի եզրակացության մեջ հստակ նշվում է հանձնաժողովի հիմնավորված դիրքորոշումը դիմում-բողոքի բավարարման կամ մերժման վերաբերյալ:».

2) որոշման հավելվածի 17-րդ կետը շարադրել հետևյալ խմբագրությամբ.

«17. Խորհրդի լիազորությունների իրականացմանն ուղղված գործողությունների կատարման ապահովման նպատակով խորհրդի քարտուղարությունն իրականացվում է տեսչության կողմից:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: