«Վավերացնում եմ»

ՀՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. Քոչարյան

7 մայիսի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 մայիսի 2001 թվականի N 390

«ԱՐՄԵՆՊՐԵՍ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՏԱՐԱԾՔ ՀԱՏԿԱՑՆԵԼՈՒ ՄԱՍԻՆ
(Վերնագիրը փոփ. 29.09.11 N 1390-Ա)

Հեռուստատեսության և ռադիոյի ազգային հանձնաժողովի բնականոն գործունեությունն ապահովելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության տրանսպորտի և կապի նախարարությանը`

 ա) ապահովել «Հայփոստ» պետական փակ բաժնետիրական ընկերության Երևանի Սարյան փողոցի N 22 հասցեում գտնվող տարածքի (385,6 քառ. մ ընդհանուր մակերեսով) անհատույց օգտագործման իրավունքով հանձնումը «Արմենպրես» փակ բաժնետիրական ընկերությանը.

բ) 10-օրյա ժամկետում ապահովել «Արմենպրես» փակ բաժնետիրական ընկերության և «Հայփոստ» պետական փակ բաժնետիրական ընկերության միջև սահմանված կարգով գույքի անհատույց օգտագործման պայմանագրի կնքումը և գույքային իրավունքների պետական գրանցումը:

(1-ին կետը փոփ. 12.08.10 N 1370-Ն, 29.09.11 N 1390-Ա))

2. Սույն որոշման 1-ին կետում նշված տարածքի վերանորոգման համար Հեռուստատեսության և ռադիոյի ազգային հանձնաժողովին հատկացնել 18125 հազ. դրամ Հայաստանի Հանրապետության 2001 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

3. Սույն որոշումն ուժի մեջ է մտնում 2001 թվականի մայիսի 7-ից: