«Վավերացնում եմ»
Հայաստանի Հանրապետության
Նախագահ Ռ. Քոչարյան
13 հունիսի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 մայիսի 2007 թվականի N 653-Ա

ՈՐՊԵՍ ՆՎԻՐԱՏՎՈՒԹՅՈՒՆ ԱՎՏՈՄԵՔԵՆԱՆԵՐ ԸՆԴՈՒՆԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 594-րդ հոդվածը և հաշվի առնելով Հայաստանի սոցիալական ներդրումների հիմնադրամի առաջարկությունը` Հայաստանի Հանրապետության կառավարությունը որոշում է.

1. Որպես նվիրատվություն ընդունել Հայաստանի սոցիալական ներդրումների հիմնադրամի սեփականությունը հանդիսացող 3 ավտոմեքենան` համաձայն հավելվածի:

2. Որպես նվիրատվություն ընդունած մեքենաներից 1997 թվականի արտադրության «ԳԱԶ-3102» մակնիշի ավտոմեքենան (շարժիչ` V0201082, թափք` 0060158) նվիրել «Նաիրի» բարեգործական ընկերություն» հասարակական կազմակերպությանը, 2002 թվականի արտադրության «ՎԱԶ-21213» մակնիշի մեկ ավտոմեքենան (շարժիչ` 7056973, թափք` 1663246) ամրացնել Երևանի քաղաքապետարանի ենթակայության «Հրաչյա Ղափլանյանի անվան Երևանի դրամատիկական թատրոն» պետական ոչ առևտրային կազմակերպությանը և 2002 թվականի արտադրության «ՎԱԶ-21213» մակնիշի մեկ ավտոմեքենան (շարժիչ` 7056963, թափք` 1663189) նվիրել «Հաղարծին» երիտասարդական հասարակական կազմակերպությանը:

3. Լիազորել Հայաստանի Հանրապետության կառավարությանն առընթեր պետական գույքի կառավարման վարչության պետին կնքել սույն որոշումից բխող անհրաժեշտ պայմանագրերը:

Ց Ա Ն Կ

ՈՐՊԵՍ ՆՎԻՐԱՏՎՈՒԹՅՈՒՆ ԸՆԴՈՒՆՎՈՂ ԱՎՏՈՄԵՔԵՆԱՆԵՐԻ