«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ 
30 ապրիլի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 ապրիլի 1996 թվականի N 140

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ՄԱՐԶԱՅԻՆ ՏԱՐԱԾՔԱՅԻՆ ՏԵՍՉՈՒԹՅՈՒՆՆԵՐ ՍՏԵՂԾԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կրթության և գիտության նախարարության համակարգում ստեղծել մարզային տարածքային տեսչություններ` նախկին քաղաքային և շրջանային տարածքային տեսչությունների համար նախատեսված 392 հաստիքային միավորի փոխարեն սահմանելով մարզային տարածքային տեսչությունների համար 200 հաստիքային միավոր` համաձայն հավելվածի:

2. Լուծարել Հայաստանի Հանրապետության կրթության և գիտության նախարարության քաղաքային և շրջանային տարածքային տեսչությունները:

3. Հայաստանի Հանրապետության կրթության և գիտության նախարարությանը`

ա) Հայաստանի Հանրապետության սոցիալական ապահովության, զբաղվածության, բնակչության տեղաշարժի և փախստականների հարցերի նախարարության հետ համատեղ մեկամսյա ժամկետում սահմանված կարգով հաստատել Հայաստանի Հանրապետության կրթության և գիտության նախարարության մարզային տարածքային տեսչությունների աշխատողների` ըստ պաշտոնների տարիֆաորակավորման բնութագրերը.

բ) մեկամսյա ժամկետում հաստատել Հայաստանի Հանրապետության կրթության և գիտության նախարարության մարզային տարածքային տեսչությունների կանոնադրությունները:

4. Հայաստանի Հանրապետության ֆինանսների նախարարությանը` Հայաստանի Հանրապետության կրթության և գիտության նախարարության մարզային տարածքային տեսչությունների պահպանման ծախսերը կատարել հանրապետական բյուջեի միջոցների հաշվին:

5. Հայաստանի Հանրապետության էկոնոմիկայի նախարարությանը` Հայաստանի Հանրապետության ֆինանսների նախարարության և Հայաստանի Հանրապետության կրթության և գիտության նախարարության հետ համատեղ մեկամսյա ժամկետում Հայաստանի Հանրապետության վարչապետի հաստատմանը ներկայացնել Հայաստանի Հանրապետության կրթության և գիտության նախարարության մարզային տարածքային տեսչությունների աշխատողների աշխատանքի վարձատրման կարգը:

6. Հայաստանի Հանրապետության մարզպետներին` Հայաստանի Հանրապետության կրթության և գիտության նախարարության մարզային տարածքային տեսչությունների համար ապահովել անհրաժեշտ աշխատանքային պայմաններ:

7. Ուժը կորցրած ճանաչել Հայաստանի Հանրապետության կառավարության 1995 թվականի մայիսի 15-ի «Հայաստանի Հանրապետության լուսավորության նախարարության քաղաքային և շրջանային տարածքային տեսչությունների մասին» N 258 որոշումը:

8. Սույն որոշումն ուժի մեջ է մտնում 1996 թվականի ապրիլի 30-ից:

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ՀԱՄԱԿԱՐԳԻ ՄԱՐԶԱՅԻՆ ՏԱՐԱԾՔԱՅԻՆ ՏԵՍՉՈՒԹՅՈՒՆՆԵՐԻ ԵՎ ՆՐԱՆՑ ՀԱՍՏԻՔԱՅԻՆ ՄԻԱՎՈՐՆԵՐԻ