ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

10 դեկտեմբերի 1991 թվականի N 675

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՐՍՈՐԴՆԵՐԻ ԵՎ ՁԿՆՈՐՍՆԵՐԻ ՄԻՈՒԹՅԱՆԸ ՈՐՍՈՐԴԱԿԱՆ ԶԵՆՔ ԵՎ ԶԻՆԱՄԹԵՐՔ ԱՐՏԱԴՐԵԼՈՒ ԵՎ ՎԱՃԱՌԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Թույլատրել բացառության կարգով Հայաստանի Հանրապետության որսորդների և ձկնորսների միությանը արտադրելու և նորոգելու որսորդական հրազեն, ճայթիչ, վառոդ, պարկուճ և մանրագնդակ, ինչպես նաև ձեռք բերելու և խանութներում վաճառելու որսորդական հարթափող, ակոսավոր հրազեն, վառոդ ու զինամթերք:

2. Հանձնարարել Հայաստանի Հանրապետության ներքին գործերի նախարարությանը` ապահովել Հայաստանի Հանրապետության որսորդների և ձկնորսների միության հրազենի և զինամթերքի արտադրության նկատմամբ հսկողությունը և անվտանգությունը:

Որսորդական հրացանները և զինամթերքը փորձարկելու և սերիական արտադրությունը սկսելու նպատակով կազմել միջգերատեսչական հանձնախումբ:

3. Հանձնարարել Հայաստանի Հանրապետության էկոնոմիկայի նախարարությանը և նյութական ռեսուրսների նախարարությանը` ապահովել Հայաստանի Հանրապետության որսորդների և ձկնորսների միության անհրաժեշտ նյութատեխնիկական մատակարարումը:

4. Հանձնարարել պատգամավորների Երքաղխորհրդի գործկոմին` Հայաստանի Հանրապետության որսորդների և ձկնորսների միությանը հատկացնել շինություններ և տարածքներ` որսորդական հրազենի, որսորդական օպտիկայի արհեստանոցների կազմակերպման և խանութների ստեղծման համար:

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ