108.0111.09.07.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

ՀՀ ԱՇԽԱՏԱՆՔԱՅԻՆ ՕՐԵՆՍԳՐՔԻ 131 ԵՎ 131¹ ՀՈԴՎԱԾՆԵՐԻՑ ԲԽՈՂ ՓԱՍՏԱԹՂԹԵՐԻ ՀԱՍՏԱՏՄԱՆ ՄԱՍԻՆ

Հիմք ընդունելով Հայաստանի Հանրապետության աշխատանքային օրենսգրքի 131 և 131¹ հոդվածները և ելնելով էլեկտրական էներգիայի հաղորդման և բաշխման ոլորտներում դրանց կիրառման անհրաժեշտությունից`

ՀՐԱՄԱՅՈՒՄ ԵՄ.

1. Հաստատել ՀՀ էներգետիկայի համակարգում էլեկտրական էներգիայի հաղորդման և բաշխման ոլորտներում լրիվ նյութական պատասխանատվություն սահմանելու կարգը (կցվում է):

2. Հաստատել էլեկտրական էներգիայի հաղորդման և բաշխման ոլորտներում լրիվ նյութական պատասխանատվության պայմանագրի օրինակելի ձևը (կցվում է):

3. Հաստատել ՀՀ էներգետիկայի համակարգում էլեկտրական էներգիայի հաղորդման և բաշխման ոլորտներում լրիվ նյութական պատասխանատու անձանց հետ կնքվող աշխատանքային պայմանագրի օրինակելի ձևը (կցվում է):

4. Հաստատել ՀՀ էներգետիկայի համակարգում էլեկտրական էներգիայի հաղորդման և բաշխման ոլորտներում լրիվ նյութական պատասխանատու համարվող աշխատողների պաշտոնացանկը (կցվում է):

5. Հաստատել ՀՀ էներգետիկայի համակարգում էլեկտրական էներգիայի հաղորդող և բաշխող ընկերություններում կորուստների վերլուծման (գույքագրման) հանձնաժողովի օրինակելի կանոնակարգը (կցվում է):

6. Սույն հրամանով հաստատված փաստաթղթերը ներկայացնել ՀՀ արդարադատության նախարարություն` պետական գրանցման:

7. Ուժը կորցրած ճանաչել ՀՀ էներգետիկայի նախարարության 06.03.96 թ. N 34-ԳՄ և 21.08.96 թ. N 160-ԳՄ հրամանները:

Կ Ա Ր Գ

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԷԼԵԿՏՐԱԿԱՆ ԷՆԵՐԳԻԱՅԻ ՀԱՂՈՐԴՄԱՆ ԵՎ ԲԱՇԽՄԱՆ ՈԼՈՐՏՆԵՐՈՒՄ ԼՐԻՎ ՆՅՈՒԹԱԿԱՆ ՊԱՏԱՍԽԱՆԱՏՎՈՒԹՅՈՒՆ ՍԱՀՄԱՆԵԼՈՒ

1. Սույն կարգը մշակված է համաձայն ՀՀ աշխատանքային օրենսգրքի 131 և 131¹ հոդվածների` էներգահամակարգի աշխատակիցների նյութական պատասխանատվությունը բարձրացնելու նպատակով:

2. Սույն կարգը սահմանում է էլեկտրական էներգիա հաղորդող և բաշխող տնտեսավարող սուբյեկտների (այսուհետև` էներգամատակարար) նյութական պատասխանատու աշխատակիցների` էլեկտրական էներգիայի ընդունման-հանձնման գործընթացում լրիվ նյութական պատասխանատվության շրջանակները և պայմանները:

3. Սույն կարգում և էլեկտրաէներգիայի հաղորդման ու բաշխման ոլորտներում լրիվ նյութական պատասխանատվության վերաբերյալ բոլոր փաստաթղթերում կիրառվում են հետևյալ հիմնական հասկացությունները.

Դիսկրետ օղակ: Էլեկտրական ցանցի նվազագույն հաշվառվող մաս, որի բոլոր մուտքային և ելքային կետերը կահավորված են հաշվառման սարքերով:

Էլեկտրական ցանցի սպասարկման տեղամաս: Լրիվ նյութական պատասխանատվության պայմանագրով Աշխատողին ամրագրված մեկ կամ մեկից ավելի դիսկրետ օղակներ:

Էլեկտրաէներգիայի քանակ: Հաշվետու ժամանակահատվածում էլեկտրական ցանցի սպասարկման տեղամաս մուտք գործած էլեկտրաէներգիայի մեծությունը, չափված հաշվառման սարքերի (էլեկտրահաշվիչ, հոսանքի և լարման տրանսֆորմատորներ) միջոցով կամ որոշված հաշվարկային եղանակով: Էլեկտրաէներգիայի չափված կորուստ (∆Wչ): Էլեկտրական ցանցի սպասարկման տեղամաս մուտք գործած և դուրս հաղորդված (այդ թվում` բաժանորդներին) էլեկտրաէներգիայի քանակների տարբերություն:

Փաստացի (բնական) կորուստ (∆Wփ): Էլեկտրական ցանցերում տեխնոլոգիական պրոցեսներով և հաշվառքի սարքերի փաստացի սխալանքով պայմանավորված անխուսափելի կորուստ, որի չափը որոշվում է ցանցի մաթեմատիկական մոդելով` հաշվետու ժամանակահատվածում մատակարարված էլեկտրական էներգիայի քանակով և էլեկտրական ցանցի տեխնիկական ու ռեժիմային պարամետրերի փաստացի վիճակի գնահատված արժեքներով, ինչպես նաև իրավական նորմատիվ ակտերի պահանջներին համապատասխանող փաստաթղթերով հիմնավորված կորստի գումարային մեծություն:

Էլեկտրաէներգիայի չհիմնավորված կորուստ (∆Wչհ): Չափված և փաստացի (բնական) կորուստների տարբերությունը:

որտեղ` ∆Wմտ-ը էլեկտրական ցանցի սպասարկման տեղամաս հաշվառքի սարքերի ցուցմունքների համաձայն և /կամ հաշվարկային մեթոդներով որոշված մուտք գործած էլեկտրաէներգիայի քանակն է,

∆Wելք - ը էլեկտրական ցանցի սպասարկման տեղամասից հաշվառքի սարքերի ցուցմունքների համաձայն և /կամ հաշվարկային մեթոդներով որոշված օգտակար առաքված էլեկտրաէներգիան է:

Ապօրինի սպառում: Էլեկտրական էներգիայի սպառումը առանց պայմանագրի, հաշվառման սարքի կողանցումով, առանց հաշվառման սարքի կամ վերջինիս սարքավորման հետ կապված տեխնիկական պայմանների խախտումներով:

Հատուցվող կորուստ: Չհիմնավորված կորստի մաս, որը էներգամատակարարի կորուստների վերլուծման (գույքագրման) հանձնաժողովի ներկայացմամբ և էներգամատակարարի գլխավոր տնօրենի որոշմամբ ենթակա է հատուցման` լրիվ նյութական պատասխանատու անձի կողմից:

(3-րդ կետը լրաց. 09.03.00 N 36-ԴԶ)

4. Էներգամատակարարի գլխավոր տնօրենի հրամանով էլեկտրական ցանցը բաժանվում է սպասարկման տեղամասերի և դրանցից յուրաքանչյուրի համար նշանակվում է լրիվ նյութական պատասխանատվություն կրող անձ:

Այդ անձի հետ կնքվում է սահմանված կարգով հաստատված ձևի լրիվ նյութական պատասխանատվության մասին պայմանագիր:

5. Էներգամատակարարի էլեկտրական ցանցը սպասարկման տեղամասերի (դիսկրետ օղակների) բաժանելիս պետք է ապահովել.

5.1. Էլեկտրական ցանցի տեղամաս (դիսկրետ օղակ) մուտք գործող և տեղամասի (դիսկրետ օղակի) սահմանազատման կետերից դուրս առաքվող էլեկտրական էներգիայի քանակի լիակատար հաշվառման (էլեկտրաէներգիայի հաշվեկշիռ) իրականացումը` հաշվառքի սարքերի և/կամ հաշվարկային մեթոդների միջոցով:

5.2. Էլեկտրական էներգիայի օգտակար առաքման բոլոր ուղղությունների սահմանազատման կետերի համար բաժանորդների հետ կնքված էլեկտրական էներգիայի առուվաճառքի պայմանագրերի առկայությունը:

6. Լրիվ նյութական պատասխանատվություն կրող անձի համար, յուրաքանչյուր հաշվարկային ամսվա վերջում, սահմանված ընթացակարգի համաձայն, կազմվում են նյութական հաշվետվություններ` էներգամատակարարի առանձնացված ստորաբաժանումներում (մասնաճյուղերում):

7. Էներգամատակարարի էլեկտրական ցանցում և նրա սպասարկման տեղամասերում առկա էլեկտրաէներգիայի չափված կորստի և փաստացի (բնական) կորստի չհիմնավորված և հատուցվող կորստի մեծությունների քննարկումը, վերլուծությունը և դրանց վերաբերյալ մասնագիտական եզրակացությունը տալիս է էներգամատակարարի կորուստների վերլուծման (գույքագրման) հանձնաժողովը, որը գործում է սահմանված կարգով հաստատված կանոնակարգի համաձայն: Հանձնաժողովը քննության է առնում`

ա) տեխնոլոգիական պրոցեսներով և հաշվառքի սարքերի սխալանքով պայմանավորված անխուսափելի կորստի մեծությունը,

բ) էլեկտրաէներգիայի չափված կորստի մեծությունը,

գ) իրավական նորմատիվ ակտերի պահանջներին համապատասխանող լրիվ նյութական պատասխանատու անձի կողմից կազմված փաստաթղթերով հիմնավորված կորստի մեծությունը,

դ) լրիվ նյութական պատասխանատու անձի կողմից կորուստների բացահայտման և վերացման ուղղությամբ ձեռնարկված միջոցառումները,

ե) հատուցվող կորստի մեծությունը:

(7-րդ կետը փոփ., լրաց. 09.03.00 N 36-ԴԶ)

8. Հատուցվող կորստի` լրիվ նյութական պատասխանատու անձի կողմից փոխհատուցման որոշումը կայացնում է էներգամատակարարի գլխավոր տնօրենը:

(8-րդ կետը խմբ. 09.03.00 N 36-ԴԶ)

9. Էներգամատակարարների էլեկտրական ցանցի և նրա տեղամասերի (դիսկրետ օղակների) համար տեխնոլոգիական պրոցեսներով և հաշվառքի սարքերի սխալանքով պայմանավորված անխուսափելի կորուստների մեծությունները` հիմք ընդունելով սահմանված կարգով հաստատված մեթոդները, յուրաքանչյուր հաշվարկային ամսվա համար հաշվարկում և էներգամատակարարներին է ներկայացնում ՀՀ էներգետիկայի նախարարության կողմից լիազորված մարմինը:

10. Լրիվ նյութական պատասխանատու անձը, էներգամատակարարի գլխավոր տնօրենի որոշման հիման վրա և կնքված պայմանագրի համաձայն, պարտավոր է փոխհատուցել հատուցվող կորստի մասով էներգամատակարարին հասցված վնասը:

(10-րդ կետը խմբ. 09.03.00 N 36-ԴԶ)

11. Լրիվ նյութական պատասխանատվություն կրող անձի վարձատրությունն իրականացվում է սահմանված կարգով հաստատված աշխատանքային պայմանագրի համաձայն:

12. Լրիվ նյութական պատասխանատվության վերաբերյալ փաստաթղթերի ճիշտ ձևակերպման համար պատասխանատվությունը կրում է էներգամատակարարի գլխավոր տնօրենը և մասնաճյուղի տնօրենը:

(կարգը լրաց., փոփ., խմբ. 09.03.00 N 36-ԴԶ)

Օ Ր Ի Ն Ա Կ Ե Լ Ի   Ձ Ե Վ

Կ Ա Ն Ո Ն Ա Կ Ա Ր Գ

 ԷԼԵԿՏՐԱԷՆԵՐԳԻԱ ՀԱՂՈՐԴՈՂ ԵՎ ԲԱՇԽՈՂ ԸՆԿԵՐՈՒԹՅՈՒՆՆԵՐՈՒՄ ԿՈՐՈՒՍՏՆԵՐԻ ՎԵՐԼՈՒԾՄԱՆ (ԳՈՒՅՔԱԳՐՄԱՆ) ՀԱՆՁՆԱԺՈՂՈՎԻ

1. Ընդհանուր դրույթներ

1. Էլեկտրաէներգիա հաղորդող և բաշխող ընկերություններում (այսուհետ` էներգամատակարար) կորուստների վերլուծման (գույքագրման) հանձնաժողովը (այսուհետ` Հանձնաժողով) իր գործունեության ընթացքում ղեկավարվում է ՀՀ օրենսդրությամբ, ինչպես նաև ՀՀ Էներգետիկայի նախարարության կողմից սահմանված գերատեսչական նորմատիվ ակտերով և սույն կանոնակարգով:

2. Հանձնաժողովի գործունեության նպատակն է` էներգամատակարարի էլեկտրական ցանցում և նրա սպասարկման տեղամասերում առկա էլեկտրաէներգիայի չափված կորստի, փաստացի (բնական) կորստի չհիմնավորված և հատուցվող կորստի մեծությունների քննարկումը, վերլուծությունը և դրանց վերաբերյալ մասնագիտական եզրակացություն տալը:

(2-րդ կետը փոփ. 09.03.00 N 36-ԴԶ)

2. Խնդիրները

3. Հանձնաժողովի խնդիրները`

- Յուրաքանչյուր հաշվարկային ժամանակահատվածի ավարտին, էլեկտրական ցանցի սպասարկման այն տեղամասի համար, որտեղ առկա է էլեկտրաէներգիայի չհիմնավորված կորուստ, համադրելով

ա) տեխնոլոգիական պրոցեսներով և հաշվառքի սարքերի սխալանքով պայմանավորված անխուսափելի կորստի մեծությունը,

բ) էլեկտրաէներգիայի չափված կորստի մեծությունը,

գ) իրավական նորմատիվ ակտերի պահանջներին համապատասխանող լրիվ նյութական պատասխանատու անձի կողմից կազմված փաստաթղթերով հիմնավորված կորստի մեծությունը,

դ) լրիվ նյութական պատասխանատու անձի կողմից կորուստների բացահայտման և վերացման ուղղությամբ ձեռնարկված միջոցառումները,

քննության է առնում և տալիս եզրակացություն` դուրս գրման ենթակա փաստացի (բնական) կորստի և լրիվ նյութական պատասխանատվություն կրող անձի կողմից փոխհատուցման ենթակա էլեկտրաէներգիայի հատուցվող կորստի մեծությունների վերաբերյալ:

(3-րդ կետը փոփ. 09.03.00 N 36-ԴԶ)

4. Հանձնաժողովը մասնաճյուղերից, իր կողմից սահմանված ժամկետում, վերը նշված խնդիրների կատարման համար պահանջում է անհրաժեշտ փաստաթղթեր, տեղեկություններ ու հաղորդումներ:

3. Հանձնաժողովի գործունեության կազմակերպումը

5. Հանձնաժողովի աշխատանքները կազմակերպվում են նիստերի ձևով, ըստ ժամանակացույցի, որոնք հրավիրվում են ոչ պակաս, քան ամիսը մեկ անգամ: Արտահերթ նիստ կարող է հրավիրել հանձնաժողովի նախագահը` ինքնուրույն կամ հանձնաժողովի կեսից ավելի անդամների պահանջով:

6. Հանձնաժողովի անդամները հանձնաժողովի նիստերի հրավիրման, դրանց տեղի, ժամանակի և օրակարգի մասին իրազեկվում են նիստի հրավիրման օրվանից ոչ պակաս, քան երկու օր առաջ` պատասխանատու քարտուղարի կողմից:

7. Հանձնաժողովի նիստերին կարող են մասնակցել այլ կազմակերպություններից հրավիրված մասնագետներ:

8. Հանձնաժողովի նիստերն իրավազոր են, եթե դրանց մասնակցում են հանձնաժողովի անդամների 2/3-ը:

Հանձնաժողովի որոշումներն ընդունվում են, եթե դրանց օգտին քվեարկել են նիստին մասնակցած անդամների կեսից ավելին:

Հանձնաժողովի անդամների ձայների հավասարության դեպքում հանձնաժողովի նախագահի ձայնը վճռորոշ է:

9. Հանձնաժողովի նախագահը`

ա) հրավիրում և վարում է հանձնաժողովի նիստերը,

բ) կազմակերպում է հանձնաժողովի աշխատանքները և վերահսկողություն իրականացնում հանձնաժողովի ընդունած որոշումների կատարման նկատմամբ,

գ) ստորագրում է հանձնաժողովի որոշումները, դրա գործունեության հետ առնչվող մյուս փաստաթղթերն ու գրությունները,

դ) իրականացնում է սույն կանոնակարգից բխող այլ լիազորություններ:

10. Հանձնաժողովի անդամները մասնակցում են հանձնաժողովի առջև դրված խնդիրների լուծման համալիր միջոցառումներին, հանձնաժողովի աշխատանքային պլանների մշակման ու դրանց իրականացման հետ կապված աշխատանքներին:

Հանձնաժողովի նիստերին հարգելի պատճառով չմասնակցելու դեպքում հանձնաժողովի անդամները նախապես տեղեկացնում են հանձնաժողովի պատասխանատու քարտուղարին:

11. Հանձնաժողովի պատասխանատու քարտուղարը`

ա) նախապատրաստում է հանձնաժողովի նիստերը,

բ) կազմում է միջոցառումների ծրագիր,

գ) նախապատրաստում է առաջարկություններ հանձնաժողովի աշխատանքային պլանների կազմման ու կատարման վերաբերյալ,

դ) մշակում և հանձնաժողովի քննարկմանն է ներկայացնում վերջինիս գործունեության ոլորտին վերաբերվող նյութերն ու ընթացիկ տեղեկությունները և նախապատրաստում առաջարկություններ դրանց վերաբերյալ,

ե) կազմակերպում է հանձնաժողովի աշխատանքների գործավարությունը և ընդունված որոշումների տարածումը:

4. Հանձնաժողովի գործունեության դադարումը

12. Հանձնաժողովի վերակազմավորումը կամ լուծարումը կատարվում է Ընկերության գլխավոր տնօրենի հրամանով:

13. Հանձնաժողովի լուծարումից հետո հանձնաժողովի գործունեությանն առնչվող փաստաթղթերը և այլ նյութեր ենթակա են պահպանման ՀՀ օրենսդրությամբ սահմանված կարգով:

(ձևը փոփ. 09.03.00 N 36-ԴԶ)

Օ Ր Ի Ն Ա Կ Ե Լ Ի   Ձ Ե Վ

Պ Ա Յ Մ Ա Ն Ա Գ Ի Ր  N

ԼՐԻՎ ՆՅՈՒԹԱԿԱՆ ՊԱՏԱՍԽԱՆԱՏՎՈՒԹՅԱՆ ՄԱՍԻՆ

1. Պայմանագրի առարկան

1.1. Աշխատողն իր վրա է վերցնում սույն պայմանագրի N 1 հավելվածում ամրագրված էլեկտրական ցանցի __________ դիսկրետ օղակից (օղակներից) կազմավորված ____________ սպասարկման տեղամասում իրեն հանձնված էլեկտրաէներգիայի քանակի համար լրիվ նյութական պատասխանատվությունը:

2. Կողմերի պարտավորությունները

2.1. Աշխատողը պարտավորվում է`

ա) էլեկտրաէներգիայի ընդունման, բացթողնման և հաշվառման գործընթացում խստորեն ղեկավարվել «Էներգետիկայի մասին» ՀՀ օրենքով, Էլեկտրաէներգիայից օգտվելու կանոններով, այլ նորմատիվ ակտերով և Գործատուի կողմից սահմանված կանոններով, հրամաններով և կարգադրություններով.

բ) մշտապես միջոցներ ձեռնարկել էլեկտրաէներգիայի չհիմնավորված կորուստների նվազեցման ուղղությամբ.

գ) Ժամանակին փաստել և Գործատուին գրավոր զեկուցել այն բոլոր հանգամանքների մասին (տեղ, ժամանակ, շարժառիթներ և այլն), որոնք սպառնում են կամ արդեն իսկ հանգեցրել են ցանցի իր սպասարկման տեղամասի էլեկտրական էներգիայի չհիմնավորված կորուստների առաջացմանը.

դ) Գործատուի կողմից սահմանված ժամկետներում կատարել ցանցի իր սպասարկման տեղամասում էլեկտրաէներգիայի գույքագրում` համաձայն հաշվիչների ցուցմունքների գրանցման թերթիկի (N 2 հավելված).

ե) սահմանել անհրաժեշտ հսկողություն իր սպասարկման տեղամասում էլեկտրաէներգիայի ապօրինի սպառման հայտնաբերման և վերացման ուղղությամբ:

2.2. Գործատուն պարտավորվում է`

ա) Աշխատողի համար ստեղծել էլեկտրաէներգիայի ընդունման-հանձնման և հաշվառման համար անհրաժեշտ պայմանները` համաձայն գործող նորմերի և կանոնների.

բ) յուրաքանչյուր ամիս Աշխատողին հայտնել էլեկտրական ցանցի իր սպասարկման տեղամասում տեխնոլոգիական պրոցեսներով և հաշվառքի սարքերի սխալանքով` պայմանավորված կորստի մեծությունը.

գ) Աշխատողի կողմից տնօրինությանը հանձնված հաշվիչների ցուցմունքների գրանցման թերթիկների և այլ փաստաթղթերի հիման վրա կազմել և Աշխատողի ստորագրմանը ներկայացնել տեղամասի էլեկտրաէներգիայի նյութական հաշվետվությունը` համաձայն սույն պայմանագրի N 3 հավելվածի.

դ) միջոցներ ձեռնարկել Աշխատողի կողմից հայտնաբերված և Գործատուին հայտնված կորուստների վերացման ուղղությամբ:

3. Պատասխանատվությունը

3.1. Ամենամսյա նյութական հաշվետվության հիման վրա, Գործատուի որոշմամբ, հատուցվող կորստի մասը ենթակա է Աշխատողի կողմից լրիվ չափով վերականգնման` էլեկտրական էներգիայի վաճառքի միջին հավասարակշռված սակագնով:

(3.1-ին կետը խմբ. 09.03.00 N 36-ԴԶ)

3.2. Աշխատողը նյութական պատասխանատվություն չի կրում եթե էլեկտրաէներգիայի չհիմնավորված կորուստը առաջացել է ոչ իր մեղքով:

4. Այլ պայմաններ

4.1. Սույն պայմանագրից ծագող վեճերը լուծվում են դատական կարգով:

5. Պայմանագրի գործողության ժամկետը

5.1. Սույն պայմանագիրը ուժի մեջ է մտնում ___ ____________ թ. և գործում է Աշխատողի` տվյալ պաշտոնում աշխատելու ամբողջ ժամանակամիջոցի ընթացքում:

5.2. Սույն պայմանագիրը վաղաժամկետ կարող է լուծվել կողմերից մեկի նախաձեռնությամբ, եթե մյուս կողմը չի կատարել պայմանագրային պարտավորությունները, աշխատողի նախաձեռնությամբ` երբ նա ի վիճակի չէ կատարելու իր վրա դրված պարտականությունները հետևյալ պատճառներով` հիվանդության, հաշմանդամության, ընտրովի ազատված պաշտոնի անցնելու և այլն:

5.3. Սույն պայմանագիրը կազմված է երկու հավասարազոր օրինակներից, որոնցից մեկը գտնվում է Գործատուի մոտ, իսկ մյուսը` Աշխատողի:

6. Կողմերի հասցեները`

Ծանոթություն

● Դիսկրետ օղակ : Էլեկտրական ցանցի նվազագույն հաշվառվող մաս, որի բոլոր մուտքային և ելքային կետերը կահավորված են հաշվառման սարքերով:

● Էլեկտրական ցանցի սպասարկման տեղամաս: Լրիվ նյութական պատասխանատվության պայմանագրով Աշխատողին ամրագրված մեկ կամ մեկից ավելի դիսկրետ օղակներ:

● Էլեկտրաէներգիայի քանակ: Հաշվետու ժամանակահատվածում էլեկտրական ցանցի սպասարկման տեղամաս մուտք գործած էլեկտրաէներգիայի մեծությունը, չափված հաշվառման սարքերի (Էլեկտրահաշվիչ, հոսանքի և լարման տրանսֆորմատորներ) միջոցով կամ որոշված հաշվարկային եղանակով:

● Էլեկտրաէներգիայի չափված կորուստ (▲Wչ): Դիսկրետ օղակ մուտք գործած և դուրս հաղորդված (այդ թվում` բաժանորդներին) էլեկտրաէներգիայի քանակների տարբերություն:

● Փաստացի (բնական) կորուստ (▲Wփ): Էլեկտրական ցանցերում տեխնոլոգիական պրոցեսներով և հաշվառքի սարքերի փաստացի սխալանքով պայմանավորված անխուսափելի կորստի, որի չափը որոշվում է ցանցի մաթեմատիկական մոդելով` հաշվետու ժամանակահատվածում մատակարարված էլեկտրական էներգիայի քանակով և էներգիայի ցանցի տեխնիկական ու ռեժիմային պարամետրերի փաստացի վիճակի գնահատված արժեքներով, ինչպես նաև իրավական նորմատիվ ակտերի պահանջներին համապատասխանող փաստաթղթերով հիմնավորված կորստի գումարային մեծություն:

● Էլեկտրաէներգիայի չհիմնավորված կորուստ (▲ Wչհ): Չափված և փաստացի (բնական) կորուստների տարբերությունը:

որտեղ` ▲Wմտ-ը էլեկտրական ցանցի սպասարկման տեղամաս հաշվառքի սարքերի ցուցմունքների համաձայն և /կամ հաշվարկային մեթոդներով որոշված մուտք գործած էլեկտրաէներգիայի քանակն է, ▲Wելք - ը էլեկտրական ցանցի սպասարկման տեղամասից հաշվառքի սարքերի ցուցմունքների համաձայն և/կամ հաշվարկային մեթոդներով որոշված օգտակար առաքված էլեկտրաէներգիան:

● Ապօրինի սպառում: Էլեկտրական էներգիայի սպառումը առանց պայմանագրի, հաշվառման սարքի կողանցումով, առանց հաշվառման սարքի կամ վերջինիս սարքավորման հետ կապված տեխնիկական պայմանների խախտումներով:

● Հատուցվող կորուստ: Չհիմնավորված կորստի մաս, որը էներգամատակարարի կորուստների վերլուծման (գույքագրման) հանձնաժողովի ներկայացմամբ և էներգամատակարարի գլխավոր տնօրենի որոշմամբ ենթակա է հատուցման` լրիվ նյութական պատասխանատու անձի կողմից:

(ձևը խմբ., լրաց. 09.03.00 N 36-ԴԶ)

Միագծանի սխեմա

Օ Ր Ի Ն Ա Կ Ե Լ Ի  Ձ Ե Վ

Ծառ 1 (23 հանգույց)

Դրվածքային հզորությունների գումարը ծառում` 3340

այդ թվում գործող. «Տ» ենթակայաններում` 2590

«Գ» ենթակայաններում` 350

Օ Ր Ի Ն Ա Կ Ե Լ Ի  Ձ Ե Վ

ԷԼԵԿՏՐԱՀԱՇՎԻՉԻ ՑՈՒՑՄՈՒՆՔԻ ԳՐԱՆՑՄԱՆ ԹԵՐԹԻԿ

ԱԼԻՔ 110 / 10 ԵՆԹԱԿԱՅԱՆ

Օ Ր Ի Ն Ա Կ Ե Լ Ի  Ձ Ե Վ

Ն Յ ՈՒ Թ Ա Կ Ա Ն  Հ Ա Շ Վ Ե Տ Վ ՈՒ Թ Յ ՈՒ Ն

հիմք` նյութական պատասխանատվության պայմանագիր N____

(հավելվածը փոփ. 09.03.00 N 36-ԴԶ)

Օ Ր Ի Ն Ա Կ Ե Լ Ի  Ձ Ե Վ

Օ Ր Ի Ն Ա Կ Ե Լ Ի  Ձ Ե Վ

Պ Ա Շ Տ Ո Ն Ա Ց Ա Ն Կ

ՀՀ էներգետիկայի համակարգում էլեկտրական էներգիայի հաղորդման և բաշխման ոլորտներում լրիվ նյութական պատասխանատու համարվող աշխատողների

1. Տեսուչ

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
15 հուլիսի 1999 Թ.

ՊԵՏԱԿԱՆ ԳՐԱՆՑՄԱՆ ԹԻՎ 108990116