«Գրանցված է»
ՀՀ արդարադատության
նախարարության կողմից
15 օգոստոսի 2006 թ.
Պետական գրանցման թիվ 10606246

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐ

Հ Ր Ա Մ Ա Ն

ԱՆԱՍՆԱԲՈՒԺԱԿԱՆ ԴԵՂԱՄԻՋՈՑԻ ԳՐԱՆՑՄԱՆ ՀԱՎԱՍՏԱԳՐԻ ՁԵՎԸ ԵՎ ՆԿԱՐԱԳԻՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2004 թվականի սեպտեմբերի 9-ի «Հայաստանի Հանրապետությունում անասնաբուժության բնագավառում օգտագործվող կենսապատվաստուկների, շիճուկների և ախտորոշիչ միջոցների պետական գրանցման կարգը և դրանց պետական գրանցման փորձաքննության վարձի չափերը հաստատելու մասին» N 1335-Ն որոշման N 1 հավելվածի 14-րդ կետը.

ՀՐԱՄԱՅՈՒՄ ԵՄ`

1. Հաստատել

ա) անասնաբուժական դեղամիջոցի գրանցման հավաստագրի ձևը` համաձայն N 1 հավելվածի.

բ) անասնաբուժական դեղամիջոցի գրանցման հավաստագրի նկարագիրը` համաձայն N 2 հավելվածի:

2. Աշխատակազմի անասնաբուժական պետական տեսչության պետ Գ. Բաղիյանին`

«Իրավական ակտերի մասին» Հայաստանի Հանրապետության օրենքի համաձայն` սույն հրամանը յոթնօրյա ժամկետում ներկայացնել Հայաստանի Հանրապետության արդարադատության նախարարություն` պետական գրանցման:

3. Սույն հրամանի կատարման հսկողությունը վերապահել նախարարի տեղակալ Լ. Ռուխկյանին:

Ձև

ԱՆԱՍՆԱԲՈՒԺԱԿԱՆ ԴԵՂԱՄԻՋՈՑԻ ԳՐԱՆՑՄԱՆ ՀԱՎԱՍՏԱԳԻՐ

REGISTRATION CERTIFICATE OF VETERINARY MEDICINE

N 00000

Անասնաբուժական դեղամիջոցի տեսակը /Special of the veterinary medicine/

Անասնաբուժական դեղամիջոցի անվանումը /Name of the veterinary medicine/

Դեղաձևը /Pharmaceutical form/

Դեղաչափը /Dosage/

Փաթեթավորումը, թողարկման ձևը /Packaging, output form/

Արտադրող կազմակերպությունը, երկիրը /Manufacturer, country/

Գրանցված է` օրը, ամիսը, տարեթիվը /Date of issue/

Վավեր է մինչև`  օրը, ամիսը, տարեթիվը /Date of expiry/

Ն Կ Ա Ր Ա Գ Ի Ր

ԱՆԱՍՆԱԲՈՒԺԱԿԱՆ ԴԵՂԱՄԻՋՈՑԻ ԳՐԱՆՑՄԱՆ ՀԱՎԱՍՏԱԳՐԻ

Անասնաբուժական դեղամիջոցի գրանցման հավաստագիրը Հայաստանի Հանրապետությունում տվյալ անասնաբուժական դեղամիջոցի գրանցումը հաստատող 210X297 մմ չափերի 1 էջից բաղկացած, պաշտպանվածության աստիճան ունեցող, վերևից, ներքևից և կողքերից 15 մմ խորությամբ, շագանակագույն գծանախշով երիզված ձևաթուղթ է:

Ձևաթղթի շրջանակի ներսում, վերին մասի կենտրոնում պատկերվում է Հայաստանի Հանրապետության գունավոր զինանշանը, որի ձախ կողմում հայերեն գլխատառերով տպագրվում է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅՈՒՆ» բառակապակցությունը, իսկ աջ կողմում` նույն բառակապակցությունը գլխատառերով տպագրվում է անգլերեն թարգմանությամբ: Զինանշանի ներքևում` կենտրոնական մասում, հաջորդաբար հայերեն գլխատառերով տպագրվում են «ԱՆԱՍՆԱԲՈՒԺԱԿԱՆ ԴԵՂԱՄԻՋՈՑԻ ԳՐԱՆՑՄԱՆ ՀԱՎԱՍՏԱԳԻՐ» բառակապակցությունը և դրա անգլերեն թարգմանությունը, որի ներքևում տպագրվում է անասնաբուժական դեղամիջոցի գրանցման հավաստագրի ձևաթղթի N համարը` հնգանիշ թվով և աջից ձախ` 00001-ից սկսվող համարակալմամբ: Այնուհետև, ստորև ներկայացվող հաջորդականությամբ, հայերեն և անգլերեն լեզուներով տպագրվում են դեղամիջոցի մասին տեղեկություններ պահանջող դրույթներ, որոնք համապատասխանաբար լրացվում են.

Անասնաբուժական դեղամիջոցի տեսակը

Անասնաբուժական դեղամիջոցի անվանումը

Դեղաձևը

Դեղաչափը

Փաթեթավորումը, թողարկման ձևը

Արտադրող կազմակերպությունը, երկիրը

Գրանցված է (օրը, ամիսը, տարեթիվը)

Վավեր է մինչև (օրը, ամիսը, տարեթիվը)

Հավաստագիրը ստորագրում է Հայաստանի Հանրապետության գյուղատնտեսության նախարարը: Փաստաթղթի ներքևի ձախ կողմում հայերեն տպագրվում է «Նախարար» բառը, որը տպագրվում է նաև անգլերեն թարգմանությամբ, իսկ ներքևի աջ կողմում հայերեն տպագրվում են «ստորագրություն» և «Կ.Տ.» բառերը` համապատասխան անգլերեն թարգմանություններով: Հավաստագրի վրա դրվում է Հայաստանի Հանրապետության զինանշանի պատկերով կլոր կնիք:

(հավելվածը փոփ. 28.09.11 N 181-Ն)