ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ
ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ

7 դեկտեմբերի 2010 թ. ք. Երևան

N 429-Լ

Ղեկավարվելով «Լիցենզավորման մասին» ՀՀ օրենքի պահանջներով և հիմք ընդունելով «Տեղագրական քարտեզագրման և հողաշինարարական աշխատանքների իրականացում» և «Անշարժ գույքի գնահատում» և «Ռիելթորական գործունեություն» լիցենզավորման ենթակա գործունեության լիցենզավորող հանձնաժողովների եզրակացությունները (արձանագրություններ լիցենզավորող հանձնաժողովների 07.12.2010թ. կայացած նիստերի).

ՀՐԱՄԱՅՈՒՄ ԵՄ`

1. «Լիցենզավորման մասին» ՀՀ օրենքի 32 հոդվածի պահանջների համաձայն, «Գրանթ Թորնթոն Ամիօ» ՍՊ ընկերության անվանափոխման պատճառով վերաձևակերպել ընկերությանը 09.04.2002թ. տրված «Անշարժ գույքի գնահատում» գործունեության լիցենզիան «Գրանթ Թորնթոն» ՓԲԸ անվամբ։ «Գրանթ Թորնթոն Ամիօ» ՍՊԸ անվամբ ԱԳ N 0181 լիցենզիայի ուժը կորցրած ճանաչել և գործողությունը դադարեցնել։

2. Համաձայն «Լիցենզավորման մասին» ՀՀ օրենքի 34 հոդվածի 7-րդ կետի պահանջի՝ «Էյ Ընդ Թի Սիսթրզ» ՍՊ ընկերության «Ռիելթորական գործունեություն» գործունեության ԱԳ N 0812 լիցենզիայի գործողության կասեցումը՝ տրված կոմիտեի նախագահի 19.11.10թ. թիվ 402-Լ հրամանով՝ համարել վերացված։

3. «Լիցենզավորման մասին» ՀՀ օրենքի 37 հոդվածի 1-ին մասի 7-րդ կետի համաձայն (լիցենզավորված անձի 30.11.2010թ. ներկայացրած դիմումի համաձայն) անհատ ձեռնարկատեր Լարիսա Ավետիսյանի «Ռիելթորական գործունեություն» գործունեության ԱԳ N 0818 լիցենզիայի ուժը կորցրած ճանաչել և գործողությունը դադարեցնել։

4. «Լիցենզավորման մասին» ՀՀ օրենքի 37 հոդվածի 1-ին մասի 7-րդ կետի համաձայն (լիցենզավորված անձի 06.12.2010թ. ներկայացրած դիմումի համաձայն) անհատ ձեռնարկատեր Լևոն Խաչատրյանի «Ռիելթորական գործունեություն» գործունեության ԱԳ N 0636 լիցենզիայի ուժը կորցրած ճանաչել և գործողությունը դադարեցնել։

5. «Լիցենզավորման մասին» ՀՀ օրենքի 37 հոդվածի 1-ին մասի 7-րդ կետի համաձայն (լիցենզավորված անձի 06.12.2010թ. ներկայացրած դիմումի համաձայն) «Գրանթ Թորնթոն Լիգալ Ընդ Թաքս» ՍՊ ընկերության «Տեղագրական քարտեզագրման և հողաշինարարական աշխատանքների իրականացում» գործունեության ԱԳ N 0887 լիցենզիայի ուժը կորցրած ճանաչել և գործողությունը դադարեցնել։

6. Հիմք ընդունելով «Լիցենզավորման մասին» ՀՀ օրենքի 26, 28 հոդվածների և ՀՀ կառավարության 07.01.02թ. N 5 որոշմամբ հաստատված «ՀՀ տարածքում տեղագրական քարտեզագրման և հողաշինարարական աշխատանքների իրականացման, անշարժ գույքի գնահատման և ռիելթորական գործունեությունների բնագավառներում իրականացվող գործունեության լիցենզավորման կարգի» 7-րդ, 8-րդ և 10-րդ կետերի պահանջները՝

«Թոփալյան» ՍՊ ընկերությանը տրամադրել «Անշարժ գույքի գնահատում» գործունեության լիցենզիա։

7. Սույն հրամանի կատարման պատասխանատվությունը դնել կոմիտեի աշխատակազմի լիցենզավորման բաժնի պետ Ա. Խաչատրյանի վրա, հսկողությունը վերապահել կոմիտեի նախագահի տեղակալ Կ. Դավթյանին։

Կոմիտեի նախագահ

Ե. Զախարյան

Ց Ա Ն Կ

ԼԻՑԵՆԶԱՎՈՐՎԱԾ ԱՆՁԵՐԻ ԳՐԱՆՑԱՄԱՏՅԱՆՈՒՄ ԲՈՎԱՆԴԱԿՎՈՂ ՏԵՂԵԿՈՒԹՅՈՒՆՆԵՐԻ
/07.12.2010թ., հր. 429 -Լ/