Հայաստանի Հանրապետությունում էլեկտրաէներգիայի մատակարարման վթարային անջատումների

1. Սույն Հրահանգը «Էներգետիկայի մասին» ՀՀ օրենքի 9-րդ հոդվածի համաձայն, սահմանում է սնման կետերից էլեկտրաէներգիայի մատակարարման վթարային անջատումների ընթացակարգը` էլեկտրաէներգիայի արտադրության և հաղորդման սարքավորումների վթարների արդյունքում հաճախության խորը իջեցման հետևանքով էլեկտրաէներգետիկ համակարգի մարումը կանխելու նպատակով` հաճախության վերականգնումն ապահովող գործող էներգետիկական սարքավորումների հնարավորությունները սպառելուց հետո:

2. Վթարային անջատումները կատարվում են սույն Հրահանգի Հավելվածում բերված «Էլեկտրաէներգիայի մատակարարման վթարային անջատումների գրաֆիկի» համաձայն: Գրաֆիկը բաղկացած է չորս հերթերից, որոնցից յուրաքանչյուրը նախատեսում է համապատասխան բեռնվածքի անջատում` էլեկտրաէներգետիկ համակարգի առավելագույն բեռնվածքի ռեժիմում: Գրաֆիկի գործողության առավելագույն ժամկետը մեկ տարի է:

3. Վթարային անջատումները կատարվում են էլեկտրաէներգետիկ համակարգի Կենտրոնական կարգավարական ծառայության (այսուհետև` ԿԿԾ) հերթապահ կարգավարի կարգադրությամբ` «Բարձրավոլտ էլեկտրացանցեր», «Հրազդանի ՋԷԿ», «Սևան-Հրազդանյան կասկադ» ՊՓԲԸ-երի և «ՀԱԷԿ» ՓԲԸ-ի օպերատիվ անձնակազմի միջոցով:

4. Վթարային անջատումներ կատարելու վերաբերյալ ԿԿԾ-ի հերթապահ կարգավարի կարգադրությունները կատարվում են անմիջապես, գրաֆիկներում նշված ենթակայաններում և բաց բաշխիչ սարքվածքներում: Անջատման պատճառի և սպասվելիք տևողության մասին էլեկտրաէներգիա բաշխող ընկերությունները և վերջիններիս կողմից սպառողները տեղեկացվում են անհապաղ:

5. Վթարային անջատումների հետևանքով սպառողների հոսանքազրկման տևողությունը որոշվում է պահուստային սարքավորման գործարկման ժամկետով: Սակայն, միևնույն սպառողների համար վթարային անջատման անընդմեջ տևողությունը չպետք է գերազանցի 4 ժամը` էլեկտրաէներգիայի մատակարարման 4 ժամից ոչ պակաս տևողությամբ վերականգնմամբ:

6. Միացությունների վթարային անջատումները կատարվում են գրաֆիկներում նշված հերթականությամբ:

Եթե որևէ պատճառով տվյալ հերթի որևէ միացություն կամ մի խումբ միացություններ անջատել հնարավոր չէ, ապա անջատվում են հաջորդ հերթի միացությունները:

7. Վթարային անջատումների ծավալը (անջատվող բեռնվածքի չափը) որոշվում է վերականգնվող հաճախության մակարդակով, ինչպես նաև սարքավորման գերբեռնվածությունը հանելու կամ այլ վթարային իրադրությունները վերացնելու պայմանով:

8. Վթարային անջատումների արդյունավետության հսկողությունը իրականացնում է ԿԿԾ-ի հերթապահ կարգավարը:

9. Էլեկտրաէներգետիկ համակարգի և սպառողների օբյեկտներում գործող տեղական հրահանգների դրույթները չպետք է հակասեն սույն Հրահանգի պահանջներին:

ՀԱՎԵԼՎԱԾ Հայաստանի Հանրապետությունում էլեկտրաէներգիայի մատակարարման վթարային անջատումների հրահանգի

ԷԼԵԿՏՐԱԷՆԵՐԳԻԱՅԻ ՄԱՏԱԿԱՐԱՐՄԱՆ ՎԹԱՐԱՅԻՆ ԱՆՋԱՏՈՒՄՆԵՐԻ ԳՐԱՖԻԿ

1-ին հերթ

Անջատվող միացությունը	Սնման կետը	Հոսանքազրկվող ենթակայանը	Անջատվող բեռը (Մտվ)
			Ձմեռ առ./նվ.	Ամառ առ./նվ.
Օգ-110 Ամասիա	Գյումրի-2 ԵԿ	Ամասիա և Աշոցք ԵԿ-եր	3,6/2,0	3,0/1,0
Օգ-110 Ազատան	Գյումրի-2 ԵԿ	Արցախ և Ազատան Եկ-եր	7,5/4	4,5/3,0
Օգ-110 Արխաշան-1,2 (միաժամանակ)	Հրազդան ՋԷԿ	Հրազդան-2 և Արխաշան-քարշ ԵԿ-եր	1,5/1,0	1,0/0,5
Օգ-110 Գուսան և Լանջիկ (միաժամանակ)	Աշնակ ԵԿ	Արթիկ և Մարալիկ ԵԿ-եր	16,1/9,6	7,5/4,0
ՕԳ-110 Գոշ	Հրազդան ՀԷԿ	Իջևան և Հախում	6,0/3,5	5,5/1,5
Օգ-110 Գագարին	Հրազդան ՀԷԿ	Գագարին ԵԿ	1,5/1,0	0,5/0,5
Օգ-110 Թալին-1,2 (միաժամանակ)	Աշնակ ԵԿ	Թալին ԵԿ	4,2/2,5	3,0/1,0
Օգ-110 Ծովասար	Աշնակ Եկ	Դաշտադեմ ԵԿ	0,6/0,5	-
Օգ-110 Ոսկեհատ և Օգ-110 Փարվանա(միաժամանակ)	Լիճք ԵԿ	Վարդենիս, Սոթք, Արեգունի և Ծովինար ԵԿ-եր	9,3/5,0	8,5/1,5
Օգ-110 Վահրամաբերդ	Գյումրի-2 ԵԿ	Վահրամաբերդ ԵԿ	2,0/0,5	0,5/-
Օգ-110 Լուսաբաց	Դիլիջան ԵԿ	Բերդ ԵԿ	4,0/1,5	3,0/0,5
ԱՏ-1,2 35 Կվ ներանցումներ	Լիճք ԵԿ	-	9,0/3,0	8,5/1,5
ՕԳ-35 Ռելե	Եղեգնաձոր ԵԿ	-	3,0/2,0	3,0/1,0
Օգ-35 Վերնաշեն	Եղեգնաձոր ԵԿ	-	0,5/0,3	1,0/0,5
Օգ-35 Եղեգնաձոր	Եղեգնաձոր ԵԿ	-	2,0/1,0	1,0/0,3
Օգ-35 Արին-1	Եղեգնաձոր ԵԿ	-	0,4/0,2	1,0/0,2
Օգ-35 Լճաշեն-1.2	Սևան ՀԷԿ	-	1,0/0,5	1,0/0,5
Օգ-35 Ռայոն	Սևան ՀԷԿ	-	4,5/1,4	3,0/1,0
		∑=	76,7/39,5	55,5/18,5

  

2-րդ հերթ

Անջատվող միացությունը	Սնման կետը	Հոսանքազրկվող ենթակայանը	Անջատվող բեռը (Մտվ)
			Ձմեռ առ./նվ.	Ամառ առ./նվ.
Օգ-110 Անուշ	ՀԱԷԿ	Աշտարակ ԵԿ	19,6/12,8	16,5/9,0
Օգ-110 Ալիք - 1,2	Սևան ՀԷԿ	Ալիք ԵԿ	1,5/1,0	0,5/-
Օգ-110 Գորիս	Շինուհայր ԵԿ	Գորիս ԵԿ	5,0/2,5	4,0/1,0
Օգ-110 Դիմաց և Օգ-110 Խնձորուտ (միաժամանակ)	Վանաձոր-2 ԵԿ	Դիմաց, Բազում և Խնձորուտ ԵԿ-եր	8,2/6,5	3,0/0,5
ՕԳ-110 Իշխանասար	Շինուհայր ԵԿ	Դաստակերտ ԵԿ	1,0/0,6	0,5/-
Օգ-110 Լուսավան - 1,2	Չարենցավան-3 ԵԿ	Չարենցավան-2 ԵԿ	1,5/1,0	1,0/0,5
Օգ-110 Լուսակերտ	Արգել ՀԷԿ	Բյուրեղավան ԵԿ	3,1/1,5	1,5/0,5
Օգ-110 Ծովագյուղ	Սևան ՀԷԿ	Ծովագյուղ-քարշ ԵԿ	0,5/0,5	0,5/0,5
Օգ-110 Կապուտակ	Սևան ՀԷԿ	Շորժա-քարշ ԵԿ	2,6/1,0	0,5/0,5
Օգ-110 Մուշ	Մարաշ ԵԿ	Աբովյան ԵԿ	14,6/8,6	15,5/6,0
Օգ-110 Խաչիկ	Եղեգնաձոր ԵԿ	Խաչիկ ԵԿ	1,1/0,5	2,0/1,5
ՕԳ-110 Վան-1,2	Արարատ-2 ԵԿ	Վան ԵԿ	8,0/2,5	10,5/8,0
ՕԳ-110 Քաղսի-2 և ՕԳ-110 Զանգու-2 (միաժամանակ)	Արգել ՀԷԿ և Չարենցավան-3 ԵԿ	Չարենցավան-1 ԵԿ	7,7/3,0	3,5/1,5
Օգ-35 Արզնի	Քանաքեռ ՀԷԿ	-	2,0/1,0	1,0/0,5
Օգ-35 Կասկադ	Քանաքեռ ՀԷԿ	-	2,0/1,0	1,0/0,5
Օգ-35 Կոմիտաս-1,2	Քանաքեռ ՀԷԿ	-	28/14	8/4,5
Օգ-35 Մհուբ	Քանաքեռ ՀԷԿ	-	2,0/0,5	1,0/0,5
Օգ-35 Մելկոմբինատ	Սևան ՀԷԿ	-	0,7/0,4	0,6/0,4
ՕԳ-35 Իշխան	Սևան ՀԷԿ	-	0,5/0,2	0,4/0,1
		∑=	109,6/59,1	71,5/36,0

3-րդ հերթ

Անջատվող միացությունը	Սնման կետը	Հոսանքազրկվող ենթակայանը	Անջատվող բեռը (Մտվ)
			Ձմեռ առ./նվ.	Ամառ առ./նվ.
Օգ-110 Աշտարակ	Շահումյան-2 ԵԿ	Պռոշյան-քարշ ԵԿ	0,5/0,5	0,5/0,5
Օգ-110 Առափնյա-1,2 (միաժամանակ)	Վանաձոր-2 ԵԿ	Վանաձոր-1 ԵԿ	10,6/7,5	5,5/3,0
Օգ-110 Արեշ-1,2 (միաժամանակ)	Մարաշ ԵԿ	Արեշ ԵԿ	15,5/10,5	10,0/3,5
Օգ-110 Դվին-1,2 (միաժամանակ)	Արարատ-2 ԵԿ	Արարատ-1 ԵԿ	12,5/6,5	10,0/6,5
ՕԳ-110 Սպանդարյան	Շահումյան-2 ԵԿ	Սպանդարյան ԵԿ	6,0/4,0	4,0/1,0
Օգ-110 Երասխ-1,2 (միաժամանակ)	Արարատ-2 ԵԿ	Երասխ ԵԿ	2,1/1,0	4,0/3,0
Օգ-110 Թումանյան-1,2 (միաժամանակ)	Ալավերդի-2 ԵԿ	Ալավերդի-1 ԵԿ	2,0/2,0	1,0/0,5
Օգ-110 Կիլիկիա-1,2 (միաժամանակ)	Շահումյան-2 ԵԿ	Շահումյան-1 ԵԿ	13,5/7,0	6,0/2,0
Օգ-110 Կիրճ-1,2 (միաժամանակ)	Զովունի ԵԿ	Կիրճ ԵԿ	1,0/0,5	0,5/-
Օգ-110 Ստեփանավան	Վանաձոր-2 ԵԿ	Ստեփանավան և Տաշիր ԵԿ-եր	9,8/5,5	9,0/4,5
Տ-1,2 35 կՎ ներանցումներ	Նուբարաշեն ԵԿ	-	7,5/4,0	7,0/2,0
Օգ-35 Աղավնաձոր	Եղեգնաձոր ԵԿ	-	0,3/-	11/5
		∑=	81,3/49,0	68,5/31,5

  

4-րդ հերթ

Անջատվող միացությունը	Սնման կետը	Հոսանքազրկվող ենթակայանը	Անջատվող բեռը (Մտվ)
			Ձմեռ առ./նվ.	Ամառ առ./նվ.
Օգ-110 Կիրզա-1,2	Մարաշ ԵԿ	Կիրզա և Նորք ԵԿ-եր	33,0/16,5	16,5/7,5
Օգ-110 Կենտրոնական-1,2	Շահումյան-2 ԵԿ	Կենտրոնական ԵԿ	71,8/30,5	25/10
		∑=	104,8/47,0	41,5/17,5

«Հայէներգո» ՊՓԲԸ գլխավոր ճարտարագետ

Ս. Հակոբյան