Գլխավոր տեղեկություն

Համար

N 514-Ն

Տիպ

Հրաման

Ակտի տիպ

Base act (26.02.2004-25.09.2006)

Կարգավիճակ

Գործում է

Սկզբնաղբյուր

ՀՀԳՏ 2004.02.16/4(152) Հոդ.60

Ընդունող մարմին

Բնապահպանության նախարար

Ընդունման ամսաթիվ

30.12.2003

Ստորագրող մարմին

Բնապահպանության նախարար

Ստորագրման ամսաթիվ

30.12.2003

Ուժի մեջ մտնելու ամսաթիվ

26.02.2004

«ԳՐԱՆՑՎԱԾ Է»

ՀՀ ԱՐԴԱՐԱԴԱՏՈՒԹՅԱՆ
ՆԱԽԱՐԱՐՈՒԹՅԱՆ ԿՈՂՄԻՑ

27 հունվարի 2004 Թ.

ՊԵՏԱԿԱՆ ԳՐԱՆՑՄԱՆ ԹԻՎ 10504008

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲՆԱՊԱՀՊԱՆՈՒԹՅԱՆ ՆԱԽԱՐԱՐ

30 դեկտեմբերի 2003 թ.
Երևան
N 514-Ն

Հ Ր Ա Մ Ա Ն

ՋՐԱՅԻՆ ՊԵՏԱԿԱՆ ԿԱԴԱՍՏՐՈՒՄ ՏՎՅԱԼՆԵՐԻ ԳՐԱՌՄԱՆ ԳՐԱՆՑԱՄԱՏՅԱՆՆԵՐԻ ՁԵՎԵՐԻ ԵՎ ԴՐԱՆՑ ՎԱՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Ջրային պետական կադաստրում փաստաթղթերի գրանցման և տեղեկատվության տրամադրման կարգը սահմանելու մասին» Հայաստանի Հանրապետության կառավարության 23.07.03 թ. N 1060-Ն որոշման 3-րդ կետի պահանջներով.

ՀՐԱՄԱՅՈՒՄ ԵՄ`

1. Սահմանել ջրային պետական կադաստրում տվյալների գրառման գրանցամատյանների վարման կարգը` համաձայն հավելված N 1-ի:

2. Հաստատել տվյալների գրառման գրանցամատյանները` համաձայն N 2-N 8 հավելվածների:

3. Ջրային ռեսուրսների կառավարման գործակալության պետին`

ա) ջրային պետական կադաստրում տվյալների գրառման գրանցամատյանների վարումն իրականացնել սույն հրամանով հաստատված «Ջրային պետական կադաստրում տվյալների գրառման գրանցամատյանների ձևերի և դրանց վարման կարգի» պահանջներին համապատասխան:

Նախարար`

Վ. Այվազյան

Հավելված N 1
Հայաստանի Հանրապետության
բնապահպանության նախարարի
__ _________2003 թ.
N ___ հրամանի

Կ Ա Ր Գ

ՋՐԱՅԻՆ ՊԵՏԱԿԱՆ ԿԱԴԱՍՏՐՈՒՄ ՏՎՅԱԼՆԵՐԻ ԳՐԱՌՄԱՆ ԳՐԱՆՑԱՄԱՏՅԱՆՆԵՐԻ ՎԱՐՄԱՆ

I. Ընդհանուր դրույթներ

1. Սույն կարգով սահմանվում են ջրային պետական կադաստրում տվյալների գրառման գրանցամատյանների (այսուհետ` գրանցամատյաններ) ձևերը, վարման կարգը:

2. Գրանցամատյանները «Ջրային պետական կադաստրում փաստաթղթերի գրանցման և տեղեկատվության տրամադրման կարգի» պահանջներին համապատասխան տեղեկություններ պարունակող փաստաթղթերի և տվյալների բազաներ (շտեմարաններ) են, որոնց ամբողջությունը կազմում է տեղեկատվության գրանցման միասնական համակարգի բաղկացուցիչ մասը:

3. Փաստաթղթերի և նրանցում ներառված տվյալների գրանցումն իրականացվում է գրանցամատյաններում համապատասխան գրառում կատարելու միջոցով:

4. Գրանցամատյաններում գրանցման համարների հերթականությունը վերսկսվում է յուրաքանչյուր տարվա հունվարի մեկից:

5. Գրանցամատյաններում գրառումները կատարվում են գրիչով` առանց կրճատումների, ջնջումների և տողերը բաց թողնելու, պարզ ու ընթեռնելի ձեռագրով: Գրանցամատյաններում մատիտով գրառումներ կատարելն արգելվում է:

6. Գրանցամատյանները կարվում են (ժապավենվում և կնքվում Հայաստանի Հանրապետության բնապահպանության նախարարության կնիքով), իսկ թերթերը` համարակալվում: Թերթերի քանակը հաստատվում է Հայաստանի Հանրապետության բնապահպանության նախարարության կնիքով:

7. Գրանցամատյաններում տեղեկատվության ներառման համար հիմք են հանդիսանում Հայաստանի Հանրապետության կառավարության 23.07.03 N 1060-Ն որոշմամբ հաստատված կարգի II բաժնի պահանջներին համապատասխան պետական լիազոր մարմնի և/կամ անձի կողմից տրամադրված տվյալները, որոնք գրանցվում են հետևյալ ձևերով. կամ ձևերից որևիցե մեկով.

ա) թղթյա կրիչի (թղթային գրանցամատյանի) վրա,

բ) էլեկտրոնային կրիչի վրա` թղթյա կրիչներից գրանցված տվյալների հիման վրա աշխատող տեղեկատվավերլուծական համակարգչային համապատասխան ծրագրի միջոցով:

8. Թղթյա և էլեկտրոնային կրիչների գրանցամատյանների տվյալների անհամապատասխանության դեպքում` հիմք են ընդունվում թղթյա կրիչի վրա գրանցամատյանի տվյալները:

9. Ջրային կադաստրի համապատասխան մասը վարող յուրաքանչյուր լիազոր մարմին հաշվառված ցուցանիշները տրամադրում է Ջրային պետական կադաստր վարող Հայաստանի Հանրապետության բնապահպանության նախարարության ջրային ռեսուրսների կառավարման գործակալությանը` պետական միասնական գրանցամատյաններ ձևավորելու և տեղեկատվական համակարգ ստեղծելու համար:

10. Ջրային պետական կադաստր գրանցման համար տվյալներ ներկայացնող լիազոր մարմինների կողմից տրամադրված տվյալներում որևէ թերության կամ անճշտության հայտնաբերման դեպքում կազմվում է ակտ` գրանցամատյան վարող պատասխանատու անձանց կողմից` այդ մասին տեղյակ պահելով տվյալ մարմնի ղեկավարին:

11. Գրանցամատյաններում պահվող տվյալները համալրվում են և անհրաժեշտության դեպքում ճշտվում են լրացումների և փոփոխությունների օպերատիվ գրառմամբ, ընդ որում լրացումներն ու փոփոխությունները կարող են կատարվել» եթե առկա են դրանք հաստատող փաստաթղթերը, ինչպես նաև այդ փաստաթղթերի վերաբերյալ իրավասությամբ օժտված պաշտոնատար անձի կողմից «գրանցել» մակագրությունը:

12. Էլեկտրոնային կրիչի վրա գրանցամատյանի վարումը և գրանցամատյանում փոփոխությունների կատարումն իրականացվում է տեղեկատվավերլուծական համակարգչային ծրագրով` օգտագործողի կողմից:

13. Ջրային ռեսուրսների մոնիտորինգի իրականացման առաջադրանքին համապատասխան` բացվում են առանձին գրանցամատյաններ, որոնցում փաստաթղթերը և դրանցում ներառված դիտարկումների արդյունքները գրանցվում են ըստ հետևյալ գրանցամատյանների.

1. Ջրային պետական կադաստր մուտք գործող փաստաթղթերի` Հավելված N 2:

2. Ջրային պետական կադաստրից տեղեկատվության տրամադրման` Հավելված N 3:

3. Մակերևութային ջրային ռեսուրսների մոնիտորինգի տվյալների գրանցման` Հավելված N 4 (աղյուսակներ 4.1-4.27):

4. Ստորերկրյա ջրային ռեսուրսների մոնիտորինգի տվյալների գրանցման` Հավելված N 5 (աղյուսակներ 5.1-5.3):

5. Ջրերի վնասակար ներգործության հետևանքով առաջացած արտակարգ իրավիճակների և դրանց կանխատեսումների գրանցման` Հավելված N 6:

6. Հիդրոտեխնիկական կառույցների հաշվառման (այսուհետ` ՀՏԿ) Հավելված N 7:

7. Ջրօգտագործման թույլտվությունների (այսուհետ` ՋԹ) և իրավունքի փոխանցման պայմանագրերի, դրանցում կատարված փոփոխությունների գրանցման` Հավելված N 8:

14. Հավելվածները և դրանց համապատասխան աղյուսակները լրացնելիս` ցուցանիշի բացակայության դեպքում հատկանշական աղյուսակի համապատասխան սյունակում դրվում է գիծ:

15. Պահանջվող ցուցանիշների դիտարկումների իրականացման անկարելիության դեպքում` համապատասխան սյունակում գրվում է «չի իրականացվել»:

16. Պահանջվող ցուցանիշների մոտավորության դեպքում` դրանց մեծությունները համապատասխան սյունակում վերցվում են չակերտների մեջ:

17. Մակերևութային և ստորերկրյա ջրային ռեսուրսների գրանցման գրանցամատյանները (հավելվածներ N 4-5) լրացվում են ըստ ջրավազանների և ունեն ներքին վերնագրեր, որոնց անվանումները համապատասխանում են ջրային պետական կադաստրում գրանցվող փաստաթղթերին ներկայացվող պահանջներին:

18. Ջրային պետական կադաստր մուտք գործող փաստաթղթերի գրանցման գրանցամատյանը (հավելված N 2) լրացվում է հետևյալ կարգով.

1. Սյունակ 1-ում բերվում է գրանցամատյանում փաստաթղթի գրանցման հերթական համարը:

2. Սյունակ 2-ում բերվում է փաստաթուղթը տրամադրող մարմնի անվանումը:

3. Սյունակ 3-ում բերվում են փաստաթուղթն ստորագրող պաշտոնատար անձի անունը, ազգանունը:

4. Սյունակ 4-ում բերվում են փաստաթղթի տրամադրման տարեթիվը, ամիսը (տառերով), ամսաթիվը:

5. Սյունակ 5-ում բերվում է փաստաթղթի տեսակը (հաշվետվություններ, հատկանշական աղյուսակներ, քարտեզներ, արխիվային նյութեր և այլն):

6. Սյունակ 6-ում բերվում է տրամադրվող փաստաթղթի վերնագիրը:

7. Սյունակ 7-ում բերվում է փաստաթղթի էջերի թիվը:

8. Սյունակ 8-ում բերվում են փաստաթղթի գրանցման տարեթիվը, ամիսը (տառերով), ամսաթիվը:

19. Ջրային պետական կադաստրից տեղեկատվության տրամադրման գրանցամատյանը (հավելված N 3) լրացվում է հետևյալ կարգով.

1. Սյունակ 1-ում բերվում է հայտի գրանցման հերթական համարը:

2. Սյունակ 2-ում բերվում են հայտի ստացման տարեթիվը, ամիսը (տառերով), ամսաթիվը:

3. Սյունակներ 3-6-ում բերվում են հայտատուի տվյալները, որոնցում ներառված են` կազմակերպական-իրավական ձևը (սյունակ 3), անունը, ազգանունը (սյունակ 4), կառավարման մարմինը, կազմակերպությունը, գտնվելու (ֆիզիկական անձի դեպքում` բնակության) վայրը, հեռախոսը (սյունակ 5), պաշտոնը (սյունակ 6):

4. Սյունակ 7-ում բերվում է ջրային պետական կադաստրից օգտվելու նպատակը:

5. Սյունակներ 8-11-ում բերվում են տրամադրվող տեղեկատվության բովանդակությունը (սյունակ 8), ձևը (սյունակ 9), էջերի թիվը (սյունակ 10), տարեթիվը, ամիսը (տառերով), ամսաթիվը (սյունակ 11):

6. Սյունակ 12-ում բերվում է տեղեկատվությունը ստացողի ստորագրությունը:

20. Մակերևութային ջրային ռեսուրսների մոնիտորինգի տվյալների գրառման գրանցամատյանը (հավելված N 4)` ըստ համապատասխան հատկանշական աղյուսակների (աղյուսակներ 4.1-4.27) լրացվում է հետևյալ կարգով.

Աղյուսակ 4.1. Հիդրոլոգիական դիտակետերի ցանկը և տեղաբաշխումը.

1. Սյունակ 1-ում բերվում են բոլոր այն ջրային ռեսուրսները, որոնց համապատասխան գրանցվում են հիդրոլոգիական դիտարկումների արդյունքները` ջրային պետական կադաստրում ներառելու նպատակով:

2. Սյունակ 2-ում բերվում է յուրաքանչյուր դիտարկվող ջրային ռեսուրսի դիտակետերի ընդհանուր թիվը:

3. Սյունակներ 3-10-ում բերվում են յուրաքանչյուր դիտակետի համարը ըստ սխեմայի (սյունակ 3), կոորդինատները (սյունակ 4), անվանումը (սյունակ 5), կոդը (սյունակ 6), ընդ որում առաջնահերթ գրառվում են հիմնական ջրային ռեսուրսի դիտակետերի բնութագրերը` տեղակայված ակունքից մինչև գետաբերան, ապա նույն հերթականությամբ ռեսուրսի վտակների դիտակետերը` նշելով տեղաբաշխումը ջրատարածությունում (սյունակ 7), կամ ափերում (սյունակներ 8, 9) և հեռավորությունը ջրային ռեսուրսի գետաբերանից (սյունակ 10):

Դիտակետերի համարները նույնությամբ պահպանվում են բոլոր հատկանշական աղյուսակներում:

Լճերի և ջրամբարների համար (սյունակ 1) փակագծերում նշվում է այն գետավազանի անվանումը, որին դրանք պատկանում են:

4. Սյունակներ 11-12-ում բերվում են ջրահավաք ավազանի մակերեսը (սյունակ 11) և միջին բարձրությունը (սյունակ 12):

5. Սյունակ 13-ում բերվում է յուրաքանչյուր դիտակետի համար շահագործման տարեթիվը, ամիսը, ամսաթիվը:

6. Սյունակ 14-ում բերվում են դիտակետի գործողության դադարեցման տարեթիվը, ամիսը, ամսաթիվը, եթե այն չի գործում:

Աղյուսակ 4.2. Ջրային ռեսուրսի մակարդակը բնութագրող տվյալները.

1. Սյունակ 1-ը լրացվում է 4.1 աղյուսակի սյունակ 1-ի համապատասխան:

2. Սյունակ 2-ում բերվում է համապատասխան դիտակետի անվանումը:

3. Սյունակ 3-ում բերվում է ծովի մակերևույթից դիտակետի բարձրության «Օ» գրաֆիկի նիշը:

4. Սյունակ 4-ում բերվում է ջրային ռեսուրսի առավելագույն մակարդակը տարվա ընթացքում, որը որոշվում է ձմեռային հյուծվածությունից հետո մակարդակի կայուն բարձրացման սկզբից մինչև դրա առավելագույն լցվելն ընկած ժամանակահատվածում` ներառյալ գարնանային հորդացումները: Եթե տարեկան ցիկլի ընթացքում նկատվել է մի քանի բարձրացում, ապա ընտրվում է դրանցից առավելագույնը:

5. Սյունակ 5-ում լրացվում են դիտարկվող տարեթիվը և մակարդակի առավելագույն բարձրացման ժամանակահատվածը` ըստ ամիս, ամսաթվի:

6. Սյունակ 6-ում բերվում է ջրային ռեսուրսի նվազագույն մակարդակը, որը որոշվում է դրա առավելագույն լցման (գարնանային հորդացումների ավարտը) ժամանակաշրջանից մինչ սառցային գոյացումների առաջացման ժամանակահատվածը:

7. Սյունակ 7-ում բերվում են դիտարկվող տարեթիվը և մակարդակի նվազագույն իջեցման ժամանակահատվածը` ըստ ամիս, ամսաթվի:

8. Տարեկան տատանումները (սյունակ 8) հաշվվում են առավելագույն և նվազագույն մակարդակների տարբերությամբ` տարեկան ցիկլի ընթացքում:

Աղյուսակ 4.3. Ջրային հոսքը բնութագրող տվյալները.

1. Սյունակ 3-ում բերվում է հոսքի բնութագիրը ըստ հոսքի ընթացքի:

2. Սյունակներ 3-6-ում բերվում են համապատասխան ջրային ռեսուրսի ամառային սակավաջրության սկիզբը և ավարտը դիտարկվող տարում, ըստ` ամսաթվի և այդ տևողությունում ջրային ռեսուրսի ջրի նվազագույն ծախսը` նշելով ամսաթիվը:

3. Սյունակներ 7-10-ում բերվում են ձմեռային սակավաջրության սկիզբը և ավարտը ըստ ամսաթվի և այդ տևողությունում ջրի նվազագույն ծախսը` նշելով ամսաթիվը:

Աղյուսակ 4.4. Ջրային ռեսուրսի տարեկան ծախսը բնութագրող տվյալները.

1. Սյունակներ 1 և 2-ը լրացվում են 4.1 աղյուսակի սյունակներ 1-ի և 5-ի համապատասխան:

2. Սյունակներ 4-15-ում բերվում են ջրային ռեսուրսի ջրի ծախսերն` ըստ ամիսների:

3. Սյունակ 16-ում բերվում է ջրի միջին ամսական ծախսը դիտարկվող տարում, որը հաշվարկվում է առկա ամսական ծախսերի տվյալներից, որպես միջին թվաբանական:

4. Սյունակ 17-ում բերվում է ջրի հոսքի ծավալը օրացուցային տարում:

5. Սյունակ 18-ում բերվում է ջրային հոսքի մոդուլի ցուցանիշը, ըստ ջրի այն քանակության, որը հոսելով թափվում է ջրահավաքի միավոր մակերեսից միավոր ժամանակահատվածում:

6. Սյունակ 19-ում բերվում է տվյալ ջրահավաքում հավասարաչափ բաշխված ջրային շերտի հաստությունը:

Աղյուսակ 4.5. Ջրային ռեսուրսների գարնանային հորդացումները բնութագրող տվյալները.

1. Սյունակներ 1 և 2-ը լրացվում են 4.1 աղյուսակի սյունակներ 1 և 5-ի համապատասխան:

2. Սյունակներ 3-4-ում բերվում են հորդացումների սկսման և ավարտման ժամանակահատվածները` ամիսը, ամսաթիվը դիտարկվող տարում: Որպես հորդացումների սկիզբ (սյունակ 3) ընդունվում է այն ժամանակահատվածը, որը նախորդում է հոսքի նշանակալից մեծացմանը, իսկ որպես վերջ (սյունակ 4) հորդացումների նվազման ավարտի ժամանակահատվածը:

3. Սյունակ 5-ում բերվում է հորդացումների տևականությունը (օր), որը հաշվարկվում է հորդացումների սկզբի և ավարտի ժամանակահատվածների տարբերությամբ:

4. Սյունակ 6-ում բերվում է ջրային ռեսուրսի ջրի ծավալը հորդացման ժամանակահատվածում:

5. Սյունակ 7-ում բերվում է հորդացման ծավալը ջրի տարեկան ծավալի նկատմամբ` տոկոսներով:

Աղյուսակ 4.6. Ջրօգտագործումը մակերևութային և ստորերկրյա ջրային ռեսուրսներից` ըստ Ախուրյանի ջրավազանի ջրօգտագործողների.

1. Սյունակ 1-ում բերվում է ջրային ռեսուրսի անվանումն` ըստ ջրավազանային պատկանելիության:

2. Սյունակ 2-ում բերվում են հաշվետու ջրօգտագործողի անունը, ազգանունը, իսկ իրավաբանական անձի դեպքում` կազմակերպության անվանումը:

3. Սյունակ 3-ում բերվում են հաշվետու ջրօգտագործողի բնակության վայրը, հեռախոսը, իրավաբանական անձի դեպքում` կազմակերպության գտնվելու վայրը, հեռախոսը:

4. Սյունակ 4-ում բերվում են ՋԹ-ի համարը, կոդը, տրման ամսաթիվը, գործողության ժամկետը:

5. Սյունակներ 5-7-ում բերվում են ջրառի ցուցանիշները` ըստ ՋԹ-ի, նշելով ջրառի վայրը (սյունակ 5), ջրառի կետի կոորդինատները (սյունակ 6) և ծավալը (սյունակ 7):

6. Սյունակներ 8-9-ում բերվում են ջրի փաստացի օգտագործված ծավալները` ջրի նպատակային օգտագործմանը համապատասխան: Ընդ որում, տեղեկատվությունը բերվում է առանձին տողերով` ջրի որակի կատեգորիաներին համապատասխան:

7. Սյունակ 10-ում բերվում են փաստացի օգտագործված ջրի գումարային ծավալը` ըստ ջրի որակի կատեգորիաների:

8. Սյունակ 11-ում բերվում է այլ սպառողներին առանց օգտագործման փոխանցված ջրի ծավալը:

9. Սյունակ 12-ում բերվում է այլ սպառողներին օգտագործումից հետո փոխանցված ջրի ծավալը:

10. Սյունակ 13-ում բերվում է ջրի կորուստների ծավալը փոխադրման ժամանակ, որը հաշվարկվում է վերցված ջրի (սյունակ 7) և փաստացի օգտագործված ջրի (սյունակ 10) ծավալների տարբերությամբ: Եթե առկա է և ջրօգտագործում, և փոխանցում առանց օգտագործման, ապա կորուստները հաշվարկվում են ըստ` սյունակ 7-(սյունակ 10+սյունակ 11), օգտագործումից հետո փոխանցման դեպքում ըստ` սյունակ 7-(սյունակ 10+սյունակ 12): Ջրառի և ջրօգտագործման սյունակների փոխկապակցված լրացումների ճշգրտությունը ստուգելու համար պետք է նկատի ունենալ, որ ջրառի ծավալը պետք է հավասար լինի օգտագործված ջրի գումարային ծավալի (սյունակ 10) և տեղափոխման ժամանակ ջրի կորուստների (սյունակ 13) գումարին` առանց օգտագործման և/կամ օգտագործումից հետո ջրի փոխանցման բացակայության դեպքում:

11. Սյունակ 14-ում բերվում է կեղտաջրերի արտահոսքի ծավալը` ըստ ջրահեռացման համար հաստատված թույլատրելի սահմանային արտահոսքի (այսուհետ` ԹՍԱ):

12. Սյունակ 15-ում բերվում է փաստացի ջրահեռացման ծավալը:

13. Սյունակ 16-17-ում բերվում են հեռացված կեղտաջրերի ծավալը` ըստ ջրահեռացման ընդունիչների, ընդ որում ջրահեռացման ծավալները լրացվում են առանձին` ընդունիչին համապատասխան:

14. Սյունակներ 18-21-ում բերվում են հեռացված կեղտաջրերի ծավալները ընդունիչին համապատասխան` առանձնացված ըստ աղտոտվածության, այդ թվում` առանց մաքրման (սյունակ 18), ոչ լիարժեք մաքրված (սյունակ 19) և չափորոշային մաքուր (սյունակ 20), չափորոշային մաքրված մաքրման կառույցներում (սյունակ 21):

15. Սյունակներ 22-24-ում բերվում է արտահոսքի նկարագրությունը, նշելով վնասակար նյութերի անվանումը և չափման միավորը (սյունակ 22), դրանց համապատասխան կոնցենտրացիաները` փաստացի (սյունակ 23) և ըստ ԹՍԱ-ի (սյունակ 24):

16. Սյունակ 25-ում բերվում են ջրօգտագործման երկարացման/դադարեցման տարեթիվը, ամիսը, ամսաթիվը, եթե այն առկա է:

Աղյուսակ 4.7. Ջրօգտագործումը մակերևութային և ստորերկրյա ջրային ռեսուրսներից` ըստ Արարատյան ջրավազանի ջրօգտագործողների:

Այս աղյուսակը լրացվում է աղյուսակ 4.6-ի համապատասխան` ըստ Արարատյան ջրավազանի ջրօգտագործողների:

Աղյուսակ 4.8. Ջրօգտագործումը մակերևութային և ստորերկրյա ջրային ռեսուրսների` ըստ Սևան-Հրազդան ջրավազանի ջրօգտագործողների:

Այս աղյուսակը լրացվում է աղյուսակ 4.6-ի համապատասխան` ըստ Սևան-Հրազդան ջրավազանի ջրօգտագործողների:

Աղյուսակ 4.9. Ջրօգտագործումը մակերևութային և ստորերկրյա ջրային ռեսուրսներից` ըստ Հարավային ջրավազանի ջրօգտագործողների:

Այս աղյուսակը լրացվում է աղյուսակ 4.6-ի համապատասխան` ըստ Հարավային ջրավազանի ջրօգտագործողների:

Աղյուսակ 4.10. Ջրօգտագործումը մակերևութային և ստորերկրյա ջրային ռեսուրսներից` ըստ Հյուսիսային ջրավազանի ջրօգտագործողների:

Այս աղյուսակը լրացվում է աղյուսակ 4.6-ի համապատասխան` ըստ Հյուսիսային ջրավազանի ջրօգտագործողների:

Աղյուսակ 4.11. Մակերևութային ջրային ռեսուրսներից ջրառի հիմնական ցուցանիշները` ըստ ջրավազանների, մարզերի և քաղաքների ու գյուղական համայնքների.

1. Աղյուսակ 4.11-ը լրացվում է ըստ ջրավազանների (սյունակ 1) և դրանց համապատասխան մարզերի (սյունակ 2), քաղաքների ու գյուղական համայնքների (սյունակ 3) դիտարկվող տարվա համար (սյունակ 4):

2. Սյունակներ 5-8-ում բերվում է հաշվետու ջրօգտագործողների ընդհանուր քանակը (սյունակ 5), առանձնացնելով դրանց քանակը` ըստ ջրավազանների (սյունակ 6), մարզերի (սյունակ 7), քաղաքների և գյուղական համայնքների (սյունակ 8):

3. Սյունակներ 9-11-ում բերվում են ջրի օգտագործման համար սահմանված ծավալը` սյունակներ 6,7,8-ին համապատասխան:

4. Սյունակներ 12-14-ում բերվում են հաշվետու ջրօգտագործողների կողմից օգտագործված ջրի ծավալը` սյունակներ 6,7,8-ին համապատասխան:

5. Սյունակներ 15-17-ում բերվում են առաջարկվող ջրի ծավալները:

Աղյուսակ 4.12. Հաշվետու ջրօգտագործողների ջրօգտագործման ցուցանիշները` ըստ դրանց քանակի և ջրաղբյուրների.

1. Աղյուսակ 4.12-ում բերվում են հաշվետու ջրօգտագործողների ընդհանուր քանակը (սյունակ 3) դիտարկվող տարում (սյունակ 2), ըստ ջրավազանների (սյունակ 1), որից առանձնացվում են ջրօգտագործողները ըստ կազմակերպական-իրավական ձևի (սյունակներ 4.5), ջրաղբյուրների (սյունակներ 6.7):

2. Սյունակներ 8-9-ում բերվում են ջրառի ծավալները` ըստ ջրօգտագործողների, առանձնացնելով ջրառը ըստ ջրաղբյուրների:

3. Սյունակներ 10-11-ում բերվում են ջրահեռացման ծավալները, առանձնացնելով ջրահեռացումը ջրային ռեսուրս, այդ թվում` կոյուղու կոլեկտորի (այսուհետ` ԿԿ) և/կամ կեղտաջրերի մաքրման կայանների (այսուհետ` ԿՄԿ) միջոցով:

Աղյուսակ 4.13. Ջրօգտագործման ընդհանրացված ցուցանիշները` ըստ ջրավազանների, ջրաղբյուրների և ջրի որակի.

1. Բոլոր սյունակների տվյալները բերվում են ըստ ջրավազանների (սյունակ 1)` դիտարկվող տարվա համար (սյունակ 2):

2. Սյունակ 3-ում բերվում է օգտագործված ջրի ընդհանուր ծավալը:

3. Սյունակ 4-ում բերվում է օգտագործված ջրի ընդհանուր ծավալը` ըստ ջրի որակի:

4. Սյունակ 5-ում բերվում է խմելու ջրի որակի այն ընդհանուր ծավալը, որն օգտագործվել է արտադրական կարիքների համար, որից առանձնացվում է ջրմուղ ցանցից վերցված ծավալը (սյունակ 6):

5. Սյունակներ 7-9-ում բերվում են օգտագործված ջրի ծավալն` ըստ կոմունալ-կենցաղային, տեխնիկական, գյուղատնտեսության նպատակային օգտագործման:

6. Սյունակ 10-ում բերվում է օգտագործված ջրի ծավալը, որը վերցվել է մակերևութային ջրային ռեսուրսներից:

7. Սյունակ 11-ում բերվում է օգտագործված ջրի ծավալը` ստորերկրյա ջրային ռեսուրսներից:

8. Սյունակներ 12-14-ում բերվում են ջրօգտագործման ցուցանիշները ըստ համակարգերի, առանձնացնելով ընդհանուր, հաջորդական, շրջանառու համակարգերով օգտագործված ջրի ծավալները:

9. Սյունակ 15-ում բերվում է ջրի տնտեսման տոկոսն ի հաշիվ հաջորդական ջրօգտագործման:

10. Սյունակ 16-ում բերվում է թարմ ջրի ջրօգտագործման գործակիցը:

Աղյուսակ 4.14. Ջրօգտագործման ընդհանրացված ցուցանիշները` ըստ մարզերի, ջրաղբյուրների և ջրի որակի:

Այս աղյուսակը լրացվում է աղյուսակ 4.13-ի համապատասխան` ըստ մարզերի:

Աղյուսակ 4.15. Ջրօգտագործման ընդհանրացված ցուցանիշները` ըստ քաղաքների և գյուղական համայնքների, ջրաղբյուրների և ջրի որակի:

Այս աղյուսակը լրացվում է աղյուսակ 4.13-ին համապատասխան` ըստ քաղաքների և գյուղական համայնքների:

Աղյուսակ 4.16. Ջրային ռեսուրսների ջրի որակի ուսումնասիրության դիտակետերի անվանացանկը.

1. Այս աղյուսակում բերվում են մակերևութային (սյունակ 2), ստորերկրյա (սյունակ 3) ռեսուրսները, ըստ որոնց դիտարկվող տարում (սյունակ 1) գրանցվում են ջրի որակի ուսումնասիրության արդյունքները` ըստ համապատասխան դիտակետերի: Դրանցից յուրաքանչյուրի համար բերվում է տեղաբաշխումը` ըստ մարզի (սյունակ 4), քաղաքի և գյուղական համայնքների (սյունակ 5), հեռավորությունը քաղաքից կամ գյուղական համայնքներից (սյունակ 6):

2. Սյունակներ 7-9-ում բերվում են դիտարկումների հաճախականությունը, այդ թվում կանոնավորի դեպքում` ամսական դիտարկումներ թիվը (սյունակ 7), անկանոնի դեպքում (սյունակ 8)` տարեկան դիտարկումների թիվը, փակագծերում նշելով, թե դիտարկումները որ սեզոնին են կատարվում, իսկ սյունակ 9-ում` դիտակետի գործողության դադարեցման ամիսը, ամսաթիվը:

Աղյուսակ 4.17. Ջրային ռեսուրսների աղտոտվածության բնութագիրը.

1. Այս աղյուսակում բերվում են մակերևութային (սյունակ 1), ստորերկրյա (սյունակ 2), ջրային ռեսուրսների անվանումը, ջրի որակի ուսումնասիրության դիտակետերի համարը (սյունակ 3) ըստ քարտեզի վրա տեղաբաշխվածության: 2. Սյունակներ 5-8-ում բերվում են ջրային ռեսուրսի որակը բնութագրող վնասակար նյութերի կազմը (սյունակ 5), դրանց չափման միավորը (սյունակ 6), միջին (սյունակ 7) և առավելագույն (սյունակ 8) կոնցենտրացիաները:

Աղյուսակ 4.18. Ջրային ռեսուրսների բնական վիճակի (ֆոնի) բնութագիրը.

1. Այս աղյուսակում բերվում են մակերևութային (սյունակ 1), ստորերկրյա (սյունակ 2), ջրային ռեսուրսները, կամ դրանց ֆոնային հատվածները, որոնք տեղակայված են աղտոտման աղբյուրի անմիջական ազդեցությունից դուրս գտնվող տարածքներում և որտեղ որոշվում են տվյալ ջրային ռեսուրսի ֆոնային աղտոտվածությունը:

2. Սյունակներ 3-7-ում բերվում են ջրային ռեսուրսի բնական աղտոտումը բնութագրող ցուցանիշների անվանումը (սյունակ 3), դրանց չափման միավորը (սյունակ 4), վնասակարության լիմիտը սահմանող ցուցանիշը (սյունակ 5), ինչպես նաև կոնցենտրացիաները` ֆոնային (սյունակ 6) և սահմանային թույլատրելի (սյունակ 7):

Աղյուսակ 4.19. Կեղտաջրերի արտահոսքը ջրային ռեսուրսներ` ըստ ջրավազանների.

1. Բոլոր սյունակների տվյալները բերվում են առանձին` ըստ ջրավազանների, դիտարկվող տարվա համար:

2. Սյունակ 3-ում բերվում է հեռացված կեղտաջրերի ընդհանուր ծավալը:

3. Սյունակ 4-ում բերվում է մակերևութային ջրընդունիչներ հեռացված կեղտաջրերի ծավալը:

4. Սյունակ 5-ում բերվում են մակերևութային ջրընդունիչներ առանց մաքրման հեռացված, իսկ սյունակ 6-ում` ոչ լիարժեք մաքրված, կեղտաջրերի ծավալները:

5. Սյունակ 7-ում բերվում է մակերևութային ջրընդունիչներ հեռացված չափորոշային մաքուր (առանց մաքրման) կեղտաջրերի ծավալը:

6. Սյունակ 8-ում բերվում է մակերևութային ջրընդունիչներ հեռացված չափորոշային ցուցանիշներին համապատասխան մաքրված կեղտաջրերի ծավալները:

7. Սյունակներ 9-10-ում բերվում են համապատասխանաբար ստորգետնյա հորիզոններ և բնական իջվածքներ հեռացված կեղտաջրերի ծավալները:

8. Սյունակ 11-ում բերվում է հեռացված հանքախորշային ջրերի ծավալը:

9. Սյունակ 12-ում բերվում է հեռացված կոլեկտորացամաքուրդային ջրերի ծավալը:

10. Սյունակ 13-ում բերվում է հեռացված տարանցիկ կեղտաջրերի ծավալը:

11. Սյունակ 14-ում հաջորդական օգտագործման նպատակով հեռացված կոլեկտորացամաքուրդային ջրերի և կեղտաջրերի ծավալը:

Աղյուսակ 4.20. Կեղտաջրերի արտահոսքը ջրային ռեսուրսներ` ըստ մարզերի:

Այս աղյուսակը լրացվում է 4.19-ի համապատասխան` ըստ մարզերի:

Աղյուսակ 4.21. Կեղտաջրերի արտահոսքը ջրային ռեսուրսներ` ըստ քաղաքների և գյուղական համայնքների:

Այս աղյուսակը լրացվում է աղյուսակ 4.19-ի համապատասխան` ըստ քաղաքների և գյուղական համայնքների:

Աղյուսակ 4.22. Ջրային ռեսուրսներ թափվող կեղտաջրերում վնասակար նյութերի պարունակությունը` ըստ ջրավազանների.

1. Բոլոր սյունակների տվյալները բերվում են առանձին ըստ ջրավազանների` դիտարկվող տարվա համար:

2. Սյունակ 3-ում բերվում է ջրային ռեսուրսներ թափվող կեղտաջրերի ընդհանուր ծավալը:

3. Սյունակներ 4-5-ում բերվում են համապատասխանաբար թթվածնի կենսաբանական լրիվ պահանջարկի (այսուհետ` ԹԿՊ(լրիվ)) և թթվածնի քիմիական պահանջարկի (այսուհետ` ԹՔՊ) տվյալները:

4. Սյունակներ 6-17-ում բերվում են ջրային ռեսուրսներ թափվող կեղտաջրերում պարունակվող վնասակար նյութերի քանակները:

Աղյուսակ 4.23. Ջրային ռեսուրսներ թափվող կեղտաջրերում վնասակար նյութերի պարունակությունը` ըստ մարզերի:

Այս աղյուսակը լրացվում է 4.22-ի համապատասխան` ըստ մարզերի:

Աղյուսակ 4.24. Ջրային ռեսուրսներ թափվող կեղտաջրերում վնասակար նյութերի պարունակությունը` ըստ քաղաքների և գյուղական համայնքների:

Այս աղյուսակը լրացվում է աղյուսակ 4.22-ի համապատասխան` ըստ քաղաքների և գյուղական համայնքների:

Աղյուսակ 4.25. Կոյուղու կոլեկտորի միջոցով ջրային ռեսուրսներ թափվող կեղտաջրերում վնասակար նյութերի պարունակությունը` ըստ ջրավազանների.

1. Այս աղյուսակը լրացվում է դիտարկվող տարվա համար` ըստ ջրավազանների:

2. Սյունակներ 3-ում բերվում է կոյուղու կոլեկտորի միջոցով ջրային ռեսուրս թափվող կեղտաջրերի ընդհանուր ծավալը:

3. Սյունակներ 4-5-ում բերվում են համապատասխանաբար ԹԿՊ_լրիվ-ի և ԹՔՊ-ի տվյալները:

4. Սյունակներ 6-17-ում բերվում են կոյուղու կոլեկտորի միջոցով ջրային ռեսուրս թափվող կեղտաջրերում պարունակվող վնասակար նյութերի քանակները:

Աղյուսակ 4.26. Կոյուղու կոլեկտորի միջոցով ջրային ռեսուրսներ թափվող կեղտաջրերում վնասակար նյութերի պարունակությունը` ըստ մարզերի:

Այս աղյուսակը լրացվում է աղյուսակ 4.25-ի համապատասխան` ըստ մարզերի:

Աղյուսակ 4.27. Կոյուղու կոլեկտորի միջոցով ջրային ռեսուրսներ թափվող կեղտաջրերում վնասակար նյութերի պարունակությունը` ըստ քաղաքների և գյուղական համայնքների:

Այս աղյուսակը լրացվում է աղյուսակ 4.25-ի համապատասխան` ըստ քաղաքների և գյուղական համայնքների:

21. Ստորերկրյա ջրային ռեսուրսների մոնիտորինգի տվյալների գրառման գրանցամատյանը (հավելված N 5)` ըստ համապատասխան հատկանշական աղյուսակների (աղյուսակներ 5.1-5.3) լրացվում է հետևյալ կարգով:

Աղյուսակ 5.1. Ստորերկրյա ջրային ռեսուրսների հիդրոերկրաբանական դիտահորերի ցանկը և տեղաբաշխումը:

1. Սյունակ 1-ում բերվում են բոլոր ստորերկրյա ջրային ռեսուրսները, որոնց համապատասխան գրանցվում են հիդրոերկրաբանական դիտարկումների արդյունքները: Դրանցից յուրաքանչյուրի համար բերվում է դիտահորերի թիվը (սյունակ 3), անվանումը (սյունակ 4), կոդը (սյունակ 5), բնութագիրը` հեռավորությունը աղբյուրից (սյունակ 6), խորությունը (սյունակ 7), ջրահավաք մակերեսը (սյունակ 8):

2. Սյունակ 9-ում բերվում է դիտահորի շահագործման ժամկետը:

3. Սյունակ 10-ում բերվում է դիտահորի փակման ժամկետը:

Աղյուսակ 5.2. Ստորերկրյա ջրային ռեսուրսների պաշարների գնահատման ցուցանիշները` ըստ մարզերի:

1. Բոլոր սյունակների տվյալները բերվում են առանձին ըստ մարզերի` դիտարկվող տարվա համար:

2. Սյունակներ 3-5-ում բերվում են հայտնաբերված ստորերկրյա ջրային ռեսուրսների պաշարների ցուցանիշները` առանձնացված ըստ կատեգորիաների և ընդհանուր:

3. Սյունակներ 6-7-ում բերվում են հայտնաբերված բնական աղբյուրների ցուցանիշները` նշելով թվաքանակը և պաշարները:

4. Սյունակներ 8-10-ում բերվում են շահագործված ստորերկրյա ջրային ռեսուրսների պաշարների ցուցանիշները` առանձնացված ըստ կատեգորիաների և ընդհանուր:

5. Սյունակներ 11-12-ում բերվում են շահագործված բնական աղբյուրների ցուցանիշները նշելով թվաքանակը և պաշարները համապատասխան` ըստ կանխատեսումների:

6. Սյունակներ 13-17-ը լրացվում են սյունակներ 3-7-ին համապատասխան, ըստ կանխատեսումների:

Աղյուսակ 5.3. Ջրային ռեսուրսների հուներից և ափերից արդյունահանվող նյութերի և դրանց պաշարների գնահատման ցուցանիշները` ըստ մարզերի.

1. Այս աղյուսակում բոլոր սյունակների տվյալները բերվում են առանձին` ըստ մարզերի դիտարկվող տարվա համար:

2. Սյունակ 3-ում բերվում է ջրային ռեսուրսների հուներից և ափերից արդյունահանվող նյութերի անվանումը:

3. Սյունակներ 4-9-ում բերվում են համապատասխանաբար` ողողատային տիպի և դարավանդային հանքավայրերից արդյունահանվող նյութերի պաշարների ցուցանիշները` ըստ ընդհանուր, տեսակարար ստատիկ և դինամիկ պաշարների:

22. Ջրերի վնասակար ներգործության հետևանքով առաջացած արտակարգ իրավիճակների և դրանց կանխատեսումների գրանցման գրանցամատյանը (հավելված N 6) լրացվում է հետևյալ կարգով.

1. Սյունակ 1-2-ում բերվում են տարերային և տեխնածին ծագմամբ աղետների տեսակները դիտարկվող տարվա համար:

2. Սյունակ 3-ում բերվում է դիտարկվող տարում (սյունակ 1) գրանցված արտակարգ իրավիճակների դեպքերի ընդհանուր քանակը` ըստ տարերային և տեխնածին ծագմամբ աղետների տեսակների:

3. Սյունակներ 4-5-ում բերվում են ջրի վնասակար ներգործությամբ պայմանավորված աղետների կանխատեսումները, որոնցից առանձնացվում են կարճաժամկետ (սյունակ 4) և երկարաժամկետ կանխատեսումները (սյունակ 5):

4. Սյունակներ 6-7-ում բերվում են ջրային ավազանում արտակարգ իրավիճակներով պայմանավորված ռիսկի (հայտարարված) տարածքների մակերեսը (սյունակ 6) և վայրը (սյունակ 7):

23. Ջրային պետական կադաստրում ՀՏԿ-ների հաշվառման գրանցամատյանը (հավելված N 7) լրացվում է հետևյալ կարգով.

1. Սյունակ 1-ում բերվում են ՀՏԿ-ների անվանումը, գտնվելու վայրը` մարզը, քաղաքը կամ գյուղական համայնքը:

2. Սյունակ 2-ում բերվում է ՀՏԿ-ին առնչվող ջրային ռեսուրսի անվանումը:

3. Սյունակ 3-ում բերվում են ՀՏԿ-ի ՋԹ-ի համարը, ստացման տարեթիվը, ամիսը, ամսաթիվը, օգտագործման ժամկետը:

4. Սյունակ 5-ում բերվում են ՀՏԿ-ի օգտագործման իրավունք ստացողի անունը, ազգանունը, բնակության վայրը, իսկ իրավաբանական անձի դեպքում` կազմակերպության անվանումը, գտնվելու վայրը:

5. Սյունակ 6-ում բերվում են ՀՏԿ-ի օգտագործման թույլտվությանն առնչվող ՋԹ-ի համարը, կոդը:

6. Սյունակ 7-ում բերվում են ջրային պետական կադաստրում ՀՏԿ-ի հաշվառման համար ներկայացվող հայտի ստացման տարեթիվը, ամիսը, ամսաթիվը:

7. Սյունակ 8-ում բերվում են ՀՏԿ-ի գրանցման վկայականի համարը, տարեթիվը, ամիսը, ամսաթիվը:

8. Սյունակ 9-ում բերվում են վկայականի տրման տարեթիվը, ամիսը, ամսաթիվը և հայտատուի ստորագրությունը:

24. Ջրային պետական կադաստրում գրանցման ենթակա ՋԹ-ի գրանցման գրանցամատյանը (հավելված N 8) լրացվում է հետևյալ կարգով.

1. Սյունակ 1-ում բերվում են ՋԹ-ն ստացողի անունը, ազգանունը, իսկ իրավաբանական անձի դեպքում` կազմակերպության անվանումը:

2. Սյունակ 2-ում բերվում են ջրօգտագործողի բնակության վայրը, իրավաբանական անձի դեպքում` կազմակերպության գտնվելու վայրը, ջրառի կետի գտնվելու վայրը: Ջրօգտագործողի և ջրառի կետի գտնվելու վայրի համընկնման դեպքում բերվում է միայն մեկը:

3. Սյունակ 3-ում բերվում է ջրային ռեսուրսի անվանումը, որից իրականացվում է ջրառը:

4. Սյունակ 4-ում բերվում են ջրօգտագործողի կողմից ՋԹ-ի նպատակով ներկայացված հայտի ստացման տարեթիվը, ամիսը, ամսաթիվը:

5. Սյունակ 5-ում բերվում են ՋԹ-ի համարը, կոդը, տրման տարեթիվը, ամիսը, ամսաթիվը և գործողության ժամկետը:

6. Սյունակ 6-ում բերվում են ջրային պետական կադաստրում ՋԹ-ի գրանցման վկայականի համարը, տարեթիվը, ամիսը, ամսաթիվը:

7. Սյունակ 7-ում բերվում են վկայականի տրման տարեթիվը, ամիսը, ամսաթիվը և վկայական ստացողի ստորագրությունը:

8. Սյունակ 8-ում բերվում են ջրօգտագործման իրավունքի փոխանցման տարեթիվը, ամիսը, ամսաթիվը` փոխանցման պայմանագրի առկայության դեպքում:

9. Սյունակ 9-ում բերվում են իրավունքը ստանձնողի անունը ազգանունը:

10. Սյունակ 10-ում բերվում են ստանձնողի գտնվելու վայրը:

11. Սյունակներ 11-15-ում բերվում են ՋԹ-ի իրավունքը մեկ այլ անձի փոխանցելու (եթե այն առկա է) մասին տեղեկատվությունը, նշելով փոխանցման համապատասխան ձևը` գրավոր պայմանագիր (սյունակ 11), իրավահաջորդություն (սյունակ 12), իրավունքի վաճառք (սյունակ 13) և իրավունքի մասի վաճառք (սյունակներ 14-15), նշելով իրավունքի մասի վաճառքով ստանձնվող ջրառի ծավալը (սյունակ 14) ու ստանձնողի կողմից ջրօգտագործման ժամանակահատվածը, ռեժիմը` ջրառի տարեկան օրերի քանակը և ժամային գրաֆիկը (սյունակ 15):

12. Սյունակ 16-17-ում բերվում են ՋԹ-ի իրավունքում կատարված փոփոխությունների գրանցման վկայականի համարը, տարեթիվը, ամիսը, ամսաթիվը և ստանձնողի ստորագրությունը:

Հավելված N 2
Հայաստանի Հանրապետության
բնապահպանության նախարարի
__ _________2003 թ.
N ___ հրամանի

Գ Ր Ա Ն Ց Ա Մ Ա Տ Յ Ա Ն

Ջրային պետական կադաստր մուտք գործող փաստաթղթերի գրանցման

Փաստաթղթի
գրանցման
հերթական
համարը

Փաստաթուղթը
տրամադրող
մարմնի
անվանումը

Փաստաթուղթը
ստորագրող
պաշտոնատար
անձի անունը,
ազգանունը

Փաստաթղթի
տրամադրման
տարեթիվը,
ամիսը
(տառերով),
ամսաթիվը

Փաստաթղթի
տեսակը

Փաստաթղթի
վերնագիրը

Փաստաթղթի
էջերի թիվը

Փաստաթղթի
գրանցամատյանում
գրանցման
տարեթիվը,
ամիսը (տառերով),
ամսաթիվը

1

2

3

4

5

6

7

8

Հավելված N 3
Հայաստանի Հանրապետության
բնապահպանության նախարարի
__ _________2003 թ.
N ___ հրամանի

Ջրային պետական կադաստրի տվյալների տրամադրման

Հայտի
գրանցման
հերթական
համարը

Հայտի
ստացման
տարեթիվը,
ամիսը
(տառերով
ամսաթիվը)

Հայտատուի տվյալները

Ջրային
պետական
կադաստրից
օգտվելու
նպատակը

Տեղեկատվության տրամադրում

Հայտա-
տուի
ստորա-
գրու-
թյունը

կազմա-
կերպական
իրավական
ձևը

անունը,
ազգա-
նունը

կառա-
վարման
մարմին
կազմակեր-
պությունը,
գտնվելու
վայրը,
հեռախոսը

պաշտոնը

բովան-
դակու-
թյունը

տրամա-
դրման
ձևը

էջերի
թիվը

ամիսը
(տառերով),
ամսաթիվը,
տարեթիվը

1

2

3

4

5

6

7

8

9

10

11

12