ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 մայիսի 2023 թվականի N 730-Լ

Ղեկավարվելով Հայաստանի Հանրապետության Սահմանադրության 146-րդ հոդվածով, «Կառավարության կառուցվածքի և գործունեության մասին» Հայաստանի Հանրապետության օրենքի 11-րդ հոդվածի 8-րդ մասով և Հայաստանի Հանրապետության կառավարության 2021 թվականի նոյեմբերի 18-ի N 1902-Լ որոշման N 1 հավելվածով հաստատված՝ «Հայաստանի Հանրապետության կառավարության 2021-2026 թվականների գործունեության ծրագրի կատարումն ապահովող միջոցառումների» ցանկի «Տարածքային կառավարման և ենթակառուցվածքների նախարարություն» բաժնի 10.1-ին կետով՝ Հայաստանի Հանրապետության կառավարությունը որոշում է.

1. Հաստատել՝

1) Հանքարդյունաբերության ոլորտի զարգացման ռազմավարությունը` համաձայն N 1 հավելվածի.

2) Հանքարդյունաբերության ոլորտի զարգացման ռազմավարության գործողությունների պլանը (մինչև 2035 թվականը)` համաձայն N 2 հավելվածի:

2. Սույն որոշման 1-ին կետի 2-րդ ենթակետով հաստատված՝ Հանքարդյունաբերության ոլորտի զարգացման ռազմավարության գործողությունների պլանով (մինչև 2035 թվականը) սահմանված միջոցառումների իրականացման նպատակով Հայաստանի Հանրապետության պետական բյուջեից անհրաժեշտ ծախսերի հատկացման հարցը քննարկել տվյալ տարվա բյուջետային գործընթացի՝ ներառյալ միջնաժամկետ ծախսային ծրագրի կազմման շրջանակում: Յուրաքանչյուր միջոցառման համար պատասխանատու մարմինը պետք է ապահովի միջոցառման իրականացման համար անհրաժեշտ ֆինանսական միջոցների հատկացման նախատեսումն իր կողմից ներկայացվող բյուջետային հայտում` հաշվի առնելով հարկաբյուջետային սահմանափակումները:

(2-րդ կետը խմբ. 08.08.24 N 1246-Լ)

3. Հայաստանի Հանրապետության տարածքային կառավարման և ենթակառուցվածքների նախարարին՝ սույն որոշումն ընդունվելուց հետո եռամսյա ժամկետում հաստատել որոշման 2-րդ կետով հաստատված՝ Հանքարդյունաբերության ոլորտի զարգացման ռազմավարության գործողությունների պլանով (մինչև 2035 թվականը) սահմանված միջոցառումների 2023-2035 թվականների արդյունքային շրջանակը։