ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«Ապրանքների մանրածախ վաճառքի ԵՎ մնացորդի մասին» ՁԵՎ 3-ԱՌԵՎՏՈՒՐ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2017 ԹՎԱԿԱՆԻ ՀՈՒԼԻՍԻ 14-Ի ԹԻՎ 15-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

(վերնագիրը փոփ. 23.11.23 թիվ 35-Ն)

Ղեկավարվելով «Պաշտոնական վիճակագրության մասին» Հայաստանի Հանրապետության օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Ապրանքների մանրածախ վաճառքի և մնացորդի մասին» Ձև 3-առևտուր (տարեկան) վիճակագրական հաշվետվության ձևը՝ համաձայն հավելված 1-ի:

(1-ին կետը փոփ. 23.11.23 թիվ 35-Ն)

2. Հաստատել «Ապրանքների մանրածախ վաճառքի և մնացորդի մասին» Ձև 3-առևտուր (տարեկան) վիճակագրական հաշվետվության լրացման հրահանգը՝ համաձայն հավելված 2-ի:

(2-րդ կետը փոփ. 23.11.23 թիվ 35-Ն)

3. Ուժը կորցրած ճանաչել Հայաստանի Հանրապետության վիճակագրության պետական խորհրդի՝ 2017 թվականի հուլիսի 14-ի ««Տեղեկատվություն ապրանքների վաճառքի և մնացորդի վերաբերյալ» Ձև 3-առևտուր (տարեկան) պետական վիճակագրական հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2016 թվականի սեպտեմբերի 22-ի թիվ 12-Ն որոշումն ուժը կորցրած ճանաչելու մասին» թիվ 15-Ն որոշումը:

4. Սույն որոշումն ուժի մեջ է մտնում 2019 թվականի հունվարի 1-ից:

ԲԱԺԻՆ 1. ՊԱՐԵՆԱՅԻՆ ԱՊՐԱՆՔՆԵՐԻ ՄԱՆՐԱԾԱԽ ՎԱՃԱՌՔԸ ԵՎ ՄՆԱՑՈՐԴՆ ԸՍՏ ՏԵՍԱԿՆԵՐԻ

հազար դրամ (մեկ տասնորդական նիշով),

 առանց ավելացված արժեքի և այլ անուղղակի հարկերի

ԲԱԺԻՆ 2. ՈՉ ՊԱՐԵՆԱՅԻՆ ԱՊՐԱՆՔՆԵՐԻ ՄԱՆՐԱԾԱԽ ՎԱՃԱՌՔԸ ԵՎ ՄՆԱՑՈՐԴՆ ԸՍՏ ՏԵՍԱԿՆԵՐԻ

ԲԱԺԻՆ 3. ԵՐԿԱՐԱԺԱՄԿԵՏ ՕԳՏԱԳՈՐԾՄԱՆ ԱՊՐԱՆՔՆԵՐԻ ՄԱՆՐԱԾԱԽ ՎԱՃԱՌՔԸ ԵՎ ՄՆԱՑՈՐԴԸ

ԲԱԺԻՆ 4. ՈԳԵԼԻՑ ԽՄԻՉՔՆԵՐԻ ՄԱՆՐԱԾԱԽ ՎԱՃԱՌՔԸ ԵՎ ՄՆԱՑՈՐԴԸ

ԲԱԺԻՆ 5. ԱՎՏՈՄԵՔԵՆԱՆԵՐԻ ԵՎ ՄՈՏՈՑԻԿԼՆԵՐԻ ՄԱՆՐԱԾԱԽ ՎԱՃԱՌՔԸ

հազար դրամ (մեկ տասնորդական նիշով),

առանց ավելացված արժեքի և այլ անուղղակի հարկերի

ԲԱԺԻՆ 6. ԱՎՏՈՏՐԱՆՍՊՈՐՏԱՅԻՆ ՄԻՋՈՑՆԵՐԻ ԵՎ ՄՈՏՈՑԻԿԼՆԵՐԻ ՏԵԽՆԻԿԱԿԱՆ ՍՊԱՍԱՐԿՈՒՄԸ ԵՎ ՆՈՐՈԳՈՒՄԸ

ԲԱԺԻՆ 7. ԸՆԴՀԱՆՈՒՐ ՏԵՂԵԿՈՒԹՅՈՒՆՆԵՐ

(հավելվածը խմբ. 02.09.20 թիվ 19-Ն, 23.11.23 թիվ 35-Ն)

Հ Ր Ա Հ Ա Ն Գ

1. Սույն հրահանգը կարգավորում է «Ապրանքների մանրածախ վաճառքի և մնացորդի մասին» Ձև 3-առևտուր (տարեկան) վիճակագրական հաշվետվության (այսուհետ` Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացնում են իրավաբանական անձինք և անհատ ձեռնարկատերերը (ռեսպոնդենտ), որոնք այդ մասին իրազեկվում են Հայաստանի Հանրապետության վիճակագրության պետական խորհրդի` 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ Հաշվետվության ձևի վրա նշված ժամկետներում և պարբերականությամբ:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն ՀՀ էկոնոմիկայի նախարարի 2013 թվականի սեպտեմբերի 19-ի N 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման (տես՝ http://www.arlis.am/Annexes/4/GT30.1-13page1730-2124ink1392.doc հղումը):

5. Հաշվետվության իմաստով փաստացի գործունեության հիմնական տեսակ է համարվում գործունեության այն տեսակը, որը հաշվետու ժամանակաշրջանում հավելյալ արժեքի ընդհանուր ծավալում փաստացի ունեցել է առավել մեծ տեսակարար կշիռ: Առավել մեծ տեսակարար կշիռը որոշվում է ընդհանուր հասույթի, հավելյալ արժեքի կամ աշխատողների ընդհանուր թվաքանակի մեջ ունեցած բաժնով և այլ համանման բնութագրող ցուցանիշներով:

6. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ՄԵԹՈԴԱԲԱՆԱԿԱՆ ՊԱՐԶԱԲԱՆՈՒՄՆԵՐ

7. Հաշվետվության մեջ լրացվում են պարենային և ոչ պարենային ապրանքների, ինչպես նաև ավտոմեքենաների և մոտոցիկլների մանրածախ առևտրի վերաբերյալ ցուցանիշներ:

8. Մանրածախ առևտուրը նոր և գործածված ապրանքների վերավաճառքն է (ապրանքի վաճառք առանց ձևափոխման) հիմնականում հանրությանը անձնական կամ տնային տնտեսությունների սպառման կամ օգտագործման համար:

9. Մանրածախ առևտուրը ներառում է նաև միջնորդ գործակալների կողմից իրականացվող առևտուրը, ինչպես նաև առևտուրը աճուրդի միջոցով:

10. Ավտոմեքենաների առևտրում ներառվում է ինչպես մասնագիտացված առևտրի կետերի միջոցով իրականացված ավտոմեքենաների, դրանց մասերի և պարագաների վաճառքը, այնպես էլ դրանց տեխնիկական սպասարկումը և նորոգումը:

11. Առևտրի շրջանառության մեջ ներառվում են բոլոր տեսակի հարկերը, բացառությամբ ավելացված արժեքի հարկի և այլ անուղղակի հարկերի:

12. Մանրածախ առևտրի շրջանառության մեջ չեն ներառվում՝

1) գնորդի կողմից վերադարձված ապրանքի արժեքը,

2) ապակե տարաներով վաճառված և հետ վերադարձված, կամ ապրանքի հետ փոխանակման դիմաց տրված տարայի արժեքը,

3) ապրանքափոխանակությամբ կատարված առևտուրը,

4) միջազգային կապի և լիցքավորման քարտերի արժեքը,

5) տրանսպորտի բոլոր տեսակներով ուղևորափոխադրման տոմսերի արժեքը, վիճակախաղի տոմսերի արժեքը:

13. Ապրանքային մնացորդը մինչև իրացման պահը շրջանառության ոլորտում գտնվող փաստացի առկա ապրանքների քանակն է` հաշվարկված վաճառքի ընթացիկ գներով:

14. «Բաժին 1. «Պարենային ապրանքների մանրածախ վաճառքը և մնացորդն ըստ տեսակների»» բաժնի սյունակ 1-ում և սյունակ 2-ում լրացվում են հետևյալ պարենային ապրանքների մանրածախ վաճառքի և մնացորդի (դրամական արտահայտությամբ, հազար դրամ) ցուցանիշները.

1) «110» ծածկագրով տողում՝ «112», «114», «116» «118», «120»-«130», «132»-«142», «144»-«154» ծածկագրերով տողերի ցուցանիշների հանրագումարը,

2) «112» ծածկագրով տողում՝ «112.1»-«112.4» ծածկագրերով տողերի ցուցանիշների հանրագումարը, այդ թվում՝ «112.1» ծածկագրով տողում ՝ տավարի, հորթի, ոչխարի, գառան, խոզի և այլ մսի, «112.2» ծածկագրով տողում՝ ընտանի և վայրի թռչնամսի, «112.3» ծածկագրով տողում՝ պահածոյացված մսի և թռչնամսի, «112.4» ծածկագրով տողում՝ տավարի, հորթի, ոչխարի, գառան, խոզի, թռչնի և այլ մսամթերքի և պահածոյացված մսամթերքի,

3) «114» ծածկագրով տողում՝ ձկան, խեցեմորթների և կակղամորթների, դրանց խավիարի, կիսաֆաբրիկատների, պահածոների և այլ ծովամթերքի,

4) «116» ծածկագրով տողում՝ «116.1»-«116.5» ծածկագրերով տողերի ցուցանիշների հանրագումարը, այդ թվում՝ «116.1» ծածկագրով տողում՝ կենդանական յուղերի, «116.2» ծածկագրով տողում՝ բուսական յուղերի, «116.3» ծածկագրով տողում՝ մարգարինի և համանման սննդային յուղերի, «116.4» ծածկագրով տողում՝ մայոնեզի, «116.5» ծածկագրով տողում՝ այլ սննդային յուղերի և ճարպերի,

5) «118» ծածկագրով տողում՝ կաթի, կաթի փոշու, թթվասերի, կարագի, մածունի, յոգուրտի, կեֆիրի, կաթնաշոռի, կաթնասերի, պանրի, սերուցքի և այլ կաթնամթերքի,

6) «120» ծածկագրով տողում՝ բոլոր տեսակի ձվերի,

7) «122» ծածկագրով տողում՝ շաքարի և շաքարի փոխարինիչների,

8) «124» ծածկագրով տողում` շոկոլադի և շոկոլադե հրուշակեղենի և այլ շաքարային հրուշակեղենի,

9) «126» ծածկագրով տողում` հացի, այդ թվում՝ լավաշի, հրուշակեղենի, բուլկեղենի և այլ հացաբուլկեղենի,

10) «128» ծածկագրով տողում ՝ պաղպաղակի,

11) «130» ծածկագրով տողում` թեյի, սուրճի, կակաոյի, համեմունքների,

12) «132» ծածկագրով տողում` կերակրի աղի,

13) «134» ծածկագրով տողում` ալյուրի,

14) «136» ծածկագրով տողում` բրնձի, հնդկաձավարի, վարսակի և այլ ձավարեղենի,

15) «138» ծածկագրով տողում` մակարոնեղենի,

16) «140» ծածկագրով տողում՝ թարմ մրգերի,

17) «142» ծածկագրով տողում՝ թարմ բանջարեղենի, այդ թվում՝ կարտոֆիլի, կաղամբի, ճակնդեղի, գազարի, վարունգի, լոլիկի, սոխի, լոբու և լոբազգիների, այլ թարմ բանջարեղենի ու սնկի,

18) «144» ծածկագրով տողում՝ պահածոյացված մրգի և պահածոյացված բանջարեղենի,

19) «146» ծածկագրով տողում՝ մանկական սննդի, ինչպես նաև համասեռացված և սննդակարգային (դիետիկ) այլ սննդամթերքի,

20) «148» ծածկագրով տողում՝ կոնյակի, արմանյակի, վիսկիի, օղու, գինու, այդ թվում՝ փրփրուն գինու, գարեջրի, լիկյորի և օղելիկյորային ալկոհոլային խմիչքների, սպիրտային այլ խմիչքների,

21) «150» ծածկագրով տողում՝ հանքային ջրերի, բնական աղբյուրի ջրի, մրգահյութերի, բանջարահյութերի, ինչպես նաև ոչ ալկոհոլային խմիչքների,

22) «152» ծածկագրով տողում՝ ծխախոտային արտադրատեսակների և ծխախոտի փոխարինիչների` սիգարներ, չերուտներ (ծայրը կտրած սիգարներ), սիգարելլաներ (բարակ սիգարներ), ծխագլանակների, ծխամորճի ծխախոտի, ծամելու ծխախոտի, քթախոտի,

23) «154» ծածկագրով տողում՝ ուտելի սառույցի և այլ սննդամթերքի:

15. «Բաժին 2. «Ոչ պարենային ապրանքների մանրածախ վաճառքը և մնացորդն ըստ տեսակների»» բաժնի սյունակ 1-ում և սյունակ 2-ում լրացվում են հետևյալ ոչ պարենային ապրանքների մանրածախ վաճառքի և մնացորդի (դրամական արտահայտությամբ, հազար դրամ) ցուցանիշները՝

1) «210» ծածկագրով տողում՝ «212», «232», «234» «236», «238» «258», «280» ծածկագրերով տողերի ցուցանիշների հանրագումարը,

2) «212» ծածկագրով տողում՝ «214», «216», «218» «220»-«230» ծածկագրերով տողերի ցուցանիշների հանրագումարը,

3) «214» ծածկագրով տողում՝ գործվածքի (բամբակյա, բրդյա, մետաքսե), անկողնու, սեղանի սպիտակեղենի, կարի ասեղների, հելունների, շյուղերի, թելերի, ելանյութերի և համանման այլ մանածագործական արտադրատեսակների,

4) «216» ծածկագրով տողում՝ վարագույրների և շղարշե վարագույրների,

5) «218» ծածկագրով տողում՝ պաստառների, հատակի ծածկերի, գորգերի և գորգիկների,

6) «220» ծածկագրով տողում՝ էլեկտրակենցաղային ապրանքների` սառնարանների, սառցարանների, սպասք լվացող, լվացքի, չորացնող մեքենաների, փոշեկուլների, էլեկտրական սավանների, տաքացուցիչների, տոստերների, միկրոալիքային վառարանի, սալօջախների, ջեռուցման և խոհանոցային սարքերի, կարող և գործող մեքենաների, արդուկների, լարերի, անջատիչների և այլ կենցաղային էլեկտրասարքերի,

7) «222» ծածկագրով տողում՝ կենցաղային և գրասենյակային կահույքի,

8) «224» ծածկագրով տողում՝ լուսավորման սարքերի,

9) «226» ծածկագրով տողում՝ փայտից, խցանակեղևից և հյուսած արտադրատեսակների,

10) «228» ծածկագրով տողում՝ երաժշտական գործիքների և պարտիտուրաների,

11) «230» ծածկագրով տողում՝ ուրիշ խմբավորումներում չներառված հախճապակե կամ կավե սպասքի, ապակե, ճենապակե, խեցե արտադրատեսակների, դանակային արտադրատեսակների և ոչ էլեկտրական կենցաղային սարքերի՝ վառարանների, գազի կաթսաների, գազօջախների, բուխարիների, ոչ էլեկտրական ջրատաքացուցիչների և այլ արտադրատեսակների,

12) «232» ծածկագրով տողում՝ «232.1»-«232.3» ծածկագրերով տողերի ցուցանիշների հանրագումարը, այդ թվում՝ «232.1» ծածկագրով տողում՝ համակարգիչների, մոնոբլոկ համակարգիչների, նոթբուքների, նեթբուքների, պլանշետների, այլ անհատական համակարգիչների, ծայրամասային սարքավորանքի, ծրագրային ապահովման (որոնցում չեն լրացվում չգրառված սկավառակների և ժապավենների վաճառքի և մնացորդի ցուցանիշները), «232.2» ծածկագրով տողում` բջջային հեռախոսների, լարային հեռախոսների, հեռահաղորդակցական այլ սարքավորանքի, «232.3» ծածկագրով տողում` ձայնասարքերի և տեսասարքերի՝ հեռուստացույցների, տեսամագնիտոֆոնների, ռադիոընդունիչ սարքավորանքի,

13) «234» ծածկագրով տողում` «234.1»-«234.8» ծածկագրերով տողերի ցուցանիշների հանրագումարը, այդ թվում՝ «234.1» ծածկագրով տողում՝ երկաթեղենի, «234.2» ծածկագրով տողում՝ լաքերի, ներկանյութերի, էմալապատող նյութերի, «234.3» ծածկագրով տողում՝ թերթապակու, «234.4» ծածկագրով տողում՝ այգեգործական ու բանջարանոցային տեխնիկայի և գույքի, մասնավորապես՝ սվինային բահերի և գոգաթիակային եղանների, քաղհանիչների, քլունգների, ուրագների, փոցխերի, կացինների, հատիչների և համանման կտրող գործիքների (բացի սառույցի համար կացիններից), էտոցների և մկրատների, համանման մեկ ձեռքով աշխատելու համար (ներառյալ թռչունների համար մկրատները), այգու մկրատների, երկբռնականի էտոցների և մկրատների, համանման երկու ձեռքով աշխատելու համար, ձեռքի գործիքների այլ, գյուղատնտեսության, այգեգործության կամ անտառային տնտեսության մեջ օգտագործելու համար, (բացի ծալովի դանակներից), գյուղատնտեսության և անտառային տնտեսության համար տրակտորների, գութանների, տափանների, շառտիչների, կուլտիվատորների, քաղհանիչների և մարկեղների, ցանիչների, տնկիչների և սածիլատնկիչ մեքենաների, օրգանական և հանքային պարարտանյութերի շաղացրման մեքենաների, խոտհնձիչների, սիզամարգերի, պուրակների կամ մարզահրապարակների հնձիչների, բերքահավաք մեքենաների, խոտհնձի մեքենաների, ծղոտի կամ խոտի մամլիչների, (ներառյալ մամլիչ-հավաքիչների), արմատապալարապտուղների հավաքման, բերքահավաքի և կալսի մեքենաների, գյուղատնտեսությունում կամ այգեգործությունում օգտագործվող հեղուկների ու փոշիների շաղացրման և փոշիացրման մեխանիկական սարքվածքների, գյուղատնտեսությունում կամ այգեգործությունում օգտագործվող ինքնաբեռնվող կամ ինքնաթափ կցանքների և կիսակցանքների, այգեգործական և բանջարանոցային այլ գույքի և տեխնիկայի, «234.5» ծածկագրով տողում՝ կոյուղու, ջրմուղի, ջեռուցման համակարգերի համար սև մետաղներից խարիսխների, ոչ մեծ (ճանկիչներ) խարիսխների և դրանց մասերի, կոյուղու, ջրմուղի, ջեռուցման համակարգերի համար ոչ կռելի թուջից հոսակների, վանդակների, մտոցների, սև մետաղներից ձուլած արտադրատեսակների, «234.6» ծածկագրով տողում՝ սանտեխնիկական սարքավորանքի, «234.7» ծածկագրով տողում՝ մուրճերի, սղոցների, պտուտակիչների և ձեռքի այլ գործիքների, «234.8» ծածկագրով տողում՝ սղոցանյութերի, նրբատախտակի, շինարարական փայտե կցամասերի, փայտե շինվածքների, աղյուսի, երդիկի, պանելի, կերամիկական սալիկների, ցեմենտի և ուրիշ խմբավորումներում չներառված այլ շինանյութի,

14) «236» ծածկագրով տողում՝ «236.1»-«236.9» ծածկագրերով տողերի ցուցանիշների հանրագումարը, այդ թվում՝ «236.1» ծածկագրով տողում՝ գրքերի, «236.2» ծածկագրով տողում՝ թերթերի, ամսագրերի, «236.3» ծածկագրով տողում՝ գրենական և գրասենյակային պիտույքների, «236.4» ծածկագրով տողում՝ ձայնագրությունների և տեսագրությունների, «236.5» ծածկագրով տողում՝ հեծանիվների, ձկնորսական պարագաների, նավակների և սպորտային այլ ապրանքների, «236.6» ծածկագրով տողում՝ զբոսաշրջային հանդերձանքի և գույքի, «236.7» ծածկագրով տողում՝ խաղերի, խաղալիքների, «236.8» ծածկագրով տողում՝ փոստային նամականիշների և մետաղադրամների, «236.9» ծածկագրով տողում՝ հուշանվերների և արվեստի առարկաների,

15) «238» ծածկագրով տողում՝ «240», «242»-«250», «252»-«256» ծածկագրերով տողերի ցուցանիշների հանրագումարը,

16) «240» ծածկագրով տողում՝ տղամարդկանց, կանանց և երեխաների համար մանածագործվածքե, կաշվե, տրիկոտաժե վերնահագուստի (վերնաշապիկներ, տաբատներ, կոստյումներ, պիջակներ, զգեստներ, կիսաշրջազգեստներ և այլն), ներքնազգեստի (շապիկներ, վարտիքներ, կրծկալներ և այլն), գուլպաների, կիսագուլպաների և զուգագուլպաների, գլխարկների, բոլորագլխարկների, մորթու, մորթե հագուստի և արտադրանքի, հագուստի պարագաների (գոտիներ, շարֆեր, փողկապներ, ձեռնոցներ և այլն) և այլ հագուստի,

17) «242» ծածկագրով տողում՝ կաշվե, գործվածքից և այլ նյութերից կոշիկի,

18) «244» ծածկագրով տողում՝ ճամպրուկների, պայուսակների, ուսապարկերի և համանման ճանապարհային ապրանքների, թամբագործական ապրանքների և հեծելասարքերի (որոնցում չեն ներառվում սպորտային կաշվե հագուստի վաճառքի և մնացորդի ցուցանիշները),

19) «246» ծածկագրով տողում` դեղագործական ապրանքների, այդ թվում՝ բուսական, հոմեոպատիկ, դեղերի, շիճուկների, վակցինաների, վիտամինների, ինչպես նաև բժշկական պարագաների՝ թանզիֆի, բամբակի, բժշկական անձեռոցիկների, վիրակապի, ասեղների, ներարկիչների, բժշկական պայուսակների,

20) «248» ծածկագրով տողում` բժշկական գործիքների՝ տոնոմետրի, ֆոնենդոսկոպի, գլյուկոմետրի, մասաժորի, լսողական ապարատների, ամբլիոստիմուլյատորների, բժշկական տեխնիկայի և սարքավորումների՝ հեմոդիալիզի, անզգայացման սարքերի, ռենտգենյան, ինֆրակարմիր, ուլտրաձայնային սարքերի և օրթոպեդիական արտադրատեսակների՝ պրոթեզների, սեղմիրանների, կոշիկի ներդիրների և սուպինատորների, անցաթուփի, ձեռնափայտի և այլնի,

21) «250» ծածկագրով տողում` օծանելիքի՝ բուրմունքի, պարֆյումերային ջրի, օծաջրի, եթերային յուղերի, դիմահարդարման, գրիմի, մատնահարդարման, ոտնահարդարման, սափրվելու, ատամների և բերանի խոռոչի հիգիենայի, մազերի, անձնական հիգիենայի միջոցների և այլնի,

22) «252» ծածկագրով տողում` ծաղիկների, ծաղկեպսակների, բույսերի, ծառերի, թփերի, տնկիների, սերմերի վաճառքի և մնացորդի ցուցանիշները,

23) «254» ծածկագրով տողում` պարարտանյութերի, ագրոքիմիական և պաշտպանիչ նյութերի,

24) «256» ծածկագրով տողում` ընտանի և տնային կենդանիների սննդի,

25) «258» ծածկագրով տողում` «260», «262»-«278» ծածկագրերով տողերի ցուցանիշների հանրագումարը,

26) «260» ծածկագրով տողում` «260.1»-«260.4» ծածկագրերով տողերի ցուցանիշների հանրագումարը, այդ թվում՝ «260.1» ծածկագրով տողում` բենզինի, «260.2» ծածկագրով տողում՝ դիզելային վառելիքի, «260.3» ծածկագրով տողում ` քսայուղերի, սառեցնող և այլ միջոցների, «260.4» ծածկագրով տողում՝ հեղուկ գազի և գազոլինի,

27) «262» ծածկագրով տողում` մեխանիկական, կվարցային, էլեկտրոնային, թվային, գրպանի, ձեռքի, կախազարդի, մատանու տեսքով ժամացույցների, ազդանշանային ժամացույցների (լաբորատորիաների համար) զարթուցիչների և թանկարժեք մետաղներից ու թանկագին քարերից ոսկերչական արտադրատեսակների,

28) «264» ծածկագրով տողում` լուսանկարչական, օպտիկական, ճշգրիտ չափման սարքերի,

29) «266» ծածկագրով տողում` մաքրող միջոցների,

30) «268» ծածկագրով տողում` այլ խմբավորումներում չներառված տնտեսական ապրանքների,

31) «270» ծածկագրով տողում` կենցաղային հեղուկ վառելիքի, բալոններով գազի, ածխի և վառելափայտի,

32) «272» ծածկագրով տողում` ուրիշ խմբավորումներում չներառված կենցաղային արտադրատեսակների,

33) «274» ծածկագրով տողում` գյուղատնտեսական հումքի,

34) «276» ծածկագրով տողում` ուրիշ խմբավորումներում չներառված մեքենաների և սարքավորումների,

35) «278» ծածկագրով տողում` ոչ մթերային և ոչ սպառման համար արտադրատեսակների,

36) «280» ծածկագրով տողում` «280.1»-«280.3» ծածկագրերով տողերի ցուցանիշների հանրագումարը, այդ թվում՝ «280.1» ծածկագրով տողում` հնարժեք (անտիկվարային) առարկաների, «280.2» ծածկագրով տողում՝ հնագրավաճառքի գրքերի, «280.3» ծածկագրով տողում` այլ օգտագործված ապրանքների,

37) «282» ծածկագրով տողում` պարենային և ոչ պարենային ապրանքների:

16. «Բաժին 3. «Երկարաժամկետ օգտագործման ապրանքների մանրածախ վաճառքը և մնացորդը»» բաժնում ցուցանիշները (քանակային (հատ) և դրամական (հազար դրամ) արտահայտությամբ) լրացվում են.

1) սյունակ 2-ի «310» ծածկագրով տողում՝ Բաժին 2-ի սյունակ 1-ի «262» ծածկագրով տողից, «312»-«326» ծածկագրերով տողերում՝ «220» ծածկագրով տողից, «328» ծածկագրով տողում՝ «230» ծածկագրով տողից, «330» ծածկագրով տողում՝ «236.5» ծածկագրով տողից, «338»-«342» ծածկագրերով տողերում՝ «232.3» ծածկագրով տողից, «344» ծածկագրով տողում՝ «264» ծածկագրով տողից, «346» ծածկագրով տողում՝ «232.2» ծածկագրով տողից, «348» ծածկագրով տողում՝ «232.1» ծածկագրով տողից, «350» ծածկագրով տողում՝ «276» ծածկագրով տողից,

2) սյունակ 2-ի «332» և «334» ծածկագրերով տողերկու՝ Բաժին 5-ի սյունակ 1-ի «524» և «526» ծածկագրերով տողերից, «336» ծածկագրով տողում՝ «510» ծածկագրով տողից:

17. «Բաժին 4. «Ոգելից խմիչքների մանրածախ վաճառքը և մնացորդը»» բաժնի «410» ծածկագրով տողի սյունակ 2-ի ցուցանիշները (քանակային (լիտր) և դրամական (հազար դրամ) արտահայտությամբ) լրացվում են՝ Բաժին 1-ի սյունակ 1-ի «148» ծածկագրով տողից:

18. «Բաժին 5. «Ավտոմեքենաների և մոտոցիկլների մանրածախ վաճառքը»» բաժնի սյունակ 1-ում և սյունակ 2-ում լրացվում են ավտոմեքենաների և մոտոցիկլների մանրածախ վաճառքի և մնացորդի (դրամական արտահայտությամբ, հազար դրամ) հետևյալ ցուցանիշները.

1) «510» ծածկագրով տողում` «512», «514», «516», «518», «520», «522», «524», «526» ծածկագրերով տողերի ցուցանիշների հանրագումարը,

2) «512» ծածկագրով տողում` մասնագիտացված խանութներում նոր և օգտագործված մարդատար ավտոտրանսպորտային միջոցների, մասնագիտացված մարդատար ավտոտրանսպորտային միջոցների (3.5 տոննան չգերազանցող քաշով)՝ շտապ օգնության, բժշկական ծառայության մեքենաների, միկրոավտոբուսների, ամենագնաց մարդատար ավտոմեքենաների և մասնագիտացված մարդատար այլ ավտոմեքենաների,

3) «514» ծածկագրով տողում՝ համացանցի կամ այլ միջոցներով մարդատար ավտոմոբիլների և թեթև ավտոտրանսպորտային միջոցների,

4) «516» ծածկագրով տողում՝ մասնագիտացված խանութներում նոր և օգտագործված այլ ավտոտրանսպորտային միջոցների՝ բեռնատար ավտոմեքենաների, քարշակների, ինքնաթափերի, կցանքների, ավտոբուսների, միկրոավտոբուսների, այլ բեռնատար մեքենաների, զբոսաշրջության տրանսպորտային միջոցների «ամառանոցային տնակ» տեսակի կցանքների, ավտոֆուրգոնների,

5) «518» ծածկագրով տողում՝ համացանցի կամ այլ միջոցներով այլ ավտոտրանսպորտային միջոցների,

6) «520» ծածկագրով տողում՝ մասնագիտացված խանութներում ավտոմեքենաների անվադողերի, նոր և օգտագործված պահեստամասերի և ավտոմեքենաների այլ մասերի, հանգույցների, պարագաների,

7) «522» ծածկագրով տողում՝ համացանցի կամ այլ միջոցներով ավտոտրանսպորտային միջոցների մասերի, հանգույցների և պարագաների,

8) «524» ծածկագրով տողում՝ մասնագիտացված խանութներում մոտոցիկլների, մոտոռոլերների, մոպեդների, ձյունագնացների, դրանց մասերի, հանգույցների ու պարագաների,

9) «526» ծածկագրով տողում՝ մոտոցիկլների, մոտոռոլերների, մոպեդների, ձյունագնացների, դրանց մասերի, հանգույցների ու պարագաների:

19. «Բաժին 6. «Ավտոտրանսպորտային միջոցների և մոտոցիկլների տեխնիկական սպասարկումը և նորոգումը»» բաժնում լրացվում են (դրամական արտահայտությամբ, հազար դրամ) հետևյալ ցուցանիշները.

1) «610» ծածկագրով տողում՝ «612», «614»-«618» ծածկագրերով տողերի ցուցանիշների հանրագումարը,

2) «612» ծածկագրով տողում՝ մարդատար ավտոմոբիլների և թեթև բեռնատար ավտոտրանսպորտային միջոցների տեխնիկական սպասարկման և նորոգման (որտեղ լրացվում է «612.1»-«612.5» ծածկագրերով տողերի ցուցանիշների հանրագումարը), այդ թվում՝ «612.1» ծածկագրով տողում՝ մարդատար ավտոմոբիլների և թեթև բեռնատար ավտոտրանսպորտային միջոցների ընթացիկ տեխնիկական սպասարկման և մեխանիկական նորոգման, այդ թվում՝ շարժիչի, ղեկային կառավարման, ներարկման էլեկտրոնային համակարգի, փոխհաղորդակների, արտանետիչ և հովացնող համակարգերի, ժամանվակների, կախոցների, արգելակների և այլնի նորոգման և կարգաբերման, ինչպես նաև տեխսպասարկման կայաններում տեխնիկական զննման, «612.2» ծածկագրով տողում՝ մարդատար ավտոմոբիլների և թեթև բեռնատար մեքենաների ցոլալապտերի կարգավորման, ազդասարքերի նորոգման և այլ էլեկտրասարքավորանքի նորոգման, ինչպես նաև կուտակիչների փոխարինման, «612.3» ծածկագրով տողում՝ մարդատար ավտոմոբիլների և թեթև բեռնատար ավտոտրանսպորտային միջոցների դողերի նորոգման, անիվների կարգավորման և հավասարակշռման, դողերի հավաքման, ներքին փողակների նորոգման, «612.4» ծածկագրով տողում՝ մարդատար ավտոմոբիլների և թեթև բեռնատար ավտոտրանսպորտային միջոցների նստատեղերի, դռների, փականների, թափարգելների, ներկման, լուսամուտների և պաշտպանիչ էկրանների փոխարինման և այլ և «612.5» ծածկագրով տողում՝ ավտոտրանսպորտային միջոցներում սեղմված բնական կամ հեղուկացված նավթային գազով աշխատելու համար գազի բալոնների տեղադրման,

3) «614» ծածկագրով տողում՝ այլ ավտոտրանսպորտային միջոցների տեխնիկական սպասարկման ու նորոգման, այդ թվում՝ ընթացիկ տեխնիկական սպասարկման, էլեկտրասարքավորանքի նորոգման, թափքերի ու համանման մասերի (դռների, կողպեքների, լուսամուտների) նորոգման,

4) «616» ծածկագրով տողում՝ ավտոմեքենաների մաքրման, ընթացիկ՝ լվացման, փայլեցման, հակաքայքայիչ պաշտպանիչ պատման և այլ խնամքի,

5) «618» ծածկագրով տողում՝ մոտոցիկլների, մոտոռոլերների, մոպեդների, ձյունագնացների տեխնիկական սպասարկման և նորոգման:

20. «Բաժին 7. «Ընդհանուր տեղեկություններ»» բաժնում լրացվում են զբաղեցրած առևտրական մակերեսը և աշխատողների միջին տարեկան թվաքանակը:

21. Աշխատողների՝

1) միջին տարեկան թվաքանակը որոշվում է հաշվետու տարվա բոլոր ամիսների աշխատողների միջին ամսական թվաքանակների հանրագումարը տարվա բոլոր ամիսների թվին (տասնորդական ճշտությամբ) բաժանելով (աշխատողների միջին տարեկան թվաքանակը վերաբերում է ինչպես առևտրի ոլորտում զբաղված աշխատողներին, այնպես էլ վարչական աշխատողներին),

 2) միջին ամսական թվաքանակը հաշվարկվում է յուրաքանչյուր ամսվա օրացուցային օրերի (ամսի 1-ից մինչև 30 (31)-ը, փետրվարի համար՝ 28 (29)-ը) աշխատողների թվաքանակի հանրագումարը՝ ներառյալ ոչ աշխատանքային օրերը, ամսվա օրացուցային օրերի թվին բաժանելով,

 3) թվաքանակը հանգստյան, տոնական կամ հիշատակի (ոչ աշխատանքային) օրերի համար հաշվարկվում է նախորդ աշխատանքային օրվա թվաքանակին հավասար (երկու և ավելի ոչ աշխատանքային օրերի առկայության դեպքում այդ օրերից յուրաքանչյուրի համար աշխատողների թվաքանակը հաշվարկվում է դրանց նախորդող աշխատանքային օրվա թվաքանակին հավասար),

 4) ամենօրյա հաշվառում չվարելու դեպքում աշխատողների թվաքանակը հաշվետու ամսվա համար հաշվարկվում է նախորդ ամսվա վերջի և հաշվետու ամսվա վերջի աշխատողների թվաքանակների հանրագումարը 2-ի բաժանելով:

(հավելվածը խմբ. 02.09.20 թիվ 19-Ն, 23.11.23 թիվ 35-Ն)