ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 1037-Ա

«ՏԻՐԱՄԱՅՐ ՀԱՅԱՍՏԱՆԻ ԿՈՒՍԱՍՏԱՆ» ԲԱՐԵԳՈՐԾԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ԱՄԱՌԱՅԻՆ ՃԱՄԲԱՐ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Տիրամայր Հայաստանի կուսաստան» բարեգործական կազմակերպության կողմից իրականացվող` 385,200,000 դրամ ընդհանուր արժողությամբ «Ամառային ճամբար» ծրագիրը՝ համաձայն հավելվածի:

2. Սահմանել, որ «Տիրամայր Հայաստանի կուսաստան» բարեգործական կազմակերպության կողմից կնքված` ստորև նշված պայմանագրերով նախատեսված գործարքներն անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն`

1) «Գազպրոմ Արմենիա» ՓԲԸ-ի հետ (ՀՎՀՀ՝ 00046317) 2013 թվականի օգոստոսի 1-ին կնքված N 04108135413 պայմանագրում նշված գործարքը, որով նախատեսվում է 2022 թվականի հունվարի 1-ից մինչև 2024 թվականի դեկտեմբերի 31-ն ընկած ժամանակահատվածում գազի մատակարարում` 15,000,000 դրամի չափով, առանց ավելացված արժեքի հարկի.

2) «Վեոլիա Ջուր» ՓԲԸ-ի հետ (ՀՎՀՀ՝ 02655115) 2020 թվականի դեկտեմբերի 4-ին կնքված N 359098802 պայմանագրում նշված գործարքը, որով նախատեսվում է 2022 թվականի հունվարի 1-ից մինչև 2024 թվականի դեկտեմբերի 31-ն ընկած ժամանակահատվածում ջրամատակարարման և ջրահեռացման ծառայությունների մատուցում` 3,000,000 դրամի չափով, առանց ավելացված արժեքի հարկի.

3) «Հայաստանի էլեկտրական ցանցեր» ՓԲԸ -ի (ՀՎՀՀ՝ 01520882) 2019 թվականի դեկտեմբերի 17-ին կնքված N 5161378 պայմանագրում նշված գործարքը, որով նախատեսվում է 2022 թվականի հունվարի 1-ից մինչև 2024 թվականի դեկտեմբերի 31-ն ընկած ժամանակահատվածում էլեկտրաէներգիայի մատակարարում` 7,500,000 դրամի չափով, առանց ավելացված արժեքի հարկի:

3. «Տիրամայր Հայաստանի կուսաստան» բարեգործական կազմակերպությանը` մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Հ. Մաթևոսյան
Երևան

30.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

 

Հավելված ՀՀ փոխվարչապետի N 1037-Ա որոշման

«ԱՄԱՌԱՅԻՆ ՃԱՄԲԱՐ»

ԾՐԱԳԻՐ

1	Ծրագրի նպատակը	Յուրաքանչյուր տարի Տիրամայր Հայաստանի Կուսաստանի Ծաղկաձորի ամառային ճամբարում անվճար հանգստանում, կրթվում և դաստիարակվում են անապահով ընտանիքների 1000 երեխաներ` Հայաստանի տարբեր մարզերից, ինչպես նաև` Վրաստանի Ախալքակի և Նինոծմինդա քաղաքներից և նրանց հարակից հայաբնակ գյուղերից: Ակտիվ հանգստի հետ միասին երեխաները ուսանում են երգ, պար, օտար լեզուներ, նկարչություն, ձեռագործ, համակարգիչ և այլն, ինչպես նաև մասնակցում են թատերականացված ներկայացումների, զվարճալի ու ինտելեկտուալ խաղերի, սպորտլանդիաների: Կազմակերպվում են էքսկուրսիաներ դեպի Սևան, Հաղարծին, Մատենադարան և այլուր: Ճամբարի ընթացքում երեխաներին անվճար բաժանվում են հագուստ և կոշիկ, գրենական պիտույքներ:
2	Ծրագրի բարեգործական որակման նպատակը	Ծրագրի շրջանակներում օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից:
3	Բարեգործը	«Ջինիշյան Հիշատակի» հիմնադրամ (Հայաստան, Երևան, Աբովյան 34, բն․5) – տարեկան 4,850,000 դրամ «Ռենովաբիս» բարեգործական կազմակերպություն (E.V.2/Domberg 273, Deutschland) – տարեկան 8,500,000 դրամ «Օվղը Դ՛Օրիան» բարեգործական կազմակերպություն (3 avenue de la Gare, 35600 Redon, France) – տարեկան 8,000,000 դրամ «Քինդեր Միշընսվերք» բարեգործական կազմակերպություն ("Die Sternsinger" e.V. Stephanstraշe 35 52064 Aachen, Germany) – տարեկան 5,500,000 դրամ «ՔՆԵՎԱ Նյու Յորք» բարեգործական կազմակերպություն (1011 First Avenue New York, N.Y. 10022-4195, USA) – տարեկան 5,000,000 դրամ Ֆրանցիսկ Քոֆլեր (2 Wilhelm Str. 93, 50321 Bruehl, Germany) – տարեկան 7,000,000 դրամ «Ասոսասիոն Ալյանս Արմենիեն» բարեգործական կազմակերպություն (10B Rue Thouin 3, Paris, France) - տարեկան մոտ 12,500,000 դրամ «Ծնողազուրկ հայ երեխաների օգնության միություն (ՍՈԱՐ)ե (1060 First Avenue, Suite 400 King of Prussia, PA 19406, USA) – տարեկան 22,000,000 դրամ Անի Ճուհերեան (10 rue Lavoisier 75008 Paris, France) – տարեկան 19,000,000 դրամ «Հրայր և Աննա Հովնանյան» հիմնադրամ (State Route 66 FL-4-2 Tinton Falls, NY USA) – տարեկան 15,000,000 դրամ «Կիրխ ին Նոթ» բարեգործական կազմակերպություն (Lorenzonistraշe 6281545 Munich, Germany) - տարեկան 10,550,000 դրամ Ֆերիդ Թեջիմեր (100 Northdale RoadToronto, Ont. M2L 2M1, Canada) - տարեկան 7,500,000 դրամ Եղբայր Էլուա Հաննոն (Prieurռ Notre Dame du Cռnacle 5 bis rue du Prieurռ,03260 Saint Germain des Fossռs, France) - տարեկան 3,000,000 դրամ
4	Ծրագիրը կատարողը	Տիրամայր Հայաստանի կուսաստանե բարեգործական կազմակերպության (հասցե` Գյումրի, Ե. Չարենցի 6, ՀՎՀՀ 05513266):
5	Ծրագրի իրականացման վայրը և բնագավառը	Ծրագիրն իրականացվելու է Կոտայքի մարզի Ծաղկաձոր քաղաքի «Տիրամայր Հայաստանի Կուսաստան» ճամբարում: Ծրագիրն առնչվում է սոցիալական և կրթական ոլորտներին:
6	Ծրագրի բյուջեն	Ծրագրի բյուջեն է 385՛200’000 դրամ:
7	Բարեգործություն ստացողը	Ամեն տարի ծրագրից կօգտվեն Հայաստանի Շիրակի և Լոռու, Տավուշի, Արագածոտնի, Գեղարքունիքի, Արարատի, Կոտայքի, Սյունիքի, Վայոց ձորի, Արմավիրի մարզերի, Երևանի, ինչպես նաև Վրաստանի Ախալքակի և Նինոծմինդա քաղաքների և նրանց հարակից հայաբնակ գյուղերի անապահով ընտանիքների 6-ից 16 տարեկան 1000 երեխաներ:
8	Ծրագրի իրականացման տևողությունը	2022 թվականի հունվարի 1-ից մինչև 2024 թվականի դեկտեմբերի 31-ը։
9	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	ճամբարի մասնաշենքերի վերանորոգումներ և վերակահավորումներ - տարեկան 60,000,000 դրամ և 180,000,000 դրամ 3 տարվա համար  ճամբարի շահագործման և կոմունալ-կենցաղային ծախսեր - տարեկան 9,500,000 դրամ և 28,500,000 դրամ 3 տարվա համար  ճամբարի իրականացման համար անհրաժեշտ սննդի, տնտեսական պարագաների, գրենական պիտույքների, սպորտային գույքի, հագուստեղենի և կոշկեղենի - տարեկան 38,000,000 դրամ և 114,000,000 դրամ 3 տարվա համար  ճամբարի գործունեության, ինչպես նաև ճամբարականներին բաժանելու համար բարեգործական բեռների ներմուծում (հիգիենիկ և տնտեսական պարագաներ, գրենական պիտույքներ, կահույք)- տարեկան 20,000,000 դրամ և 60,000,000 դրամ 3 տարվա համար  ֆինանսական և ծրագրային աուդիտի իրականացման ծախսեր - տարեկան 900,000 դրամ և 2,700,000 դրամ 3 տարվա համար;
10	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Այս ծրագրի շրջանակներում ծախսվում է՝  տարեկան 60,000,000 դրամ ճամբարի մասնաշենքերի վերանորոգումների և վերակահավորումների համար և 180,000,000 դրամ 3 տարվա համար,  տարեկան 5,000,000 դրամ գազի համար և 15,000,000 դրամ 3 տարվա համար,  տարեկան 2,500,000 դրամ էլեկտրաէներգիայի համար և 7,500,000 դրամ 3 տարվա համար,  տարեկան 1,000,000 դրամի ջրամատակարարման և ջրահեռացման համար և 3,000,000 դրամ 3 տարվա համար,  տարեկան 1,000,000 դրամ հեռախոսակապի և ինտերնետ ծառայությունների համար և 3,000,000 դրամ 3 տարվա համար,  տարեկան 3,000,000 դրամ տնտեսական ապրանքների և պարագաների, ինչպես նաև գրենական պիտույքների համար և 9,000,000 դրամ 3 տարվա համար,  տարեկան 35,,000,000 դրամի սննդամթերքի համար և 105,000,000 դրամ 3 տարվա համար,  տարեկան 20,000,000 դրամ բարեգործական բեռների ներմուծման համար և 60,000,000 դրամ 3 տարվա համար,  տարեկան 900,000 դրամ ֆինանսական և ծրագրային աուդիտի իրականացման համար և 2,700,000 դրամ 3 տարվա համար։
11	Ծրագրի իրականացման հետ կապված կազմակերպական ծախսերը	Ծրագրի իրականացման հետ կապված ծախսեր այս ծրագրում չեն նախատեսված, քանի որ կազմակերպությունը վարչական և կազմակերպական ծախսերի համար ունի առանձին ֆինանսավորում:
12	Համագործակցությունը պետական կառավարման, տեղական ինքնակառավարման և այլ մարմինների հետ	Ծրագրի իրականացման ընթացքում կազմակերպությունը համագործակցում է ՀՀ աշխատանքի և սոցիալական հարցերի նախարարության, Միասնական սոցիալական ծառայության և Ծաղկաձորի քաղաքապետարանի հետ:
13	Ծրագրի արդյունավետության նկատմամբ վերահսկողության մեխանիզմների նկարագրությունը	Հիմնական վերահսկողությունը կիրականացվի ֆինանսավորող բարերարների կողմից: Այդ նպատակով նրանք կներգրավեն ներքին խորհրդատուների, տեղական և միջազգային աուդիտորների: Ինչպես նաև՝ Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

Հայաստանի Հանրապետության փոխվարչապետ

Հ. Մաթևոսյան

30.12.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ