ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 հունիսի 2016 թվականի N 609-Ա

ՈՐՊԵՍ ՆՎԻՐԱՏՎՈՒԹՅՈՒՆ ԳՈՒՅՔ ԸՆԴՈՒՆԵԼՈՒ ԵՎ ԳՈՒՅՔ ԱՄՐԱՑՆԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 594-րդ հոդվածը, «Պետական ոչ առևտրային կազմակերպությունների մասին» Հայաստանի Հանրապետության օրենքի 4-րդ հոդվածը և «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածը` Հայաստանի Հանրապետության կառավարությունը որոշում է.

1. Որպես նվիրատվություն Հայաստանի Հանրապետությանը՝ ընդունել «Վնասվածքաբանության և օրթոպեդիայի գիտական կենտրոն» փակ բաժնետիրական ընկերության, «Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն» փակ բաժնետիրական ընկերության, «Նարկոլոգիական հանրապետական կենտրոն» փակ բաժնետիրական ընկերության, Հայաստանի Հանրապետության առողջապահության նախարարության «Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպության սեփականությունը հանդիսացող ավտոմեքենաները` համաձայն հավելվածի:

2. Սույն որոշման 1-ին կետով որպես նվիրատվություն ընդունված ավտոմեքենաներն ամրացնել «Հայաստանի Հանրապետության առողջապահության նախարարության աշխատակազմ» պետական կառավարչական հիմնարկին:

3. Հայաստանի Հանրապետության առողջապահության նախարարության «Առողջապահական ծրագրերի իրականացման գրասենյակ» պետական հիմնարկին ամրացված՝ 10,790,000 դրամ սկզբնական և 0 դրամ մնացորդային արժեքով «Հունդայի Սոնատա 2.4» մակնիշի ավտոմեքենան (թողարկման տարեթիվը` 2007 թ., թափքը՝ KMHEՍ41CP7A399195, պետական համարանիշը` 065LL60) հետ վերցնել և ամրացնել «Հայաստանի Հանրապետության առողջապահության նախարարության աշխատակազմ» պետական կառավարչական հիմնարկին:

4. Հայաստանի Հանրապետության առողջապահության նախարարին` սույն որոշումն ուժի մեջ մտնելուց հետո`

1) երկշաբաթյա ժամկետում ապահովել «Վնասվածքաբանության և օրթոպեդիայի գիտական կենտրոն» փակ բաժնետիրական ընկերության, «Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն» փակ բաժնետիրական ընկերության, «Նարկոլոգիական հանրապետական կենտրոն» փակ բաժնետիրական ընկերության, Հայաստանի Հանրապետության առողջապահության նախարարության «Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպության հետ սույն որոշման 1-ին կետից բխող նվիրատվության պայմանագրերի կնքումը և ավտոմեքենաների ընդունման-հանձնման աշխատանքների իրականացումը.

2) սույն կետի 1-ին ենթակետում նշված աշխատանքների ավարտից հետո երկշաբաթյա ժամկետում ապահովել ավտոմեքենաների` Հայաստանի Հանրապետության օրենսդրությամբ սահմանված կարգով հաշվառումը՝ դրա հետ կապված ծախսերն իրականացնելով «Հայաստանի Հանրապետության առողջապահության նախարարության աշխատակազմ» պետական կառավարչական հիմնարկի միջոցների հաշվին.

3) երկշաբաթյա ժամկետում ապահովել սույն որոշման 3-րդ կետում նշված ավտոմեքենայի հանձնման-ընդունման աշխատանքների իրականացումը:

Հայաստանի Հանրապետության վարչապետ	Հ. Աբրահամյան
2016 թ. հունիսի 13 Երևան

Հավելված ՀՀ կառավարության 2016 թվականի հունիսի 9-ի N 609-Ա որոշման

Ց Ա Ն Կ

ՈՐՊԵՍ ՆՎԻՐԱՏՎՈՒԹՅՈՒՆ ԸՆԴՈՒՆՎՈՂ ԳՈՒՅՔԻ

NN ը/կ	Տրանսպորտային միջոցի տեսակը	Թողարկման տարեթիվը	Թափքը	Պետական համարանիշը	Նվիրողը
1.	ՀՈՒՆԴԱՅԻ ՍՈՆԱՏԱ 2.4	2009 թ.	KMHEU41DP9A652046	505DD55	«Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպություն
2.	ՍՈՒԶՈՒԿԻ SX4 S-CRՕSS 1.6	2015 թ.	TSMJYB22S00211186	300LL11	«Նարկոլոգիական հանրապետական կենտրոն» փակ բաժնետիրական ընկերություն
3.	ՀՈՒՆԴԱՅԻ ՏՈՒՍՈՆ IX 35 2.4	2012 թ.	KMHJU81CDCU511702	808QQ08	«Վնասվածքաբանության և օրթոպեդիայի գիտական կենտրոն» փակ բաժնետիրական ընկերություն
4.	ՆԻՍԱՆ ԱԼՏԻՄԱ 2.5	2010 թ.	1N4AL2A99AC183425	001DD60	«Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն» փակ բաժնետիրական ընկերություն

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան