ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

18 ապրիլի 2015 թվականի N 302-Ա

ԱՐԹՈՒՐ ԱՖՐԻԿՅԱՆԻՆ ՖՐԻՊՈՐՏ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության ֆինանսների նախարարի տեղակալ Արթուր Աֆրիկյանին 2015 թվականի մայիսի 4-8-ը գործուղել Ֆրիպորտ (Բահամներ)` «Մաքսային մարմինների և այլ շահագրգիռ մարմինների ու տնտեսավարող սուբյեկտների միջև համագործակցության զարգացում միջտարածաշրջանային և ներտարածաշրջանային առևտրի համատեքստում` ՏՏ համակարգերի կիրառման շնորհիվ» խորագրով համաժողովին և ցուցահանդեսին մասնակցելու համար:

2. Արթուր Աֆրիկյանի` Ֆրիպորտ գործուղման հետ կապված ծախսերը կատարվելու են Հայաստանի Հանրապետության ֆինանսների նախարարության մաքսային ծառայության նյութական խրախուսման և համակարգի զարգացման ֆոնդի միջոցների հաշվին:

3. Հայաստանի Հանրապետության ֆինանսների նախարարին` ապահովել գործուղումից վերադառնալուց հետո եռօրյա ժամկետում Արթուր Աֆրիկյանի` Ֆրիպորտ գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:

Հայաստանի Հանրապետության վարչապետ	Հ. Աբրահամյան
2015 թ. ապրիլի 18 Երևան