Գլխավոր տեղեկություն

Համար

N 1408-Ն

Տիպ

Որոշում

Ակտի տիպ

Base act (30.12.2013-till now)

Կարգավիճակ

Գործում է

Սկզբնաղբյուր

ՀՀՊՏ 2013.12.20/68(1008).1 Հոդ.1166.9

Ընդունող մարմին

ՀՀ կառավարություն

Ընդունման ամսաթիվ

12.12.2013

Ստորագրող մարմին

ՀՀ վարչապետ

Ստորագրման ամսաթիվ

18.12.2013

Ուժի մեջ մտնելու ամսաթիվ

30.12.2013

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 դեկտեմբերի 2013 թվականի N 1408-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ՆՈՅԵՄԲԵՐԻ 12-Ի N 1308-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

«Լիցենզավորման մասին» Հայաստանի Հանրապետության օրենքի 23.1-ին հոդվածին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2009 թվականի նոյեմբերի 12-ի «Ռազմական նշանակության արտադրանքի ցանկը, ռազմական նշանակության արտադրանքի ներմուծման, արտահանման, ռազմական նշանակության արտադրանքի տարանցիկ փոխադրման, այդ արտադրանքի առևտրի միջնորդական գործունեության լիցենզավորման կարգերը և անհրաժեշտ փաստաթղթերի ձևերը հաստատելու մասին» N 1308-Ն որոշման մեջ կատարել հետևյալ փոփոխությունները և լրացումները`

1) որոշման 1-ին կետի 2-րդ ենթակետով հաստատված` ռազմական նշանակության արտադրանքի ներմուծման և արտահանման լիցենզավորման կարգում`

ա. 4-րդ կետում «Պետական տուրքի մասին» Հայաստանի Հանրապետության օրենքով սահմանված կարգով և չափով» բառերը փոխարինել «Լիցենզավորման մասին» Հայաստանի Հանրապետության օրենքով սահմանված կարգով և «Պետական տուրքի մասին» Հայաստանի Հանրապետության օրենքով սահմանված չափով» բառերով,

բ. ուժը կորցրած ճանաչել 6-րդ կետի 5-րդ ենթակետը,

գ. 12-րդ կետը լրացնել հետևյալ բովանդակությամբ նոր նախադասությամբ.

«Լիցենզիա ստանալու հայտում կամ կից փաստաթղթերում ոչ էական թերությունների (վրիպակների, ոչ իրավաբանական անճշտությունների, թվաբանական սխալների և նման այլ բացթողումների) առկայության, ինչպես նաև փաստաթղթերը թերի լինելու դեպքում լիցենզավորող մարմինը դրանք հայտնաբերելու պահից 2 աշխատանքային օրվա ընթացքում առաջարկում է հայտատուին 5 աշխատանքային օրվա ընթացքում վերացնել թերությունները` նախազգուշացնելով «Լիցենզավորման մասին» Հայաստանի Հանրապետության օրենքի 29-րդ հոդվածի 5-րդ մասով սահմանված հետևանքի մասին:»,

դ. 14-րդ կետի առաջին նախադասությունում «30-օրյա ժամկետում» բառերը փոխարինել «23 աշխատանքային օրվա ընթացքում` եթե օրենքով սահմանված դեպքում պետական տուրքի վճարման հետ կապված լիցենզավորման ժամկետի երկարաձգման անհրաժեշտություն չի առաջացել» բառերով, իսկ երկրորդ նախադասությունում «լիցենզիան հանձնելիս ծանուցում է նաև լիցենզավորված անձին» բառերը` «լիցենզիան տալու վերաբերյալ որոշման ընդունման մասին հայտատուին տեղեկացնում է «Լիցենզավորման մասին» Հայաստանի Հանրապետության օրենքի 23.1-րդ հոդվածի 1-ին մասով սահմանված կարգով ու ժամկետում, իսկ լիցենզիան և դրա վերաբերյալ համապատասխան որոշումը լիցենզավորված անձին պատշաճ ձևով հանձնում կամ ուղարկում է ոչ շուտ, քան լիցենզավորված անձի կողմից օրենքով սահմանված կարգով և չափով պետական տուրքը վճարելու օրը, ինչպես նաև ծանուցում է» բառերով.

2) որոշման 1-ին կետի 3-րդ ենթակետով հաստատված` ռազմական նշանակության արտադրանքի տարանցիկ փոխադրման լիցենզավորման կարգում`

բ. ուժը կորցրած ճանաչել 6-րդ կետի 5-րդ ենթակետը,

գ. 12-րդ կետը լրացնել հետևյալ բովանդակությամբ նոր նախադասությամբ.

դ. 14-րդ կետի առաջին նախադասությունում «30-օրյա ժամկետում» բառերը փոխարինել «23 աշխատանքային օրվա ընթացքում` եթե օրենքով սահմանված դեպքում պետական տուրքի վճարման հետ կապված լիցենզավորման ժամկետի երկարաձգման անհրաժեշտություն չի առաջացել» բառերով, իսկ երկրորդ նախադասությունում «լիցենզիան հանձնելիս ծանուցում է նաև լիցենզավորված անձին» բառերը փոխարինել «լիցենզիան տալու վերաբերյալ որոշման ընդունման մասին հայտատուին տեղեկացնում է «Լիցենզավորման մասին» Հայաստանի Հանրապետության օրենքի 23.1-րդ հոդվածի 1-ին մասով սահմանված կարգով ու ժամկետում, իսկ լիցենզիան և դրա վերաբերյալ համապատասխան որոշումը լիցենզավորված անձին պատշաճ ձևով հանձնում կամ ուղարկում է ոչ շուտ, քան լիցենզավորված անձի կողմից օրենքով սահմանված կարգով և չափով պետական տուրքը վճարելու օրը, ինչպես նաև ծանուցում է» բառերով.

3) որոշման 1-ին կետի 4-րդ ենթակետով հաստատված` ռազմական նշանակության արտադրանքի առևտրի միջնորդական գործունեության լիցենզավորման կարգում`

բ. ուժը կորցրած ճանաչել 6-րդ կետի 5-րդ ենթակետը,

գ. 12-րդ կետը լրացնել հետևյալ բովանդակությամբ նոր նախադասությամբ.

դ. 14-րդ կետի առաջին նախադասությունում «30-օրյա ժամկետում» բառերը փոխարինել «23 աշխատանքային օրվա ընթացքում` եթե օրենքով սահմանված դեպքում պետական տուրքի վճարման հետ կապված լիցենզավորման ժամկետի երկարաձգման անհրաժեշտություն չի առաջացել» բառերով, իսկ երկրորդ նախադասությունում «լիցենզիան հանձնելիս ծանուցում է նաև լիցենզավորված անձին» բառերը փոխարինել «լիցենզիան տալու վերաբերյալ որոշման ընդունման մասին հայտատուին տեղեկացնում է «Լիցենզավորման մասին» Հայաստանի Հանրապետության օրենքի 23.1-րդ հոդվածի 1-ին մասով սահմանված կարգով ու ժամկետում, իսկ լիցենզիան և դրա վերաբերյալ համապատասխան որոշումը լիցենզավորված անձին պատշաճ ձևով հանձնում կամ ուղարկում է ոչ շուտ, քան լիցենզավորված անձի կողմից օրենքով սահմանված կարգով և չափով պետական տուրքը վճարելու օրը, ինչպես նաև ծանուցում է» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը:

Հայաստանի Հանրապետության
վարչապետ
Տ. Սարգսյան

2013 թ. դեկտեմբերի 18

Երևան