«Վավերացնում եմ»
Հայաստանի Հանրապետության
Նախագահ Ռ. Քոչարյան
7 հունիսի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 մայիսի 2003 թվականի N 626-Ն

ԱՎԱՐՏՎԱԾ ՇԻՆԱՐԱՐՈՒԹՅԱՆ ՇԱՀԱԳՈՐԾՄԱՆ ՓԱՍՏԱԳՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Քաղաքաշինության մասին» Հայաստանի Հանրապետության օրենքի 25-րդ հոդվածին համապատասխան` Հայաստանի Հանրապետության կառավարությունը որոշում է.

1. Հաստատել ավարտված շինարարության շահագործման փաստագրման կարգը` համաձայն հավելվածի:

2. Ուժը կորցրած ճանաչել Հայաստանի Հանրապետության կառավարության 1998 թվականի հուլիսի 30-ի «Շինարարության ավարտի փաստագրման կարգը հաստատելու մասին» N 477 որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Կ Ա Ր Գ

ԱՎԱՐՏՎԱԾ ՇԻՆԱՐԱՐՈՒԹՅԱՆ ՇԱՀԱԳՈՐԾՄԱՆ ՓԱՍՏԱԳՐՄԱՆ

1. Սույն կարգով կարգավորվում է Հայաստանի Հանրապետությունում իրականացված շինարարության (շենքերի, շինությունների, դրանց վերակառուցման, վերականգնման, ամրացման, արդիականացման, ընդլայնման և բարեկարգման` բացառությամբ Հայաստանի Հանրապետության օրենսդրությամբ շինարարության թույլտվություն չպահանջող ցածր ռիսկայնության աստիճանի (I կատեգորիայի) դասակարգում ունեցող օբյեկտների) շահագործման ընդունման փաստագրման կարգը:

(1-ին կետը փոփ. 03.03.11 N 257-Ն)

2. Ավարտված շինարարության շահագործման ընդունումը փաստագրվում է շահագործման ակտի ձևակերպմամբ` N 1 ձևը կցվում է, հաստատված նախագծով ու շինարարական կապալի պայմանագրով նախատեսված բոլոր աշխատանքներն իրականացվելուց և օրենքով ու սույն կարգով սահմանված պահանջներին համապատասխան կապալառուի կողմից ավարտված շինարարական օբյեկտը կառուցապատողին հանձնելուց և կառուցապատողի կողմից այն ընդունվելուց հետո:

3. Ավարտված շինարարության շահագործման ընդունումը փաuտագրում է` համայնքի ղեկավարը, եթե Հայաստանի Հանրապետության օրենսդրությամբ այլ բան նախատեսված չէ:

(3-րդ կետը խմբ. 29.12.05 N 2407-Ն, 09.04.09 N 359-Ն, փոփ. 03.03.11 N 257-Ն)

3¹. (3¹ կետն ուժը կորցրել է 09.04.09 N 359-Ն)

4. Հայաստանի Հանրապետության կառավարության որոշմամբ` հատկապես վտանգավոր և տեխնիկապես բարդ կամ երկու և ավելի պետությունների շահերին առնչվող Հայաստանի Հանրապետության օրենսդրությամբ բարձրագույն ռիսկայնության աստիճանի (V կատեգորիայի) դասակարգում ունեցող օբյեկտների շինարարական կապալի պայմանագրով կատարված աշխատանքի արդյունքի ընդունումն իրականացվում է այդ որոշմամբ ստեղծված ընդունող հանձնաժողովի կողմից` անհրաժեշտության դեպքում սույն կարգը լրացնող հատուկ պահանջների ամրագրմամբ, եթե միջազգային պայմանագրով այլ բան նախատեսված չէ:

(4-րդ կետը փոփ., լրաց. 03.03.11 N 257-Ն)

5. Ավարտված շինարարական օբյեկտի համապատասխանությունը հաստատված նախագծին և նորմատիվատեխնիկական փաստաթղթերի պարտադիր պահանջներին ամրագրվում է կապալառուի ու կառուցապատողի միջև կազմված երկկողմանի հանձնման-ընդունման ակտով (այսուհետ` երկկողմանի ակտ) կամ օբյեկտը շահագործման ընդունող հանձնաժողովի ակտով (այսուհետ` ընդունող հանձնաժողովի ակտ)` N 2 ձևը կցվում է, և հիմնավորվում է կատարողական փաստաթղթերով, ինչպես նաև ինժեներական, տեխնոլոգիական սարքավորումները, ենթակառուցվածքային օբյեկտներն ու ցանցերը շահագործող կազմակերպությունների (այսուհետ` շահագործող կազմակերպություններ) եզրակացություններով: Շահագործող կազմակերպություններին վերաբերող, սույն կարգով սահմանված դրույթները գործում են օրենքով և կանոնադրությամբ իրենց վերապահված իրավասությունների սահմաններում:

6. Կատարողական փաստաթղթերի փաթեթը կազմում է կապալառուն` տեխնիկական հսկողություն, օրենքով կամ պայմանագրով նախատեսված դեպքերում` հեղինակային հսկողություն իրականացնող անձանց մասնակցությամբ: Կատարողական փաստաթղթերի կազմը և ձևերը սահմանում է Հայաստանի Հանրապետության քաղաքաշինության նախարարությունը:

7. Կատարողական փաստաթղթերի կամ դրանց մի մասի բացակայության դեպքում կապալառուն պարտավոր է իր միջոցների հաշվին վերականգնել դրանք` անհրաժեշտ տեխնիկական հետազոտություններ կամ փորձարկումներ կատարելու միջոցով:

8. Հայաստանի Հանրապետության պետական բյուջեի (այդ թվում` պետությանը տրամադրված վարկային և դրամաշնորհային) միջոցների հաշվին կամ դրանց ներգրավմամբ, Հայաստանի Հանրապետության օրենսդրությամբ բարձր ռիսկայնության աստիճանի (IV կատեգորիայի) դասակարգում ունեցող օբյեկտների շինարարության շահագործման փաստագրման համար պարտադիր հիմք է հանդիսանում ծրագիրն իրականացնող պետական հիմնարկի կատարված աշխատանքները ճարտարապետաշինարարական նախագծային փաստաթղթերին համապատասխանելու վերաբերյալ եզրակացությունը և ընդունող հանձնաժողովի ակտը:

(8-րդ կետը փոփ. 25.11.10 N 1611-Ն, 03.03.11 N 257-Ն)

9. Կառուցապատողի ցանկությամբ հանձնաժողով կարող է ստեղծվել նաև սույն կարգի 8-րդ կետով չնախատեսված դեպքերում:

10. Հանձնաժողովը ձևավորում և ղեկավարում է կառուցապատողը (բացառությամբ սույն կարգի 4-րդ կետով նախատեսված դեպքերի):

11. Հանձնաժողովի կազմում ներգրավվում են կառուցապատողի, կապալառուի, տեխնիկական հսկողություն և, օրենքով կամ պայմանագրով նախատեսված դեպքերում` հեղինակային հսկողություն իրականացնող անձինք, քաղաքաշինական պետական տեսչության համապատասխան տարածքային բաժնի (այսուհետ` տարածքային բաժին), շահագործող կազմակերպությունների, ինչպես նաև օրենքով համապատասխան վերահսկողական իրավասություններով օժտված այլ շահագրգիռ պետական մարմինների (այսուհետ` շահագրգիռ պետական մարմին) և սույն կարգի 3-րդ կետով սահմանված ավարտված շինարարության շահագործման ընդունումը փաստագրող մարմնի (այսուհետ` իրավասու մարմին) ներկայացուցիչները:

Հայաստանի Հանրապետության պետական բյուջեի միջոցների հաշվին կառուցվող շինարարական օբյեկտներն ընդունող հանձնաժողովների կազմում լրացուցիչ ընդգրկվում են նաև`

1) Հայաստանի Հանրապետության ֆինանսների նախարարության ներկայացուցիչը (գնումների բազային միավորի 250-ապատիկը գերազանցող դեպքերում).

2) համապատասխան մարզպետարանի ներկայացուցիչը (սույն կետի առաջին պարբերության համաձայն ներառված չլինելու դեպքում):

(11-րդ կետը լրաց. 29.06.05 N 950-Ն, փոփ. 29.12.05 N 2407-Ն, փոփ., խմբ. 03.03.11 N 257-Ն)

11.1. Տարածքային բաժնի և շահագրգիռ պետական մարմինների մասնակցությունը հանձնաժողովի աշխատանքին համարվում է այդ մարմինների կողմից օրենքով իրենց լիազորությունների սահմաններում կատարված ավարտված շինարարական օբյեկտի վերջնական ստուգում:

Սույն կարգի 13-րդ կետին համապատասխան ընդունող հանձնաժողովի ակտն ստորագրվելուց հետո այդ օբյեկտում տվյալ շինարարությանը վերաբերող այլ ստուգումներ չեն կատարվում` բացառությամբ Հայաստանի Հանրապետության պետական բյուջեի կատարման նկատմամբ հսկողության և վերահսկողության գործառույթների, ինչպես նաև Հայաստանի Հանրապետության օրենսդրությամբ նախատեսված` ավարտական արձանագրության կազմման դեպքի:

(11.1 կետը լրաց. 03.03.11 N 257-Ն)

11.2. Շահագործող կազմակերպությունների կողմից, սույն կարգի 13-րդ կետին համապատասխան, ընդունող հանձնաժողովի ակտն ստորագրելը հիմք է այդ կազմակերպությունների կողմից համապատասխան ծառայությունների մատուցման պայմանագիր կնքելու համար:

(11.2 կետը լրաց. 03.03.11 N 257-Ն)

12. Կառուցապատողը կապալառուի կողմից, իսկ սույն կարգի 8-րդ կետում նախատեսված դեպքում ծրագիրն իրականացնող պետական հիմնարկից շինարարությունն ավարտվելու մասին հաղորդումն ստանալուց հետո, մինչև հանձնաժողովի աշխատանքներն սկսելը, դիմում է շահագրգիռ պետական մարմիններին (օրենքով սահմանված դեպքերում) և շահագործող կազմակերպություններին (եթե օբյեկտի շահագործման համար անհրաժեշտ է կնքել համապատասխան ծառայությունների մատուցման պայմանագիր կամ առկա պայմանագրում կատարել փոփոխություն)` հանձնաժողովի աշխատանքներում ներգրավվելու առաջարկությամբ, որի վերաբերյալ 5-օրյա ժամկետում ստանում է համապատասխան ներկայացուցչի թեկնածությունը: Հանձնաժողովի աշխատանքն իրականացվում է կառուցապատողի հաշվին:

(12-րդ կետը փոփ., լրաց. 29.06.05 N 950-Ն, փոփ. 29.12.05 N 2407-Ն, լրաց. 25.11.10 N 1611-Ն)

13. Ընդունող հանձնաժողովի ակտը պետք է ստորագրված լինի հանձնաժողովի բոլոր անդամների կողմից, որոնցից յուրաքանչյուրն իր իրավասության սահմաններում պատասխանատվություն է կրում հանձնաժողովի կողմից ընդունված որոշման համար` օրենքով սահմանված կարգով:

14. Ընդունող հանձնաժողովի անդամն ակտը չստորագրելու դեպքում նախագահին է տրամադրում իր իրավասության սահմաններում արված դիտողությունները` նշելով արձանագրված թերությունները: Նշված թերությունները պետք է վերացվեն շինարարական կապալի պայմանագրով սահմանված ժամկետում, այլապես օբյեկտը հանձնաժողովի կողմից շահագործման չի ընդունվում:

(14-րդ կետը փոփ. 29.06.05 N 950-Ն)

15. Առանց հանձնաժողովի օբյեկտը շահագործման ընդունելու դեպքում, կապալառուի կողմից շինարարությունն ավարտվելու մասին հաղորդումն ստանալուց հետո, կառուցապատողը համապատասխան եզրակացություն ստանալու նպատակով դիմում է շահագրգիռ մարմիններին, ինչպես նաև տարածքային բաժնին` ներկայացնելով օբյեկտի համապատասխան կատարողական փաստաթղթերը:

(15-րդ կետը փոփ. 29.06.05 N 950-Ն)

15.1. Տարածքային բաժինը և շահագրգիռ մարմինները Հայաստանի Հանրապետության օրենսդրությամբ իրենց վերապահված իրավասության սահմաններում տալիս են եզրակացություն` հավաստելով ավարտված շինարարական աշխատանքների համապատասխանությունը հաստատված նախագծային փաստաթղթերին, տրամադրված տեխնիկական պայմաններին և սույն կարգի պահանջներին` դիմումն ստանալու օրվանից`

1) Հայաստանի Հանրապետության օրենսդրությամբ II և III ռիսկայնության աստիճանների (կատեգորիաների) դասակարգում ունեցող օբյեկտների համար` եռօրյա ժամկետում.

2) Հայաստանի Հանրապետության օրենսդրությամբ IV և V ռիսկայնության աստիճանների (կատեգորիաների) դասակարգում ունեցող օբյեկտների համար` 5-օրյա ժամկետում:

(15.1 կետը լրաց. 03.03.11 N 257-Ն)

16. Սույն կարգի 15.1-ին կետին համապատասխան ստացված եզրակացությունները հիմք են հանդիսանում շահագործող կազմակերպությունների կողմից համապատասխան ծառայությունների մատուցման պայմանագիր կնքելու համար:

(16-րդ կետը փոփ. 29.06.05 N 950-Ն, 03.03.11 N 257-Ն)

17. Տրամադրված տեխնիկական պայմաններին և սույն կարգի պահանջներին` ավարտված շինարարական աշխատանքների անհամապատասխանության դեպքում տարածքային բաժինը, և (կամ) շահագրգիռ մարմինը նշված ժամկետում պարտավոր է կառուցապատողին տրամադրել իր իրավասության սահմաններում արված դիտողությունները` նշելով արձանագրված թերությունները: Նշված թերությունները վերացնելուց հետո կառուցապատողը կրկին դիմում է համապատասխան մարմնին, որը եռօրյա ժամկետում տալիս է իր եզրակացությունը:

(17-րդ կետը փոփ. 29.06.05 N 950-Ն)

18. Կառուցապատողի ցանկությամբ շինարարական համալիրի կազմում ընդգրկված առանձին շենքերի և շինությունների շահագործման ընդունումը կարող է ձևակերպվել ըստ դրանց շինարարության ավարտի:

19. Ձմռան ամիսներին ձևակերպվող շահագործման ակտով կարող է նախատեսվել շինարարության թույլտվություն չպահանջող բարեկարգման աշխատանքները մոտակա գարնանային-ամառային ամիսներին իրականացնելու վերաբերյալ պայման: Այդ աշխատանքներն ավարտվում են շահագործման ակտով սահմանված ժամկետում և ընդունվում կառուցապատողի կողմից շահագործումը փաստագրող իրավասու մարմնի ներկայացուցչի մասնակցությամբ` համապատասխան նշում կատարելով շահագործման ակտում:

20. Շինարարական կապալի պայմանագրով կարող է նախատեսվել անհատական բնակելի տների և դրանց կից տնտեսական շինությունների, ինչպես նաև առևտրային իրացման նպատակով կառուցված բազմաբնակարան բնակելի շենքերի, այդ թվում` ներկառուցված ոչ բնակելի տարածքներով, շինարարական աշխատանքների ոչ լրիվ իրականացումը, որի դեպքում շահագործման ընդունման ակտը ձևակերպվելուց հետո շինարարական աշխատանքները` ցանկը կցվում է, կատարվում են նոր սեփականատիրոջ կողմից, ընդ որում, բազմաբնակարան բնակելի շենքերի ընդհանուր օգտագործման տարածքների շինարարական աշխատանքները, փոստային բաժանորդային պահարանների տեղադրումն ու ինժեներատեխնոլոգիական սարքավորումների մոնտաժման և գործարկման աշխատանքները պարտադիր պետք է իրականացվեն ամբողջությամբ:

(20-րդ կետը փոփ. 03.03.11 N 257-Ն)

21. Ավարտված շինարարության շահագործումը փաստագրելու նպատակով կառուցապատողը դիմում է իրավասու մարմնին` շահագործման ակտի ձևակերպման համար:

Դիմումին կցվում են`

ա) ընդունող հանձնաժողովի ակտը կամ երկկողմանի ակտը.

բ) երկկողմանի ակտի դեպքում` տարածքային բաժնի, շահագրգիռ պետական մարմինների և շահագործող կազմակերպությունների դրական եզրակացությունները.

գ) կատարողական փաստաթղթերի ցանկը.

դ) ակտի ձևակերպման համար «Տեղական տուրքերի և վճարների մասին» Հայաստանի Հանրապետության օրենքով սահմանված կարգով վճարի մուծումը հավաստող անդորրագիրը:

22. Իրավասու մարմինը ներկայացված փաստաթղթերի հիման վրա ձևակերպում է շահագործման ակտը՝ դիմումն ստանալու օրվանից`

1) Հայաստանի Հանրապետության օրենսդրությամբ II և III ռիսկայնության աստիճանների (կատեգորիաների) դասակարգում ունեցող օբյեկտների համար` եռօրյա ժամկետում.

2) Հայաստանի Հանրապետության օրենսդրությամբ IV և V ռիսկայնության աստիճանների (կատեգորիաների) դասակարգում ունեցող օբյեկտների համար` 5-օրյա ժամկետում:

(22-րդ կետը խմբ. 03.03.11 N 257-Ն)

22.1. Դիմումի մերժման դեպքում իրավասու մարմինը սույն կարգի 22-րդ կետով սահմանված ժամկետներում գրավոր պատասխանում է դիմողին` նշելով մերժման պատճառները, ընդ որում, մերժումը կարող է պատճառաբանվել միմիայն սույն կարգի 21-րդ կետի պահանջներին չհամապատասխանելու հիմքով:

(22.1 կետը լրաց. 03.03.11 N 257-Ն)

23. Իրավասու մարմնի առաջադրած պահանջները բավարարվելու դեպքում շահագործման ակտը ձևակերպվում է կառուցապատողի կրկնակի դիմումը տալու օրվանից եռօրյա ժամկետում:

24. Շահագործման ակտը կազմվում է 4 օրինակից, որոնցից մեկը մնում է իրավասու մարմնի մոտ, մեկական օրինակ տրվում է կառուցապատողին, կապալառուին և Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի համապատասխան տարածքային մարմնին:

25. Համայնքի ղեկավարըշինարարության շահագործման ակտը ձևակերպելուց հետո եռօրյա ժամկետում դրա մասին ծանուցում է համապատասխան մարզպետին և տեսչության տարածքային բաժնին` կցելով շահագործման ակտի պատճենը:

(25-րդ կետը փոփ. 09.04.09 N 359-Ն)

26.  Սույն կարգով սահմանված ժամկետները հաշվարկվում են աշխատանքային օրերով:

(26-րդ կետը փոփ. 09.04.09 N 359-Ն, խմբ. 03.03.11 N 257-Ն)

27. Շահագործման ակտը հիմք է հանդիսանում կառուցված օբյեկտի նկատմամբ գույքային իրավունքների գրանցման կամ Հայաստանի Հանրապետության օրենսդրությամբ նախատեսված դեպքերում` տվյալ օբյեկտի շահագործման իրավունքի ամրագրված սահմանափակումը դադարեցնելու համար:

28. Ավարտված շինարարական օբյեկտի շահագործումն իրականացվում է գործող նորմատիվատեխնիկական փաստաթղթերի պարտադիր պահանջներին համապատասխան:

Ձև 1

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

Ա Կ Տ

ՇԻՆԱՐԱՐՈՒԹՅԱՆ ՇԱՀԱԳՈՐԾՄԱՆ ՓԱՍՏԱԳՐՄԱՆ

N ____ ____ __________ 200  թ.

Կառուցապատող ______________________________________ կողմից կառուցված,

(իրավաբանական անձի անվանումը, ֆիզիկական անձի անունը, ազգանունը)

որը գտնվում է ____________________________________________________

______________________________________________________________

(օբյեկտի անվանումը և տեղադրությունը)

համարվում է ավարտված և պատրաստ է շահագործման, որի`

ա) նախագծային փաստաթղթերը մշակվել են __________________________________

անհատ ձեռնարկատիրոջ անունը, ազգանունը)

_________________________________________________________ կողմից.

բ) շինարարությունն սկսվել է ___________________________________________

(շինարարության թույլտվություն տվող մարմնի անվանումը)

_________________________________________________________ կողմից

տրված ____ _______ 200  թ. N ____ շինարարության թույլտվության համաձայն.

գ) շինարարությունն իրականացվել է __________________________________ կողմից

(գլխավոր կապալառուի անվանումը)

______________________________________________________________

դ) օբյեկտի հիմնական ցուցանիշներն են` _____________________________________

______________________________________________________________

_______________________________________________________________

ե) հատուկ պայմանները ________________________________________________

________________________________________________________________

________________________________________________________________

ՀԻՄՔԵՐ`

ա) կառուցապատողի դիմումը ____ ________ 200  թ.

բ) ընդունող հանձնաժողովի ակտը ____ ________ 200  թ.

կամ

երկկողմանի ակտը` քաղաքաշինական պետական տեսչության տարածքային բաժնի, շահագրգիռ պետական մարմինների և շահագործող կազմակերպությունների դրական եզրակացություններով.

գ) կատարողական փաստաթղթերի ցանկը _________ թերթ

Հայաuտանի Հանրապետության մարզպետ, համայնքի ղեկավար

Ձև 2

Ա Կ Տ

ԱՎԱՐՏՎԱԾ ՇԻՆԱՐԱՐԱԿԱՆ ՕԲՅԵԿՏԸ ՇԱՀԱԳՈՐԾՄԱՆ ԸՆԴՈՒՆՈՂ ՀԱՆՁՆԱԺՈՂՈՎԻ

Ընդունող հանձնաժողովը կազմավորված է __________________________________

(հրամանով, հանձնարարականով, որոշմամբ)

_________________________________________________________ կողմից

(կառուցապատողի անվանումը (անունը, ազգանունը)

_____ _________ 200  թ., հետևյալ կազմով`

Նախագահ` կառուցապատող (ներկայացուցիչ) ______________________________________________________________

(անունը, ազգանունը, պաշտոնը)

Հանձնաժողովի անդամներ` ներկայացուցիչներ`

Գլխավոր կապալառու _________________________________________________

(անվանումը)

_______________________________________________________________

(անունը, ազգանունը, պաշտոնը)

Ենթակապալառու կազմակերպություն _______________________________________

(անվանումը)

_______________________________________________________________

(անունը, ազգանունը, պաշտոնը)

Շահագործող կազմակերպություններ

1. ______________________________________________________________

(անվանումը, պաշտոնը, անունը, ազգանունը)

2. ______________________________________________________________

(անվանումը, պաշտոնը, անունը, ազգանունը)

3. ______________________________________________________________

(անվանումը, պաշտոնը, անունը, ազգանունը)

Վերահսկող կազմակերպություններ`

1. _______________________________________________________________

(անվանումը, պաշտոնը, անունը, ազգանունը)

2. _______________________________________________________________

(անվանումը, պաշտոնը, անունը, ազգանունը)

3. _______________________________________________________________

(անվանումը, պաշտոնը, անունը, ազգանունը)

Այլ շահագրգիռ կազմակերպություններ`

1. _______________________________________________________________

(անվանումը, պաշտոնը, անունը, ազգանունը)

2. _______________________________________________________________

(անվանումը, պաշտոնը, անունը, ազգանունը)

3. _______________________________________________________________

(անվանումը, պաշտոնը, անունը, ազգանունը)

Հեղինակային հսկողություն իրականացնող ______________________________________

(անվանումը, պաշտոնը, անունը, ազգանունը)

_________________________________________________________________

Տեխնիկական հսկողություն իրականացնող ______________________________________

(անվանումը, պաշտոնը, անունը, ազգանունը)

_________________________________________________________________

Հանձնաժողովն արձանագրեց, որ`

1. Գլխավոր կապալառու` ____________________________________________ կողմից

(անվանումը)

շահագործման ընդունմանն է ներկայացված շինարարական աշխատանքներն ավարտված _________________________________________________________________

(օբյեկտի անվանումը, շինարարական կապալի պայմանագրի N)

2. Շինարարական աշխատանքներն սկսված են համաձայն _____________________________

_______________________________________________________ կողմից տրված

(շինարարության թույլտվություն տվող մարմնի անվանումը)

_____ ________ 200  թ. N _______ շինարարության թույլտվության

3. Շինարարությունն իրականացված է _________________________________________

_________________________________________________________________

(գլխավոր կապալառուի անվանումը, շինարարական կապալի պայմանագրի N)

____________________________________________________________ կողմից

4. Շինարարության իրականացման ժամկետը`

աշխատանքների սկիզբը _______________________________

(ամիսը, ամսաթիվը, տարեթիվը)

աշխատանքների ավարտը ______________________________

(ամիսը, ամսաթիվը, տարեթիվը)

Շինարարության տևողությունը`

նախատեսված` ______________________

(ամիսներով)

փաստացի` ________________________

(ամիսներով)

5. Օբյեկտի հիմնական ցուցանիշներն են` ______________________________________

(համաձայն հաստատված նախագծային փաստաթղթերի)

________________________________________________________________

________________________________________________________________

6. Ընդունող հանձնաժողովին տրամադրված են հետևյալ փաստաթղթերը`

շինարարության թույլտվությունը _____________________________________

հաստատված նախագծային փաստաթղթերը _______________________________

կատարողական փաստաթղթերը ______________________________________

(սույն կարգի 6-րդ կետով նախատեսված կազմով)

ՀԱՆՁՆԱԺՈՂՈՎԻ ՈՐՈՇՈՒՄԸ

Շահագործման ընդունմանը ներկայացված ________________________________

(օբյեկտի անվանումը)

Հանձնաժողովի նախագահ ______________________________________

(անունը, ազգանունը, ստորագրությունը)

Հանձնաժողովի անդամներ _____________________________________

(անունը, ազգանունը, ստորագրությունը)

______________________________________

______________________________________

______________________________________

Ց Ա Ն Կ

ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ, ՈՐՈՆՔ ԿԱՐՈՂ ԵՆ ՉԻՐԱԿԱՆԱՑՎԵԼ` ՀԱՄԱՁԱՅՆ ՍՈՒՅՆ ԿԱՐԳԻ 20-ՐԴ ԿԵՏԻ

Ներբնակարանային և ներկառուցված ոչ բնակելի տարածքների ներքին սենքերի`

ա) դռների և լուսամուտագոգերի տեղադրում.

բ) ներքին հարդարման աշխատանքներ` ներառյալ հատակների ծածկույթի (մանրահատակ, կերամիկական սալիկներ, լինոլեում և այլն), սվաղի, պատերի երեսապատման (կերամիկական սալիկներ, պաստառներ և այլն) և ներկման աշխատանքներ.

գ) ջրմուղ-կոյուղու ցանցի իրականացում` սանտեխսարքավորումների տեղադրմամբ.

դ) էլեկտրագծերի ցանցի իրականացում` վարդակների, սարքերի և սարքավորումների տեղադրմամբ.

ե) հեռուստակապի համակարգի, հեռախոսակապի, ռադիոկապի տեղադրում.

զ) ծխահրդեհային տեղեկացման ավտոնոմ սարքերի տեղադրում.

է) ներկառուցված կահույքի իրականացում: